ཀྲང་ཝེ་ཏུང་གིས་སེམས་ཀྱི་ཉི་ཟླ་འགག་སྒོར་བཅར་འདྲི་བརྟག་ཞིབ་གནང་བ་དང་བདེ་ཆེན་སེམས་ཀྱི་ཉི་ཟླ་གནམ་ཐང་མཁའ་འགྲུལ་འགག་སྒོའི་སྒོ་འབྱེད་ལས་དོན་ལ་སྐུལ་འདེད་གཏོང་བའི་ཚོགས་འདུ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-22   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།


སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་8པའི་ཚེས་20ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་སེམས་ཀྱི་ཉི་ཟླ་འགག་སྒོར་ཕེབས་ནས་བཅར་འདྲི་བརྟག་ཞིབ་གནང་བ་དང་བདེ་ཆེན་སེམས་ཀྱི་ཉི་ཟླ་གནམ་ཐང་འགག་སྒོའི་སྒོ་འབྱེད་ལས་དོན་ལ་སྐུལ་འདེད་གཏོང་བའི་ཚོགས་འདུ་འཚོགས་པ།

        བཅར་འདྲི་བརྟག་ཞིབ་གནང་སྐབས། ཀྲང་ཝེ་ཏུང་གིས་ཡུལ་དངོས་སུ་སེམས་ཀྱི་ཉི་ཟླ་འགག་སྒོའི་འཕེལ་རྒྱས་གནས་ཚུལ་མཚམས་སྦྱོར་ལ་གསན་པ་དང་སེམས་ཀྱི་ཉི་ཟླ་འགག་སྒོས་དུས་ཡུན་རིང་པོའི་ཚུལ་ལ་བདེ་ཆེན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྤྲད་པའི་རྒྱབ་སྐྱོར་ཤུགས་ཆེན་ལ་ཐུགས་རྗེ་ཆེ་ཞུས། ཁོང་གིས་བདེ་ཆེན་གྱི་སྐྱེ་ཁམས་ཁོར་ཡུག་ལེགས་པ་དང་ཐོན་ཁུངས་གནས་བབ་ལེགས་པ། ཚོང་རའི་བར་སྟོང་རྒྱ་ཆེ་ཞིང་། ཉེ་བའི་ལོ་འགའི་རིང་སེམས་ཀྱི་ཉི་ཟླའི་རྒུན་ཆང་དང་བེ་ཤ་སོགས་ཁྱབ་ཁོངས་སྤུས་རྟགས་ཀྱི་ཤུགས་རྐྱེན་ཐེབས་ཤུགས་རྒྱ་ཆེར་སྐྱེད་པ་དང་སྤུས་ལེགས་ཀྱི་ས་མཐོའི་ཞིང་ལས་ཐོན་རྫས་རྒྱལ་ཕྱིའི་ཚོང་རར་སྐྱོད་ཡོད་ཅེས་བཤད། སེམས་ཀྱི་ཉི་ཟླ་འགག་སྒོས་ཕྱི་ཕྱོགས་ཉོ་ཚོང་གི་རོགས་སྐྱོར་སྲིད་ཇུས་དོན་འཁྱོལ་བྱེད་པ་དང་གྲུབ་ཆ་གཙོ་བོ་གསོ་སྐྱོང་བྱེད་པ། ཐོན་རྫས་འོས་སྦྱོར་བྱེད་པ། སྟེགས་བུ་བསྐྲུན་པ། ཚོང་ར་གསར་འབྱེད་བྱེད་པ་སོགས་ཕྱོགས་མང་པོའི་ཐད་ནས་བདེ་ཆེན་གྱི་ཕྱི་ཕྱོགས་ཉོ་ཚང་ཁེ་ལས་ལ་རྒྱབ་སྐྱོར་དང་རོགས་སྐྱོར་བྱས་ནས་བདེ་ཆེན་གྱི་ཞིང་ལས་ཐོན་རྫས་གྲགས་ཅན་དེ་བས་རྒྱ་ཆེའི་རྒྱལ་སྤྱིའི་ཚོང་རར་བསྐྱོད་རྒྱུར་སྐུལ་འདེད་གཏོང་རོགས་ཞེས་པའི་རེ་བ་བཏོན།

        བདེ་ཆེན་སེམས་ཀྱི་ཉི་ཟླ་གནམ་ཐང་མཁའ་འགྲུལ་འགག་སྒོའི་སྒོ་འབྱེད་ལས་དོན་ལ་སྐུལ་འདེད་གཏོང་བའི་ཚོགས་འདུའི་ཐོག་ཁུལ་ཚོང་དོན་ཅུས་(ཁུལ་སྲིད་གཞུང་འགག་སྒོའི་གཞུང་ལས་ཁང་)གིས་མཁའ་འགྲུལ་འགག་སྒོའི་གནས་སྐབས་སྒོ་འབྱེད་ཀྱི་ཡིག་ཐོག་སྙན་ཞུ་དང་འཛུགས་སྐྲུན་གནས་ཚུལ་སྙན་སེང་ཞུས་པ། ཁུལ་འགྲིམ་འགྲུལ་སྐྱེལ་འདྲེན་ཅུས་དང་ཁུལ་རིག་གནས་ཡུལ་སྐོར་ཅུས། སེམས་ཀྱི་ཉི་ཟླ་འགག་སྒོ། སེམས་ཀྱི་ཉི་ཟླ་གནམ་ཐང་སོགས་སྡེ་ཚན་གྱིས་སོ་སོའི་འགན་ནུས་དང་ལས་ཀའི་ཚད་གཞིར་བསྟུན་ནས་མཁའ་འགྲུལ་འགག་སྒོའི་གནས་སྐབས་སྒོ་འབྱེད་ལ་ལས་ཀའི་བསམ་གཞི་བཏོན་པ།

