ཀྲུང་གུང་ཡུན་ནན་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་ལ་བདེ་ཆེན་ཁུལ་གྱི་ཏང་ཡོན་ལས་བྱེད་པའི་ཁྲོད་ཚུར་སྣང་ལན་ཆ་ཆེན་པོ་བྱུང་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-07-31   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

         ཟླ་7པའི་ཚེས་29ཉིན།   ཀྲུང་གུང་ཡུན་ནན་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པ་ཁུན་མིང་དུ་འཚོགས་ཤིང་།  བདེ་ཆེན་ཁུལ་གྱི་ཏང་ཡོན་ལས་བྱེད་པས་དུས་ཐོག་ཏུ་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་ནན་ཏན་བྱས་པ་དང་འབྲེལ་ཚུར་སྣང་ལན་ཆ་ཆེན་པོ་བྱུང་བ་རེད། ཚང་མས་ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སློབ་སྦྱོང་དང་དོན་འཁྱོལ་གཏིང་ཟབ་གཏོང་རྒྱུ་དང་། ཕྱོགས་ཡོངས་ནས་སྒྱུར་བཅོས་སྔར་བས་གཏིང་ཟབ་ཏུ་གཏོང་རྒྱུ་སྒུལ་ཤུགས་སུ་བྱས་ཏེ་སེམས་ནུས་གཅིག་སྒྲིལ་དང་འབད་འབུངས་ཡར་བརྩོན་གྱིས་ཚང་འཛོམས་གྲོས་ཚོགས་ཀྱི་བཀོད་སྒྲིག་གལ་ཆེན་དེ་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཕན་འབྲས་དངོས་སུ་ཏན་ཏིག་འགྱུར་བ་བྱས་ནས་ཀྲུང་གོའི་ལུགས་ཀྱི་དེང་རབས་ཅན་གྱི་བདེ་ཆེན་ལག་ལེན་གྱི་ལེ་ཚན་གསར་པ་ནུས་ཤུགས་ཡོད་རྒུས་རྩོམ་རྒྱུ་ཡིན་ཞེས་བསྟན་པ་རེད།

        བདེ་ཆེན་ཁུལ་མི་རིགས་ཆོས་ལུགས་ཨུ་ལྷན་གྱི་ཏང་ཙུའུ་ཧྲུའུ་ཅི། ཀྲུའུ་རེན་ཝང་ཀུའོ་ཧྭ་ཡིས་ མི་རིགས་ཆོས་ལུགས་ཨུ་ལྷན་གྱིས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོར་འཛུགས་རྒྱུ་དེ་དུས་རབས་གསར་པའི་ཏང་གི་མི་རིགས་ལས་དོན་དང་མི་རིགས་ས་ཁུལ་གྱི་ལས་དོན་ཁག་གི་གཙོ་ཐིག་ཏུ་བརྩི་རྒྱུ་མཐའ་འཁྱོངས་བྱེད་དེ་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་ཚད་གཞི་འཛུགས་སྐྲུན་རྒྱུན་མཐུད་ངང་སྐུལ་འདེད་གཏོང་རྒྱུ་ཡིན་ཞེས་བཤད།

