ཁུལ་ཡོངས་ཀྱི་ཁྲིམས་སྐྱོང་སྲིད་གཞུང་འཛུགས་སྐྱོང་ལས་དོན་གྱི་བརྙན་འཕྲིན་ཁ་པར་ཚོགས་འདུ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-15   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།   ཟླ་8པའི་ཚེས་14ཉིན། ཁུལ་ཡོངས་ཀྱི་ཁྲིམས་སྐྱོང་འཛུགས་སྐྲུན་ལས་དོན་གྱི་བརྙན་འཕྲིན་ཁ་པར་ཚོགས་འདུ་འཚོགས་པ། ཚོགས་འདུའི་ཐོག་ཏང་གི་སྐབས་ཉི་ཤུ་པ་དང་ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཀྱི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས།ཞི་ཅིན་ཕིང་གི་ཁྲིམས་སྐྱོང་དགོངས་པ་གཏིང་ཟབ་ཀྱིས་སློབ་སྦྱོང་དང་དོན་འཁྱོལ་བྱེད་པ་དང་།ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་དང་ཞིང་ཨུ།ཞིང་ཆེན་སྲིད་གཞུང་།ཁུལ་ཨུའི་ལས་དོན་བླང་བྱ་ཁྱོན་ཡོངས་ནས་དོན་འཁྱོལ་མཐར་ཕྱིན་བྱས་ནས།ལས་དོན་ཕྱོགས་བསྡོམས་དང་གནས་བབ་དབྱེ་ཞིབ་བྱས་ནས། གོམ་སྟབས་རྗེས་མའི་ལས་འགན་ཞིབ་འཇུག་བཀོད་སྒྲིག་བྱེད་པ་རེད།

        ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་ཚོགས་འདུར་ཞུགས་ནས་གསུང་བཤད་གནང་བ།

        ཚོགས་འདུའི་བསྟན་དོན། འདས་པའི་ལོ་ཞིག་རིང་། ཁུལ་ཡོངས་གོང་འོག་གིས་ཞི་ཅིན་ཕིང་གི་ཁྲིམས་སྐྱོང་དགོངས་པ་ལ་རྒྱུན་མཐུད་ཀྱིས་ས་གནས་ལག་བསྟར་གཏིང་ཟབ་ཏུ་གཏོང་བ།ནན་ཏན་གྱིས་ཁྲིམས་ལྟར་སྲིད་འཛིན་ལ་སྐུལ་འདེད་གཏོང་བ། ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་རྒྱུན་མཐུད་ཀྱིས་ལེགས་སུ་གཏོང་བ། ཚན་རིག་དང་མཐུན་ཞིང་དམངས་གཙོ་ལྡན་ལ་ཁྲིམས་ལྟར་ཇུས་ཐག་གཅོད་པར་སྐུལ་འདེད་གཏིང་ཟབ་བཏང་བ། གཟབ་ནན་ཚད་ལྡན་དྲང་བདེན་དཔལ་ཡོན་ཁྲིམས་འཛིན་རྒྱུན་མཐུད་གཏིང་ཟབ་ཏུ་བཏང་བ། སྣ་མང་ཅན་གྱིས་སྤྱི་ཚོགས་ཀྱི་འགལ་བ་དང་རྩོད་གཞི་ཐག་གཅོད་བྱེད་པར་གྲུབ་འབྲས་མངོན་གསལ་ཐོབ་པ། སྲིད་འཛིན་དབང་ཆར་ཚོད་འཛིན་དང་ལྟ་སྐུལ་བྱེད་ཤུགས་སྔར་ལས་ཆེ་རུ་བཏང་བ། ཁྲིམས་སྐྱོང་སྲིད་གཞུང་འཛུགས་སྐྲུན་ལ་ཧུར་ཐག་གི་གྲུབ་འབྲས་ཐོབ་པ་རེད།

