ཀྲང་ཝེ་ཏུང་གིས་སེམས་ཀྱི་ཉི་ཟླ་བེ་ཤ་ཉོ་ཚོང་ཁྲོམ་རར་་བརྟག་ཞིབ་གནང་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ8པའི་ཚེས19ཉིན།ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཀྲང་ཝེ་ཏུང་གིས་རུ་སྣེ་ཁྲིད་དེ་སེམས་ཀྱི་ཉི་ཟླ་བེ་ཤ་ཉོ་ཚོང་ཁྲོམ་རར་བརྟག་ཞིབ་གནང་བ་དང་འབྲེལ་བཞུགས་མོལ་ཚོགས་འདུ་འཚོགས་པ།

    ཀྲང་ཝེ་ཏུང་དང་བཅས་པ་སྔ་རྗེས་སུ་བེ་ཤ་ཉོ་ཚོང་ཁྲོམ་ར་དང་པོ་ཝུན་བཟའ་བཅའ་ཚན་རྩལ་ཚད་ཡོད་ཀུང་སིར་ཕེབས་ནས་ཡུལ་དངོས་སུ་བེ་ཤ་ལས་སྣོན་འཁོར་ཁང་དང་བེ་ཤ་ཐད་གཏོང་ཁང་ལ་གཟིགས་ཞིབ་གནང་བ་དང་ཁེ་ལས་ཀྱི་བེ་ཤ་ཕྱིར་གཏོང་དང་ཁྲོམ་རའི་ཉོ་ཚོང་སོགས་ཀྱི་གནས་ཚུལ་མཁྱེན་རྟོགས་ཞིབ་ཕྲ་གནང་བ་རེད།ཁོང་གིས་ནན་གྱིས་བསྟན་དོན།བེ་ཤ་ནི་རང་ཁུལ་གྱི་ཁྱད་ལྡན་ཐོན་ལས་ཤིག་ཡིན་པས་རིམ་ཁག་འབྲེལ་ཡོད་སྡེ་ཚན་གྱིས་ཁྲོམ་ར་སྔར་བས་རྒྱ་ཆེར་གཏོང་བ་དང་“ཀྲུང་གོའི་བེ་ཤ་འཁོར་རྒྱུག་ལྟེ་གནས”ཧུར་ཐག་བཏོད་དེ་སེམས་ཀྱི་ཉི་ཟླའི་བེ་ཤ་སྤུས་རྟགས་ཀྱི་སྐད་གྲགས་ཆོད་ཚད་དང་ཤུགས་རྐྱེན་ཐེབས་ཤུགས་རྒྱུན་མཐུད་ངང་ཆེ་རུ་བཏང་ནས་བེ་ཤ་དེ་ས་གནས་དེ་གའི་ཞིང་པའི་འབབ་འཕར་ཕྱུག་འགྱུར་ལ་སྐུལ་ཁྲིད་བྱེད་པའི་ཐོན་ལས་གལ་ཆེན་ཞིག་ཏུ་འགྱུར་བ་བྱེད་དགོས།