        ཚོགས་འདུའི་ཐོག་བསྟན་དོན། མཁའ་འགྲུལ་འགག་སྒོ་སྒོ་འབྱེད་ནི་མ་ལག་རང་བཞིན་གྱི་ལས་གྲྭ་ཞིག་ཡིན་པས། བདེ་ཆེན་གྱི་ཕྱི་ཕྱོགས་སྒོ་འབྱེད་ཀྱི་སྤུས་ཚད་མཐོ་བའི་འཕེལ་རྒྱས་དང་རྒྱལ་སྤྱིའི་ཡུལ་སྐོར་ཚོང་ར་རྒྱ་ཆེར་སྐྱེད་རྒྱུར་དོན་སྙིང་ཧ་ཅང་གལ་ཆེན་ལྡན་པ་དང་ཁུལ་ཡོངས་མི་རིགས་ཁག་གི་སེམས་གཏམ་ཡིན། དེ་བས་ས་ཁུལ་མཆོང་སྐྱོད་ལྟ་བུའི་འཕེལ་རྒྱས་མངོན་གྱུར་བྱུང་བའི་ལོ་རྒྱུས་ཀྱི་གོ་སྐབས་ཆེན་པོ་ཞིག་ཀྱང་ཡིན། ཁུལ་ཨུ་དང་ཁུལ་སྲིད་གཞུང་གིས་མཁའ་འགྲུལ་འགག་སྒོ་སྒོ་འབྱེད་ལས་དོན་ལ་སྐུལ་འདེད་གཏོང་བར་རྣམ་འགྱུར་བརྟན་པོ་དང་ཡིད་ཆེས་བརྟན་པོ་ཡོད་པས་རིམ་ཁག་སྡེ་ཚན་སོ་སོས་ངེས་པར་དུ་བློ་བརྟན་འགྱུར་མེད་ཀྱིས་གོམ་སྟབས་མགྱོགས་སུ་བཏང་ནས་ནུས་ཤུགས་ཡོད་རྒུས་སྐུལ་འདེད་གཏོང་དགོས། 

        ཚོགས་འདུའི་ཐོག་ནན་བཤད་གནང་དོན། འབྲེལ་ཡོད་སྡེ་ཁག་སོ་སོས་མཁའ་འགྲུལ་འགག་སྒོ་སྒོ་འབྱེད་ལས་ཀའི་ཆེད་ལས་ཚོགས་ཆུང་གང་མགྱོགས་ཀྱིས་བཙུགས་ནས་ལས་ཀ་དོན་འཁྱོལ་ལ་སྐུལ་འདེད་གཏོང་དགོས་པ་དང་། རང་འགུལ་གྱིས་མཉམ་ལས་བྱེད་དགོས།  ཉན་ཆ་གསབ་པའི་ལས་དོན་ལག་བསྟར་དམ་འཛིན་བྱེད་དགོས། མགྱོགས་མྱུར་ངང་གོང་ལ་འབྲེལ་མཐུད་བརྩོན་ལེན་ལས་ཀ་སྒྲུབ་དགོས། གོང་རིམ་གྱིས་རྣམ་གྲངས་མ་དངུལ་རྒྱབ་སྐྱོར་ལ་ཧུར་ཐག་གིས་བརྩོན་ལེན་བྱེད་དགོས། མ་དངུལ་འཇོག་པར་ཁག་ཐེག་བྱེད་དགོས། ཇུས་ཤུགས་མཉམ་འདོན་གྱི་སྒོ་ནས་རང་འགུལ་ངང་རང་ཁུལ་གྱི་འགག་སྒོ་སྒོ་འབྱེད་འཕེལ་རྒྱས་ལ་ཚོད་འཛིན་ཐེབས་པའི་འགག་རྩའི་གནད་དོན་སེལ་དགོས། འགག་སྒོ་སྒོ་འབྱེད་ཀྱི་ཁོར་ཡུག་བཟང་པོ་ཞིག་གཏོད་ནས་འགག་སྒོའི་ཆུ་ཚད་མཐོ་བའི་སྒོ་འབྱེད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས།

        ཁུལ་སྲིད་གཞུང་གི་འགོ་ཁྲིད་ཧོང་ལུང་ཞིན། ཀྲོང་ཞའོ་ཕིང་། ཁུལ་རིམ་པའི་འབྲེལ་ཡོད་སྡེ་ཁག་དང་སེམས་ཀྱི་ཉི་ཟླ་གྲོང་ཁྱེར་སྲིད་གཞུང་གི་འགན་འཁུར་བ་ཚོགས་འདུར་ཞུགས།

分享到：QQ空间新浪微博腾讯微博人人网微信