        ཚོགས་འདུའི་ཐོག་ནན་བཤད་གནང་དོན། ཁུལ་ཡོངས་རིམ་ཁག་སྡེ་ཚན་སོ་སོས་ཞི་ཅིན་ཕིང་གི་ཁྲིམས་སྐྱོང་དགོངས་པ་སློབ་སྦྱོང་དང་གོ་བ་གཏིང་ཟབ་ལེན་པ།བློ་བརྟན་འགྱུར་མེད་ཀྱིས་ཁྲིམས་སྐྱོང་ཅན་གྱི་བྱེད་རིམ་སྐུལ་འདེད་གཏོང་བ། ཐོག་མཐའ་བར་གསུམ་དུ་མི་དམངས་ཀྱི་ཁེ་ཕན་མཚོན་པ། མི་དམངས་ཀྱི་རེ་འདུན་མཚོན་པ། མི་དམངས་ཀྱི་ཁེ་དབང་སྲུང་སྐྱོང་། མི་དམངས་ཀྱི་བདེ་སྐྱིད་ཇེ་ཆེར་གཏོང་བ་བཅས་ཁྲིམས་སྐྱོང་སྲིད་གཞུང་འཛུགས་སྐྱོང་བྱེད་པའི་བརྒྱུད་རིམ་ཧྲིལ་པོར་དོན་འཁྱོལ་བྱེད་པ།གཙོ་གནད་ཁྱབ་ཁོངས་དང་འགག་རྩའི་ལྷུ་ཚིགས་སུ་ཇེ་ཆེའི་འགག་སྒྲོལ་དང་ཇེ་མང་བའི་གྲུབ་འབྲས་ཐོབ་བ། ཁྲིམས་སྐྱོང་བགྲོད་ལམ་ཐོག་མཐའ་མཚམས་མི་རིགས་ས་ཁུལ་གྱི་བདག་སྐྱོང་ནུས་ཤུགས་མུ་མཐུད་ཀྱིས་ཤུགས་ཆེར་གཏོང་བ།སྔར་བས་ཆུ་ཚད་མཐོ་བ་དང་སྤུས་ཚད་མཐོ་བའི་ཁྲིམས་སྐྱོང་སྲིད་གཞུང་འཛུགས་སྐྲུན་མགྱོགས་སུ་བཏང་ནས།ཀྲུང་གོའི་ལུགས་ཀྱི་དེང་རབས་ཅན་གྱི་བདེ་ཆེན་ལག་བསྟར་ལ་ནུས་ལྡན་གྱི་ཁྲིམས་སྐྱོང་འགན་སྲུང་བཏོན་དགོས།

        ཚོགས་འདུའི་ཐོག་བླང་བྱ་བཏོན་དོན། ཁུལ་ཡོངས་རིམ་ཁག་སྡེ་ཚན་སོ་སོས་སྲིད་གཞུང་འགན་ནུས་བསྒྱུར་བར་མུ་མཐུད་ཀྱིས་སྐུལ་འདེད་གཏོང་དགོས། ཁྲིམས་འཛུགས་ཀྱི་སྤུས་ཚད་དང་ཕན་འབྲས་ཆེ་རུ་གཏོང་བ། ཚན་རིག་དང་མཐུན་ཞིང་ཁྲིམས་ལྟར་ཇུས་ཐག་གཅོད་བྱེད་དགོས། ཁྲིམས་ལྟར་ལས་སྒྲུབ་ནུས་ཤུགས་མཐོ་རུ་གཏོང་དགོས།སྤྱི་ཚོགས་དྲང་སྙོམས་དྲང་བདེན་སྲུང་སྐྱོང་བྱེད་དགོས། རྩ་འཛུགས་འགན་སྲུང་བྱེད་ཤུགས་ཆེ་རུ་གཏོང་དགོས།

        ཚོགས་འདུའི་ཐོག་ཁུལ་དམངས་སྲིད་ཅུས།ཁུལ་ཞིང་ལས་གྲོང་གསེབ་ཅུས། འཇོལ་རྫོང་མི་དམངས་སྲིད་གཞུང་གི་འབྲེལ་ཡོད་འགན་འཁུར་བས་སྤེལ་རེས་གཏམ་བཤད་གནང་བ།

        ཁུལ་འགོ་ཁྲིད་པའི་ཡུས་ཏུང་།ཀྲོང་ཞའོ་ཕིང་།  ཁུལ་རིམ་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་ཚོགས་འདུར་ཞུགས།

        ཚོགས་འདུ་བརྙན་ལམ་གྱི་རྣམ་པའི་ཐོག་ནས་རྫོང་གསུམ་（གྲོང་ཁྱེར་）དུ་འཚོགས་པ།

分享到：QQ空间新浪微博腾讯微博人人网微信