བདེ་ཆེན་ཁུལ་གྱིས་ཞིང་ཆེན་ཐད་གཏོགས་འབྲེལ་ཡོད་སྡེ་ཚན་དང་ཁེ་ལས་སུ་འབྲེལ་མཐུད་ལས་དོན་སྤེལ་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-28   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ8པའི་ཚེས26ཉིན། བདེ་ཆེན་ཁུལ་གྱིས་ཞིང་ཆེན་རང་བྱུང་ཐོན་ཁུངས་ཐིང་དང་། ཡུན་ནན་འཛུགས་སྐྲུན་མ་འཇོག་ཚོགས་པ། ཞིང་ཆེན་འཕེལ་རྒྱས་དང་བསྒྱུར་བཅོས་ཨུ་ཡོན་ལྷན་ཁང་བཅས་སུ་ཕེབས་ནས་འབྲེལ་ཡོད་ལས་དོན་སྙན་སེང་འབྲེལ་མཐུད་གནང་བ་རེད།

    ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་དང་། ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཀྲང་ཝེ་ཏུང་གིས་རུ་སྣེ་ཁྲིད་པ།

    ཞིང་ཆེན་རང་བྱུང་ཐོན་ཁུངས་ཐིང་གི་ཐིང་ཀྲང་དང་ཞིང་ཆེན་རང་བྱུང་ཐོན་ཁུངས་སྤྱི་ཁྱབ་ལྟ་སྐུལ་བ་ཀའོ་ཀྲུང་ཅན་དང་།ཡུན་ནན་འཛུགས་སྐྲུན་མ་འཇོག་ཚོགས་པའི་ཏང་ཨུའི་ཧྲུའུ་ཅི་དང་ཏུང་ཧྲི་ཀྲང་ཁྲེན་ཙུའུ་ཅུན།ཡུན་ནན་འཛུགས་སྐྲུན་མ་འཇོག་ཚོགས་པའི་ཏང་ཨུའི་ཧྲུའུ་ཅི་གཞོན་པ་དང་།ཏུང་ཧྲི་ཀྲང་གཞོན་པ། སྤྱི་ཁྱབ་ཅིང་ལི་ལུའེ་པིང་།ཞིང་ཆེན་འཕེལ་རྒྱས་དང་སྒྱུར་བཅོས་ཨུ་ཡོན་ལྷན་ཁང་གི་ཏང་ཙུའུ་ཡི་ཁོངས་མི་ཝང་པོ་སོགས་འགོ་ཁྲིད་དག་འབྲེལ་ཡོད་བཞུགས་མོལ་ཚོགས་འདུར་ཞུགས་ཡོད་པ་རེད།

    ཞིང་ཆེན་རང་བྱུང་ཐོན་ཁུངས་ཐིང་དུ་ལུའོ་ཁྲའོ་ཧྥེང་གིས་ཁུལ་ཨུ་དང་ཁུལ་སྲིད་གཞུང་གི་ཚབ་ཞུས་ནས་ཞིང་ཆེན་རང་བྱུང་ཐོན་ཁུངས་ཐིང་གིས་དུས་ཡུན་རིང་པོའི་ནང་བདེ་ཆེན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཚད་མཐོའི་མཐོང་ཆེན་དང་རྒྱབ་སྐྱོར་ཤུགས་ཆེན་གནང་བར་ཐུགས་རྗེ་ཆེ་ཞུས་པ་རེད།ཞིང་ཆེན་རང་བྱུང་ཐོན་ཁུངས་ཐིང་གིས་རྣམ་གྲངས་ཐད་སྤྱོད་པའི་ས་ཆའི་རྒྱུ་རྐྱེན་གཙོ་བོའི་འགན་ལེན་དང་ས་གཤིས་གནོད་འཚེ་འགོག་བཅོས་དང་འབྲེལ་ཡོད་མ་དངུལ་སོགས་ཀྱི་ཐད་བདེ་ཆེན་ལ་གཟིགས་སྐྱོང་དང་རྒྱབ་སྐྱོར་དང་མཛུབ་ཁྲིད་རོགས་རམ་དེ་བས་མང་བ་གནང་རྒྱུའི་རེ་བ་ཞུས་པ་རེད།

        ཀའོ་ཀྲུང་ཅན་གྱིས་བསྟན་དོན། ཞིང་ཆེན་རང་བྱུང་ཐོན་ཁུངས་ཐིང་གིས་བདེ་ཆེན་འཕེལ་རྒྱས་ཀྱི་དགོས་མཁོར་བསམ་གཞིག་གང་ལེགས་བྱས་ཏེ་བདེ་ཆེན་ཁུལ་དང་མཉམ་དུ་གནས་པའི་དཀའ་ངལ་དང་གནད་དོན་ཐག་གཅོད་ཡག་པོ་བྱ་རྒྱུ་ཡིན།བདེ་ཆེན་ཁུལ་གྱི་སྡེ་ཚན་ཁག་གིས་ལས་ཡུན་ལྡོག་སྒྲིག་བྱས་ཏེ་འབྲེལ་ཡོད་རྣམ་གྲངས་ཀྱི་མ་དངུལ་ཚོད་རྩིས་ནན་ཏན་དང་ཞིབ་ཚགས་ངང་ཡག་པོ་བྱས་ནས་རྨོ་ཞིང་སྲུང་སྐྱོང་དང་ས་ཆའི་ཐོན་ཁུངས་གྲོན་ཆུང་དང་ལེགས་བསྡུས་བེད་སྤྱོད་སོགས་ཀྱི་ཐད་ལས་དོན་སྤེལ་ཤུགས་ཆེ་རུ་བཏང་སྟེ་རྣམ་གྲངས་གང་མགྱོགས་དོན་ཐོག་ཏུ་འཁྱོལ་རྒྱུར་སྐུལ་འདེད་ནུས་ལྡན་གཏོང་དགོས།

