ཞིང་ཨུའི་སྐོར་ཞིབ་ཚོགས་ཆུང་བརྒྱད་པས་སེམས་ཀྱི་ཉི་ཟླའི་གྲོང་ཁྱེར་ལ་སྐོར་ཞིབ་བྱས་པའི“ཕྱིར་ལྟའི”ལས་དོན་གྱི་སྐུལ་སློང་ཚོགས་འདུ་འཚོགས་པ།

    ཞིང་ཨུའི་གཅིག་གྱུར་བཀོད་སྒྲིག་གཞིར་བཟུང་ཟླ་8ཚེས་2ཉིན་ཞིང་ཨུའི་སྐོར་ཞིབ་ཚོགས་ཆུང་བརྒྱད་པས་སེམས་ཀྱི་ཉི་ཟླའི་གྲོང་ཁྱེར་ལ་སྐོར་ཞིབ་བྱས་པའི“ཕྱིར་ལྟའི”ལས་དོན་གྱི་སྐུལ་སློང་ཚོགས་འདུ་འཚོགས་པ་རེད།     ཚོགས་འདུའི་ཐོག་ཞིང་ཆེན་ཏང་ཨུའི་ཧྲུའུ་ཅི་ཝང་ཉིང་གི་སྐོར་ཞིབ་ལས་དོན་སྐོར་གྱི་གསུང་བཤད་བླང་བྱ་བརྒྱུད་བསྒྲགས་དང་སློབ་སྦྱོང་བྱས་པ་དང་ཉེ་བའི་ལོ་ཤས་རིང་སྐོར་ཞིབ་ལས་དོན་ལ་འགོག་རྐྱེན་བཟོ་བའི་དཔེ་མཚོན་གནད་དོན་བརྡ་ཁྱབ་བཏང་བ་དང་།     ཞིང་ཨུའི་སྐོར་ཞིབ་ཚོགས་ཆུང་གི་ཙུའུ་ཀྲང་དབྱང་ཏ་ཆིང་གིས་སྐུལ་སློང་གསུང་བཤད་གནང་ནས་སྐོར་ཞིབ་ལས་དོན་ཏན་ཏིག་སྤེལ་རྒྱུའི་བླང་བྱ་བཏོན་པ་དང་།     བདེ་ཆེན་ཁུལ་ཨུའི་རྒྱུན་ལས་ཨུ་ཡོན་ནམ་སེམས་ཉི་ཟླ་གྲོང་ཨུའི་ཧྲུའུ་ཅི་དབྱང་ཙི་ཅང་གིས་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་བ་རེད།    

སེམས་ཉི་ཟླ་གྲོང་ཨུའི་རྒྱུན་ལས་ཨུ་ཡོན་དང་།    གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན།    གྲོང་ཁྱེར་སྲིད་གཞུང་།    གྲོང་ཁྱེར་སྲིད་གྲོས་ཏང་ཙུའུ་འགོ་ཁྲིད་ཚན་པའི་ཁོངས་མི།    གྲོང་ཁྱེར་མི་དམངས་ཁྲིམས་ཁང་དང་གྲོང་ཁྱེར་མི་དམངས་ཞིབ་དཔྱོད་ཁང་གི་ཏང་ཙུའུ་འགན་འཁུར་བ་གཙོ་བོ།    ཞིང་ཆེན་ཨུ་ལྷན་གྱི་སྐོར་ཞིབ་ཚོགས་ཆུང་བརྒྱད་པ་དང་བདེ་ཆེན་ཁུལ་ཨུ་ལྷན་གྱི་རིམ་སྤར་སྐོར་ཞིབ་ཚོགས་ཆུང་གི་འབྲེལ་ཡོད་མི་སྣ་བཅས་ཚོགས་འདུར་ཞུགས་པ་དང་།     སེམས་ཀྱི་ཉི་ཟླའི་གྲོང་ཁྱེར་གྱི་ཁྲུའུ་གཞོན་པ་རིམ་པ་ཡན་གྱི་འགོ་ཁྲིད་ལས་བྱེད་པ་གཞན་དག་དང་།    གྲོང་ཨུ་དང་གྲོང་ཁྱེར་སྲིད་གཞུང་གི་སྡེ་ཚན་ཁག་གི་འགན་འཁུར་བ་གཙོ་བོ།   ཤང་（གྲོང་རྡལ་）ཁག་གི་ཏང་ཨུ་ཧྲུའུ་ཅི་སོགས་ཚོགས་འདུར་ཟུར་ཞུགས་བྱས་ཡོད།    

