ཀྲུང་གོའི་རྣམ་པའི་དེང་རབས་ཅན་གྱི་བདེ་ཆེན་ལག་ལེན་ལ་སྐུལ་འདེད་གཏོང་བའི་མཉམ་ཤུགས་ཆེན་པོ་གཅིག་ཏུ་སྒྲིལ་བ།——ཚོགས་ཞུགས་བློ་མཐུན་ཚོས་ཁུལ་ཨུ་སྐབས་དགུ་པའི་ཚང་འཛོམས་གྲོས་ཚོགས་ཐེངས་བདུན་པའི་དགོངས་དོན་ལག་བསྟར་དོན་འཁྱོལ་བྱ་རྒྱུའི་སྐོར་གླེང་བ།

    ཟླ8པའི་ཚེས16ཉིན། ཁུལ་ཨུ་སྐབས་དགུ་པའི་ཚང་འཛོམས་གྲོས་ཚོགས་ཐེངས་བདུན་པ་སེམས་ཀྱི་ཉི་ཟླ་གྲོང་ཁྱེར་དུ་འཚོགས་པ་དང་། ཚོགས་འདུའི་ཐོག《སྒྱུར་བཅོས་སྔར་བས་ཁྱོན་ཡོངས་ནས་གཏིང་ཟབ་ཏུ་གཏོང་བ་དང་ཀྲུང་གོའི་རྣམ་པའི་དེང་རབས་ཅན་གྱི་བདེ་ཆེན་ལག་ལེན་ལ་སྐུལ་འདེད་གཏོང་རྒྱུའི་སྐོར་གྱི་ཀྲུང་གུང་བདེ་ཆེན་ཁུལ་ཨུའི་ལག་བསྟར་བསམ་འཆར》དང་《ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུ་གཙོ་རྐང་དུ་བྱེད་པ་དང་སྤྱི་ཚོགས་རིང་ལུགས་དེང་རབས་ཅན་གྱི་བདེ་ཆེན་གསར་པ་འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་གཏོང་ཆེད་མཉམ་ཤུགས་ཆེན་པོ་གཅིག་ཏུ་སྒྲིལ་རྒྱུའི་སྐོར་གྱི་ཀྲུང་གུང་བདེ་ཆེན་ཁུལ་ཨུའི་གཏན་འབེབས་》ལ་གྲོས་ཞིབ་བྱས་ནས་གྲོས་འཆམ་བྱུང་སྟེ།བདེ་ཆེན་གྱི་མིག་སྔ་དང་སླད་ཕྱིན་དུས་སྐབས་ཤིག་རིང་གི་སྤུས་ཚད་མཐོ་བའི་འཕེལ་རྒྱས་ལ་ཁ་ཕྱོགས་གསལ་སྟོན་དང་ལས་འགན་ཁ་གསལ་བཟོས་པས་ཚང་འཛོམས་གྲོས་ཚོགས་ཀྱི་དགོངས་དོན་ལ་རྒྱ་ཆེའི་ལས་བྱེད་པ་དང་མང་ཚོགས་ཁྲོད་ཚུར་སྣང་ལན་ཆ་ཆེན་པོ་མགྱོགས་མྱུར་བྱུང་བ་དང་། ཚང་མས་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ་དམིགས་ཚད་གཏན་འཁེལ་དང་ཡིད་ཆེས་ཆེ་རུ་གཏོང་བ་དང་འགན་འཁྲི་འཁུར་ནས་དངོས་སྒྲུབ་དང་འབད་འབུངས་ཡར་བརྩོན་བྱས་ཏེ་ནུས་ཤུགས་ཡོད་རྒུས་རྒྱང་སྐྱོད་ལམ་བུ་གསར་པའི་ཐོག་བདེ་ཆེན་གྱི་ལེའུ་གསར་པ་ཡག་པོ་རྩོམ་རྒྱུ་ཡིན་ཞེས་མགྲིན་གཅིག་ཏུ་བསྟན་པ་རེད།

    གྲོས་ཚོགས་ཐོག་ནན་གྱིས་བསྟན་དོན།བསྒྱུར་བཅོས་ཡང་བསྐྱར་འགོ་རྩོམ་པའི་གོ་སྐབས་གལ་ཆེན་དམ་འཛིན་བྱས་ཏེ།དཔལ་འབྱོར་སྒྲིག་སྲོལ་བསྒྱུར་བཅོས་ཀྱིས་སྣེ་ཁྲིད་པ་དང་།སྤྱི་ཚོགས་དྲང་སྙོམས་དྲང་བདེན་ཡོང་བར་སྐུལ་འདེད་དང་།མི་དམངས་ཀྱི་བདེ་སྐྱིད་ཇེ་ཆེར་གཏོང་རྒྱུ་འགོ་རྩོམ་ས་དང་རྐང་འཛུགས་སར་བྱེད་པ།མ་ལག་ཕྱོགས་བསྡུས་ལ་སྔར་བས་མཐོང་ཆེན་དང་།གཙོ་གནད་འབུར་ཐོན།བསྒྱུར་བཅོས་ཀྱི་ཕན་འབྲས་ལ་སྔར་བས་མཐོང་ཆེན་བཅས་བྱས་ཏེ།ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུའི་ལས་ཀའི་བླང་བྱ་དོན་ཐོག་ཏུ་འཁྱོལ་བ་དང་ཕན་འབྲས་ཐོན་པར་ནུས་ཤུགས་ཡོད་རྒུས་སྐུལ་འདེད་གཏོང་དགོས།

