སེམས་ཀྱི་ཉི་ཟླ་སུམ་རྩེན་གླིང་ལྗོངས་ཁུལ་གྱིས་མི་རིགས་རིག་གནས་དང་ཡུལ་སྐོར་འཕེལ་རྒྱས་མཉམ་འདྲེས་གཏིང་ཟབ་ལ་སྐུལ་འདེད་གཏོང་།

    ཉེ་བའི་ལོ་འགའི་རིང་།སེམས་ཀྱི་ཉི་ཟླ་སུམ་རྩེན་གླིང་ལྗོངས་ཁུལ་སྲུང་སྐྱོང་གསར་སྤེལ་ཚད་ཡོད་ཀུང་སིས་སྤུས་ལེགས་པའི་ཡུལ་སྐོར་ཐོན་ཁུངས་ལ་བརྟེན་ནས།སུམ་རྩེན་གླིང་ལྗོངས་ཁུལ་སྲུང་སྐྱོང་དང་གསར་སྤེལ།གཉེར་སྐྱོང་བཅས་ཀྱི་ལས་འགན་འཁུར་བ་དང་།ཡུལ་སྐོར་ཞབས་ཞུའི་ལས་ཀ་དེ་མི་རིགས་འགྲོ་འོང་དང་སྤེལ་རེས།མཉམ་འདྲེས་བཅས་ལ་སྐུལ་འདེད་གཏོང་བའི་འགག་རྩའི་ལྷུ་ཚིགས་སུ་རྩིས་ནས།མི་རིགས་རིག་གནས་དང་ཡུལ་སྐོར་འཕེལ་རྒྱས་ཀྱི་མཉམ་འདྲེས་གཏིང་ཟབ་ཡོང་བར་སྐུལ་འདེད་གཏོང་བ།“ཡུལ་སྐོར་＋མི་རིགས་མཐུན་སྒྲིལ”ཞེས་པའི་རྣམ་པ་གསར་པའི་ཡུལ་སྐོར་གཉེར་སྐྱོང་རྣམ་པར་གྱུར་བ།

    སུམ་རྩེན་གླིང་ལྗོངས་ཁུལ་གྱིས་ད་ཡོད་ཀྱི་ཡུལ་སྐོར་ཐོན་ཁུངས་བེད་སྤྱོད་གང་ལེགས་བྱས་པ་དང་རིག་གནས་ལྗོངས་ཁུལ་འཛུགས་སྐྲུན་ཇེ་མགྱོགས་སུ་གཏོང་བ།གསར་བརྗེ་རིག་གནས་ཐོན་ཁུངས་འཇོག་ཤུགས་སྔོག་འདོན་བྱེད་ཤུགས་ཆེ་རུ་གཏོང་བ། བློ་རྩེ་གཅིག་སྒྲིམ་གྱིས་རིག་གནས་ཀྱི་རྣམ་པ་ཟབ་མོ་བསྐྲུན། མི་རིགས་མཐུན་སྒྲིལ་གྱི་“གར་སྟེབས་ཆེན་པོ་”སྐྲུན་པ། བློ་རྩེ་གཅིག་སྒྲིམ་གྱིས་མི་རིགས་མཐུན་སྒྲིལ་གྱི་མེ་ཏོག་ལ་ཆུ་གཏོར་བ།ནན་ཏན་གྱིས་“མི་རིགས་མཐུན་སྒྲིལ་ཁྱིམ་ཚང་གཅིག་ལྟར་བརྩེ་”ཞེས་པའི་མིང་བྱང་སྐྲུན་པ།ལྗོངས་ཁུལ་གྱིས་LEDབརྙན་ཤེལ་ཆེན་པོ་དང་དྲིལ་བསྒྲགས་འགྲེམ་སྤང་།དྲིལ་བསྒྲགས་ལག་དེབ་སོགས་རྣམ་པའི་ཐོག་ནས་ཏང་གི་མི་རིགས་སྲིད་ཇུས་དང་ཆོས་ལུགས་སྲིད་ཇུས་དྲིལ་བསྒྲགས་བྱས་པ་དང་བདེ་ཆེན་གྲངས་ཉུང་མི་རིགས་ཀྱི་ཡུལ་སྲོལ་གོམས་གཤིས་མཚམས་སྦྱོར་བྱེད་པ།