ཀྲང་ཝེ་ཏུང་གིས་རུ་སྣེ་ཁྲིད་དེ་ཤྭ་ཁ་རི་བོ་མཛེས་ལྗོངས་ཁུལ་ལ་ཞིབ་འཇུག་བརྟག་དཔྱད་གནང་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-15   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།


        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་8པའི་ཚེས་14ཉིན་གྱི་སྔ་དྲོར། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གིས་རུ་སྣེ་ཁྲིད་དེ་སེམས་ཀྱི་ཉི་ཟླ་གྲོང་ཁྱེར་ཤྭ་ཁ་རི་བོ་མཛེས་ལྗོངས་ཁུལ་དུ་ཞིབ་འཇུག་བརྟག་དཔྱད་བྱེད་སྐབས་ནན་བཤད་གནང་དོན། མི་དམངས་མང་ཚོགས་ཀྱི་རང་གཤིས་ཅན་དང་སྤུས་ཚད་ཅན་གྱི་རིག་གནས་ཡུལ་སྐོར་གྱི་འཛད་སྤྱོད་དགོས་མཁོར་དམིགས་ནས། སྤུས་ལེགས་འདུ་ཤེས་དང་བདེ་འཇགས་རྨང་གཞི་བརྟན་པོ་འཛུགས་པ་དང་། མཛེས་ལྗོངས་ཁུལ་གྱི་གཉེར་སྐྱོང་སླར་གསོ་གང་མགྱོགས་ཀྱིས་མངོན་འགྱུར་བྱུང་བ་དང་། མཛེས་ལྗོངས་ཁུལ་ལ་ཚོད་ལྟའི་གཉེར་སྐྱོང་སྒོ་མོ་འབྱེད་ཐུབ་པར་བརྩོན་ལེན་བྱས་ཏེ།  རང་ཁུལ་གྱི་རིག་གནས་ཡུལ་སྐོར་ཐོན་ལས་ཀྱི་སྤུས་ཚད་མཐོ་པོའི་འཕེལ་རྒྱས་ལ་ལེགས་སྐྱེས་གསར་པ་བཏོན་དགོས།

        ཀྲང་ཝེ་ཏུང་དང་བཅས་པས་ཡུལ་དངོས་སུ་ཤྭ་ཁ་རི་བོ་མཛེས་ལྗོངས་ཁུལ་གྱི་རྨང་གཞིའི་སྒྲིག་ཆས་སླར་གསོ་འཛུགས་སྐྲུན་ལ་སྐུལ་འདེད་གཏོང་བའི་གནས་ཚུལ་ལྟ་ཞིབ་གནང་བ་དང་བཞུགས་མོལ་ཚོགས་འདུ་འཚོགས་ནས། མཛེས་ལྗོངས་ཁུལ་གྱི་རྨང་གཞིའི་སྒྲིག་ཆས་མཐོར་འདེགས་དང་ཆ་ཚང་ཞབས་ཞུའི་ནུས་པ་འཐུས་ཚང་གཏོང་བ་སོགས་ཀྱི་འབྲེལ་ཡོད་གནས་ཚུལ་གྱི་སྙན་ཞུ་ཉན་པ་དང་རྣམ་གྲངས་འཛུགས་སྐྲུན་ཁྲོད་གནས་པའི་དཀའ་ངལ་གནད་དོན་དང་ཐག་གཅོད་བྱ་ཐབས་འབྲེལ་ཡོད་སྡེ་ཁག་དང་ཡུལ་དངོས་ཐོག་སྤེལ་རེས་གནང་བ།