    ཁུལ་སློབ་གསོ་ལུས་རྩལ་ཅུས་ཀྱི་ཅུས་ཀྲང་གཞོན་པ་ཞའོ་ལི་ཆུང་གིས་ཚང་འཛོམས་གྲོས་ཚོགས་ཀྱི་སྙན་ཞུ་དངོས་ཐོག་བདེན་འཚོལ་ཡིན་པ་དང་། དོན་དངོས་ཀྱི་ཐོག་ནས་ད་ལོའི་ཁུལ་ཨུའི་ལས་དོན་ཁག་ལ་ཇི་མ་ཇི་བཞིན་ཕྱོགས་བསྡོམས་དང་ཕྱིར་དྲན་བྱས་ཡོད། ཁུལ་སློབ་གསོ་ལུས་རྩལ་ཅུས་ཀྱིས་འབྲེལ་ཡོད་བྱ་ཐབས་ལ་མུ་མཐུད་སྐུལ་འདེད་གཏིང་ཟབ་བཏང་ནས་སློབ་ཞུགས་གོང་གི་སློབ་གསོ་ཁྱབ་གདལ་དང་ཀུན་ཕན་བྱེད་རྒྱ་མུ་མཐུད་ཆེ་རུ་གཏོང་བ་དང་འོས་འགན་སློབ་གསོ་སྤུས་ལེགས་དང་དོ་སྙོམས་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ་དང་། མཐོ་རིམ་སློབ་འབྲིང་གི་སློབ་གསོའི་སྤུས་ལེགས་ཐོན་ཁུངས་མཁོ་སྤྲོད་བྱེད་རྒྱ་ཆེ་རུ་བཏང་སྟེ་ཞིང་ཆེན་རིམ་པའི་སྲིད་ཇུས་ཁག་དང་སྦྲེལ་མཐུད་ཧུར་ཐག་བྱེད་པ་དང་ལས་རིགས་སློབ་གསོའི་སྤུས་ལེགས་ཐོན་ཁུངས་རྒྱ་ཆེར་བཏང་ནས་བྱ་སྤྱོད་ངོ་མའི་ཐོག་ནས་ཚང་འཛོམས་གྲོས་ཚོགས་ཐོག་གཏན་འབེབས་བྱས་པའི་གྲོས་ཆོད་ཁག་དོན་ཐོག་ཏུ་འཁྱོལ་བར་བྱས་ཡོད་ཅེས་བཤད་བྱུང་།ཚང་འཛོམས་གྲོས་ཚོགས་ཐོག་བཏོན་དོན།2035་ལོར་སླེབས་སྐབས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་སྔར་བས་མི་སེམས་སུ་ཟུག་པ་དང་།འཛམ་གླིང་རིམ་པའི་ཡུལ་སྐོར་གནས་མཆོག་གཞི་རྩའི་ཆ་ནས་བསྐྲུན་ཟིན་པ།ས་མཐོའི་ཁྱད་ཆོས་ལྡན་པའི་དེང་རབས་ཞིང་ལས་ཀྱི་འགྲན་རྩོད་ནུས་པ་མངོན་གསལ་དོད་པོས་ཆེ་རུ་ཕྱིན་པ་བཅས་རེད།

    ཁུལ་མི་རིགས་ཆོས་ལུགས་ཨུ་ཡོན་ལྷན་ཁང་གི་ཏང་ཙུའི་ཧྲུའུ་ཅི། ཀྲུའུ་རེན་ཝང་གོ་ཧྭ་ཡིས་མི་རིགས་ཆོས་ལུགས་སྡེ་ཚན་གྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་ཞིང་ཨུ་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན། ཁུལ་ཨུ་སྐབས་དགུ་པའི་ཚང་འཛོམས་གྲོས་ཚོགས་ཐེངས་བདུན་པའི་དགོངས་དོན་ལག་བསྟར་ནན་ཏན་བྱས་ཏེ་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུ་དེ་དུས་རབས་གསར་པའི་ཏང་གི་མི་རིགས་ལས་དོན་གྱི་གཙོ་རྐང་དང་བདེ་ཆེན་གྱི་ལས་དོན་ཁག་གི་གཙོ་རྐང་དུ་བརྩི་རྒྱུ་མཐའ་འཁྱོངས་དང་རང་རྒྱལ་གྱི་ཆོས་ལུགས་ཀྲུང་གོ་ཅན་གྱི་ཁ་ཕྱོགས་ལ་རྒྱུན་འཁྱོངས་བྱས་ནས། བདེ་ཆེན་མི་རིགས་ཆོས་ལུགས་ལས་དོན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་ཞེས་བཤད་པ་རེད།

