སེམས་ཀྱི་ཉི་ཟླ་གྲོང་ཁྱེར་གྱིས་སྣོད་བཅུད་ཤེས་དཔལ་འཛུགས་སྐྱོང་ལ་སྐུལ་འདེད་ཏན་ཏིག་གཏོང་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཉེ་བའི་ལོ་ཤས་རིང་།  སེམས་ཀྱི་ཉི་ཟླ་གྲོང་ཁྱེར་གྱིས་རི་སྔོ་ཆུ་དྭངས་ནི་གསེར་རི་དངུལ་རི་ལས་ལྷག་ཞེས་པའི་འདུ་ཤེས་ལག་ལེན་རྒྱུན་མཐུད་བསྟར་བ་དང་།  ཐོག་མཐའ་བར་གསུམ་དུ་“གཙང་པོ་གཅིག་སྲུང་སྐྱོང་ཡག་པོ་བྱེད་པ་དང་མཚེའུ་གཅིག་བཅོས་སྐྱོང་ཡག་པོ་བྱེད་པ་དང་སེམས་ཀྱི་ཉི་ཟླའི་ཚེ་སྲོག་དང་རྩི་ཤིང་ལ་སྲུང་སྐྱོང་ཡག་པོ་བྱེད་པའི་”ལས་ཀའི་བསམ་ཕྱོགས་མཐའ་འཁྱོངས་བྱས་པ། “སྲུང་སྐྱོང་དམག་འཐབ་ཆེན་པོ་བཞི་”ལ་སྐུལ་འདེད་ཏན་ཏིག་བཏང་ནས་“མཚོན་རྟགས་རང་བཞིན་གྱི་གཡུལ་འགྱེད་བརྒྱད་”ཡག་པོ་བརྒྱབ་པས་གྲོང་ཁྱེར་ཡོངས་ཀྱི་ལྗང་མདོག་སྣོད་བཅུད་དེ་བས་ལེགས་པར་གྱུར་ཡོད།  

        སྲུང་སྐྱོང་དང་བཅོས་སྐྱོང་མཐུན་སྦྱོར་ངང་སྐུལ་འདེད་གཏོང་བ།གནམ་སྔོན་པོ་དང་ཆུ་དྭངས་མོ།  ས་གཙང་མ།  རི་ལྗང་གུ་བཅས་སྲུང་སྐྱོང་གི་དམག་འཐབ་ཆེན་པོ་བཞི་གཏིང་ཟབ་བརྒྱབ་ནས་དཔྱིད་དབྱར་དུས་ཀྱི་རླུང་ཁམས་ཆེན་པོའི་སྦགས་བཙོག་འགོག་བཅོས་འགག་སྒྲོལ་དང་བཟའ་བཏུང་སྣུམ་དང་དུ་བའི་སྦགས་བཙོག་བཅོས་སྒྲིག་ཏན་ཏིག་བྱས་པས་མཁའ་རླུང་སྤུས་ཚད་ལེགས་ཚད་100%ཟིན་ཡོད་པ་རེད།  ནགས་ཕག་མཚོ་སྲུང་སྐྱོང་བཅོས་སྐྱོང་དང་ཉམས་གསོའི་འགག་སྒྲོལ་དམག་འཐབ་རྒྱུན་མཐུད་ངང་ཡག་པོ་བརྒྱབ་ནས་གྲོང་ཁུལ་གྱི་མདོང་དྲ་འཐུས་ཚང་དུ་གཏོང་བའི་ལས་གྲྭ་ལག་བསྟར་ཤུགས་ཆེན་བྱས་པ་དང་མདོང་ལམ་ལ་སྐྱོན་ཤོར་ནས་སིམ་འཛུལ་བྱེད་ས་ཁྲི་1ལྷག་ཙམ་ཉམས་གསོ་བྱས་པས་ནགས་ཕག་མཚོའི་ཆུའི་སྤུས་ཚད་ད་ལོའི་ལོ་སྟོད་དུ་Vརིགས་སུ་སླེབས་ཡོད་པ་རེད།  