ཁུལ་ཨུ་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་2024་ལོའི་གཅིག་སྡུད་སློབ་སྦྱོང་ཐེངས་བརྒྱད་པ་དང་“བདེ་ཆེན་གྱི་འཆད་ཁྲིད་ཆེན་པོ་·འཆད་ཁྲིད་གསུམ་པ”སྤེལ་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-23   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བ།ཟླ8པའི་ཚེས22ཉིན།ཁུལ་ཨུ་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གིས་2024་ལོའི་གཅིག་སྡུད་སློབ་སྦྱོང་ཐེངས་བརྒྱད་པ་དང་“བདེ་ཆེན་གྱི་འཆད་ཁྲིད་ཆེན་པོ་·འཆད་ཁྲིད་གསུམ་པ”སྦེལ་བ།ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་སློབ་སྦྱོང་གཙོ་སྐྱོང་གནང་སྐབས་“ཞིང་གསུམ”་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་“ཁྲི་སྟོང་ལས་གྲྭའི”ཉམས་མྱོང་སློབ་སྦྱོང་དང་ཁྱབ་གདལ་ནན་ཏན་བཏང་ནས་གྲོང་གསེབ་ཕྱོགས་ཡོངས་ནས་དར་རྒྱས་འགྲོ་རྒྱུར་སྐུལ་འདེད་མགྱོགས་སུ་བཏང་སྟེ་རང་ཁུལ་གྱི་ཞིང་ལས་དང་གྲོང་གསེབ་དེང་རབས་ཅན་འཛུགས་སྐྲུན་གྱི་རྣམ་པ་གསར་པ་ནུས་ཤུགས་ཡོད་རྒུས་གཏོད་དགོས་ཞེས་ནན་བཤད་གནང་བ་རེད།

    ཀྲང་ཝེ་ཏུང་དང་།ལི་ཡན་ལན།ཡུས་ཧྲེང་ཞང་།མིའོ་ཡིའུ་ཧྥ་བཅས་སློབ་སྦྱོང་ལ་ཞུགས་པ།

    ཧྲང་ཧའེ་འགྲིམ་འགྲུལ་སློབ་ཆེན་གྱི་དགེ་རྒན་ཆེན་མོ་རིམ་པའི་མཐོ་རིམ་བཟོ་བཀོད་པ་དང་རབ་འབྱམས་པའི་ཁྲིད་སྟོན་དགེ་རྒན་མཱ་ཁོ་ཡིས་“ཁྲི་སྟོང་ལས་གྲྭ”ནས་གྲོང་གསེབ་དར་རྒྱས་གཏོང་བའི་ཐབས་ལམ་དང་།དཔེ་དབྱིབས།ཐོན་ལས་བཅས་གླེང་ཞེས་པ་བརྗོད་གཞིར་བྱས་ཏེ་གསོན་ཉམས་ལྡན་པའི་གྱོད་དཔེ་དང་ཟུང་འབྲེལ་བྱས་ནས་ཆེད་དོན་འགྲེལ་བཤད་བརྒྱབ་སྟེ་བདེ་ཆེན་ཁུལ་གྱིས་“ཁྲི་སྟོང་ལས་གྲྭའི”ཉམས་མྱོང་ཇི་ལྟར་དཔྱད་གཞིར་བཟུང་ནས་གྲོང་གསེབ་ཁྱོན་ཡོངས་ནས་དར་རྒྱས་ཡོང་བར་སྐུལ་འདེད་གཏོང་བར་བསམ་ཕྱོགས་དང་བློ་སྒོ་ཕྱེ་བ་རེད།