        བདེ་ཆེན་ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་ལེན་ཅུས་ཀྱི་ཏང་ཙུའུ་ཧྲུའུ་ཅི། ཅུས་ཀྲང་དབྱང་ཏེ་ཧྲོའུ་ཡིས་བདེ་ཆེན་ཁུལ་མི་ཤུགས་ཐོན་ཁུངས་དང་སྤྱི་ཚོགས་འགན་ལེན་ཅུས་ཀྱིས་ཚང་འཛོངས་གྲོས་ཚོགས་ཀྱི་དགོངས་དོན་ལ་གོ་བ་གཏིང་ཟབ་ལེན་རྒྱུ་ཡིན་པ་དང་།  གཟེར་འདེབས་ཀྱི་སྙིང་སྟོབས་ལ་བརྟེན་ནས་སྒྱུར་བཅོས་ཀྱི་ལས་འགན་ཁག་དོན་འཁྱོལ་བྱ་རྒྱུར་དམ་འཛིན་ཡག་པོ་བྱེད་པ་དང་ཞིང་པའི་འབབ་འཕར་ལ་སྐུལ་འདེད་གཏོང་རྒྱུར་དམིགས་ནས་ལས་ཞུགས་ལས་དོན་ལ་དམ་འཛིན་ཏན་ཏིག་བྱ་རྒྱུ།  གྲོང་གསེབ་ཀྱི་སྤྱི་ཕན་རང་བཞིན་གྱི་ལས་གནས་གསར་སྤེལ་དང་། ངལ་ལས་ཀྱི་སྤུས་རྟགས་སྐྱེད་སྲིང་། ཉིན་གླའི་ཚོང་ར་གཏོད་པ། རོགས་སྐྱོར་འཁོར་ཁང་གིས་ལས་ཞུགས་བསྡུ་ལེན་སོགས་ཀྱི་བྱེད་ཐབས་སྤྱད་དེ་ཐབས་ལམ་མང་པོར་བརྟེན་ནས་ས་གནས་དེ་ག་དང་ཐག་ཉེ་སར་ལས་ཞུགས་ལས་གནས་སྔོག་འདོན་དང་། གྲོང་གསེབ་ཀྱི་ཡོང་འབབ་དམའ་བའི་ངལ་རྩོལ་ནུས་ཤུགས་དང་དབུལ་སྒྲོལ་ངལ་རྩོལ་ནུས་ཤུགས་སོགས་དཀའ་ངལ་ཡོད་པའི་ཚོགས་སྤྱིར་ས་གནས་དེ་ག་དང་ཐག་ཉེ་སར་ལས་ཀ་བྱེད་རོགས་བྱས་ནས་ལས་ཞུགས་འབབ་འཕར་ཡོང་བ་བྱས་ཏེ་གཏན་འབེབས་རང་བཞིན་གྱི་དབུལ་ཕོངས་བསྐྱར་ལོག་མི་ཡོང་བའི་མ་མཐའི་མཚམས་ཐིག་མཐའ་གཅིག་ཏུ་སྲུང་རྒྱུ་ཡིན་ཞེས་བསྟན།

        བདེ་ཆེན་ཁུལ་སྣོད་བཅུད་ཁོར་ཡུག་ཅུས་ཀྱི་ཏང་ཙུའུ་ཡི་ཁོངས་མི། ཅུས་ཀྲང་གཞོན་པ་ཧོ་ཞུའེ་སུང་གིས་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་ཐོག་ཕྱོགས་ཡོངས་ནས་དུས་རབས་གསར་པའི་ཡུན་ནན་གྱི་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་བཏང་བར་ཐོབ་པའི་ལོ་རྒྱུས་རང་བཞིན་གྱི་གྲུབ་འབྲས་ལ་ཕྱོགས་སྡོམ་བྱས་ཏེ་ང་ཚོར་ཕྱིན་ཆད་ཀྱི་ལས་ཀའི་དམིགས་འབེན་དང་། ཁ་ཕྱོགས། ཐབས་ལམ་བཅས་གསལ་པོར་བསྟན་ཡོད། གོམ་སྟབས་རྗེས་མར་ཁུལ་ཡོངས་ཀྱི་སྣོད་བཅུད་ཁོར་ཡུག་ཁོངས་གཏོགས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་ཞིང་ཆེན་སྣོད་བཅུད་ཁོར་ཡུག་ཐིང་དང་ཁུལ་ཨུ་དང་ཁུལ་སྲིད་གཞུང་གི་ལས་དོན་བཀོད་སྒྲིག་དོན་འཁྱོལ་ནན་ཏན་བྱས་ནས་སྣོད་བཅུད་ཤེས་དཔལ་སྒྲིག་སྲོལ་སྒྱུར་བཅོས་རྒྱུན་ཆད་མེད་པར་གཏིང་ཟབ་ཏུ་གཏོང་རྒྱུ་ཡིན་པ་དང་། ཡུན་ནན་ནུབ་བྱང་གི་སྣོད་བཅུད་བདེ་འཇགས་སྲུང་ཡོལ་དེ་བས་བརྟན་དུ་བཏང་ནས་སྣོད་བཅུད་ཤེས་དཔལ་འཛུགས་སྐྱོང་གི་རུ་སྣེ་འཁྲིད་མཁན་བརྩོན་ལེན་བྱེད་པའི་ཐད་ཚད་བརྒལ་གསར་པ་ཡོང་བ་བྱ་རྒྱུ་ཡིན་ཞེས་བཤད།

