དངོས་མིན་ཤུལ་བཞག་གིས་རིག་གནས་ཡུལ་སྐོར་ལ་རོགས་རམ་བྱས།

རྩོམ་པ་པོ།     ཡིག་བསྒྱུར།       དུས་ཚོད།   2024-09-23   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    ཉེ་བའི་ལོ་ཤས་རིང་།བདེ་ཆེན་ཁུལ་གྱིས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུ་གཙོ་རྐང་དུ་བྱེད་པ་དང་དངོས་མིན་རིག་གནས་ཤུལ་བཞག་རྒྱུན་འཛིན་བྱ་རྒྱུ་དམ་འཛིན་བྱ་གཞིར་བྱས་ཏེ་འཛམ་གླིང་གི་“སེམས་ཀྱི་ཉི་ཟླ་”ཞེས་པའི་གསེར་ཡིག་སྒོ་བྱང་ཕྱིས་ནས་“དངོས་མིན་ཤུལ་བཞག་མིན་པའི་+”རིག་གནས་ཡུལ་སྐོར་གྱི་དཔལ་འབྱོར་རིམ་སྤོར་ལ་རོགས་རམ་བྱས་པ་རེད།

 དངོས་མིན་ཤུལ་བཞག་རྒྱུན་འཛིན་སྨྱན་སྦྱོར་དུ་བྱས་ནས་རིག་གནས་ཡུལ་སྐོར་མཉམ་འདྲེས་འཕེལ་རྒྱས་ལ་སྐུལ་འདེད་གཏོང་བ།
    བདེ་ཆེན་ལ་ལོ་རྒྱུས་ཡུན་རིང་ལྡན་པ་དང་རིག་གནས་ཀྱི་ནང་དོན་གཏིང་ཟབ་པས་དངོས་མིན་ཤུལ་བཞག་གི་ཐོན་ཁུངས་ཕུན་སུམ་ཚོགས་པོ་ཡོད། བདེ་ཆེན་ཁུལ་གྱིས་“མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་ཚད་ཤིང་”གཏོད་པའི་དམིགས་ཚད་ཀྱི་ངེས་གནས་དེར་དམིགས་ནས་དངོས་མིན་རིག་གནས་ཤུལ་བཞག་གི་མ་ལག་རང་བཞིན་སྲུང་སྐྱོང་ཏན་ཏིག་བྱས་ཏེ།ཕུལ་བྱུང་གི་སྲོལ་རྒྱུན་རིག་གནས་གསར་གཏོད་རང་བཞིན་གྱི་གཞན་སྒྱུར་དང་གསར་གཏོད་རང་བཞིན་གྱི་འཕེལ་རྒྱས་ལ་སྐུལ་འདེད་བཏང་བས་དངོས་མིན་རིག་གནས་ཤུལ་བཞག་ཁྱབ་སྤེལ་ཐབས་ལམ་རྒྱུན་ཆད་མེད་པར་རྒྱ་ཆེར་ཕྱིན་པ་དང་བེད་སྤྱོད་རྣམ་པ་རྒྱུན་ཆད་མེད་པར་ཕུན་སུམ་ཚོགས་སུ་ཕྱིན་ཡོད།

