ཁུལ་ཡོངས་ཀྱི་གྲོང་ཁྱེར་དང་གྲོང་རྡལ་གྱི་ལས་དོན་སྐུལ་འདེད་གཏོང་བའི་ཚོགས་འདུ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2024-08-29   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་8པའི་ཚེས་28ཉིན། ཁུལ་ཡོངས་ཀྱི་གྲོང་ཁྱེར་དང་གྲོང་རྡལ་ལས་དོན་སྐུལ་འདེད་གཏོང་བའི་ཚོགས་འདུ་འཚོགས་པ། ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཀྲང་ཝེ་ཏུང་ཚོགས་འདུ་ཞུགས་པ་དང་གསུང་བཤད་གནང་བ།

    ཚོགས་འདུའི་ཐོག་བསྟན་དོན། ལོ་མང་རིང་ལ་སྐུལ་འདེད་མུ་མཐུད་བྱས་ནས།རང་ཁུལ་གྱི་གྲོང་ཁྱེར་དང་གྲོང་རྡལ་འཛུགས་སྐྲུན་ལ་ཡུན་རིང་གི་འཕེལ་རྒྱས་མངོན་གསལ་བྱུང་བ་དང་གྲོང་ཁྱེར་དང་གྲོང་རྡལ་གྱི་གཞི་ཁྱོན་རྒྱུན་ཆད་མེད་པར་ཆེ་རུ་ཕྱིན་པ།གྲོང་ཁྱེར་དང་གྲོང་རྡལ་གྱི་རྨང་གཞིའི་སྒྲིག་ཆས་འཛུགས་སྐྲུན་ཉིན་བཞིན་འཐུས་ཚང་དུ་གཏོང་བ།གྲོང་ཁྱེར་གྱི་དོ་དམ་ཆུ་ཚད་རྒྱུན་ཆད་མེད་པར་མཐོ་རུ་ཕྱིན་པ།གྲོང་ཁྱེར་གྱི་རྣམ་པ་མངོན་གསལ་དོད་པོས་ལེགས་སུ་ཕྱིན་པ།གྲོང་ཁྱེར་གྱི་རྣམ་པ་རྒྱུན་ཆད་མེད་པར་ལེགས་སུ་ཕྱིན་པ། ཁུལ་ཡོངས་ཀྱི་གྲོང་ཁྱེར་དང་གྲོང་རྡལ་གྱི་ལས་དོན་ལ་ཁས་ལེན་བྱེད་རིན་ཡོད་པ་རེད།

    ཚོགས་འདུའི་ཐོག་ནན་བཤད་གནང་དོན།གྲོང་ཁྱེར་དང་གྲོང་རྡལ་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རབ་དང་རིམ་པའི་རྣམ་བཤད་གལ་ཆེའི་དགོངས་དོན་སློབ་སྦྱོང་གཏིང་ཟབ་བྱེད་པ་དང་།ཞིང་ཆེན་ཡོངས་ཀྱི་གྲོང་ཁྱེར་དང་གྲོང་རྡལ་ལས་དོན་གྱི་སྐུལ་འདེད་ཚོགས་འདུའི་བླང་བྱ་དོན་འཁྱོལ་ནན་ཏན་བྱེད་པ།འཆར་འགོད་ཀྱིས་སྣེ་ཁྲིད་བྱེད་རྒྱུ་མཐའ་འཁྱོངས་བྱེད་དེ།ལྟེ་བའི་སྐུལ་ཁྲིད།གྲོང་ཁྱེར་དང་གྲོང་རྡལ་མཉམ་ལས། ཐོན་ལས་དང་གྲོང་ཁྱེར་མཉམ་འདྲེས།གྲོང་རྡལ་དང་གྲོང་གསེབ་མཉམ་འཛུགས་ཞེས་པའི་རྣམ་པ་གསར་པའི་གྲོང་ཁྱེར་དང་གྲོང་རྡལ་ཅན་གྱི་བགྲོད་ལམ་དུ་བསྐྱོད་པར་འབད་བརྩོན་བྱེད་དགོས།

