འབའ་ལུང་རྫོང་གི་རྒྱ་ཆེའི་ཏང་ཡོན་ལས་བྱེད་པ་མང་ཚོགས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་བྱས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-07-29   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཀྲུང་གོ་གུང་ཁྲན་ཏང་སྐབས་ཉི་ཤུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་གསུམ་པ་དེ་2024ལོའི་ཟླ་7ཚེས་15ནས་ཚེས་18ཉིན་བར་པེ་ཅིང་དུ་འཚོགས་པ་དང་གྲོས་ཚོགས་ཐོག་གཙོ་གནད་དུ་བསྒྱུར་བཅོས་སྔར་བས་ཁྱོན་ཡོངས་ནས་གཏིང་ཟབ་ཏུ་གཏོང་བ་དང་ཀྲུང་གོའི་རྣམ་པའི་དེང་རབས་ཅན་ལ་སྐུལ་འདེད་གཏོང་རྒྱུའི་གནད་དོན་ལ་ཞིབ་འཇུག་བྱས་པ་དང་། བསྒྱུར་བཅོས་སྔར་བས་ཁྱོན་ཡོངས་ནས་གཏིང་ཟབ་ཏུ་གཏོང་བ་དང་ཀྲུང་གོའི་རྣམ་པའི་དེང་རབས་ཅན་ལ་སྐུལ་འདེད་གཏོང་རྒྱུ་ལ་སྤྱི་ཡོངས་ནས་བཀོད་སྒྲིག་བྱས་པ་རེད།  འབའ་ལུང་རྫོང་གི་མི་རིགས་སོ་སོའི་ལས་བྱེད་པ་དང་མང་ཚོགས་ཚོས་ཚོགས་ཆེན་གྱི་གནས་ཚུལ་གཟབ་རྒྱས་ལ་དོ་ཁུར་ཆེན་པོ་བྱས་པ་དང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་ནན་ཏན་བྱས་པས་སྐུལ་ལྕག་ཟབ་མོ་ཐེབས་པ་དང་འཐབ་འཛིང་གི་བློ་སྟོབས་ཆེར་བསྐྱེད།


        འབའ་ལུང་རྫོང་ཞིང་ལས་གྲོང་གསེབ་ཅུས་ཀྱི་ཅུས་ཀྲང་ཡིའུ་རུའེ་ཚུང་གིས་ང་ཚོས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་ཞིང་ལས་དང་གྲོང་གསེབ་ཁྱབ་ཁོངས་ཀྱི་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་དུས་རབས་ཀྱི་ལས་འགན་ལྕི་པོ་འཁུར་བ་དང་། དཀའ་སྒྲུབ་དངོས་སྒྲུབ་ཀྱི་འགན་འཁུར་སྙིང་སྟོབས་ལ་བརྟེན་ནས་ཞིང་ལས་དང་གྲོང་གསེབ་ཁྱབ་ཁོངས་ཀྱི་སྒྱུར་བཅོས་གཏིང་ཟབ་ཏུ་གཏོང་བའི་འཆར་གཞི་དེ་མཛེས་སྡུག་ལྡན་པའི་དོན་དངོས་སུ་འགྱུར་བ་བྱེད་དགོས་པ་དང་།  སླད་ཕྱིན་'མང་ཚོགས་ཆུང་གྲས་དང་། རྩེར་སོན། སྤུས་དག་'བཅས་གཏོད་རྒྱུ་དམིགས་ཚད་དུ་བྱེད་པ་དང་། ཐོན་ལས་ཀྱི་སྦྲེལ་ཐག་རིང་དུ་གཏོང་རྒྱུ་ལྟེ་བར་བྱས་ཏེ་སྦྲེལ་ཐག་རིང་དུ་གཏོང་བ་དང་། སྦྲེལ་ཐག་སྟོབས་ཆེར་གཏོང་བ་སོགས་ཀྱི་བྱེད་ཐབས་ལག་བསྟར་བྱས་ནས་ཞན་ཆའི་ཐོན་ལས་གསབ་པ་དང་། ས་མཐོའི་ཁྱད་ལྡན་ལེགས་ཆའི་ཐོན་ལས་སྣུར་སྲིང་། སྲོལ་རྒྱུན་ཐོན་ལས་མཐོར་འདེགས། གསར་དར་ཐོན་ལས་འཛུགས་སྐྲུན་བཅས་བྱས་ཏེ་'ཡུལ་ཐོན་ཁྱད་རྫས་'ཀྱི་རྩོམ་ཡིག་ཡག་པོ་བྲིས་ནས་གྲོང་གསེབ་དར་རྒྱས་ཡོང་བར་སྐུལ་འདེད་གཏོང་དགོས་ཞེས་བཤད།



