ལུའོ་ཁྲའོ་ཧྥེང་གིས་ཀྲུང་གོ་ལྕགས་ལམ་ཅུས་གཉིས་པའི་ཚོགས་པ་ཚད་ཡོད་ཀུང་སིའི་ཏང་ཨུའི་ཧྲུའུ་ཅི་དང་ཏུང་ཧྲི་ཀྲང་ཝང་ཧའེ་ཝང་དང་མཇལ་འཕྲད་གནང་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-01   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

 ཟླ་7ཚེས་31ཉིན་གྱི་ཕྱི་དྲོ། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་འཚམས་འདྲིར་ཕེབས་པའི་ཀྲུང་གོ་ལྕགས་ལམ་ཅུས་གཉིས་པའི་ཚོགས་པ་ཚད་ཡོད་ཀུང་སིའི་ཏང་ཨུའི་ཧྲུའུ་ཅི་ཏུང་ཧྲི་ཀྲང་ཝང་ཧའེ་ཝང་དང་མཇལ་འཛོམས་གནང་ནས་ཕྱོགས་གཉིས་པོས་ཁེ་ལས་དང་ས་གནས་དབར་གྱི་མཉམ་ལས་ལ་ཤུགས་སྣོན་རྒྱག་རྒྱུའི་ཐད་འབྲེལ་འདྲིས་གནང་བ་རེད།

     ལུའོ་ཁྲའོ་ཧྥེང་གིས་ཝང་ཧའེ་ཝང་དང་བཅས་པ་ཕེབས་པར་དགའ་བསུ་ཞུས་པ་རེད།  ལུའོ་ཁྲའོ་ཧྥེང་གིས་ཀྲུང་གོ་ལྕགས་ལམ་ཅུས་གཉིས་པ་དེ་རྒྱལ་ཡོངས་ཀྱི་ལས་གྲྭ་འཛུགས་སྐྲུན་ཁྱབ་ཁོངས་ཀྱི་རྐང་འཛིན་ཁེ་ལས་ཤིག་ཡིན་པའི་ངོས་ནས་རང་ཞིང་ཆེན་དུ་རྣམ་གྲངས་མང་པོའི་འཛུགས་སྐྲུན་ནང་ཞུགས་པ་དང་ཉམས་མྱོང་ཕུན་སུམ་ཚོགས་ལ་སྟོབས་ཤུགས་ཧ་ཅང་ཆེན་པོ་ཡོད།  ལས་གྲྭ་འཛུགས་སྐྲུན་དང་འབྲེལ་ཡོད་མ་འཇོག་ཕུད། ས་གཤིས་གནོད་འཚེ་འགོག་བཅོས་དང་འཕྲལ་སྡོམ་ཉེན་སེལ་སོགས་ཐད་ཁེ་ལས་ལའང་རང་ངོས་ཀྱི་ལག་རྩལ་ལེགས་ཆ་ལྡན་པས་རང་ཁུལ་གྱི་དགོས་མཁོ་དང་མཐུན་ས་མང་པོ་ཡོད།  ཁེ་ལས་འདི་ག་རང་ཁུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་དང་། ས་གཤིས་གནོད་འཚེ་འགོག་བཅོས། འཕྲལ་སྡོམ་ཉེན་སེལ་སོགས་ཀྱི་མཉམ་ལས་ནང་ཧུར་ཐག་ཞུགས་རྒྱུར་དགའ་བསུ་ཞུ་རྒྱུ་ཡིན་ཞེས་བསྟན།  རང་ཁུལ་གྱི་འབྲེལ་ཡོད་སྡེ་ཚན་གྱིས་རྣམ་གྲངས་སྦྲེལ་མཐུད་དང་རྒྱུ་རྐྱེན་གཙོ་བོའི་ཞབས་ཞུའི་འགན་ལེན་ལས་དོན་ཡག་པོ་བསྒྲུབས་ནས་ཁེ་ལས་དང་ས་གནས་གཉིས་འཕེལ་རྒྱས་ཡོང་བ་བྱ་རྒྱུ་ཡིན་ཞེས་གསུངས་ཡོད།  

    ཝང་ཧའེ་ཝང་གིས་ཀྲུང་གོ་ལྕགས་ལམ་ཅུས་གཉིས་པར་མིག་སྔར་ཨར་ལས་དང་། མ་འཇོག་དང་མ་དངུལ་བསྡུ་སྒྲུབ། ས་ཁང་བདག་ཁོངས་བཅས་ཇུས་འགོད་བློ་འདྲི། རྒྱུ་ནོར་གཉེར་སྐྱོད། ཞིབ་དཔྱད་ཚད་ལེན་དང་འབར་གཏོར་ཚད་ལེན་དང་ས་འོག་ལྕགས་ལམ་སྲུང་སྐྱོང་བཅས་ལས་སྒོ་ཆེ་གྲས་བདུན་ཆགས་ཡོད།  ཁེ་ལས་ཀྱིས་བདེ་ཆེན་གྱི་འབྱུང་འགྱུར་འཕེལ་རྒྱས་ཀྱི་མདུན་ལམ་ལ་ཡིད་ཆེས་ཀྱིས་ཁེངས་ནས་འབྲེལ་ཡོད་རྣམ་གྲངས་ནང་ཞུགས་རྒྱུའི་རེ་བ་བྱེད་ཀྱི་ཡོད། ཁེ་ལས་ཀྱིས་རང་ངོས་ཀྱི་ལེགས་ཆ་འདོན་སྤེལ་བྱས་ཏེ་བདེ་ཆེན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་སྟོབས་ཤུགས་ལེགས་སྐྱེས་འབུལ་རྒྱུ་ཡིན་ཞེས་གསུངས་པ་རེད།

 ཁུལ་དཔོན་གཞོན་པ་ལི་ཐའོ་མཇལ་འཕྲད་ཚོགས་འདུའི་ནང་ཞུགས་ཡོད། 


分享到：QQ空间新浪微博腾讯微博人人网微信