གོམས་གཤིས་བཟང་པོ་འདི་དག་གིས། བྱིས་པའི་མིག་ལ་ཤིན་ཏུ་ཕན།

   1. དཔེ་དེབ་ཀློག་སྐབས་འདྲོང་པོར་བསྡད་ན་རྒྱང་སྒྲིབ་སྔོན་འགོག་བྱེད་ཐུབ་ཅིང་། སློབ་སྦྱོང་བྱེད་ཞོར་དུ་མིག་སྲུང་སྦྱོང་བརྡར་བྱེད་པ་དང་ཐག་རིང་སར་མང་ཙམ་བལྟས་ན། མིག་ལ་ངལ་གསོ་ཐེབས་པ་མ་ཟད། མིག་ཤེད་ཡག་ཏུ་འགྲོ་བར་ཕན་ཐོགས་ངེས་ཅན་ཡོད།

2. ཕྱི་རོལ་དུ་རྩེད་མོ་བརྩེ་བ་དང་རི་འཛེག་པ་སོགས་ནི་ཧ་ཅང་བཟང་བའི་བྱེད་ཐབས་ཤིག་ཡིན་ཞིང་། གློག་རྡུལ་རྩེད་ཆས་བཞག་ནས་དཔེ་ཀློག་དང་རྩེད་མོ་འོས་འཚམ་བརྩེས་ན་མིག་གི་བདེ་ཐང་ལ་ཕན་ཐོགས་ངེས་ཅན་ཡོད་ལ། ཉི་འོད་ལའང་མིག་རྒྱང་སྙོམས་སྒྲིག་བྱེད་པའི་ནུས་པ་ལྡན་པས་ཕྱི་རོལ་དུ་མང་ཙམ་འགྲོ་དགོས།

3. གློག་རྡུལ་རྩེད་ཆས་བེད་སྤྱོད་བྱེད་སྐབས་བར་ཐག་རན་པོ་འཇོག་དགོས་ཤིང་། གློག་རྡུལ་རྩེད་ཆས་དང་བར་ཐག་ཉེ་དྲགས་ན་མིག་ལ་གནོད་པ་ཆེན་པོ་ཡོད། ལྷག་པར་དུ་ཉལ་ནས་གློག་རྡུལ་རྩེད་ཆས་བརྩེ་མི་རུང་ལ་གློག་བསད་ནས་དེ་བས་བརྩེ་མི་རུང་། མ་ཟད་རྒྱུན་དུ་ཁྱིམ་བདག་གིས་ཀྱང་ཕྲུ་གུར་མིག་ལ་གཅེས་སྤྲས་བྱེད་དགོས་པའི་སློབ་གསོ་ཡང་ཡང་རྒྱག་དགོས།