    ཁུལ་རིག་གནས་དང་ཡུལ་སྐོར་ཅུས་ཏང་ཨུའི་ཧྲུའུ་ཅི། ཅུས་ཀྲང་ཀའོ་ཞང་གིས་གོམ་སྟབས་རྗེས་མར་རིག་གནས་ཡུལ་སྐོར་སྡེ་ཚན་གྱིས་ཕྱོགས་གསུམ་ཐད་ཀྱི་ལས་དོན་གཙོ་གནད་དུ་དམ་འཛིན་ཡག་པོ་བྱས་ནས་རིག་གནས་ཡུལ་སྐོར་ཐོན་ལས་སྒྱུར་བཅོས་ཀྱི་འགག་སྒྲོལ་ལས་འགན་དོན་འཁྱོལ་བྱ་རྒྱུར་སྐུལ་འདེད་གཏོང་རྒྱུ་ཡིན།གཅིག་ནས་སྒྱུར་བཅོས་གཏིང་ཟབ་ཏུ་གཏོང་རྒྱུ་ནི་བདེ་ཆེན་རིག་གནས་ཡུལ་སྐོར་ཐོན་ལས་ཕྱོགས་སྒྱུར་རིམ་སྤོར་གྱི་ལྡོག་མེད་ཀྱི་ལམ་བུ་ཞིག་ཡིན་པར་ངོས་འཛིན་གང་ལེགས་བྱེད་དགོས་པ་དང་།གཉིས་ནི་རིག་གནས་ཡུལ་སྐོར་འཛད་སྤྱོད་ཀྱི་རྣམ་པ་གསར་པ་གསར་གཏོད་བྱས་ནས་རིག་གནས་ཡུལ་སྐོར་ཐོན་ལས་རིམ་འཕར་ཡོང་བར་སྐུལ་འདེད་གཏོང་དགོས།གསུམ་ནས་རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་གཏིང་ཟབ་གཏོང་བའི་སྒྲིག་སྲོལ་དང་ལམ་སྲོལ་རྒྱུན་ཆད་མེད་པར་འཐུས་སྒོ་ཚང་དུ་གཏོང་བ་དང་། མི་རིགས་རིག་གནས་དང་། གསར་བརྗེའི་ཡུལ་སྐོར། རིག་གནས་དུས་ཆེན་དང་རྟེན་འབྲེལ་ཡུལ་སྐོར།འཛམ་གླིང་ཤུལ་བཞག་བཅས་“རིག་གནས་སྤུས་རྟགས་བཞི”གཙོ་གནད་དུ་བཟུང་ནས་མཉམ་འདྲེས་ཡག་པོ་བྱས་ཏེ་“གཙང་གསུམ་མཉམ་རྒྱུག”གི་འཛམ་གླིང་ཤུལ་བཞག་དང་དེ་བཞིན་རྒྱལ་ཁབ་རིམ་པའི་མི་རིགས་རིག་གནས་སྐྱེ་ཁམས་སྲུང་སྐྱོང་ཁུལ་སྲུང་སྐྱོང་དང་བེད་སྤྱོད་བྱེད་པར་རྒྱུན་ཆད་མེད་པར་སྐུལ་འདེད་གཏོང་རྒྱུ་ཡིན་ཞེས་བཤད་པ་རེད།

