ལུའོ་ཁྲའོ་ཧྥེང་གིས་བོད་བརྒྱུད་ནང་བསྟན་ཆོས་ལུགས་ལ་ཞིབ་འཇུག་བརྟག་དཔྱད་གནང་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-20   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་8པའི་ཚེས་19ཉིན། ཁུལ་ཨུའི་ཧྲུའུ་ཅི་ལུའོ་ཁྲའི་ཧྥེང་གིས་རུ་སྣེ་ཁྲིད་དེ་ཡུན་ནན་བོད་བརྒྱུད་ནང་བསྟན་སློབ་གླིང་དང་བདེ་ཆེན་ཁུལ་ནང་བསྟན་མཐུན་ཚོགས་སུ་ཕེབས་ནས་བོད་བརྒྱུད་ནང་བསྟན་ཆོས་ལུགས་སྐོར་གྱི་འབྲེལ་ཡོད་ལས་ཀར་ཞིབ་འཇུག་བརྟག་དཔྱད་གནང་ཞིང་བཞུགས་མོལ་ཚོགས་འདུ་འཚོགས་པ། ཁོང་གིས་བདེ་ཆེན་གྱི་སྤུས་ཚད་མཐོ་བའི་འཕེལ་རྒྱས་དང་ཆུ་ཚད་མཐོ་བའི་བདེ་འཇགས་ཀྱི་མཉམ་འགུལ་བཟང་པོར་སྔར་བས་སྐུལ་འདེད་གཏོང་བ་དང་ཆོས་ལུགས་ཁྱབ་ཁོངས་ཀྱི་བསམ་བློ་ཆབ་སྲིད་ཀྱི་སྣེ་ཁྲིད་བྱེད་ཤུགས་ཆེ་རུ་གཏོང་བ།“ཀླད་པར་དོ་དམ་བྱེད་པའི་”ལས་ཀ་དེ་སྔར་ལས་གལ་ཆེ་བའི་གནས་སུ་འཇོག་ནས།ཀྲུང་གོའི་ལུགས་ཀྱི་དེང་རབས་ཅན་གྱི་བདེ་ཆེན་ལག་བསྟར་སྐུལ་འདེད་གཏོང་ཆེད་མཉམ་ཤུགས་ཆེན་པོ་གཅིག་སྒྲིལ་བྱེད་དགོས་པའི་ནན་བཤད་གནང་བ།

    ཞིབ་འཇུག་བརྟག་དཔྱད་གནང་སྐབས། ལུའོ་ཁྲའོ་ཧྥེང་གིས་བདེ་ཆེན་ཁུལ་ནང་བསྟན་མཐུན་ཚོགས་དང་ཡུན་ནན་བོད་བརྒྱུད་ནང་བསྟན་སློབ་གླིང་གི་རང་ངོས་འཛུགས་སྐྱོང་དང་དགེ་འདུན་པར་ཞབས་འདེགས་ཞུ་བ། སློབ་གསོ་སློབ་ཁྲིད་སོགས་ཀྱི་གནས་ཚུལ་ཞིབ་ཕྲའི་ངང་རྒྱུས་ལོན་བྱས་པ་དང་འབྲེལ་ཡོད་ལས་ཀའི་གནས་ཚུལ་སྙན་ཞུ་གསན་པ།

    ལུའོ་ཁྲའོ་ཧྥེང་གིས་ཆོས་ལུགས་ལས་ཀ་བདེ་ཆེན་ལ་དམིགས་བསལ་གྱི་གལ་ཆེའི་རང་བཞིན་ལྡན་པ།ཡུན་ནན་བོད་བརྒྱུད་ནང་བསྟན་སློབ་གླིང་དང་བདེ་ཆེན་ཁུལ་ནང་བསྟན་མཐུན་ཚོགས་ནི་བོད་བརྒྱུད་ནང་བསྟན་འཐུས་མི་གསོ་སྐྱོང་བྱེད་པ་དང་རང་གིས་རང་ལ་དོ་དམ།རང་གིས་རང་ལ་་ཞབས་འདེགས་ཞུ་བའི་གཙོ་འགན་འཁུར་བའི་སྡེ་ཚན་ཡིན་པའི་ངོས་ནས་དོན་དངོས་དང་བསྟུན་པ་དང་།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པ། ཁུལ་ཨུའི་སྐབས་དགུ་པའི་ཚང་འཛོམས་གྲོས་ཚོགས་ཐེངས་བདུན་པའི་དགོངས་དོན་ལག་བསྟར་དོན་འཁྱོལ་བྱས་ཏེ།ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུའི་ལས་ཀའི་བླང་བྱ་དོན་འཁྱོལ་བྱེད་ཐུབ་པར་ཁག་ཐེག་བྱེད་དགོས་པའི་ནན་བཤད་གནང་བ།