    དབྱང་ཏ་ཆིང་གིས་སྐོར་ཞིབ་བྱེད་པ་ནི་གོང་རིམ་ཏང་རྩ་འཛུགས་ཀྱིས་འོག་རིམ་ཏང་རྩ་འཛུགས་ཀྱིས་ཏང་གི་འགོ་ཁྲིད་འགན་ནུས་དང་འགན་འཁྲི་སྒྲུབ་པར་ཆབ་སྲིད་ལྟ་སྐུལ་བྱེད་པ་ཞིག་དང་ཏང་གི་རང་ངོས་གསར་བརྗེར་སྐུལ་འདེད་གཏོང་བ་དང་ཕྱོགས་ཡོངས་ནས་ཏང་ནན་སྐྱོང་བྱེད་པའི་འཐབ་ཇུས་རང་བཞིན་གྱི་ལམ་ལུགས་བཀོད་སྒྲིག་ཅིག་རེད།     ཏང་གི་སྐབས་ཉི་ཤུ་པའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་ལེན་མཐར་ཕྱིན་བསྟར་རྒྱུར་སྐུལ་འདེད་གཏོང་བ་དང་ཀྲུང་གོའི་རྣམ་པའི་དེང་རབས་ཅན་གྱི་ཡུན་ནན་ལག་ལེན་ལ་སྐུལ་འདེད་གཏོང་བའི་བྱ་ཐབས་ནུས་ལྡན་ཞིག་དང་།    ཏང་འཛུགས་སྐྱོང་ལ་ཤུགས་སྣོན་རྒྱག་པ་དང་ཏང་གི་འགོ་ཁྲིད་ལ་ཤུགས་སྣོན་རྒྱག་པའི་འགན་ལེན་གལ་ཆེན།    རང་ངོས་གསར་བརྗེའི་སྙིང་སྟོབས་མཐར་ཕྱིན་པ་དར་སྤེལ་དང་ཕྱོགས་ཡོངས་ནས་ཏང་ནན་སྐྱོང་ལ་གཏིང་ཟབ་སྐུལ་འདེད་གཏོང་བའི་དམ་འཛིན་གལ་ཆེན།     སྐོར་ཞིབ་བྱ་ཡུལ་ཏང་རྩ་འཛུགས་དང་ཏང་ཡོན་འགོ་ཁྲིད་ལས་བྱེད་པས་ད་ཐེངས་ཀྱི་སྐོར་ཞིབ་དང་ལེན་བྱེད་པའི“ཕྱིར་ལྟའི”གོ་སྐབས་ཐོབ་དཀའ་བའི་གོ་སྐབས་ལ་གཅེས་སྤྲས་བྱས་ཏེ་སྐོར་ཞིབ་ཚོགས་ཆུང་གི་ལས་དོན་ལ་གཞོགས་འདེགས་ཧུར་ཐག་བྱས་ནས་རང་འགུལ་ངང་གནད་དོན་ལ་ཞིབ་བཤེར་དང་དག་ཐེར་བྱས་ཏེ་ཞིང་ཆེན་ཏང་ཨུས་སྤྲད་པའི་ཆབ་སྲིད་ལས་འགན་ཐུན་མོང་ཐོག་ལེགས་སྒྲུབ་བྱེད་དགོས་པར་བསྟན་ཡོད།   

    དབྱང་ཏ་ཆིང་གིས་སྐོར་ཞིབ་བྱས་པའི“ཕྱིར་ལྟ”སྤེལ་བ་དེ་ནི་ཞིང་ཨུས་སེམས་ཉི་ཟླ་གྲོང་ཨུ་ལ་ཆབ་སྲིད་ཀྱི་ཐུགས་ཁུར་དང་གཅེས་སྐྱོང་བྱས་པ་ཞིག་རེད།     ཏང་ཨུའི་སྐོར་ཞིབ་ཚོགས་ཆུང་གིས་ཏང་གི་སྒྲིག་ཡིག་དང་སྐོར་ཞིབ་ལས་དོན་སྲོལ་ཡིག་སོགས་ཏང་ནང་ཁུལ་གྱི་ཁྲིམས་སྲོལ་ལྟར་བྱ་བ་སྒྲུབ་པ་དང་།    ཏང་གི་སྐོར་ཞིབ་ལས་དོན་གྱི་བྱེད་ཕྱོགས་ཁྱོན་ཡོངས་ནས་ལག་ལེན་མཐར་ཕྱིན་བསྟར་བ།    