བདེ་ཆེན་གྱི་བེ་ཤ་སོས་པའི་ཟོག་འདྲེན་སྐྱེལ་ཚད་ཏུན་400ལས་བརྒལ་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-27   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།

   ལོ་ལྟར་གྱི་ཟླ་6པ་ནས་ཟླ་9པའི་བར་ནི་ཡུན་ནན་གྱི་བེ་ཤ་སོས་པ་ཁྲོམ་རར་འདོན་པའི་དུས་ཚིགས་ཡིན། ཡུན་ནན་ཧྲུན་ཧྥེང་མགྱོགས་སྐྱེལ་ནས་ཤེས་རྟོགས་བྱས་པར་གཞིགས་ན། ཟླ་7པའི་ཟླ་མཇུག་ཏུ་ཧྲུན་ཧྥེང་མགྱོགས་སྐྱེལ་བེ་ཤའི་ཟོག་འདྲེན་གནམ་གྲུ་འཕུར་འགོ་ཚུགས་པ་ནས་བཟུང་ཟོག་འདྲེན་བྱེད་ཚད་རྒྱུན་ཆད་མེད་པར་མང་དུ་ཕྱིན་ནས་མིག་སྔའི་བར་རིམ་རྩིས་བྱས་ན་བེ་ཤ་ཏུན་400ལྷག་ཙམ་སྐྱེལ་འདྲེན་བྱས་པ་དེ་ན་ནིང་གི་དུས་མཚུངས་ལས་50%ཙམ་འཕར་ནས་ཧྲུན་ཧྥེང་མགྱོགས་སྐྱེལ་བེ་ཤའི་ཟོག་འདྲེན་གནམ་གྲུའི་ལོ་འཁོར་སྐྱེལ་འདྲེན་བྱེད་ཚད་ཀྱི་ལོ་རྒྱུས་ཟིན་ཐོ་གསར་པ་བཏོད་ཡོད་པ་རེད།


    བེ་ཤའི་ཡོངས་སུ་བཀང་བའི་ཟོག་འདྲེན་གནམ་གྲུ་དེ་ཉིན་རེའི་ཆུ་ཚོད19:30ཐོག་དངོས་སུ་བདེ་ཆེན་སེམས་ཀྱི་ཉི་ཟླའི་གནམ་གྲུ་ཐང་ནས་འཕུར་མགོ་བརྩམས་ཏེ།   ཆུ་ཚོད20:20ཐོག་ཁུན་མིན་ཁྲང་ཧྲོས་རྒྱལ་སྤྱིའི་གནམ་གྲུ་ཐང་དུ་འབྱོར་བཞིན་ཡོད།    དེ་ནས་གནམ་ཐེངས་བརྗེས་ཏེ་ཆུ་ཚོད00:10ཐོག་ཁུན་མིང་ནས་འཕུར་ཏེ་ཧུའུ་པའེ་ཨི་ཀྲོའུ་རུ་འབྱོར་བ་དང་དེ་ནས་ཕྱི་ཉིན་སྔ་དྲོའི་དུས་ལ་བདེ་ཆེན་མཐོ་སྒང་ནས་ཐོན་པའི་བེ་ཤ་སོས་པ་རྒྱལ་ནང་གི་ལྟེ་བའི་གྲོང་ཁྱེར་མང་ཆེ་བའི་འཛད་སྤྱོད་པའི་ལག་ཏུ་སྐྱེལ་སྤྲོད་ཐུབ་ཀྱི་ཡོད། མིག་སྔར་པེ་ཅིང་དང་། ཧྲང་ཧའེ། ཀོང་ཀྲོའུ། ཧྲེན་ཀྲེན། ཧང་ཀྲོའུ། ཁྲེང་ཏུའུ་སོགས་ས་ཆ་གཙོ་བོ་བསྐྱལ་གྱི་ཡོད་པ་རེད། 

    བྲེལ་འཚུབ་ཆེ་བའི་གནམ་གྲུ་འཕུར་ཐེངས་དང་འཕར་སྣོན་བྱུང་བའི་གྲངས་གཞི་ལས་ད་ལོའི་བདེ་ཆེན་བེ་ཤའི་ཐོན་ལས་འཕེལ་རྒྱས་ཀྱི་རྣམ་པ་བཟང་པོ་མངོན་ཡོད་ལ་མྱུར་སྐྱེལ་ཟོག་འགྲེམས་ཁེ་ལས་དང་དམངས་སྤྱོད་མཁའ་འགྲུལ་ཚན་པས་མཉམ་ལས་དམ་ཟབ་བྱས་ཏེ་ས་མཐོའི་ཁྱད་ལྡན་ཐོན་རྫས་རི་ནས་ཕྱིར་ཐོན་རྒྱུར་ཐུན་མོང་ཐོག་རོགས་རམ་བྱས་པའི་གཡུར་ཟའི་གྲུབ་འབྲས་ཀྱང་མངོན་ཡོད།




分享到：QQ空间新浪微博腾讯微博人人网微信