    ཁུལ་ཞིང་ལས་དང་གྲོང་གསེབ་ཅུས་ཀྱི་ཅུས་ཀྲང་ཀྲོང་ཆུན་ཚའེ་ཡིས་གོམ་སྟབས་རྗེས་མར། ཁུལ་ཞིང་ལས་དང་ཞིང་གྲོང་ཅུས་ཀྱིས་ལས་བྱེད་པ་དང་ལས་བཟོ་པ་སྒྲིག་འཛུགས་ནན་ཏན་བྱས་ནས་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་།མ་བཅོས་རྒྱུ་ཆའི་རྟེན་གཞི་སྤུས་ལེགས་འཛུགས་སྐྱོང་།ཞིང་ལས་ཚོང་རའི་གྲུབ་ཆ་གཙོ་བོ་གསོ་སྐྱོང་།ཞིང་ལས་ཐོན་རྫས་ལས་སྣོན་ཞིབ་ཚགས་འཕེལ་རྒྱས་ཤུགས་ཆེན་གཏོང་བ།གྲོང་གསེབ་ཀྱི་ཡུལ་སྐོར་ལ་སྐུལ་འདེད་ཧུར་ཐག་གཏོང་བ།རང་ཁུལ་གྱི་རྒུན་འབྲུམ་དང་།ཀྲུང་ལུགས་སྨན་རྫས།ཁྱད་ཆོས་ལྡན་པའི་སྒོ་ཕྱུགས་དང་ཁྱིམ་བྱ།བཟའ་བྱའི་ཤ་མོ་བཅས་གཙོ་གནད་ཐོན་ལས་འཕེལ་རྒྱས་ཀྱི་ཆུ་ཚད་མཐོ་རུ་ཤུགས་ཆེན་གཏོང་བ་བཅས་བྱས་ཏེ།ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་ནུས་ལྡན་འདོན་སྤྲོད་བྱ་དགོས། གྲོང་ཁྱེར་དང་གྲོང་གསེབ་འཕེལ་རྒྱས་ལ་སྐུལ་འདེད་གཏོང་བའི་ཁྲོད་གྲོང་གསེབ་ཀྱི་གཞི་རྩའི་གཉེར་སྐྱོང་ལམ་ལུགས་མཐའ་འཁྱོངས་དང་འཐུས་སྒོ་ཚང་དུ་གཏོང་བ་དང་གྲོང་གསེབ་ཀྱི་ས་ཞིང་འགན་གཙང་ལེན་རྒྱུ་ནར་འགྱངས་བྱེད་པའི་ལས་དོན་ལ་གོ་རིམ་ལྡན་པའི་ངང་སྐུལ་འདེད་བཏང་ནས་དབུལ་སྒྲོལ་མི་འབོར་ལ་རིམ་དབྱེ་རིགས་དབྱེའི་དོ་དམ་བྱ་རྒྱུར་སྐུལ་འདེད་ཧུར་ཐག་གཏོང་བ་དང་ཞིང་འབྲེལ་ཞིང་ཁྲིད་ཀྱི་ལམ་སྲོལ་འཐུས་སྒོ་ཚང་དུ་བཏང་སྟེ། གྲོང་གསེབ་ཀྱི་གྲོང་མི་དང་དབུལ་སྒྲོལ་མི་འབོར་ལ་རྒྱུན་མཐུད་འབབ་འཕར་ཡོང་རྒྱུར་སྐུལ་འདེད་གཏིང་ཟབ་བཏང་ནས་གྲོང་གསེབ་ཁྱོན་ཡོངས་ནས་དར་རྒྱས་དང་ཞིང་ལས་དང་གྲོང་གསེབ་དེང་རབས་ཅན་དུ་འགྱུར་བའི་འཕེལ་རིམ་རྒྱུན་ཆད་མེད་པར་མགྱོགས་སུ་གཏོང་རྒྱུ་ཡིན་ཞེས་བཤད་པ།

    ཁུལ་གསར་སྤེལ་མ་འཇོག་ཚོགས་པ་ཚད་ཡོད་ཀུང་སིའི་ཏང་ཨུའི་ཧྲུའུ་ཅི་དང་ཏུང་ཧྲི་ཀྲང་ཐལ་བུས་ཚང་འཛོམས་གྲོས་ཚོགས་ཀྱི་ལས་དོན་སྙན་སྒྲོན་གསན་རྗེས་ང་ལ་སྐུལ་ལྕག་ཟབ་མོ་ཐེབས་པ་དང་ངར་ཤུགས་ལྡབ་འཕེལ་བྱུང་བ་དང་ཆབས་ཅིག་འགན་འཁྲི་ལྕི་བ་དང་ལས་འགན་གཟི་བརྗིད་ལྡན་པ་ཞིག་ཡིན་པའི་ཚོར་སྣང་ཟབ་མོ་བྱུང་། ཚོགས་འདུ་གྲོལ་རྗེས་ཁེ་ལས་ཀྱི་ལས་བྱེད་པ་དང་ལས་བཟོ་ཡོངས་སྒྲིག་འཛུགས་བྱས་ནས་ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་གོ་བ་གཏིང་ཟབ་ལེན་པ་དང་འབྲེལ་སློབ་སྦྱོང་གི་གྲུབ་འབྲས་དེ་བྱ་སྤྱོད་དངོས་སུ་འགྱུར་བ་བྱས་ཏེ་ལས་ཀའི་སྤྲོ་སེམས་དེ་བས་འཕེལ་བ་དང་དེ་བས་དངོས་སྒྲུབ་ཀྱི་སྤྱོད་ཚུལ་ཐོག་ནས་ཁུལ་ཡོངས་ཀྱི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ཆེད་འབད་འཐབ་ཧུར་ཐག་བྱ་རྒྱུ་ཡིན་ཞེས་བཤད་པ།