    ཚོགས་འདུའི་ཐོག་བླང་བྱ་བཏོན་དོན།   བདེ་ཆེན་གྱི་གྲོང་ཁྱེར་དང་གྲོང་རྡལ་ལས་དོན་གྱི་སྤྱིའི་བླང་བྱ་ཡང་དག་པའི་ཁོང་དུ་ཆུད་པ།གྲོང་ཁྱེར་དང་གྲོང་རྡལ་ལས་དོན་གྱི་སྣེ་ཁྲིད་བྱེད་རྒྱུར་རྒྱུན་འཁྱོངས་བྱེད་ནས།དཔལ་འབྱོར་གྲུབ་ཚུལ་ལེགས་འགྱུར་ལེགས་སྒྲིག་དང་དཔལ་འབྱོར་འཕེལ་རྒྱས་གཏོང་སྟངས་ལེགས་འགྱུར་ཡོང་བར་སྐུལ་འདེད་གཏོང་བ་དང་།མི་འབོར་དང་།ཐོན་ལས།ས་ཞིང་།མ་དངུལ་སོགས་ཀྱི་རྒྱུ་རྐྱེན་གཙོ་བོ་བཀོད་སྒྲིག་ལེགས་འགྱུར་ཡོང་བར་སྐུལ་འདེད་གཏོང་དགོས། ཁུལ་གྱི་གནས་ཚུལ་ལ་གཞི་ཚུགས་ཏེ་གྲོང་ཁྱེར་དང་གྲོང་རྡལ་འཛུགས་སྐྲུན།ལོ་རྒྱུས་རིག་གནས། སྣོད་བཅུད་ཁོར་ཡུག ཞབས་ཞུའི་ཡུལ་སྐོར། ཐོན་ལས་འཕེལ་རྒྱས། གྲོང་ཁྱེར་བཅོས་སྐྱོང་། སྤྱི་པའི་ཞབས་ཞུ་བཅས་བར་གྱི་འབྲེལ་བ་ཐག་གཅོད་ཡང་དག་བྱས་ནས་བདེ་ཆེན་གྱི་ཁྱད་ཆོས་ལྡན་པའི་གྲོང་ཁྱེར་དང་གྲོང་རྡལ་གསར་པ་འཛུགས་སྐྲུན་བྱེད་དགོས། ལས་འགན་གསལ་འབེབས་བྱེད་ནས་རང་ཁུལ་གྱི་གྲོང་ཁྱེར་དང་གྲོང་རྡལ་ལས་དོན་དེ་བས་ལེགས་པ་དང་མགྱོགས་པའི་ངང་འཕེལ་རྒྱས་མངོན་གསལ་བྱུང་བར་འབད་བརྩོན་བྱེད་དགོས།གྲོང་ཁྱེར་དང་གྲོང་རྡལ་འཕེལ་རྒྱས་འཆར་གཞི་ཚན་རིག་དང་མཐུན་པར་བཟོ་འགོད་དང་ལག་བསྟར་བྱས་ཏེ་གྲོང་ཁྱེར་དང་གྲོང་རྡལ་སྐྱོན་བྲལ་ངང་འཕེལ་རྒྱས་གཏོང་བར་གོ་རིམ་ལྡན་པའི་སྒོ་ནས་སྐུལ་འདེད་གཏོང་དགོས།
    ཚོགས་འདུའི་ཐོག་ཁུལ་ཨུའི་རྒྱུན་ཨུ།རྒྱུན་ལས་ཁུལ་དཔོན་གཞོན་པ་དབྱང་ཞུའེ་ཝུན་གྱིས་ཞིང་ཆེན་ཡོངས་ཀྱི་གྲོང་ཁྱེར་དང་གྲོང་རྡལ་ལས་དོན་གྱི་ཡུལ་དངོས་སྐུལ་འདེད་ཚོགས་འདུ་དང་ཁུལ་ཨུའི་ལས་དོན་བླང་བྱ་བརྒྱུད་བསྒྲགས་བྱས།ཁུལ་སྡོད་ཁང་དང་འཛུགས་སྐྲུན་ཅུས་དང་ཁུལ་འཕེལ་རྒྱས་བསྒྱུར་བཅོས་ཨུ་ལྷན།ཁུལ་རང་བྱུང་ཐོན་ཁུངས་དང་འཆར་འགོད་ཅུས།རྫོང་གསུང་（གྲོང་ཁྱེར་）མི་དམངས་སྲིད་གཞུང་གི་འབྲེལ་ཡོད་འགན་འཁུར་བས་སྤེལ་རེས་གཏམ་བཤད་བྱས་པ།

    ཁུལ་སྲིད་གཞུང་གི་ཁུལ་དཔོན་གཞོན་པ་ལིའོ་ཝུན་ཚའེ་ཡིས་ཚོགས་འདུ་གཙོ་སྐྱོང་བྱས།ཁུལ་འགོ་ཁྲིད་ཀྲོང་ཞའོ་ཕིང་།ཁུལ་རིམ་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་ཚོགས་འདུར་ཞུགས། ཚོགས་འདུ་དེ་བརྙན་ལམ་གྱི་རྣམ་པའི་ཐོག་ནས་རྫོང་(གྲོང་ཁྱེར་)གསུམ་བར་འཚོགས་པ་རེད།


分享到：QQ空间新浪微博腾讯微博人人网微信