སྐབས་དགུ་པའི་ཁུལ་ཨུའི་རྩིས་བཤེར་ཨུ་ལྷན་གྱི་གྲོས་ཚོགས་ཐེངས་གསུམ་པ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་8པའི་ཚེས་27ཉིན། སྐབས་དགུ་པའི་ཁུལ་ཨུའི་རྩིས་བཤེར་ཨུ་ལྷན་གྱི་གྲོས་ཚོགས་ཐེངས་གསུམ་པ་སེམས་ཀྱི་ཉི་ཟླར་འཚོགས་པ། གྲོས་ཚོགས་ཐོག་བརྩི་བཤེར་ལས་ཀའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་མཛུབ་སྟོན་དགོངས་དོན་སློབ་སྦྱོང་གཏིང་ཟབ་བྱས་པ། ཀྲུང་དབྱང་དང་ཞིང་ཨུའི་འབྲེལ་ཡོད་གྲོས་ཚོགས་ཀྱི་དགོངས་དོན་བརྒྱུད་བསྒྲགས་སློབ་སྦྱོང་བྱས་པ། རང་ཁུལ་གྱི་འབྲེལ་ཡོད་སྙན་ཞུ་གྲོས་ཞིབ་བྱས་པ། རྫོང་（གྲོང་ཁྱེར）རྩིས་བཤེར་ཨུ་ལྷན་གྱི་2023ལོའི་ཚུན་གྱི་ལས་དོན་སྒྲུབ་ཚུལ་དང་རང་ཁུལ་གྱི་2020ལོའི་ཚུན་ཀྲུང་དབྱང་དང་ཞིང་ཆེན།ཁུལ་རིམ་པའི་བརྩི་བཤེར་ནས་རྩད་ཆོད་པའི་གནད་དོན་དག་ཐེར་བྱས་ཚུལ་གྱི་སྙན་ཞུ་ཉན་པ་དང་གོམ་སྟབས་རྗེས་མའི་ལས་ཀའི་ལས་འགན་ཞིབ་འཇུག་དང་བཀོད་སྒྲིག་བྱས་པ་རེད།

    ཁུལ་ཨུའི་ཧྲུའུ་ཅི། ཁུལ་ཨུའི་རྩིས་བཤེར་ཨུ་ལྷན་གྱི་ཀྲུའུ་རེན་ལུའོ་ཁྲའོ་ཧྥེང་གིས་གྲོས་ཚོགས་གཙོ་སྐྱོང་གནང་ཞིང་གསུང་བཤད་གནང་བ། ཁུལ་དཔོནདང་ཁུལ་ཨུའི་རྩིས་བཤེར་ཨུ་ལྷན་གྱི་ཀྲུའུ་རེན་གཞོན་པ་ཀྲང་ཝེ་ཏུང་ཞུགས་པ།

    གྲོས་ཚོགས་ཐོག་བསྟན་དོན། ཁུལ་ཡོངས་ཀྱི་རིམ་ཁག་ཏང་ཨུའི་རྩིས་བཤེར་ཨུ་ལྷན་དང་རྩིས་བཤེར་ལས་ཁུངས་ཀྱིས་ཏང་གི་སྐབས་ཉི་ཤུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་གསུམ་པ་དང་རྩིས་བཤེར་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་མཛུབ་སྟོན་གྱི་དགོངས་དོན་སློབ་སྦྱོང་གཏིང་ཟབ་བྱེད་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བཏོན་པའི་དཔུང་པས་མཛུབ་མོར་བཀོད་པ།གཟུགས་དང་གྲིབ་མ་བཞིན་དུ་འགྲོགས་པ།རྣ་བར་འབྲུག་སྒྲ་ལྡིར་བ་ལྟར་ཁྱབ་པ་ཞེས་པའི་སྤྱིའི་བླང་བྱར་གཞིགས་ཏེ། རྩིས་བཤེར་བསྒྱུར་བཅོས་མུ་མཐུད་དུ་ཟབ་སྤེལ་བྱེད་པ་དང་ཁྲིམས་ལྟར་ལྟ་སྐུལ་ལས་འགན་སྒྲུབ་ནས། ཀྲུང་གོའི་ལུགས་ཀྱི་དེང་རབས་ཅན་གྱི་བདེ་ཆེན་ལག་བསྟར་སྐུལ་འདེད་གཏོང་བར་སྲ་བརྟན་གྱི་རྩིས་བཤེར་འགན་སྲུང་བཏོན་དགོས།