    ལུའོ་ཁྲའོ་ཧྥེང་གིས་ནན་གྱིས་བསྟན་དོན།ཁུལ་ཡོངས་ཀྱི་རིམ་པ་ཁག་དང་སྡེ་ཚན་ཁག་གིས་“ཞིང་གསུམ་”ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་གོ་བ་གཏིང་ཟབ་བླངས་ནས་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་ཀྱིས་མང་ཚོགས་ཀྱི་རྒྱབ་ཏུ་ཡོད་པའི་དགོས་གཏུགས་ཀྱི་བསམ་པའི་ཐོག་ནས་དམིགས་སའི་རང་བཞིན་གྱི་ལས་ཀའི་བྱ་ཐབས་སྤྱད་དེ་གནད་དོན་ཐག་གཅོད་བྱ་རྒྱུར་སྐུལ་འདེད་ནུས་ལྡན་བཏང་ནས་ཁུལ་ཡོངས་ཀྱི་“ཞིང་གསུམ”ལས་དོན་ལ་གྲུབ་འབྲས་གསར་པ་དེ་བས་ཆེ་བ་ཐོབ་རྒྱུའི་འགན་ལེན་བྱེད་དགོས། རྨོ་ཞིང་སྲུང་སྐྱོང་ལ་ཤུགས་སྣོན་རྒྱག་པ་དང་ཞིང་ལས་ཐོན་རྫས་གལ་ཆེན་མཁོ་སྤྲོད་འགན་ལེན་བྱ་རྒྱུར་དམ་འཛིན་ཡག་པོ་བྱས་ཏེ་དབུལ་པོ་བསྐྱར་ལོག་སྔོན་འགོག་གི་ལྟ་ཞིབ་ཚད་ལེན་རོགས་སྐྱོར་ལམ་སྲོལ་རྒྱུན་རྣམ་ཅན་དུ་བེད་སྤྱོད་ཡག་པོ་བྱས་ནས་རྒྱལ་ཁབ་ཀྱི་འབྲུ་རིགས་བདེ་འཇགས་འགན་ལེན་དང་གཏན་འབེབས་རང་བཞིན་གྱི་དབུལ་པོ་བསྐྱར་ལོག་མི་ཐོན་པའི་མཐའ་ཚད་མཐའ་གཅིག་ཏུ་བརྟན་པོ་སྲུང་དགོས།གྲོང་གསེབ་ཀྱི་གྲོང་མི་དང་དབུལ་སྒྲོལ་མི་འབོར་ལ་རྒྱུན་མཐུད་འབབ་འཕར་ཡོང་བའི་ལོ་གསུམ་གྱི་བྱ་སྤྱོད་ལ་རྒྱུན་མཐུད་ངང་དམ་འཛིན་ཡག་པོ་བྱེད་པ་དང་ཐབས་མང་མཉམ་སྤྱོད་ཀྱིས་ཡུལ་དངོས་དང་ཐག་ཉེ་སར་ལས་ཞུགས་བྱ་རྒྱུར་དམ་འཛིན་ཡག་པོ་བྱས་ཏེ་ཞིང་པའི་འབབ་འཕར་གྱི་རྩོམ་ཡིག་དེ་རྒྱུན་མཐུད་ངང་ཡག་པོ་འབྲི་དགོས།ཐོན་ལས་གསུམ་པ་མཉམ་འདྲེས་འཕེལ་རྒྱས་ཀྱི་ལམ་སྲོལ་གང་མགྱོགས་འཛུགས་པ་དང་བཟའ་བྱའི་ཤ་མོའི་ཐོན་ལས་ཀྱི་“3510”འཕེལ་རྒྱས་འཆར་འགོད་ལག་བསྟར་བྱ་རྒྱུར་སྐུལ་འདེད་མགྱོགས་མྱུར་བཏང་ནས་ས་མཐོའི་ཁྱད་ལྡན་ཐོན་ལས་འཕེལ་རྒྱས་ལ་སྐུལ་འདེད་གཏོང་དགོས།“ཁྲི་སྟོང་ལས་གྲྭའི”ཉམས་མྱོང་སློབ་སྦྱོང་དང་བེད་སྤྱོད་ནན་ཏན་བྱས་ཏེ་གྲོང་གསེབ་ཀྱི་མི་སྡོད་ཁོར་ཡུག་བཅོས་སྒྲིག་རིམ་སྤོར་ལ་རྒྱུན་མཐུད་ངང་སྐུལ་འདེད་གཏོང་དགོས།ཕན་འབྲས་རྗེས་འདེད་འདྲི་རྩད་བྱེད་ཤུགས་ཆེ་རུ་བཏང་ནས་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་གཏོང་རྒྱུ་དེ་གྲོང་གསེབ་དར་རྒྱས་དང་སྦྲེལ་མཐུད་ནུས་ལྡན་བྱེད་པའི་གནད་དོན་བཅོས་སྒྲིག་བྱ་རྒྱུར་རྒྱུན་མཐུད་ངང་དམ་འཛིན་ཡག་པོ་བྱེད་དགོས།

