ཀྲང་ཝེ་ཏུང་གིས་བདེ་ཆེན་ཁུལ་ཚ་ཤུགས་གསར་སྤེལ་འགན་འཁྲི་ཚད་ཡོད་ཀུང་སིར་བརྟག་ཞིབ་ཕེབས།

རྩོམ་པ་པོ།     ཡིག་བསྒྱུར།       དུས་ཚོད།   2024-08-21   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་8པའི་ཚེས་19ཉིན།  ཁུལ་ཨུའི་ཧྲུའུ་ཅི་གཞོན་པ།  ཁུལ་དཔོན་ཀྲང་ཝེ་ཏུང་གིས་མི་བྱེད་པ་བཞི་དང་ཐད་ཀ་གཉིས་ཞེས་པའི་ཚུལ་གྱིས་བདེ་ཆེན་ཁུལ་ཚ་ཤུགས་གསར་སྤེལ་འགན་འཁྲི་ཚད་ཡོད་ཀུང་སིར་བརྟག་ཞིབ་ཕེབས་པ་དང་།  ཁེ་ལས་གཉེར་སྐྱོང་དང་ཁུལ་ཡོངས་ཀྱི་དྲོད་རླངས་མཁོ་འདོན་རྣམ་གྲངས་འཛུགས་སྐྲུན་གྱི་འཕེལ་རིམ་སོགས་ཀྱི་གནས་ཚུལ་ཤེས་རྟོགས་ཞིབ་ཕྲ་བྱས་པ་རེད།

        ཀྲང་ཝེ་ཏུང་གིས་ཀུང་སིའི་ཉེ་བའི་ལོ་ཤས་རིང་གི་གཉེར་སྐྱོང་འཕེལ་རྒྱས་ལ་ཁས་ལེན་གང་ལེགས་གནང་བ་དང་། ཁོང་གིས་དགུན་དུས་དྲོད་རླངས་མཁོ་འདོན་བྱ་རྒྱུ་དེ་དུད་ཚང་ཁྲི་སྟོང་མང་པོ་དང་འབྲེལ་བ་ཡོད་པ་དང་མང་ཚོགས་ཀྱི་བདེ་རྩར་ཐུག་པའི་ཁེ་ཕན་དང་འབྲེལ་བ་ཡོད་པས་དམངས་འཚོའི་འདུ་འགོད་གལ་ཆེན་ཞིག་རེད། དྲོད་རླངས་མཁོ་འདོན་ཁེ་ལས་ཀྱིས་སྤྱི་ཚོགས་ཀྱི་འགན་འཁྲི་ལག་བསྟར་ཏན་ཏིག་བྱས་ཏེ་དུས་དང་རྣམ་པ་ཀུན་ཏུ་མི་སེར་གྱི་བདེ་སྡུག་སེམས་ནང་འཇོག་པ་དང་། ནུས་ཤུགས་ཡོད་རྒུས་དྲོད་རླངས་མཁོ་འདོན་གྱི་སྤུས་ཚད་དང་ཞབས་ཞུའི་ཆུ་ཚད་མཐོ་རུ་བཏང་ནས་མི་དམངས་མང་ཚོགས་ཀྱི་ཉིན་བཞིན་ཆེ་རུ་འགྲོ་བའི་དྲོད་རླངས་མཁོ་འདོན་གྱི་དགོས་མཁོ་རྒྱུན་ཆད་མེད་པར་སྐོང་བ་དང་།  མང་ཚོགས་ཀྱི་ཐོབ་ཚོར་དང་བདེ་སྐྱིད་ཀྱི་ཚོར་བ།  བདེ་འཇགས་ཀྱི་ཚོར་བ་བཅས་ཆེ་རུ་ཏན་ཏིག་བཏང་སྟེ་ཞབས་ཞུ་སྤུས་ལེགས་ལ་བརྟེན་ནས་མང་ཚོགས་ཀྱི་ཁས་ལེན་ཐོབ་པ་བྱེད་དགོས་ཞེས་ནན་བཤད་བྱས།