བརླན་སའི་སྣོད་བཅུད་སྲུང་སྐྱོང་ཁ་གསབ་རྣམ་གྲངས་རྒྱུན་མཐུད་ངང་ལག་བསྟར་བྱས་ནས་བརླན་ས་མུའུ་ཁྲི་1.1བཀག་སྡོམ་སླར་གསོ་བྱས་པ་དང་།  “ཆུ་དཔོན་གྱིས་ཆུ་གཙང་སེལ་”དང་“ཟང་ཟིང་བཞི་གཙང་སེལ་”གྱི་ཆེད་དོན་བྱ་སྤྱོད་ལ་སྐུལ་འདེད་ཏན་ཏིག་བཏང་ནས་ཆུ་ལམ་དུ་འཕྱོ་བའི་དངོས་པོ་དང་དེ་བཞིན་མཐའ་འཁོར་གྱི་གད་སྙིགས་ཏུན་233.37གཙང་སེལ་བྱས་པ།  འབྲི་ཆུའི་འབབ་རྒྱུད་ཀྱི་ལིན་བསྡོམས་འབོར་གྱི་སྦགས་བཙོག་ཚོད་འཛིན་དང་གྲོང་གསེབ་ཀྱི་འཚོ་བའི་བཙོག་ཆུ་བཅོས་སྒྲིག་སོགས་ཀྱི་ལས་དོན་གོ་རིམ་ལྡན་པའི་ངང་སྤེལ་བས་གྲོང་ཁྱེར་ཡོངས་ཀྱི་རྒྱལ་ཁབ་ཀྱི་ཚོད་འཛིན་བཅད་ངོས་2དང་རྫོང་རིམ་པ་ཡན་གྱི་གཅིག་སྡུད་རྣམ་པའི་འཐུང་ཆུའི་ཆུ་འགོའི་ཆུའི་སྤུས་ཚད་ལེགས་ཚད་ཚང་མ་100%ཟིན་ཡོད།  ས་ཆ་སྤྱོད་ཆོག་པའི་དོ་དམ་སྔར་བས་ནན་དུ་གཏོང་བ་དང་ས་རྒྱུའི་སྦགས་བཙོག་འབྱུང་ཁུངས་ལ་དོ་དམ་ཚོད་འཛིན་བྱེད་པའི་བྱ་སྤྱོད་ལག་བསྟར་བྱས་ཏེ་གཙོ་གནད་ལས་རིགས་ཀྱི་ས་རྒྱུའི་ཁོར་ཡུག་ལ་ལྟ་སྐུལ་དོ་དམ་དང་སྲ་གཟུགས་ཟོག་རོ་ཐག་གཅོད་བཅོས་སྐྱོང་དང་འབྲུབ་ཆུ་མ་རྒྱས་གོང་གཏེར་སྙིགས་གསོག་མཛོད་ཀྱི་ཁོར་ཡུག་ཉེན་ཁའི་མངོན་མེད་རྐྱེན་ངན་གྲལ་བཤེར་བྱ་རྒྱུར་ཤུགས་སྣོན་བརྒྱབ་ཡོད།

        ལྗང་མདོག་མཛེས་སྡུག་འཛུགས་སྐྲུན་ལ་ཕན་འབྲས་ཐོན་པ། བློ་བརྟན་འགྱུར་མེད་ངང་སྣོད་བཅུད་སྔོན་ལ་འཇོག་པ་དང་ལྗང་མདོག་འཕེལ་རྒྱས་ཀྱི་ལམ་བུའི་ཐོག་བསྐྱོད་དེ་སྔོ་ལྗང་མཛེས་སྡུག་ལྡན་པའི་སེམས་ཀྱི་ཉི་ཟླའི་ལོ་གསུམ་གྱི་བྱ་སྤྱོད་ལ་རྒྱུན་མཐུད་ངང་སྐུལ་འདེད་བཏང་ནས་ཞིང་ཆེན་རིམ་པའི་སྔོ་ལྗང་མཛེས་སྡུག་ལྡན་པའི་གྲོང་ཁྱེར་གྲུབ་འབྲས་ཐོབ་པའི་ངང་བཏོད་ཡོད།  