བདེ་ཆེན་གྱིས་ཀྲུང་བོད་གསོ་རིག་འཕེལ་རྒྱས་ལ་སྐུལ་འདེད་བཏང་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-28   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

     ཉེ་ཆར་རང་ཁུལ་གྱིས་《བདེ་ཆེན་ཁུལ་གྱིས་ཀྲུང་བོད་གསོ་རིག་དར་རྒྱས་གོང་འཕེལ་ལ་སྐུལ་འདེད་གཏོང་བའི་ལས་གྲྭ་གལ་ཆེན་གྱི་ལག་བསྟར་ཇུས་གཞི་》བཏོན་ནས་ལས་འགན་བདུན་ཁ་གསལ་བཟོས་ཏེ་ཀྲུང་བོད་གསོ་རིག་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་བ་རེད།    《ལག་བསྟར་ཇུས་གཞིའི་》ནང་ཀྲུང་བོད་གསོ་རིག་རྒྱུན་འཛིན་གསར་གཏོད་འཕེལ་རྒྱས་ལ་སྐུལ་འདེད་གཏོང་རྒྱུ་དམིགས་ཚད་དུ་བྱས་ཏེ་ཕྱོགས་བདུན་ཐད་ཀྱི་ལས་འགན་གཙོ་གནད་ཐོག་བཀོད་སྒྲིག་བྱས་པ་དང་། དེའི་ནང་ཀྲུང་བོད་གསོ་རིག་བདེ་ཐང་ཞབས་ཞུའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དང་། ཀྲུང་ལུགས་གསོ་རིག་དང་ཕྱི་ལུགས་གསོ་རིག་མཉམ་སྡེབ་འཕེལ་རྒྱས་ལ་སྐུལ་འདེད་གཏོང་བ། ཀྲུང་བོད་གསོ་རིག་གི་ཁྱད་ལྡན་ཤེས་ལྡན་མི་སྣ་གསོ་སྐྱོང་ལས་གྲྭ་ལག་བསྟར་ལ་སྐུལ་འདེད་གཏོང་བ། ཀྲུང་བོད་གསོ་རིག་ཚན་ཞིབ་གསར་གཏོད་ལ་སྐུལ་འདེད་གཏོང་བ། ཀྲུང་བོད་གསོ་རིག་གི་སྤུས་ཚད་མཐོ་རུ་གཏོང་བ་དང་དེ་བཞིན་ཐོན་ལས་འཕེལ་རྒྱས་ལ་སྐུལ་འདེད་གཏོང་བ། ཀྲུང་བོད་གསོ་རིག་རིག་གནས་དར་སྤེལ་ལ་སྐུལ་འདེད་གཏོང་བ།་“ཀྲུང་བོད་གསོ་རིག་+བདེ་ཐང་ཡུལ་སྐོར”མཉམ་འདྲེས་འཕེལ་རྒྱས་ལ་སྐུལ་འདེད་གཏོང་བ། སྔོན་དཔག་བྱས་ན་2025ལོར་སླེབས་སྐབས་ཀྲུང་བོད་གསོ་རིག་ཞབས་ཞུའི་མ་ལག་རགས་ཙམ་བསྐྲུན་པ་དང་ཀྲུང་བོད་གསོ་རིག་གི་ནད་འགོག་ནད་བཅོས་ཀྱི་ཆུ་ཚད་མངོན་གསལ་དོད་པོས་མཐོ་རུ་ཕྱིན་ནས་ཀྲུང་བོད་གསོ་རིག་གི་ཤེས་ལྡན་མི་སྣའི་དཔུང་ཁག་རིམ་བཞིན་སྟོབས་ཆེར་ཕྱིན་པ་དང་ཀྲུང་བོད་གསོ་རིག་གི་ཚན་ཞིབ་ཆུ་ཚད་མངོན་གསལ་དོད་པོས་མཐོ་རུ་ཕྱིན་ནས་ཀྲུང་བོད་གསོ་རིག་གི་སྤུས་ཚད་རྒྱུན་ཆད་མེད་པར་མཐོ་རུ་ཕྱིན་པ་དང་ཀྲུང་ལུགས་དང་ཕྱི་ལུགས་གསོ་རིག་མཉམ་སྡེབ་འཕེལ་རྒྱས་དེ་བས་གཏིང་ཟབ་ཏུ་ཕྱིན་ནས་ཀྲུང་བོད་གསོ་རིག་རིག་གནས་དར་སྤེལ་བྱུང་བ་དང་། ཀྲུང་བོད་གསོ་རིག་གིས་མཐའ་འཁོར་གྱི་བོད་འབྲེལ་ས་ཁུལ་ལ་ཁྱབ་འགྱེད་ནུས་པ་དང་ཤུགས་རྐྱེན་ཐེབས་ཤུགས་རྒྱུན་མཐུད་ངང་ཆེ་རུ་ཕྱིན་པ་དང་ཀྲུང་བོད་གསོ་རིག་གི་ཁྱད་ཆོས་དང་མཐུན་པའི་སྒྲིག་སྲོལ་དང་སྲིད་ཇུས་མ་ལག་སྔར་བས་འཐུས་སྒོ་ཚང་དུ་ཕྱིན་ནས་ཀྲུང་བོད་གསོ་རིག་དར་རྒྱས་གོང་འཕེལ་ལ་འཕེལ་རྒྱས་མངོན་གསལ་དོད་པོ་བྱུང་བ་དང་བདེ་ཐང་བདེ་ཆེན་འཛུགས་སྐྲུན་ཁྲོད་ཀྱི་ཀྲུང་བོད་གསོ་རིག་གི་འདེགས་སྐྱོར་ནུས་པ་གལ་ཆེན་སྔར་བས་མངོན་གསལ་དོད་དུ་ཕྱིན་ཡོད།  


分享到：QQ空间新浪微博腾讯微博人人网微信