    བདེ་ཆེན་ཁུལ་དུ་གཞོན་ནུ་དེ་བས་མང་བས་སྲོལ་རྒྱུན་ལག་རྩལ་ལ་དོ་ཁུར་བྱེད་འགོ་ཚུགས་པ་དང་རྒན་རབས་ཚོའི་ལག་ནས་རྒྱུག་མཐུད་དབྱུག་པ་བླངས་ཏེ་དངོས་མིན་ཤུལ་བཞག་ལ་རྒྱུད་འཛིན་སྲུང་སྐྱོང་བྱེད་པའི་གསར་སྐྱེས་སྟོབས་ཤུགས་སུ་གྱུར།“50་རྗེས་”ཀྱི་རྫ་ནག་སྒྱུ་རྩལ་པ་སྐལ་བཟང་དབང་འདུས་དང་“90་རྗེས་”ཀྱི་རྫ་ནག་སྒྱུ་རྩལ་པ་བློ་བཟང་སོགས་ཀྱིས་བཟོས་པའི་རྫ་ཆས་པེ་ཅིང་དང་ཧྲང་ཧའེ།ཀོང་ཏུང་སོགས་སུ་འཚོང་ཡོད། རི་མོ་འབྲི་མཁན་བློ་བཟང་རྒྱལ་མཚན་གྱིས་བྲིས་པའི་ཐང་གར་མི་མི་ཉུང་བ་ཞིག་གིས་དོ་ཁུར་དང་བསྔགས་བརྗོད་ཐོབ་ཡོད་།
    དངོས་མིན་ཤུལ་བཞག་རྒྱུད་འཛིན་སྨྱན་སྦྱོར་དུ་བྱས་ནས་གྲོང་གསེབ་དར་རྒྱས་ཡོང་བར་རོགས་རམ་བྱེད།
    “ད་ཆ་གྲོང་ཚོར་དུད་ཚང་མང་པོ་ཞིག་གིས་རྫ་ནག་བཟོ་བཞིན་ཡོད་པ་དང་རིག་གནས་དང་ཡུལ་སྐོར་མཉམ་འདྲེས་བྱས་པ་བརྒྱུད་གྲོང་གསེབ་དར་རྒྱས་ལ་སྐུལ་འདེད་གཏོང་ཡོད།”སེམས་ཀྱི་ཉི་ཟླ་གྲོང་ཁྱེར་ཉི་ཤར་ཤང་ཐང་སྨད་གྲོང་ཚོའི་གྲོང་ཚོ་ཨུ་ལྷན་གྱི་ཀྲུའུ་རེན་བཀྲ་ཤིས་ཉི་མས་འདི་འདྲ་མཚམས་སྦྱོར་བྱས། ཉི་ཤར་ཤང་གིས་དགེ་སློབ་རྒྱུན་འཛིན་བྱས་པ་བརྒྱུད་དམངས་ཁྲོད་ཀྱི་བཟོ་ཁང་སྐྱེད་སྲིང་བྱ་རྒྱུར་ཁྲིད་སྟོན་བྱས་ཏེ་རྫ་ནག་ཐོན་རྫས་གསར་གཏོད་དང་གསར་སྤེལ་བྱས་པ་རེད། 2022ལོར་ཉི་ཤར་ཤང་དུ་རྫ་ནག་ཐོན་སྐྱེད་བྱེད་མཁན་ཞིང་དུད་108དང་མི་150ལྷག་ཙམ་ཡོད་པ་དང་། 2023ལོར་མི་8000རྫ་ནག་བཟོ་བར་ཉམས་ལེན་བྱེད་དུ་ཡོང་ཡོད།

    བདེ་ཆེན་ཁུལ་གྱིས་“དངོས་མིན་རིག་གནས་ཤུལ་བཞག་+”བྱེད་སྟངས་རྒྱུན་ཆད་མེད་པར་འཚོལ་ཞིབ་བྱས་ཏེ་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ས་ཚིགས་གཏོད་པ་དང་དངོས་མིན་རིག་གནས་ཤུལ་བཞག་གི་ཁྱད་ལྡན་གྲོང་ཚོ་དང་གྲོང་རྡལ་འཛུགས་སྐྲུན་བྱ་རྒྱུ་དེ་ཡུལ་སྐོར་འཕེལ་རྒྱས་གཏོང་རྒྱུ་དང་ཟུང་འབྲེལ་དམ་ཟབ་བྱས་ནས་“དངོས་མིན་རིག་གནས་ཤུལ་བཞག་གི་ཞིབ་འཇུག་སློབ་སྦྱོང་”སོགས་ཁྱད་ལྡན་ཡུལ་སྐོར་ཐོན་རྫས་གསར་སྤེལ་བྱས་ཏེ་དངོས་མིན་རིག་གནས་ཤུལ་བཞག་གི་བརྗོད་བྱ་གཙོ་བོའི་ཡུལ་སྐོར་ལམ་ཐིག་བཏོན་པ་དང་ལྟ་སྐོར་ཉམས་ལེན་བྱེད་སྒོ་རབ་དང་རིམ་པ་གཉེར་བ།རྡོ་མཁར་རྫོང་དངོས་མིན་ཉམས་ལེན་ལྟེ་གནས་དང་།སྤྱི་ཚོགས་ཚོགས་པ།དམངས་ཁྲོད་སྟོབས་ཤུགས་བཅས་གཅིག་རྗེས་གཉིས་མཐུད་དུ་དངོས་མིན་ཐོན་ལས་འབྲེལ་ཐག་འཛུགས་པར་ཞུགས་པ་དང་།དངོས་མིན་ཤུལ་བཞག་རྒྱུན་འཛིན་པས་ལག་ཤེས་བཟོ་ཁང་ཧུར་ཐག་བཙུགས་ནས་ཐོན་ལས་འབྲེལ་ཐག་སྔར་ལས་ལྷག་པར་སྣུར་སྲིང་དང་།རིག་གནས་གསར་གཏོད་ཐོན་རྫས་རབ་དང་རིམ་པ་བཏོན་ནས་མི་རིགས་ཁག་གི་མང་ཚོགས་ལས་གནས་བརྟན་པོ་དང་ལས་ཞུགས་ཐུབ་པར་སྐུལ་ཁྲིད་བྱས་ཏེ་སྤྱི་ཚོགས་ཀྱི་ཕན་འབྲས་དང་དཔལ་འབྱོར་གྱི་ཕན་འབྲས་ལེགས་པོ་མངོན་འགྱུར་བྱུང་བ་རེད།


分享到：QQ空间新浪微博腾讯微博人人网微信