ད་ལོའི་ལོ་སྟོད་དུ།  གྲོང་ཁྱེར་རིམ་པའི་ནགས་དཔོན་གྱིས་ནགས་ཚལ་སྐོར་ཞིབ་ཐེངས་53བྱས་པ་དང་། ཤང་(གྲོང་རྡལ་)རིམ་པའི་ནགས་དཔོན་གྱིས་ནགས་ཚལ་སྐོར་ཞིབ་ཐེངས་637བྱས་པ། གྲོང་ཚོ་(སྡེ་ཁུལ་)རིམ་པའི་ནགས་དཔོན་གྱིས་ནགས་ཚལ་སྐོར་ཞིབ་ཐེངས་960བྱས་ཡོད། “ནགས་ས་ཁྲི་བརྒྱ་”ཡི་སྡོང་རྐང་ཁྲི་203.4བཙུགས་པ་དང་ནགས་རྩྭ་བརླན་སའི་རང་བྱུང་སྲུང་སྐྱོང་ཁུལ་གྱི་ཁྲིམས་འགལ་པར་རིས་5བཅོས་སྒྲིག་བྱས་པ།  གྲོང་ཁུལ་གྱི་སྔོ་ལྗང་ཁུལ་གྱི་དོ་དམ་གསོ་ཚགས་རྒྱ་ཁྱོན་སྨི་གྲུ་བཞི་མ་ཁྲི་90.78བར་མཐོ་རུ་བཏང་ཡོད། སེམས་ཀྱི་ཉི་ཟླ་གྲོང་ཁྱེར་གྱི་གཞི་རྩའི་རྩྭ་ཐང་དབྱེ་འབྱེད་གཏན་འཁེལ་དང་ནགས་རྩྭ་བརླན་སའི་ཐོན་ཁུངས་ཡོངས་ཁྱབ་ཞིབ་བཤེར་ལས་དོན་ལ་རིམ་བཞིན་སྐུལ་འདེད་བཏང་བ་དང་།  “ཕུབ་ལྗང་”བྱ་སྤྱོད་སྤེལ་ནས་གནས་གྲངས་94དག་ཐེར་དང་ཨང་གྲངས་མེད་པར་བཟོ་བའི་ལས་འགན་ལེགས་གྲུབ་ཟིན་ཡོད།  གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་ཀྱིས་སྤྱི་འདོམས་སྐུལ་འདེད་གཏོང་ཤུགས་ཆེ་རུ་བཏང་ནས་རིམ་ཁག་ཁོར་ཡུག་སྲུང་སྐྱོང་ལྟ་བཤེར་རིམ་བྱུང་གིས་ཚུར་ལན་བྱས་པའི་གནད་དོན་ཁག་196གི་བཅོས་སྒྲིག་ལས་དོན་ལ་ནུས་ཤུགས་ཡོད་རྒུས་དམ་འཛིན་ཡག་པོ་བྱས་ཏེ་བཅོས་སྒྲིག་ཁག་166ལེགས་སྒྲུབ་བྱས་པ་དང་བཅོས་སྒྲིག་ཁག་30གོ་རིམ་ལྡན་པའི་ངང་སྐུལ་འདེད་བཏང་བ།  རེས་སྐོར་གསུམ་པའི་ཀྲུང་དབྱང་སྣོད་བཅུད་ཁོར་ཡུག་སྲུང་སྐྱོང་ལྟ་བཤེར་གྱིས་དམར་རྗེན་དུ་བཏོན་པའི་དཔེ་མཚོན་གནད་དོན་2བཅོས་སྒྲིག་ལེགས་གྲུབ་ཟིན་པ་དང་ཞུ་གཏུག་ཐེར་འདོན་ཡིག་ཆ་25ཡི་ནང་12ཐག་གཅོད་བྱས་ཟིན་པ་དང་13དུས་མཚམས་རང་བཞིན་གྱི་ཐག་གཅོད་བྱས་ཟིན་པ་རེད།