        ཀྲང་ཝེ་ཏུང་གིས་ནན་བཤད་བྱས་དོན།  ཁུལ་ཚ་ཤུགས་གསར་སྤེལ་འགན་འཁྲི་ཚད་ཡོད་ཀུང་སི་ཡིས་གནད་དོན་ཕྱོགས་སྟོན་དུ་འཛིན་པ་དང་ནོར་སྲིད་སྲིད་ཇུས་བརྩོན་ལེན་ཧུར་ཐག་བྱས་ཏེ་ཁྲོམ་ར་གསར་འབྱེད་བྱེད་ཤུགས་ཆེ་རུ་གཏོང་བ་དང་གཉེར་སྐྱོང་དོ་དམ་གྱི་ལས་ཕྱོད་རྒྱུན་མཐུད་ངང་ཆེ་རུ་གཏོང་དགོས།  འགན་འཁྲི་འཁུར་སེམས་དང་ལས་འགན་སྒྲུབ་སེམས་ཆེ་རུ་ཏན་ཏིག་བཏང་ནས་ཁྲིམས་དང་སྒྲིག་སྲོལ་གཞིར་བཟུང་ཚད་ལྡན་དང་ཚན་རིག་དང་མཐུན་པའི་སྒོ་ནས་གསར་སྐྲུན་རྣམ་གྲངས་ལ་སྐུལ་འདེད་གཏོང་བ་དང་ཨར་ལས་ཀྱི་སྤུས་ཚད་ཚོད་འཛིན་ནན་པོ་བྱས་ཏེ་དྲོད་རླངས་མཁོ་འདོན་རྒྱས་སྐྲུན་དང་སྒྱུར་བཀོད་ཀྱི་ལས་འགན་དུས་བཀག་ལྟར་ལེགས་གྲུབ་ཡོང་བའི་འགན་ལེན་བྱེད་དགོས།  ཁོང་གིས་ཐོལ་བྱུང་གནས་ཚུལ་དང་ཐལ་དྲགས་པའི་གནམ་གཤིས་ལ་དུས་ཐོག་ཏུ་ཁ་གཏད་གཅོག་ཆེད་འཕྲལ་སྡོམ་སྔོན་ཇུས་འཐུས་སྒོ་ཚང་དུ་གཏོང་བ་དང་ལྟ་ཞིབ་ཚད་ལེན་དང་སྔོན་བརྡ་གཏོང་རྒྱུར་ཤུགས་སྣོན་བརྒྱབ་ནས་གནམ་གཤིས་འགྱུར་ལྡོག་ལ་དོ་ཁུར་ཆེན་པོ་བྱེད་པ་དང་དྲོད་རླངས་མཁོ་འདོན་ཚན་རིག་དང་མཐུན་པའི་ངང་བཀོད་གཏོང་དང་བཀོད་སྒྲིག་ལུགས་མཐུན་བྱས་ཏེ་དྲོད་ཚད་ཚད་ལོན་པ་དང་མང་ཚོགས་བློ་ཡིད་ཚིམ་པའི་འགན་ལེན་བྱེད་དགོས་པ་དང་།   དྲོད་རླངས་མཁོ་འདོན་གྱི་ངལ་གསོའི་དུས་ཚོད་བེད་སྤྱོད་གང་ལེགས་བྱས་ཏེ་དྲོད་རླངས་མཁོ་འདོན་མ་ལག་གི་"དགུན་དུས་ཀྱི་ནད་དབྱར་དུས་སྨན་བཅོས་"ལས་དོན་ལ་སྐུལ་འདེད་གཏོང་བ་དང་དྲོད་རླངས་མཁོ་འདོན་གྱི་སྒྲིག་བཀོད་སྒྲིག་ཆས་ཞིབ་བཤེར་བཟོ་བཅོས་དང་མདོང་ལམ་རྙིང་པ་གྲལ་བཤེར་ཉམས་གསོ་སོགས་ཀྱི་ལས་དོན་ཡག་པོ་བསྒྲུབས་ནས་དྲོད་རླངས་མཁོ་འདོན་གྱི་འགན་ལེན་ནུས་པ་དང་ཞབས་ཞུའི་ཆུ་ཚད་ཁྱོན་ཡོངས་ནས་མཐོ་རུ་གཏོང་དགོས།  བདེ་འཇགས་ཐོན་སྐྱེད་ཀྱི་འདུ་ཤེས་ཟབ་ཏུ་གཏོང་བ་དང་བདེ་འཇགས་ཐོན་སྐྱེད་ཀྱི་བྱེད་པོའི་འགན་འཁྲི་དོན་འཁྱོལ་ནན་པོ་བྱས་ཏེ་སྒྲིག་ཆས་མདོང་དྲའི་རྒྱུན་གཏན་གྱི་ཞིབ་བཤེར་ཉམས་གསོ་དང་སྲུང་སྐྱོང་ལ་ཤུགས་སྣོན་རྒྱག་པ་དང་བདེ་འཇགས་ཀྱི་མི་མངོན་པའི་རྐྱེན་ངན་སྣ་ཚོགས་དུས་ཐོག་ཏུ་བསལ་ནས་བདེ་འཇགས་དང་བརྟན་པོའི་ངང་དྲོད་རླངས་མཁོ་འདོན་ཐུབ་པའི་འགན་ལེན་བྱེད་དགོས་ཞེས་བཏོན་པ་རེད།

        ཀྲང་ཝེ་ཏུང་གིས་ཁུལ་ཚ་ཤུགས་གསར་སྤེལ་འགན་འཁྲི་ཚད་ཡོད་ཀུང་སི་ཡིས་རང་ཁུལ་གྱི་གཞུང་ཁོངས་ཁེ་ལས་གལ་ཆེན་ཞིག་ཡིན་པའི་ངོས་ནས་སྤུས་ཚད་མཐོ་བའི་ཏང་འཛུགས་སྐྱོང་ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་སྣེ་ཁྲིད་དང་འགན་ལེན་བྱ་རྒྱུ་མཐའ་འཁྱོངས་བྱས་ཏེ་དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་ཡག་པོ་བྱེད་དགོས་ཞེས་བླང་བྱ་བཏོན།

        ཁུལ་གྱི་འགོ་ཁྲིད་ལིའོ་ཝེན་ཚེ་དང་། ཀྲོང་ཞའོ་ཕིང་བརྟག་ཞིབ་ཏུ་ཞུགས།


分享到：QQ空间新浪微博腾讯微博人人网微信