ཆབ་སྲིད་སྐོར་ཞིབ་ཀྱི་བླང་བྱ་གནད་ལ་འཁེལ་བའི་སྒོ་ནས་དོན་འཁྱོལ་བྱེད་པ།    ཆབ་སྲིད་ཀྱི་འགན་འཁྲི་དག་ཐེར་ཡོ་བསྲང་བྱེད་པར་དམིགས་པ།    རེས་སྐོར་གོང་མའི་ཞིང་ཨུའི་སྐོར་ཞིབ་ཚུར་ལན་སྤྲད་པའི་གནད་དོན་དག་ཐེར་དོན་འཁྱོལ་བྱས་ཚུལ་ལ་གཙོར་དམིགས་ནས་བརྟག་དཔྱད་བྱེད་པ།   ཞིང་ཨུའི་“3815”འཐབ་ཇུས་ཀྱི་འཕེལ་རྒྱས་དམིགས་ཚད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ།  སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ། འཕེལ་རྒྱས་དང་བདེ་འཇགས་གཅིག་གྱུར་འཆར་འགོད་དང་ཉེན་ཁ་ཚབས་ཆེན་སྔོན་འགོག་སེལ་ཚུལ། ཕྱོགས་ཡོངས་ནས་ཏང་ནན་སྐྱོང་གི་འགན་འཁྲི་དོན་འཁྱོལ་དང་ཏང་སྲོལ་སྲིད་དོན་གཙང་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ལ་སྐུལ་འདེད་གཏོང་བ། དུས་རབས་གསར་པའི་ཏང་གི་རྩ་འཛུགས་ལམ་ཕྱོགས་དོན་འཁྱོལ་བྱེད་ཚུལ་བཅས་ལ་དམིགས་པ་ཞིག་རེད།       དུས་མཚུངས་སུ་གོང་འོག་མཉམ་འགུལ་གྱི་རིམ་སྤར་སྐོར་ཞིབ་ཚོགས་ཆུང་ལ་གཅིག་གྱུར་འཆར་འགོད་མཛུབ་ཁྲིད་བྱེད་ཤུགས་ཆེ་རུ་གཏོང་དགོས་ཞེས་བསྟན་ཡོད།    

    དབྱང་ཙི་ཅང་གིས་ཞིང་ཨུས་སེམས་ཀྱི་ཉི་ཟླའི་གྲོང་ཁྱེར་ལ་སྐོར་ཞིབ་བྱས་པའི“ཕྱིར་ལྟ”སྤེལ་བ་དེ་ནི་གྲོང་ཨུའི་འགོ་ཁྲིད་ཚན་པའི“ཆབ་སྲིད་གཟུགས་བཤེར”ཞིག་དང་སེམས་ཀྱི་ཉི་ཟླའི་གྲོང་ཁྱེར་ཡུན་རིང་བདེ་འགོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཤུགས་ཆེན་བཏང་བ་ཞིག་རེད།     ཆབ་སྲིད་ཀྱི་གནས་བབ་མཐོ་རུ་བཏང་ནས་སྐོར་ཞིབ་ལས་དོན་སྐོར་གྱི་　གྱི་རྒྱས་བཤད་གལ་ཆེན་ཁྱོན་ཡོངས་ནས་སློབ་སྦྱོང་གཏིང་ཟབ་དང་གོ་བ་ལེན་པ་བྱས་ཏེ་བསམ་བློ་དང་བྱ་སྤྱོད་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཆེན་ཏང་ཨུའི་ལས་ཀའི་བླང་བྱ་ཐོག་གཅིག་གྱུར་ཏན་ཏིག་བྱ་དགོས།     སྒྲིག་ཁྲིམས་དང་སྒྲིག་ལམ་བརྩི་སྲུང་ནན་པོ་བྱེད་པ་དང་།    ལས་ཀའི་རྣམ་འགྱུར་ཡོ་བསྲང་བྱེད་པ།    དངོས་ཐོག་བདེན་འཚོལ་གྱིས་གནད་དོན་མཚོན་པ།    