ལུའོ་ཁྲའོ་ཧྥེང་གིས་ཀྲུང་གོ་སྦྲག་སྲིད་གསོག་འཇོག་དངུལ་ཁང་ཡུན་ནན་ཞིང་ཆེན་ཡན་ལག་དངུལ་ཁང་གི་ཏང་ཨུད་ཧྲུའུ་ཅི་ཧང་ཀྲང་ཀྲོའུ་ཡ་ཕིང་དང་མཇལ་འཕྲད་གནང་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-15   རྩོམ་ཁུངས།    སེམས་ཀྱི་ཉི་ཟླ།

    ཟླ་8ཚེས་14ཉིན་གྱི་ཕྱི་དྲོ་ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཀྲུང་གོ་སྦྲག་སྲིད་གསོག་འཇོག་དངུལ་ཁང་ཡུན་ནན་ཞིང་ཆེན་ཡན་ལག་དངུལ་ཁང་གི་ཏང་ཨུད་ཧྲུའུ་ཅི་ཧང་ཀྲང་ཀྲོའུ་ཡ་ཕིང་དང་བཅས་པ་དང་མཇལ་འཛོམས་གནང་བ་དང་ཕྱོགས་གཉིས་པོས་སྲིད་དངུལ་མཉམ་ལས་གཏིང་ཟབ་ཏུ་བཏང་ནས་བདེ་ཆེན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་རྒྱུའི་ཐད་སྤེལ་རེས་གནང་བ་རེད།

    ལུའོ་ཁྲའོ་ཧྥེང་གིས་དངུལ་རྩ་ནི་དཔལ་འབྱོར་གྱི་སྲོག་རྩ་ཡིན། དུས་ཡུན་རིང་པོའི་ནང་སྦྲག་སྲིད་གསོག་འཇོག་དངུལ་ཁང་ཡུན་ནན་ཞིང་ཆེན་ཡན་ལག་དངུལ་ཁང་གིས་རང་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རྒྱབ་སྐྱོར་ཆེན་པོ་བྱས་པར་ཁུལ་ཨུད་དང་ཁུལ་སྲིད་གཞུང་གིས་དེའི་ཐད་ཐུགས་རྗེ་ཆེ་ཞུ་རྒྱུ་ཡིན་ཞེས་གསུངས་པ་རེད། མིག་སྔར་བདེ་ཆེན་ལ་འཕེལ་རྒྱས་ཀྱི་གོ་སྐབས་མང་པོ་འཕྲད་ཡོད། གོམ་སྟབས་རྗེས་མར་སྦྲག་སྲིད་གསོག་འཇོག་དངུལ་ཁང་གིས་རང་ངོས་ཀྱི་ལེགས་ཆ་འདོན་སྤེལ་བྱས་ནས་རང་རང་ཁུལ་གྱི་ཐོན་ལས་ཆེན་པོ་བཞི་དང“དཔལ་འབྱོར་ཆེན་པོ་གསུམ”འཕེལ་རྒྱས་ལ་སྐུལ་འདེད་གཏོང་བ་སོགས་ཐད་འབྲེལ་ཡོད་རྣམ་གྲངས་ཇུས་འགོད་ཐད་ཇུས་འདོན་རོགས་བྱེད་རྒྱུ་མ་ཟད། དེ་མཚུངས་ཀྱི་དངུལ་རྩའི་ཐོན་རྫས་མཁོ་འདོན་བྱས་ནས་རང་ཁུལ་གྱི་དངོས་ཚན་དཔལ་འབྱོར་ལ་དངུལ་རྩའི་གསོན་ཤུགས་དེ་བས་མང་བ་བསྣན་ཏེ་དངུལ་རྩར་བརྟེན་ནས་བདེ་ཆེན་གྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུའི་རེ་བ་ཡོད་ཅེས་བཤད་པ་རེད།

    ཀྲོའུ་ཡ་ཕིང་གིས་གོམ་སྟབས་རྗེས་མར་དངུལ་ཁང་གིས་ཀྲུང་དབྱང་དང་ཞིང་ཆེན་ཨུ་ལྷན་གྱི་དངུལ་རྩའི་ལས་དོན་སྐོར་གྱི་བླང་བྱ་དོན་འཁྱོལ་ཧུར་ཐག་བྱས་ཏེ་བདེ་ཆེན་གྱི་ཐོན་ལས་ཆེན་པོ་བཞི་དང་དེ་བཞིན་རྣམ་གྲངས་གལ་ཆེན་ལ་དམིགས་ནས་རོགས་སྐྱོར་བྱེད་ཤུགས་ཆེ་རུ་བཏང་སྟེ་ཚན་རྩལ་དངུལ་རྩ་དང་། ལྗང་མདོག་དངུལ་རྩ། ཀུན་ཕན་དངུལ་རྩ། རྒན་གསོའི་དངུལ་རྩ། གྲངས་གཞིའི་དངུལ་རྩ་བཅས་རྩོམ་ཡིག་ལྔ་ནན་ཏན་བྲིས་ནས་འབྲེལ་ཡོད་ཡིད་རྟོན་དངུལ་བུན་ཐོན་ཁུངས་ཐད་བདེ་ཆེན་ལ་རྒྱབ་སྐྱོར་བྱས་ཏེ་དངུལ་རྩའི་སྡེ་ཚན་གྱི་ནུས་པ་འདོན་སྤེལ་ཏན་ཏིག་བྱ་རྒྱུ་ཡིན་ཞེས་བཤད་པ་རེད།

    ཁུལ་འགོ་ཁྲིད་ཁྲེན་ཆུན་དང་ཁུལ་ཐད་གཏོགས་འབྲེལ་ཡོད་སྡེ་ཚན་གྱི་འགན་འཁུར་བ་མཇལ་འཕྲད་ཚོགས་འདུར་ཞུགས་པ་རེད།




分享到：QQ空间新浪微博腾讯微博人人网微信