    ལུའོ་ཁྲའོ་ཧྥེང་གིས་ཁུལ་ཡོངས་ཀྱི་རིམ་ཁག་ཏང་རྩ་འཛུགས་ཀྱིས་“ཞིང་གསུམ”ལས་དོན་ལ་འགོ་ཁྲིད་བྱ་རྒྱུར་ཕྱོགས་ཡོངས་ནས་ཤུགས་སྣོན་བརྒྱབ་སྟེ་ཁུལ་དང་།རྫོང་།ཤང་།གྲོང་ཚོ་བཅས་རིམ་པ་བཞིའི་ཧྲུའུ་ཅིས་གྲོང་གསེབ་དར་རྒྱས་གཏོང་བའི་འགན་འཁྲི་དམ་འཛིན་བྱེད་དགོས།རིམ་པ་ཁག་གི་འགོ་ཁྲིད་ལས་བྱེད་པས་ལས་ཀ་དམ་འཛིན་བྱེད་པའི་“རོལ་དབྱངས་ཁག་གསུམ”ལྟར་གཟེར་འདེབས་ཀྱི་སྙིང་སྟོབས་ལ་བརྟེན་ནས་“ཞིང་གསུམ་”ལས་ཀ་དམ་འཛིན་དང་ཞིབ་ཚགས་བྱེད་པ་དང་།གཞི་རིམ་ལས་བྱེད་པས་གནད་དོན་ལ་བསམ་བློ་མང་ཙམ་གཏོང་བ་དང་།བསམ་ཕྱོགས་མང་ཙམ་འདོན་པ།ཐབས་ཤེས་མང་ཙམ་འདོན་པ་བཅས་ལ་ཁྲིད་སྟོན་དང་རྒྱབ་སྐྱོར་བྱས་ཏེ།གྲོང་གསེབ་དར་རྒྱས་གཏོང་བར་ཁྱོན་ཡོངས་ནས་སྐུལ་འདེད་གཏོང་བའི་འཐབ་ཕྱོགས་དང་པོར་དོན་ཐོག་ཏུ་འཁྱོལ་བ་དང་།དཀའ་ཁག་ལ་འཕྲད་པ།འཐབ་ཕྱོགས་དང་པོར་ལས་ཀ་བྱེད་པ་བཅས་བྱ་དགོས།“རྨང་གཞི་བརྟན་གཏོང་གི་འདུ་འགོད་”རྒྱུན་མཐུད་ངང་ལག་བསྟར་གཏིང་ཟབ་བྱས་ཏེ་གཞི་རིམ་ཏང་རྩ་འཛུགས་ཀྱི་རྩ་འཛུགས་ནུས་པ་དང་།སྣེ་ཁྲིད་ནུས་པ།ཤུགས་རྐྱེན་ཐེབས་ཤུགས་བཅས་ཆེ་རུ་བཏང་ནས་གཞི་རིམ་ཏང་རྩ་འཛུགས་དང་ཏང་ཡོན་ལ་“སྐད་ཆ་བཤད་སྐབས་ཉན་མཁན་ཡོད་པ་དང་།བྱ་བ་སྒྲུབ་སྐབས་རྗེས་འབྲང་བྱེད་མཁན་ཡོད་པ་”འགན་ལེན་ཏན་ཏིག་བྱ་དགོས་པའི་བླང་བྱ་བཏོན་པ་རེད།

    ཁུལ་ཨུ་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི་ཁོངས་མི་དང་ཁུལ་གྱི་འགོ་ཁྲིད་ཀྱིས་སློབ་སྦྱོང་ནང་ཞུགས་པ་མ་ཟད། ཁུལ་རིམ་པའི་འབྲེལ་ཡོད་སྡེ་ཚན་དང་ཚན་པའི་འགན་འཁུར་བློ་མཐུན་སློབ་སྦྱོང་ནང་ཞུགས་ཡོད་པ་རེད།


分享到：QQ空间新浪微博腾讯微博人人网微信