ཀྲུང་ཧྭ་མི་རིགས་ཐུན་མོང་བསམ་པའི་ཁྱིམ་གཞིས་འཛུགས་སྐྲུན་བརྗོད་བྱ་གཙོ་བོའི་རིག་གནས་བྱེད་སྒོ་ལས་ཡུན་ནན་གྱི་ལེའུ་ཞེས་པ་རྒྱལ་ཐང་གྲོང་རྡལ་མི་རིགས་མཐུན་སྒྲིལ་གྲོང་ཚོའི་ལུས་རྩལ་འགྲན་ཚོགས་ཀྱི་བྱེད་སྒོར་ལྟ་སྐོར་བྱེད།

    ཟླ་5ཚེས་29ཉིན་གྱི་ཕྱི་དྲོ། སེམས་ཀྱི་ཉི་ཟླ་གྲོང་ཁྱེར་རྒྱལ་ཐང་གྲོང་རྡལ་གྱིས“མཐུན་སྒྲིལ་མདུན་སྐྱོད་ཀྱི་ལམ་བུ་གསར་པ། བློ་སེམས་གཅིག་གིས་ཀྲུང་གོའི་ཕུགས་འདུན་བསྐྲུན་”ཞེས་པའི་2024ལོའི་མི་རིགས་མཐུན་སྒྲིལ་གྲོང་ཚོའི་ལུས་རྩལ་འགྲན་ཚོགས་འགོ་ཚུགས་པ་རེད། “ཀྲུང་ཧྭ་མི་རིགས་ལ་ཐུན་མོང་གི་བསམ་པའི་ཁྱིམ་གཞིས་འཛུགས་སྐྲུན་བྱེད་པའི་བརྗོད་བྱ་གཙོ་བོའི་རིག་གནས་བྱེད་སྒོ་▁ཡུན་ནན་ལེའུ”ལ་ཞུགས་མཁན་ཞིང་ཆེན་ཁག་（རང་སྐྱོང་ལྗོངས་དང་གྲོང་ཁྱེར）མི་རིགས་ལས་དོན་སྡེ་ཚན་གྱི་འབྲེལ་ཡོད་འགན་འཁུར་བས་གྲོང་ཚོའི་ལུས་རྩལ་འགྲན་ཚོགས་ལ་གཟིགས་ཞིབ་གནང་བ་རེད།
    མི་རིགས་མཐུན་སྒྲིལ་རིག་གནས་སྤེལ་རེས་ཁུལ་དུ་གུར་དཀར་པོ་རེ་རེ་སྔོ་ལྗང་གི་སྤང་ཐང་ཐོག་མངོན་གསལ་དོད་པོས་མངོན་གྱི་ཡོད། མི་རིགས་རྟ་རྒྱུག་ཁུལ་དུ《སྤྲོ་སྐྱིད་ལྡན་པའི་ཤམ་བྷ་》ཞེས་པའི་རོལ་དབྱངས་གྲགས་པ་དང་བསྟུན་ནས་རྟ་གོང་ནས་ལྡོག་ལངས་བྱས་པ་དང་། རྟ་རྒྱུག་ནས་ཁ་བཏགས་བླངས་པ། རྟ་ཐོག་མདའ་འཕེན་སོགས་དམངས་ཀྱིས་དགའ་བསུ་ཐོབ་པ་དང་མི་རིགས་ཀྱི་རིག་གནས་འཚོ་བ་མཚོན་པའི་བྱེད་སྒོ་སྣ་ཚོགས་སྤེལ་བ་རེད།

