བདེ་ཆེན་གྱི་ཁྱད་ལྡན་ཐོན་རྫས་100ལྷག་ཨེ་ཤེ་ཡ་ལྷོ་མའི་དངོས་མང་སྟོན་ཚོགས་སུ་ཞུགས།

རྩོམ་པ་པོ།     ཡིག་བསྒྱུར།       དུས་ཚོད།   2024-07-24   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་7ཚེས་23ཉིན། སྐབས་8པའི་ཀྲུང་གོ—ཨེ་ཤེ་ཡ་ལྷོ་མའི་དངོས་མང་སྟོན་ཚོགས་དང་སྐབས་28་པའི་ཀྲུང་གོའི་ཁུན་མིང་ཕྱིར་གཏོང་ནང་འདྲེན་ཚོང་ཟོག་ཚོང་འདུས་དེ་ཁུན་མིང་ཏེན་ཁྲི་རྒྱལ་སྤྱིའི་འགྲེམས་ཚོགས་ལྟེ་གནས་སུ་འགོ་ཚུགས་ཤིང་།རང་ཁུལ་གྱི་ལས་ཁུངས་དང་ཁེ་ལས་20ལྷག་གིས་ཁྱད་ལྡན་ཐོན་རྫས་100ལྷག་ཁྱེར་ནས་ཚོགས་འདུའི་སྟེང་དུ་ཞུགས་པ་རེད།

    རྒྱུས་ལོན་བྱུང་བ་ལྟར་ན།ཐེངས་འདིའི་ཨེ་ཤེ་ཡ་ལྷོ་མའི་དངོས་མང་སྟོན་ཚོགས་ནི་མཐུན་སྒྲིལ་རོགས་ལས་དང་འཕེལ་རྒྱས་ཀྱི་ཇུས་གཞི་མཉམ་འགོད་ཅེས་པ་བརྗོད་གཞི་བྱས་ནས།དུས་ཡུན་ཉིན་6རིང་སྤེལ་རྒྱུ་ཡིན་ལ།ཁྱོན་འགྲེམས་ཁང་15བཙུགས་པ་དང་འགྲེམས་སྟོན་རྒྱ་ཁྱོན་སྨི་གྲུ་བཞི་མ་ཁྲི་15ཟིན་པ་རེད།རང་ཁུལ་གྱི་འགྲེམས་ཞུགས་འགྲེམས་ཁང་ནི་སྨན་བཅོས་ཁམས་གསོ་ཁང་དང་།རིག་གནས་ཡུལ་སྐོར་ལུས་རྩལ་ཁང་།དེང་རབས་ཞིང་ལས་ཁང་བཅས་ཡིན་པ་དང་།ཁུལ་བོད་སྨན་ཁང་དང་། ཁུལ་ཡུལ་སྐོར་ཚོགས་པ།སེམས་ཀྱི་ཉི་ཟླའི་ཨ་རག་ལས་རིགས་མ་རྐང་ཚད་ཡོད་ཀུང་སི་སོགས་ཚན་པ་དང་ཁེ་ལས་20་ཙམ་གྱིས་འགྲེམས་ཞུགས་སྐུ་མགྲོན་དང་མང་ཚོགས་ལ་བདེ་ཆེན་ས་མཐོའི་ཁྱད་ལྡན་ཟས་མཆོག་དང་།རིག་གནས།སྲོལ་རྒྱུན་ལག་རྩལ་བཅས་འགྲེམས་སྟོན་བྱས་ནས།སྐུ་མགྲོན་ཚོས་འཛམ་གླིང་གི་“སེམས་ཀྱི་ཉི་ཟླ”་དང་བར་ཐག་མེད་པར་འབྲེལ་གཏུག་ཐེངས་གཅིག་བྱས་པ་རེད།

    འགོ་ཚུགས་མཛད་སྒོ་མཇུག་འགྲིལ་རྗེས་ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པ་ལིན་ཧའོ་ཡིས་རུ་སྣེ་ཁྲིད་དེ་སྔ་རྗེས་སུ་སྨན་བཅོས་ཁམས་གསོ་ཁང་དང་། རིག་གནས་ཡུལ་སྐོར་ལུས་རྩལ་ཁང་། དེང་རབས་ཞིང་ལས་འགྲེམས་ཁང་བཅས་སུ་སྐོར་ཞིབ་གནང་བར་ཕེབས་ནས་རང་ཁུལ་གྱི་འགྲེམས་ཞུགས་གནས་ཚུལ་མཁྱེན་རྟོགས་ཞིབ་ཕྲ་གནང་བ་དང་འབྲེལ་འགྲེམས་ཞུགས་ཚན་པ་དང་ཁེ་ལས་ཀྱི་འགན་འཁུར་བ་དང་སྤེལ་རེས་དང་གླེང་མོལ་གནང་བ་རེད།

    ཉིན་དེའི་ཕྱི་དྲོ་ཁུལ་ཞིང་ལས་གྲོང་གསེབ་ཅུས་དང་།ཁུལ་རིག་གནས་དང་ཡུལ་སྐོར་ཅུས།ཁུལ་ཚོང་དོན་ཅུས་སོགས་ལས་གྲུབ་པའི་བདེ་ཆེན་ཏང་སྲིད་འཐུས་མི་ཚོགས་པས་ད་དུང་ཨར་ལས་ཚན་རྩལ་ཁང་དང་།བཟོ་སྐྲུན་ལས་རིགས་ཁང་།ལྗང་མདོག་ནུས་ཁུངས་ཁང་སོགས་སུ་ལྟ་སྦྱོང་དང་སྤེལ་རེས་གནང་བ་རེད།

    བདེ་ཆེན་གྱི་“ཡུལ་ཟོག”ལ་ཨེ་ཤེ་ཡ་ལྷོ་མའི་དངོས་མང་སྟོན་ཚོགས་སུ་ཡུལ་སྐོར་བའི་དགའ་བསུ་ཚད་མེད་ཐོབ་པ་རེད།


分享到：QQ空间新浪微博腾讯微博人人网微信