སྐབས2པའི་སེམས་ཀྱི་ཉི་ཟླའི་རིག་གནས་ཡུལ་སྐོར་དུས་ཆེན་འཚོགས་ལ་ཉེ།

རྩོམ་པ་པོ།     ཡིག་བསྒྱུར།       དུས་ཚོད།   2024-09-19   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

   

        སྐབས་གཉིས་པའི་འཛམ་གླིང་གི་“སེམས་ཀྱི་ཉི་ཟླའི”རིག་གནས་ཡུལ་སྐོར་དུས་ཆེན་ཟླ་9ཚེས་29ཉིན་འགོ་ཚུགས་རྒྱུ་ཡིན་པ་དང་། དེའི་དམིགས་ཡུལ་ནི་རང་ཁུལ་གྱི་ཐུན་མོང་མ་ཡིན་པའི་རང་བྱུང་མཛེས་ལྗོངས་དང་ལོ་རྒྱུས་ཀྱི་རྒྱུན་རིང་བའི་རིག་གནས།དེ་བཞིན་སྣ་མང་ཕུན་སུམ་ཚོགས་པའི་མི་རིགས་ཀྱི་ཡུལ་སྲོལ་གོམས་གཤིས་སྔར་བས་མངོན་པར་བྱས་ཏེ་འཛམ་གླིང་གི་“སེམས་ཀྱི་ཉི་ཟླའི”རིག་གནས་ཡུལ་སྐོར་དུས་ཆེན་གྱི་སྤུས་རྟགས་ཀྱི་ཤུགས་རྐྱེན་ཐེབས་ཤུགས་རྒྱུན་མཐུད་ངང་ཆེ་རུ་གཏོང་ནས།“ཡུན་ནན་གྱི་འཚོ་བ་ཟེར་བ་ཞིག་ཡོད་པའི”གསོན་ཉམས་དོད་པའི་མཆན་འགྲེལ་ཞིག་ཏུ་འགྱུར་རྒྱུར་སྐུལ་འདེད་བཏང་ནས་“ཡུན་ནན་དུ་གང་ཅིའི་ཐད་ཡག་པོ་ཡོད་པའི”བདེ་ཆེན་གྱི་ལག་ལེན་མངོན་པར་བྱས་ཡོད།

        ཐེངས་འདིའི་རིག་གནས་ཡུལ་སྐོར་དུས་ཆེན་གྱི་འགོ་ཚུགས་མཛད་སྒོ་ནི་རིག་རྩལ་འཁྲབ་སྟོན་དང་།རིག་གནས་ཡུལ་སྐོར་འོས་སྦྱོར།འགོ་ཚུགས་མཛད་སྒོ་སོགས་ཕུན་སུམ་ཚོགས་པའི་བྱེད་སྒོའི་ནང་དོན་བརྒྱུད་ནས།ཤྭ་ཁ་རི་བོའི་འོག་ཏུ་གནས་པ་དང་དམངས་ཡོངས་ཞུགས་པའི་འགོ་ཚུགས་མཛད་སྒོ་གཟབ་རྒྱས་ཤིག་བཏོད་དེ་སྐུ་མགྲོན་གྱི་སྣེ་ཁྲིད་དེ་འཛམ་གླིང་གི་“སེམས་ཀྱི་ཉི་ཟླ”མྱོང་ཚོར་ཐུབ་པ་བྱས་ནས་བདེ་ཆེན་རིག་གནས་ཡུལ་སྐོར་སྤུས་རྟགས་ཀྱི་ཤུགས་རྐྱེན་ཐེབས་ཤུགས་རྒྱུན་མཐུད་ངང་ཆེ་རུ་བཏང་བ་རེད།