    ཡུན་ནན་འཛུགས་སྐྲུན་མ་འཇོག་ཚོགས་པ་རུ།ལུའོ་ཁྲའོ་ཧྥེང་གིས་བསྟན་དོན། བདེ་ཆེན་ཁུལ་གྱིས་ཕྱོགས་གཉིས་པོའི་མཉམ་ལས་ཀྱི་མདུན་ལམ་ལ་ཡིད་ཆེས་ཀྱིས་ཁེངས་ཡོད།ཁོང་གིས་གོམ་སྟབས་རྗེས་མའི་ལས་དོན་ཁྲོད་ཕྱོགས་གཉིས་པོས་བསམ་ཕྱོགས་སྔར་བས་གསལ་པོ་བཟོ་བ་དང་ལས་འགན་ཁ་གསལ་བཟོ་བ། གནད་སྨིན་ཤུགས་འདོན་བཅས་བྱས་ཏེ་འབྲེལ་གཏུག་སྦྲེལ་མཐུད་ཀྱི་ཐབས་ལམ་ཤར་གཏོང་ཐུབ་པ་བྱེད་པ་དང་རྨང་གཞིའི་ལས་དོན་ཏན་ཏིག་ངང་ཡག་པོ་བསྒྲུབས་ནས་རྣམ་གྲངས་ལ་སྐུལ་འདེད་གཏོང་བའི་བརྒྱུད་རིམ་ནང་ལྷག་པའི་ཚོད་འཛིན་གྱི་འཇུར་མིག་དུས་ཐོག་ཏུ་མཐུན་སྦྱོར་ཐག་གཅོད་བྱས་ཏེ་འབྲེལ་ཡོད་རྣམ་གྲངས་ལ་ངོ་བོའི་རང་བཞིན་གྱི་འཕེལ་རྒྱས་ཡོང་རྒྱུར་ནུས་ཤུགས་ཡོད་རྒུས་སྐུལ་འདེད་བཏང་ནས་དུས་ཐོག་དང་སྤུས་ཚད་འགན་ལེན་གྱིས་འཛུགས་སྐྲུན་ལས་འགན་ལེགས་སྒྲུབ་ཐུབ་པའི་འགན་ལེན་བྱེད་དགོས་པའི་རེ་བ་བཏོན་པ་རེད།

    ཁྲེན་ཙུའུ་ཅུན་གྱིས་ཡུན་ནན་འཛུགས་སྐྲུན་མ་འཇོག་ཚོགས་པས་བདེ་ཆེན་ཁུལ་གྱི་གནས་ཚུལ་དངོས་ལ་གཞི་ཚུགས་ཏེ་ཇུས་འགོད་དང་ཞིབ་འཇུག་ཞིབ་ཚགས་བྱས་ནས་འབྲེལ་ཡོད་རྣམ་གྲངས་ཀྱི་ཨར་ལས་ཇུས་གཞི་སྔར་བས་འཐུས་སྒོ་ཚང་དུ་གཏོང་བ་དང་ཐོན་ལས་སྦྲེལ་ཐག་ཧྲིལ་པོའི་ལེགས་ཆ་འདོན་སྤེལ་བྱས་ཏེ་མི་རྒྱུ་དངོས་གསུམ་ཐད་ཀྱི་ཐོན་ཁུངས་གཅིག་སྡུད་བྱས་ནས་ཕན་འབྲས་ཆེ་བ་དང་སྤུས་ལེགས་ཀྱི་སྒོ་ནས་རྣམ་གྲངས་འཛུགས་སྐྲུན་ལ་སྐུལ་འདེད་བཏང་སྟེ་བདེ་ཆེན་ཁུལ་སྤུས་ཚད་མཐོ་བའི་འཕེལ་རྒྱས་མངོན་འགྱུར་ཡོང་ཆེད་“འཛུགས་སྐྲུན་གྱི་སྟོབས་ཤུགས་”ལེགས་སྐྱེས་ཧུར་ཐག་འབུལ་རྒྱུ་ཡིན་ཞེས་བསྟན་པ་རེད།