    ཀྲང་ཝེ་ཏུང་གིས་ཁྲོམ་རའི་འདུ་ཤེས་ཟབ་ཏུ་གཏོང་བ་དང་གཞོགས་འདེགས་དམ་ཟབ་བྱས་ཏེ་ལས་ཀའི་མཉམ་ཤུགས་ཆགས་པ་བྱས་ནས་ཉོ་ཚོང་ཁྲོམ་ར་ཚད་ལྡན་དུ་གཏོང་བ་དང་ཁྲིམས་འཛིན་ལྟ་སྐུལ་ལ་ཤུགས་སྣོན་རྒྱག་པ་སོགས་ཀྱི་བྱ་ཐབས་བརྒྱུད་བེ་ཤ་སྣོད་བཅུད་ཁོར་ཡུག་སྲུང་སྐྱོང་ཡག་པོ་བྱས་ཏེ་བེ་ཤ་ཐོན་ལས་རྒྱུན་མཐུད་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས། སྲིད་གཞུང་དང་ཁེ་ལས་དབར་གྱི་འབྲེལ་གཏུག་ལ་ཤུགས་སྣོན་རྒྱག་པ་དང་སྲིད་ཇུས་དྲིལ་བསྒྲགས་བྱེད་ཤུགས་ཆེ་རུ་བཏང་ནས་ཁེ་ལས་ལ་ཕན་པའི་སྲིད་ཇུས་དུས་ཐོག་དང་གནད་ལ་འཁེལ་བའི་སྒོ་ནས་བརྒྱུད་བསྒྲགས་གནད་ལ་འཁེལ་བ་བྱས་ཏེ་ཁེ་ལས་འཕེལ་རྒྱས་ཁྲོད་ལྷག་པའི་དཀའ་ངལ་དང་གནད་དོན་ཐག་གཅོད་ཏན་ཏིག་བྱས་ནས་ཁེ་ལས་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་རོགས་བྱེད་དགོས།2024་ལོའི་“ཀྲུང་ཧྭའི་ཞིམ་ཟས་·བྲོ་བ་ཞིམ་པའི་ཡུན་ནན—་སེམས་ཀྱི་ཉི་ཟླའི་བེ་ཤ་ཞིམ་ཟས་དུས་ཆེན”གྱི་བྱེད་སྒོ་གོ་སྐབས་སུ་བྱས་ཏེ་དུས་ཐོག་ཏུ་ཉམས་མྱོང་ཕྱོགས་སྡོམ་བྱས་ནས་སེམས་ཀྱི་ཉི་ཟླའི་བེ་ཤ་ལ་གཏམ་རྒྱུད་དང་ནང་དོན་གསར་པ་བསྣན་དགོས། བྲིན་ཚོང་གི་ཐབས་ལམ་སྔར་བས་རྒྱ་ཆེར་བཏང་ནས་སེམས་ཀྱི་ཉི་ཟླའི་བེ་ཤ་གློག་རྡུལ་ཚོང་དོན་གྱི་མགྱོགས་འཁོར་ནང་རྒྱུན་མཐུད་ངང་བསྡད་དེ་རྒྱལ་ཁབ་ཕྱི་ནང་དུ་འཚོང་ཐུབ་པ་བྱེད་དགོས།ཁྲོམ་རར་བརྟག་ཞིབ་ཧུར་ཐག་བྱེད་པ་དང་ས་བབ་ཀྱི་ལེགས་ཆར་དབྱེ་ཞིབ་ནན་ཏན་བྱས་ཏེ་བར་ཤ་རྒྱག་ས་ཧུར་ཐག་གཏོད་དགོས། ཁྲོམ་རའི་དོ་དམ་སྔར་བས་ཚད་ལྡན་དུ་གཏོང་བ་དང་ཁྲོམ་རའི་ནུས་པ་འཐུས་སྒོ་ཚང་དུ་གཏོང་བ་སོགས་ཀྱི་བྱ་ཐབས་བརྒྱུད་འགྲུལ་པ་འགུགས་ཐབས་བྱས་ཏེ་བེ་ཤ་ཐོན་ལས་རྒྱུན་མཐུད་ངང་རིན་ཐང་འཕར་བ་དང་ཕན་འབྲས་ཆེ་རུ་འགྲོ་རྒྱུར་སྐུལ་འདེད་ཏན་ཏིག་གཏོང་དགོས་པའི་བླང་བྱ་བཏོན་པ་རེད།ཁུལ་གྱི་འགོ་ཁྲིད་ཧོང་ལུང་ཞིན་དང་ཀྲོང་ཞའོ་ཕིང་།

    ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བ་དང་སེམས་ཀྱི་ཉི་ཟླ་གྲོང་ཁྱེར་སྲིད་གཞུང་གི་འབྲེལ་ཡོད་འགོ་ཁྲིད་བརྟག་ཞིབ་ནང་ཞུགས་ཡོད་པ་རེད།