    གྲོས་ཚོགས་ཐོག་ངོས་འཛིན་བྱས་དོན། ན་ནིང་ནས་བཟུང་། ཁུལ་ཡོངས་ཀྱི་རིམ་ཁག་རྩིས་བཤེར་ལས་ཁུངས་ཀྱིས་ “3815”འཐབ་ཇུས་འཕེལ་རྒྱས་དམིགས་འབེན་དང་བདེ་ཆེན་གྱི་བརྟན་བརླིང་།འཕེལ་རྒྱས།སྐྱེ་ཁམས།མཐའ་མཚམས་བརྟན་བརླིང་བཅས་“དོན་ཆེན་བཞི་”ལ་དམ་པོར་དམིགས་ནས།ཁྲིམས་ལྟར་བློ་དཀར་གྱིས་རྩིས་བཤེར་ལྟ་སྐུལ་ལས་འགན་སྒྲུབ་པ།རྩིས་བཤེར་ཆབ་སྲིད་ནུས་པ་སྔར་བས་ཤུགས་ཤུགས་ཆེར་གཏོང་བ་དང་རལ་གྲིའི་ནུས་པ་སྔར་བས་མངོན་གསལ་དོད་པོ་བྱུང་བ། ལྟ་སྐུལ་ཕན་ནུས་སྔར་བས་མཐོ་རུ་གཏོང་བ།ལས་ཀ་ཁག་ལ་གྲུབ་འབྲས་གསར་པ་ཐོབ་ཡོད།

    གྲོས་ཚོགས་ཐོག་ནན་བཤད་གནང་དོན། ཁུལ་ཡོངས་ཀྱི་རྩིས་བཤེར་ལས་ཁུངས་ཀྱིས་ཏང་ཨུ་དང་སྲིད་གཞིང་གི་ལྟེ་བའི་ལས་ཀར་དམིགས་ནས་རྩིས་བཤེར་ལྟ་སྐུལ་ལག་བསྟར་བྱེད་པ་དང་། རྩིས་བཤེར་གྱིས་སྤྱི་ཁོག་དཔལ་འབྱོར་བརྟན་པོ་ཡོང་བར་འགན་འཁྲི་ཏན་ཏིག་འཁུར་དགོས།རྩིས་བཤེར་གྲུབ་འབྲས་དབང་གྲགས་ལྡན་ཞིང་ལས་ཆོད་ཆེ་བའི་སྒོ་ནས་བཀོལ་སྤྱོད་བྱེད་པར་སྐུལ་འདེད་གཏོང་དགོས། རང་ངོས་ལེགས་སྐྱོང་བྱེད་ཤུགས་ཆེ་རུ་གཏོང་བ་དང་བྱང་ཚད་མཐོ་བའི་ཆེད་ལས་ཅན་གྱི་རྩིས་བཤེར་རུ་ཁག་འཛུགས་སྐྱོང་བྱེད་དགོས། ཏང་གིས་རྩིས་བཤེར་ལས་ཀར་ཁྱོན་ཡོངས་ནས་འགོ་ཁྲིད་བྱེད་ཤུགས་ཆེ་རུ་གཏོང་དགོས།

    གྲོས་ཚོགས་ནི་བརྙན་ལམ་གྱི་རྣམ་པའི་ཐོག་ནས་རྫོང་(གྲོང་ཁྱེར་)གསུམ་བར་འཚོགས་པ་རེད།

    ཁུལ་འགོ་ཁྲིད་དབྱང་ཙི་ཅང་དང་ཀྲུའུ་ཧུང་།དབྱང་ཞུའེ་ཝུན།ཞའོ་ཞུས།ཀྲོང་ཞའོ་ཕིང་།ཁུལ་ཨུའི་རྩིས་བཤེར་ཨུ་ལྷན་གྱི་ཨུ་ཡོན་ཚོགས་ར་གཙོ་བོར་ཞུགས་ཡོད།