    ཉིན་འདིར།ཀྲང་ཝེ་ཏུང་གིས་ད་དུང་རུ་སྣེ་ཁྲིད་དེ་ཞིང་ཆེན་འཕེལ་རྒྱས་དང་སྒྱུར་བཅོས་ཨུ་ཡོན་ལྷན་ཁང་དུ་འབྲེལ་མཐུད་ལས་དོན་སྙན་སེང་ཞུ་བར་བསྐྱོད་པ་རེད།བཞུགས་མོལ་གནང་རིང་ཀྲང་ཝེ་ཏུང་གིས་ཞིང་ཆེན་འཕེལ་སྒྱུར་ཨུ་ལྷན་གྱིས་དུས་ཡུན་རིང་པོའི་ནང་བདེ་ཆེན་ལ་ཐུགས་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་དང་འབྲེལ་འབྲེལ་ཡོད་ལས་དོན་ལ་སྐུལ་འདེད་བཏང་ཚུལ་ངོ་སྤྲོད་ཞིབ་ཕྲ་གནང་བ་རེད།ཁོང་གིས་ཞིང་ཆེན་འཕེལ་སྒྱུར་ཨུ་ལྷན་གྱིས་བདེ་ཆེན་གྱི་འཕེལ་རྒྱས་ལ་མུ་མཐུད་ཐུགས་ཁུར་བྱས་ཏེ་བདེ་ཆེན་གྱི་རྣམ་གྲངས་གལ་ཆེན་དོན་ཐོག་ཏུ་འཁྱོལ་བ་དང་སྐུལ་འདེད་གཏོང་ཆེད་ཐབས་འདོན་ཇུས་འགོད་བྱས་ནས་ལས་སྒོའི་མཛུབ་ཁྲིད་དང་།རྣམ་གྲངས་ཞིབ་བཤེར་ཆོག་མཆན་འགོད་པ། མ་དངུལ་གཅིག་གྱུར་འཆར་འགོད། རྣམ་གྲངས་འཛུགས་སྐྲུན་སོགས་ཀྱི་ཐད་རྒྱབ་སྐྱོར་སྔར་ལས་ཆེ་བ་གནང་རྒྱུའི་རེ་བ་ཞུས་པ་རེད།

    ཝང་པོ་ཡིས་ཞིང་ཆེན་འཕེལ་སྒྱུར་ཨུ་ལྷན་གྱིས་རང་ངོས་ཀྱི་འགན་ནུས་ལ་གཞི་ཚུགས་ཏེ་བདེ་ཆེན་ལ་མཛུབ་ཁྲིད་དང་རོགས་རམ་བྱ་རྒྱུར་ཤུགས་སྣོན་རྒྱག་པ་དང་ཞབས་ཞུའི་འགན་ལེན་ལས་དོན་ཡག་པོ་བསྒྲུབས་ནས་བདེ་ཆེན་ཁུལ་གྱི་གཙོ་གནད་རྣམ་གྲངས་འཛུགས་སྐྲུན་ལ་གོ་རིམ་ལྡན་པའི་ངང་སྐུལ་འདེད་གཏོང་རོགས་བྱ་རྒྱུ་ཡིན།དེ་དང་ཆབས་ཅིག་ཁོང་གིས་བདེ་ཆེན་ཁུལ་གྱིས་ཞིབ་འཇུག་ཇུས་འགོད་ལ་སྔར་བས་ཤུགས་སྣོན་རྒྱག་པ་དང་སྲིད་ཇུས་ཀྱི་བླང་བྱ་ཁོང་དུ་ཆུད་པ་བྱས་ཏེ་འབྲེལ་ཡོད་འཆར་འགོད་གཏིང་ཟབ་དང་ཞིབ་ཚགས་བྱས་ནས་ཀྲུང་དབྱང་དང་ཞིང་ཆེན་རིམ་པའི་བླང་བྱ་གཞིར་བཟུང་ཁྲིམས་དང་སྒྲིག་སྲོལ་ལྟར་རྣམ་གྲངས་འཛུགས་སྐྲུན་ལ་སྐུལ་འདེད་གཏོང་རྒྱུའི་རེ་བ་ཡོད་ཅེས་གསུངས་པ་རེད།

    ཞིང་ཆེན་རང་བྱུང་ཐོན་ཁུངས་ཐིང་གི་ཐིང་ཀྲང་གཞོན་པ་ཀྲའོ་ཆའོ་ཀུའེ་དང་།ཝུའུ་ཆའོ་ཧྥེང་།ཡུན་ནན་འཛུགས་སྐྲུན་མ་འཇོག་ཚོགས་པའི་ཏང་ཨུའི་ཨུ་ཡོན་དང་སྤྱི་ཁྱབ་ཅིང་ལི་གཞོན་པ་ཐུང་ཏེ་ཀང་། ཡུན་ནན་འཛུགས་སྐྲུན་མ་འཇོག་ཚོགས་པའི་སྤྱི་ཁྱབ་ཅིང་ལི་གཞོན་པ་ལིའུ་ཅིན་རུང་།རང་ཁུལ་གྱི་འགོ་ཁྲིད་ཁྲེན་ཆུན་དང་།ལིའོ་ཝུན་ཚའེ།ཀྲོང་ཞའོ་ཕིན་སོགས་བཞུགས་མོལ་ཚོགས་འདུར་ཞུགས་པ་རེད།


分享到：QQ空间新浪微博腾讯微博人人网微信