    ལུའོ་ཁྲའོ་ཧྥེང་གིས་ཡུན་ནན་བོད་བརྒྱུད་ནང་བསྟན་སློབ་གླིང་གིས་རང་རྒྱལ་ཆོས་ལུགས་ཀྲུང་གོ་ཅན་གྱི་ཕྱོགས་ལ་རྒྱུན་འཁྱོངས་བྱེད་པ་དང་ཆོས་ལུགས་དང་སྤྱི་ཚོགས་རིང་ལུགས་ཕན་ཚུན་འཚམ་པར་ཧུར་ཐག་གིས་སྣེ་ཁྲིད་བྱེད་དགོས་པ་དང་།ཆོས་ལུགས་ལས་དོན་བཅོས་སྐྱོང་ཁྲིམས་སྐྱོང་ཅན་གྱི་ཆུ་ཚང་རྒྱུན་མཐུད་ཀྱིས་མཐོ་རུ་གཏོང་བ་དང་ཆོས་ལུགས་ལས་རིགས་ཀྱིས་རང་གིས་རང་ལ་ལྟ་སྐུལ་དང་རང་གིས་རང་ལ་དོ་དམ།རང་གིས་རང་ལ་ཞབས་ཞུ།རང་གིས་རང་ལ་སློབ་གསོ་བཅས་བྱེད་པར་སྣེ་ཁྲིད་བྱེད་དགོས།བསམ་བློ་ཆབ་སྲིད་སྣེ་ཁྲིད་བྱེད་ཤུགས་ཆེ་རུ་གཏོང་བ་དང་ཆོས་ལུགས་ཀྱི་བསྟན་དོན་ལ་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་དང་མཐུན་པའི་འགྲེལ་བཤད་བརྒྱབ་པ། བོད་བརྒྱུད་ནང་བསྟན་སློབ་གླིང་གི་ཡོངས་འཛིན་རུ་ཁག་འཛུགས་སྐྲུན་ལ་དམ་འཛིན་བྱེད་པ།སྤྱི་པའི་སློབ་ཚན་སློབ་གསོ་བྱེད་ཤུགས་ཆེ་རུ་གཏོང་བ། “ཚད་གཞི་བཞི་”དང་མཐུན་པའི་དགེ་འདུན་པ་གསོ་སྐྱོང་བྱེད་ཤུགས་ཆེ་རུ་གཏོང་དགོས། སྒོ་ཕྱེ་ནས་སློབ་གྲྭ་གཉེར་བར་རྒྱུན་འཁྱོངས་བྱེད་པ་དང་གཡུག་སའི་ནུས་པ་གང་ཐུབ་ཀྱིས་འདོན་སྤེལ་བྱེད་པ། ཏང་གི་ལམ་ཕྱོགས་དང་།བྱེད་ཕྱོགས།སྲིད་ཇུས་བཅས་ཡག་པོ་བཤད་པ།ཁུལ་ཡོངས་རྒྱ་ཆེའི་དགེ་འདུན་པར་བསམ་བློའི་སློབ་གསོ་རེས་སྐོར་སྦྱོང་བརྡར་ནན་ཏན་གྱིས་མངོན་གྱུར་བྱུང་ཞིང་།བོད་བརྒྱུད་ནང་བསྟན་ཆོས་ལུགས་ལས་རིགས་ཀྱི་འཐུས་ཚབ་མི་སྣ་གསོ་སྦྱོང་བྱེད་པའི་གནས་གཞི་དང་བོད་བརྒྱུད་ནང་བསྟན་ཀྲུང་གོ་ཅན་ལ་སྐུལ་འདེད་གཏོང་བའི་ཞིབ་འཇུག་སློབ་གསོ་ལག་བསྟར་གྱི་གནས་གཞི།རྒྱལ་ཁབ་སྤྱི་སྤྱོད་སྐད་ཡིག་ཁྱབ་སྤེལ་གཏོང་བའི་གནས་གཞི།    ཆོས་ལུགས་རིག་པའི་ཞིབ་འཇུག་རུ་ཁག་གི་ལག་བསྟར་གནས་གཞི། བོད་བརྒྱུད་ནང་བསྟན་བསྟན་དོན་གྱི་འགྲེལ་བཤད་གནས་གཞི། བོད་བརྒྱུད་ནང་བསྟན་ལས་རིགས་ཀྱི་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་འཛུགས་གནས་གཞི་བཅས་འབད་བརྩོན་གྱིས་འཛུགས་སྐྲུན་བྱེད་དགོས། ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ལག་བསྟར་དོན་འཁྱོལ་ནན་ཏན་བྱས་ཏེ་ཆོས་ལུགས་ལས་རིགས་ཀྱི་མི་སྣས་བློ་བརྟན་འགྱུར་མེད་ཀྱིས་ཏང་གི་བཀའ་ལ་ཉན་པ་དང་།ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ཀྱི་ཁྲིད་སྟོན་བྱེད་དགོས་པའི་བླང་བྱ་བཏོན།

ཁུལ་འགོ་ཁྲིད་སྐལ་བཟང་རྣམ་རྒྱལ། ཁྲིན་ཆོན་ཞིབ་འཇུག་བརྟག་དཔྱད་དང་བཞུགས་མོལ་ཚོགས་འདུ་ཞུགས།


分享到：QQ空间新浪微博腾讯微博人人网微信