        འགོ་ཚུགས་མཛད་སྒོའི་ཉིན་དེར་རང་ཁུལ་གྱིས་ཤམ་བྷ་ལ་ཆེ་མོའི་ཡུལ་སྐོར་མནའ་འབྲེལ་འཕེལ་རྒྱས་ཀྱི་མཉམ་འབྲེལ་ཚོགས་འདུ་འཚོག་རྒྱུ་ཡིན་ལ།དེའི་ནང་“ཀྲུང་གོའི་ཤམ་བྷ་ལ་ཆེ་མོའི་ཡུལ་སྐོར་ཁྱབ་གདལ་མནའ་འབྲེལ”་གྱི་མཉམ་འབྲེལ་ཚོགས་འདུ་དང་“ཀྲུང་གོའི་ཤམ་བྷ་ལ་ཆེ་མོའི་ཡུལ་སྐོར་ཁྱབ་གདལ་མནའ་འབྲེལ”གྱི་དྲིལ་བསྒྲགས་ཁྱབ་གདལ་བྱེད་སྒོ་ཚུད་ཡོད་པ་རེད།

        སྐབས་འདིའི་རིག་གནས་ཡུལ་སྐོར་དུས་ཆེན་རིང་རང་ཁུལ་གྱིས་སེམས་ཀྱི་ཉི་ཟླ་གྲོང་ཁྱེར་ཤྭ་ཁ་རི་བོ་དང་རྡོ་མཁར་རྫོང་གི་ཟླ་འོད་ཐང་ཆེན་དུ་“རིག་གནས་ཡུལ་སྐོར་+བོད་ལུགས་གསོ་རིག་”གི་མངོན་མིན་རིག་གནས་ཤུལ་བཞག་རྒྱུན་འཛིན་བྱེད་སྒོ་སྤེལ་རྒྱུ་ཡིན་པ་མ་ཟད།

        གཞན་ཡང་རང་ཁུལ་གྱིས་ད་དུང་འཛམ་གླིང་གི་“སེམས་ཀྱི་ཉི་ཟླའི”ཤྭ་ཁ་རི་བོའི་རི་ཀླུང་རོལ་དབྱངས་ཀྱི་དུས་ཆེན་གཉེར་ནས་མི་རིགས་ཀྱི་གཞས་པ་དང་ཞབས་བྲོ་འཁྲབ་མཁན་སོགས་འཁྲབ་སྟོན་མི་སྣ་གདན་དྲངས་ཏེ་གར་སྟེགས་ཐོག་འཁྲབ་སྟོན་བྱས་ནས་འཛམ་གླིང་གི་“སེམས་ཀྱི་ཉི་ཟླའི”ཐུན་མོང་མ་ཡིན་པའི་རིག་གནས་ཀྱི་ཡིད་དབང་འཕྲོག་ཤུགས་དང་སྒྱུ་རྩལ་གྱི་གསོན་ཤུགས་མངོན་པར་བྱ་རྒྱུ་ཡིན་པ་རེད།རོལ་དབྱངས་དུས་ཆེན་གྱི་སྐབས་སུ་ད་དུང་“རི་མཚོ་ཕྱོགས་བསྡུས་ཆེན་པོ”ཞེས་པའི་གསར་གཏོད་གྲོང་ཁྱེར་ཕྱོགས་བསྡུས་བྱེད་སྒོ་སྤེལ་རྒྱུ་ཡིན་པ་དང་སྐབས་དེ་དུས་ཁྱད་ལྡན་ཟས་མཆོག་དང་།ལག་བྲིས་།མངོན་མིན་རིག་གནས་ཤུལ་བཞག་སོགས་ཡུལ་སྐོར་བར་ཉམས་ལེན་བྱ་རྒྱུར་མཁོ་འདོན་བྱས་ནས་བདེ་ཆེན་རིག་གནས་ཡུལ་སྐོར་འཛད་སྤྱོད་དང་ཐོན་ལས་འཕེལ་རྒྱས་ལ་སྔར་བས་སྐུལ་ཁྲིད་བྱ་རྒྱུ་ཡིན་པ་རེད།



分享到：QQ空间新浪微博腾讯微博人人网微信