“མི་རིགས་མཐུན་སྒྲིལ་གྲོང་ཚོའི་ལུས་རྩལ་འགྲན་ཚོགས་ནི་ང་ཚོའི་སྲོལ་རྒྱུན་རིག་གནས་རྒྱུན་འཛིན་དང་དར་སྤེལ་བྱས་པ་ཞིག་ཡིན་པ་མ་ཟད། རང་ཁུལ་མི་རིགས་ཁག་གི་མང་ཚོགས་མཐུན་སྒྲིལ་ཡར་ཐོན་དང་འཆམ་མཐུན་མཉམ་གནས་ཀྱི་གསོན་ཉམས་ལྡན་པའི་འགྲེལ་བཤད་ཀྱང་ཡིན། དུས་ཆེན་དེའི་ནང་ང་ཚོས་མི་སེམས་འགུལ་བའི་རྟ་རྒྱུག་འགྲན་བསྡུར་ལ་རོལ་མྱོང་ཐུབ་པ་མ་ཟད། མཐུན་སྒྲིལ་བློ་རྩ་གཅིག་སྒྲིལ་དང་ཧུར་བརྩོན་ཡར་ཐོན་གྱི་བསམ་པའི་ཉམས་འགྱུར་དང་དེ་བཞིན་མི་རིགས་ཁག་དབར་གྱི་མཛའ་གྲོགས་ཟབ་མོ་ཡང་ཚོར་ཐུབ”ཅེས་རྒྱལ་ཐང་གྲོང་རྡལ་གྱི་འགོ་འཛིན་གཞོན་པ་སྒྲོལ་མ་ལྷ་མཚོས་བཤད།
    ཝུན་ཧྲན་ཁུལ་མི་རིགས་ཆོས་ལུགས་ཨུ་ལྷན་གྱི་ཀྲུའུ་རེན་ལི་དབྱང་ཁྲེང་གིས་ད་ཐེངས་ཀྱི་བྱེད་སྒོའི་ནང་རིགས་པའི་གཞུང་ལུགས་སྒྲོག་འགྲེམས་དང་། རིག་རྩལ་འཁྲབ་སྟོན། ལུས་རྩལ་འགྲན་བསྡུར། དམངས་སྲོལ་བྱེད་སྒོ་བཅས་ཚང་མས་ཀྲུང་ཧྭ་མི་རིགས་ལ་ཐུན་མོང་གི་བསམ་པའི་ཁྱིམ་གཞིས་ཞེས་པའི་ནང་དོན་མངོན་ཡོད་ལ་ཝུན་ཧྲན་ཁུལ་ཡིས་ཀྲུང་ཧྭ་མི་རིགས་ལ་ཐུན་མོང་གི་བསམ་པའི་ཁྱིམ་གཞིས་སྐྲུན་རྒྱུར་དཔྱད་གཞི་མཁོ་འདོན་བྱས་ཡོད།
    ཉེ་བའི་ལོ་ཤས་རིང་རྒྱལ་ཐང་གྲོང་རྡལ་ཏང་ཨུད་དང་སྲིད་གཞུང་གིས་ཐོག་མཐའ་བར་གསུམ་དུ་ཀྲུང་ཧྭ་མི་རིགས་ཀྱི་ཐུན་མོང་སྒྲིག་གཞིའི་འདུ་ཤེས་སྲ་བརྟན་དུ་གཏོང་རྒྱུ་གཙོ་རྐང་དུ་བྱས་ནས“ཀྲུང་ཧྭ་མི་རིགས་ཁྱིམ་ཚང་གཅིག་སེམས་གཅིག་གིས་ཀྲུང་གོའི་ཕུགས་འདུན་སྐྲུན་པའི”རྣམ་པ་བཟང་པོ་རྒྱུན་ཆད་མེད་པར་སྲ་བརྟན་དང་འཕེལ་རྒྱས་བཏང་ཡོད། རྒྱལ་ཐང་གྲོང་རྡལ་ཅིན་ལུང་སྡེ་ཁུལ་དང་བྱང་སྒོ་སྡེ་ཁུལ་ལ་སྔ་རྗེས་སུ་ཡུན་ནན་ཞིང་ཆེན་མི་རིགས་མཐུན་སྒྲིལ་དཔེ་སྟོན་སྡེ་ཁུལ་གྱི་མཚན་སྙན་ཐོབ་པ་དང་། བཅིངས་འགྲོལ་གྲོང་ཚོ་དང་། ཚང་ཧྥང་སྡེ་ཁུལ། རྒྱལ་ཐང་སྡེ་ཁུལ་བཅས་ལ་ཁུལ་རིམ་པའི་མི་རིགས་མཐུན་སྒྲིལ་དཔེ་སྟོན་གྲོང་ཚོ་དང་སྡེ་ཁུལ་གྱི་མཚན་སྙན་ཐོབ་པ་རེད།