        ཀྲང་ཝེ་ཏུང་གིས་མཛེས་ལྗོངས་ཁུལ་གྱི་སླར་གསོ་འཛུགས་སྐྲུན་གྱི་གནས་ཚུལ་ལ་ཁས་ལེན་གང་ལེགས་གནང་བ།   ཁོང་གིས་ཤྭ་ཁ་རི་བོ་མཛེས་ལྗོངས་ཁུལ་ནི་སེམས་ཀྱི་ཉི་ཟླ་ཡུལ་སྐོར་གྱི་མཛེས་སྡུག་ལྡན་པའི་མིང་བྱང་ཞིག་ཡིན་པ་དང་། འཕེལ་རྒྱས་རྨང་གཞི་ལེགས་པ། མདུན་ལམ་བཟང་བ། བར་སྟོང་ཆེ་བ།  རིམ་ཁག་སྡེ་ཚན་སོ་སོས་དམིགས་འབེན་ལ་དམ་པོར་དམིགས་པ། རྣམ་གྲངས་འཛུགས་སྐྲུན་ལ་སྐུལ་འདེད་མགྱོགས་པོ་གཏོང་བ། རིམ་ཁག་གི་འགན་ནུས་དང་འགན་འཁྲི་ཁ་གསལ་བཟོ་བ། མཉམ་འགུལ་ལམ་སྲོལ་ཆགས་པ། མྱུར་ཚད་དམ་འཛིན་དང་སྤུས་ཚད་མཐོར་འདེགས། མྱུར་ཚད་དམ་འཛིན་དང་བདེ་འཇགས་འགན་སྲུང་བར་གྱི་འབྲེལ་བ་ཐག་གཅོད་ཡག་པོ་བྱས་ནས། མཛེས་ལྗོངས་ཁུལ་བདེ་འཇགས་ངང་ཚོད་ལྟའི་གཉེར་སྐྱོང་དུས་འཚམས་སུ་སླེབས་ཐུབ་པར་ཁག་ཐེག་བྱེད་དགོས། དྲིལ་བསྒྲགས་བྱེད་ཤུགས་ཆེ་རུ་གཏོང་བ་དང་། དྲིལ་བསྒྲགས་གཙོ་གནད་འཚོལ་བ། མཛེས་ལྗོངས་ཁུལ་གྱི་ནང་དོན་སྔོག་འདོན་བྱེད་པ། རང་ངོས་ཀྱི་ཁྱད་ཆོས་དང་ལེགས་ཆ་འབུར་དུ་ཐོན་པ། ལྟེ་བའི་མཛེས་ལྗོངས་ཁུལ་གྱི་སྣེ་ཁྲིད་ནུས་པ་འདོན་སྤེལ་བྱེད་པ། རྒྱུན་མཐུད་ཀྱིས་འཛམ་གླིང་གི་སེམས་ཀྱི་ཉི་ཟླ་ཞེས་པའི་གསེར་གྱི་སྒོ་བྱང་ཕྱིས་དགོས། སྔོན་ཐོན་གྱི་དོ་དམ་རྣམ་པ་དང་གཉེར་སྐྱོང་རྣམ་པ་ལ་ཧུར་ཐག་གིས་སློབ་སྦྱོང་དང་མིག་དཔེར་བྱེད་པ། བསམ་ཕྱོགས་གསར་འབྱེད་དང་ཐབས་ལམ་གསར་གཏོད་བྱེད་དེ། འབད་བརྩོན་གྱིས་མཛེས་ལྗོངས་ཁུལ་གྱི་གཉེར་སྐྱོང་དོ་དམ་ཆུ་ཚད་མཐོ་རུ་གཏོང་ནས། ཁུལ་ཡོངས་ཡུལ་སྐོར་ལས་རིགས་སྤུས་ཚད་མཐོ་བའི་འཕེལ་རྒྱས་སྐས་རིམ་གསར་པར་སླེབས་ཐུབ་པར་སྐུལ་འདེད་གཏོང་དགོས།

        ཁུལ་འགོ་ཁྲིད་ཀྲོང་ཞའོ་ཕིང་། ཁུལ་ཐད་གཏོགས་འབྲེལ་ཡོད་སྡེ་ཁག་དང་སེམས་ཀྱི་ཉི་ཟླ་གྲོང་ཁྱེར་སྲིད་གཞུང་གི་འབྲེལ་ཡོད་འགན་འཁུར་བ་ཞིབ་འཇུག་བརྟག་དཔྱད་དུ་ཞུགས་ཡོད།

分享到：QQ空间新浪微博腾讯微博人人网微信