        འབའ་ལུང་རྫོང་ཨུའི་དྲིལ་བསྒྲགས་པུའུ་ཡི་པུའུ་ཀྲང་གཞོན་པ་ཡུས་ཧོང་མེ་ཡིས་རྫོང་ཨུའི་དྲིལ་བསྒྲགས་པུའུ་ཡིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་དྲིལ་བསྒྲགས་ལག་བསྟར་བཅས་བྱ་རྒྱུ་དེ་མིག་སྔ་དང་སླད་ཕྱིན་དུས་སྐབས་ཤིག་རིང་གི་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས་རིགས་པའི་གཞུང་ལུགས་སློབ་སྦྱོང་དང་དྲིལ་བསྒྲགས་འཕྲིན་སྤེལ་སྒྲིག་འཛུགས་ཞིབ་ཚགས་བྱས་ཏེ་ཚང་འཛོམས་གྲོས་ཚོགས་ཀྱི་དགོངས་དོན་མི་སེམས་སུ་ཟུག་རྒྱུར་སྐུལ་འདེད་གཏོང་རྒྱུ་ཡིན་པ་དང་། དེ་དང་ཆབས་ཅིག་ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་དང་ལག་བསྟར་བྱེད་པ་དང་དུས་རབས་གསར་པ་དང་རིག་གནས་ཀྱི་ལས་འགན་གསར་པ་འཁུར་བའི་མཐོ་ཚད་ཐོག་ནས་རིག་གནས་སྒྲིག་སྲོལ་དང་ལམ་སྲོལ་སྒྱུར་བཅོས་གཏིང་ཟབ་ཏུ་གཏོང་བའི་ལས་འགན་ནན་ཏན་ངང་ལེགས་སྒྲུབ་ཡག་པོ་བྱས་ཏེ་སྒྱུར་བཅོས་སྔར་བས་ཁྱོན་ཡོངས་ནས་གཏིང་ཟབ་ཏུ་གཏོང་བ་དང་ཀྲུང་གོའི་རྣམ་པའི་དེང་རབས་ཅན་གྱི་འབའ་ལུང་ལེའུ་ནུས་ཤུགས་ཡོད་རྒུས་རྩོམ་ཆེད་བསམ་པའི་རིག་གནས་ཀྱི་འདེགས་སྐྱོར་ནུས་ལྡན་མཁོ་འདོན་བྱེད་རྒྱུ་ཡིན་ཞེས་བསྟན།



        འབའ་ལུང་རྫོང་ཡུང་ཁྲོན་ཤང་སྲིད་གཞུང་གི་ཏང་སྲིད་གཞུང་ལས་ཁང་གིས་ལས་བྱེད་མི་སྣ་ཝང་ཡན་ཧྲོང་གིས་གཞི་རིམ་གྱི་ཏང་ཡོན་ལས་བྱེད་པ་ཞིག་ཡིན་པ་ཆ་ནས་ང་ཚོ་ནི་རྒྱ་ཆེ་བའི་མི་དམངས་མང་ཚོགས་དང་ཐག་ཉེ་ཤོས་ཀྱི་ཚོགས་སྤྱི་ཞིག་དང་མང་ཚོགས་ཀྱི་'སྒྲ་བརྒྱུད་མདོང་'དང་'མགྲིན་ཚབ་པ་'ཞིག་ཡིན། ངས་ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ནང་སེམས་སུ་ཟུག་པ་དང་ཕྱི་བྱ་སྤྱོད་ཐོག་འཁྱོལ་བ་བྱས་ཏེ་ཐོག་མཐའ་བར་གསུམ་དུ་ལྷག་བསམ་ཟོལ་མེད་ངང་གཞི་རིམ་གྱི་ལས་དོན་ནང་ཞུགས་པ་དང་། བརྩེ་སེམས་ངོ་མ་བཅངས་ནས་མང་ཚོགས་དང་འབྲེལ་གཏུག་སྤེལ་རེས་བྱས་ཏེ་དམངས་ཆེད་ཀྱི་ཐོག་མའི་བསམ་འདུན་ནམ་ཡང་མི་ཉམས་པ་དང་དམངས་ལ་བདེ་སྐྱིད་སྐྲུན་རྒྱུའི་དམ་བཅའ་འཇོག་རྒྱུ་ཡིན་ཞེས་བཤད།



分享到：QQ空间新浪微博腾讯微博人人网微信