        བདེ་ཆེན་ཁུལ་རིག་གནས་དང་ཡུལ་སྐོར་ཅུས་ཀྱི་ཅུས་ཀྲང་གཞོན་པ་ཀྲེང་རོང་གིས་གནས་བབ་གསར་པ་དང་། ལས་འགན་གསར་པ། བླང་བྱ་གསར་པ་བཅས་ཀྱི་མདུན་དུ། བདེ་ཆེན་ཁུལ་རིག་གནས་དང་ཡུལ་སྐོར་ཅུས་ཀྱིས་ཚང་འཛོམས་གྲོས་ཚོགས་ཀྱི་དགོངས་དོན་མཛུབ་ཁྲིད་དུ་བྱས་ཏེ་ཁུལ་ཡོངས་ཀྱི་རིག་གནས་དང་ཡུལ་སྐོར་ཐོན་ལས་འཕེལ་རྒྱས་ཀྱི་དོན་དངོས་དང་ཟུང་འབྲེལ་གྱིས་དེ་བས་དཔའ་ངར་ཆེར་བསྐྱེད་དང་དེ་བས་དངོས་སྒྲུབ་ཀྱི་སྤྱོད་ཚུལ་ཐོག་ནས་རིག་གནས་དང་ཡུལ་སྐོར་ལས་དོན་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་གཏོང་རྒྱུ་ཡིན་པ་དང་།  གོམ་སྟབས་རྗེས་མར་འཛམ་གླིང་གི་"སེམས་ཀྱི་ཉི་ཟླ"འཛུགས་སྐྲུན་བྱ་རྒྱུ་ལྟེ་བར་བྱེད་པ་དང་"བྱ་སྤྱོད་ཆེན་པོ་བཞི་"དམ་འཛིན་བྱ་གཞིར་བྱས་ཏེ་རིག་གནས་ཡུལ་སྐོར་ཐོན་ལས་རིམ་སྤོར་སྒྱུར་བཅོས་གཏིང་ཟབ་ཏུ་གཏོང་རྒྱུར་རྒྱུན་ཆད་མེད་པར་སྐུལ་འདེད་གཏོང་བ་དང་། ས་ཁོངས་ཡོངས་ཀྱི་ཡུལ་སྐོར་དང་ཐོན་རྫས་གསར་གཏོད་དང་། ཚོང་ར་རྒྱ་སྐྱེད། དྲིལ་བསྒྲགས་ཁྱབ་སྤེལ། ཞབས་ཞུ་ལེགས་སྐྲུན། ཁོར་ཡུག་མཐོར་འདེགས་བཅས་ཡོང་བར་སྐུལ་འདེད་བཏང་ནས་ལས་དོན་ཁག་ལ་ཕན་འབྲས་དངོས་ཐོབ་པར་འགན་ལེན་ཏན་ཏིག་བྱ་རྒྱུ་ཞེས་བསྟན་པ་རེད།

        བདེ་ཆེན་ཁུལ་ནགས་ལས་དང་རྩྭ་ཐང་ཅུས་ཀྱི་ཏང་ཨུའི་ཨུ་ཡོན། ཧ་པ་གངས་རི་དོ་དམ་སྲུང་སྐྱོང་ཅུས་ཀྱི་ཅུས་ཀྲང་ཧྲུའུ་ཡུང་ཁྲོན་ཡིས་ནགས་རྩྭ་ཅུས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སློབ་སྦྱོང་དང་ལག་བསྟར་ཡག་པོ་བྱ་རྒྱུ་དེ་མིག་སྔ་དང་ཕྱིན་ཆད་དུས་སྐབས་ཤིག་རིང་གི་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ནས་རང་འགན་གཙང་སྒྲུབ་ཏན་ཏིག་བྱ་རྒྱུ་ཡིན་པ་དང་། སྣོད་བཅུད་ཤེས་དཔལ་མཐོ་སར་འཛུགས་སྐྱོང་བྱ་རྒྱུར་གཞི་ཚུགས་ཏེ་ནུས་ཤུགས་རྒྱུན་མཐུད་འདོན་པ་དང་ཡུན་རིང་འབད་བརྩོན་བྱས་ནས་རྒྱལ་ཁབ་ས་ཆའི་བར་མཐོངས་གསར་སྤེལ་དང་སྲུང་སྐྱོང་གི་རྣམ་པ་གསར་པ་ནུས་ཤུགས་ཡོད་རྒུས་གཏོད་པ་དང་། ལྗང་མདོག་ཕྱོགས་སྒྱུར་འཕེལ་རྒྱས་དང་ཐོན་ཁུངས་གྲོན་ཆུང་དང་ལེགས་བསྡུས་ཞིབ་གཉེར་ངང་བེད་སྤྱོད་བྱ་རྒྱུར་སྐུལ་འདེད་ཧུར་ཐག་བཏང་སྟེ་ནགས་རྩྭ་གཙོ་གནད་ལས་དོན་དོན་འཁྱོལ་དང་ནགས་རྩྭ་ཁྱབ་ཁོངས་ཁྱོན་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་རྒྱུར་གཞི་གཅིག་ཏུ་སྐུལ་འདེད་གཏོང་རྒྱུ་ཡིན་ཞེས་བསྟན།


分享到：QQ空间新浪微博腾讯微博人人网微信