སྐོར་ཞིབ་ལ་ནུས་ཤུགས་ཡོད་རྒུས་གཞོགས་འདེགས་བྱེད་པ།     སྐོར་ཞིབ་བྱེད་སྐབས་བསྟན་པའི་གནད་དོན་རང་འགུལ་ངང་ངོས་འཛིན་དང་མཐའ་གཅིག་ཏུ་དག་ཐེར་བྱས་ཏེ་གྲུབ་འབྲས་བེད་སྤྱོད་བྱ་རྒྱུར་ཤུགས་སྣོན་བརྒྱབ་སྟེ་སྤུས་ཚད་མཐོ་བའི་དག་ཐེར་གྱི་ཕན་འབྲས་ལ་བརྟེན་ནས་སེམས་ཀྱི་ཉི་ཟླའི་གྲོང་ཁྱེར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་ཞེས་བསྟན་ཡོད།  

    ཞིང་ཨུའི་སྐོར་ཞིབ་ཚོགས་ཆུང་བརྒྱད་པས་སེམས་ཉི་ཟླ་གྲོང་ཁྱེར་དུ་ལས་ཀ་ཟླ་བ་གཉིས་རིང་སྒྲུབ་རྒྱུ་ཡིན་པ་རེད།     སྐོར་ཞིབ་བྱེད་རིང་ཆེད་མངགས་ལས་རེས་ཁ་པར་19808880125དང་སྦྲག་སྲིད་ཆེད་སྤྱོད་ཡིག་སྒམ་ནི་ཡུན་ནན་ཞིང་ཆེན་བདེ་ཆེན་ཁུལ་སེམས་ཉི་ཟླ་གྲོང་ཁྱེར་གྱི་སྦྲག་སྲིད་ཡིག་སྒམ་ཨང་A212ཡིན།     ལས་ཞག་ཉིན་རེར་ཁ་པར་བདག་སྤྲོད་བྱེད་པའི་དུས་ཚོད་ནི།    8:30ནས་18:00བར་ཡིན།     ཡིག་སྐུར་ངོ་གཏུག་བདག་སྤྲོད་བྱེད་པའི་དུས་ཚོད་ནི་2024ལོའི་ཟླ་9ཚེས་25ཉིན་བར་ཡིན།     སྐོར་ཞིབ་ལས་དོན་སྲོལ་ཡིག་གི་གཏན་འབེབས་ལྟར་ན།    ཞིང་ཨུའི་སྐོར་ཞིབ་ཚོགས་ཆུང་བརྒྱད་པས་གཙོ་བོ་སེམས་ཉི་ཟླའི་གྲོང་ཁྱེར་རིམ་པའི་འགོ་ཁྲིད་ཚན་པ་དང་དེའི་ཁོངས་མི་དང་།    རིམ་པ་འོག་མའི་ཏང་རྩ་འཛུགས་ཀྱི་འགན་འཁུར་བ་གཙོ་བོ།    གཙོ་གནད་ལས་གནས་མི་སྣའི་གནད་དོན་མཚོན་པའི་འཕྲིན་ཡིག་དང་གློག་འཕྲིན་འཚམས་འདྲིར་བདག་སྤྲོད་བྱེད་པ་དང་།    གཙོ་གནད་ནི་ཆབ་སྲིད་སྒྲིག་ཁྲིམས་དང་།    རྩ་འཛུགས་སྒྲིག་ཁྲིམས།    སྤྱོད་གཙང་སྒྲིག་ཁྲིམས།    མང་ཚོགས་སྒྲིག་ཁྲིམས།    ལས་ཀའི་སྒྲིག་ཁྲིམས།    འཚོ་བའི་སྒྲིག་ཁྲིམས་སོགས་དང་འགལ་བའི་ཐེར་འདོན་དང་སྙན་ཞུ་ཡིན།     སྐོར་ཞིབ་བདག་སྤྲོད་ཁྱབ་ཁོངས་སུ་མི་གཏོགས་པའི་ཡིག་སྐུར་ངོ་གཏུག་གི་གནད་དོན་གཞན་དག་གཏན་འབེབས་ལྟར་སེམས་ཉི་ཟླའི་གྲོང་ཁྱེར་དང་འབྲེལ་ཡོད་སྡེ་ཚན་གྱིས་ཐག་གཅོད་ནན་ཏན་བྱ་རྒྱུ་ཡིན་པ་རེད།