ཁུལ་ཨུས་ཆེད་དོན་ཚོགས་འདུ་འཚོགས་ནས་ཁུལ་ཡོངས་ཀྱིས་སྔར་ལས་ལྷག་པར་ཕྱོགས་ཡོངས་ནས་བསྒྱུར་བཅོས་ཟབ་སྤེལ་གཏོང་བའི་ལས་ཀ་ཞིབ་འཇུག་བྱས།

རྩོམ་པ་པོ།     ཡིག་བསྒྱུར།       དུས་ཚོད།   2024-08-01   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་7པའི་ཚེས་31ཉིན།   ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཆེད་དོན་ཚོགས་འདུ་གཙོ་སྐྱོང་གནང་ཞིང་།ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་གསུམ་པ་དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་དོན་འཁྱོལ་མཐར་ཕྱིན་དང་རང་ཁུལ་གྱི་བསྒྱུར་བཅོས་ཡིག་ཆ་འཆར་ཟིན་འགོད་པའི་འབྲེལ་ཡོད་ལས་ཀ་ཞིབ་འཇུག་བྱས།

        ཚོགས་འདུའི་ཐོག་རང་ཁུལ་གྱིས་《ལག་བསྟར་བསམ་འཆར》འཆར་ཟིན་འགོད་པའི་གནས་ཚུལ་ཉན་པ་དང་།ཁུལ་རིམ་པའི་སྡེ་ཚན་ཁག་གིས་《ཕྱོགས་ཡོངས་ནས་སྒྱུར་བཅོས་སྔར་བས་ཟབ་སྤེལ་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་སྐོར་གྱི་ཀྲུང་གུང་ཀྲུང་དབྱང་གི་ཆོད་དོན་》དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་དོན་འཁྱོལ་མཐར་ཕྱིན་བྱས་ནས།རང་སྡེ་ཚན་དང་རང་ཁྱབ་ཁོངས་ཀྱི་བསྒྱུར་བཅོས་ཐབས་ཇུས་ཡག་པོ་བྱེད་རྒྱུའི་སྐོར་ལ་དམིགས་ནས་སྤེལ་རེས་བྱས་པ་རེད།

        ཚོགས་འདུའི་ཐོག་ནན་བཤད་གནང་དོན། ཁུལ་ཡོངས་རིམ་ཁག་སྡེ་ཚན་ཁག་གིས་ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཀྱི་དགོངས་དོན་དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་སློབ་སྦྱོང་དང་ཁོང་དུ་ཆུད་པར་བྱས་ནས།ཕྱོགས་ཡོངས་ནས་བསྒྱུར་བཅོས་སྔར་བས་ཟབ་སྤེལ་གཏོང་བའི་སྐོར་གྱི་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུའི་ལས་ཀའི་བླང་བྱ་ཕྱོགས་ཡོངས་ནས་ཁོང་དུ་ཡང་དག་ཆུད་པར་བྱེད་པ་དང་།ཕྱོགས་ཡོངས་ནས་བསྒྱུར་བཅོས་སྔར་བས་ཟབ་སྤེལ་གཏོང་བའི་“རྒྱུན་འཁྱོངས་དྲུག”གི་གལ་ཆེའི་རྩ་དོན་བརྩི་སྲུང་ནན་པོ་བྱེད་པ་དང་བསྒྱུར་བཅོས་ཐབས་ཇུས་བཏོན་པའི་ལས་ཀ་དམ་འཛིན་ཏན་ཏིག་བྱེད་དགོས།བདེ་ཆེན་ཁུལ་གྱི་གནས་ཚུལ་དངོས་ལ་རྒྱུས་ལོན་བྱས་པ་དང་གནད་དོན་ཕྱོགས་སྟོན་དང་དམིགས་འབེན་སྣེ་ཁྲིད་རྒྱུན་འཁྱོངས་བྱས་ནས། རང་སྡེ་ཚན་གྱི་ལས་འགན་དང་བསྟུན་ནས་བསྒྱུར་བཅོས་ཐབས་ཇུས་དབྱེ་ཞིབ་ཞིབ་འཇུག་གཏིང་ཟབ་བྱེད་པ། ཁྱབ་ཁོངས་ཁག་གིས་ཕྱོགས་ཡོངས་ནས་བསྒྱུར་བཅོས་ཟབ་སྤེལ་གཏོང་བར་གནས་པའི་ཞན་ཆ་སྟོབས་ཤུགས་གང་ཡོད་ཀྱི་གསབ་སྣོན་བྱེད་དེ།དངོས་ཡོད་གནད་དོན་ཐག་གཅོད་བྱེད་དགོས།ཕྱོགས་ཡོངས་ནས་བསྒྱུར་བཅོས་སྔར་བས་ཟབ་སྤེལ་གཏོང་བའི་ཞིབ་ཕྲའི་ཐབས་ལམ་དང་ཤུགས་རྒྱག་ས་ཡང་དག་པར་འཚོལ་ནས།དམིགས་སའི་རང་བཞིན་དང་དུས་ཆོད་རང་བཞིན་མཐོ་བའི་བསྒྱུར་བཅོས་ཐབས་ཇུས་གཏན་འབེབས་བྱས་དེ་བཏོན་དགོས།སྡེ་ཚན་ཁག་གི་ཏང་ཨུ་（ཏང་ཙུའུ）ཡིས་འགན་འཁྲི་བརྟན་པོར་འཁུར་བ་དང་བྱ་སྤྱོད་མགྱོགས་པོ་བྱས་ནས། དམིགས་ཚད་དང་རེའུ་མིག་རེ་རེ་བཞིན་བསྒྱུར་བཅོས་བྱེད་ཐབས་ལ་ཞིབ་འཇུག་བྱེད་པ་དང་།ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུའི་བླང་བྱ་ཁག་བདེ་ཆེན་དུ་དོན་འཁྱོལ་མཐར་ཕྱིན་བྱེད་ཐུབ་པར་བློ་བརྟན་འགྱུར་མེད་ཀྱིས་སྐུལ་འདེད་གཏོང་དགོས།

        ཚོགས་འདུའི་ཐོག་བླང་བྱ་བཏོན་དོན།སྡེ་ཚན་ཁག་གིས་བསྒྱུར་བཅོས་ལས་འགན་དམ་འཛིན་བྱེད་པ་དང་བསྒྱུར་བཅོས་ལས་ཀའི་སྐུལ་འདེད་ལམ་སྲོལ་སྔར་བས་འཐུས་ཚང་བཏང་ནས་བདེ་ཆེན་གྱིས་སྤུས་ཚད་མཐོན་པོའི་ངང་འཕེལ་རྒྱས་གཏོང་བར་ཤུགས་སྣོན་རྒྱག་དགོས།

        ཁུལ་ཨུའི་འབྲེལ་ཡོད་དྲུང་ཆེན་གཞོན་པ་དང་། ཁུལ་རིམ་པའི་སྡེ་ཚན་ཁག་གི་འགན་འཁུར་བློ་མཐུན་གཙོ་བོ་ཚོགས་འདུར་ཞུགས་ཡོད།


分享到：QQ空间新浪微博腾讯微博人人网微信