སེམས་ཀྱི་ཉི་ཟླ་གྲོང་ཁྱེར་གྱིས་ནུས་ཤུགས་ཡོད་རྒུས་སྐྱེ་ཁམས་ཁོར་ཡུག་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་བ།

རྩོམ་པ་པོ།     ཡིག་བསྒྱུར།       དུས་ཚོད།   2024-09-26   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    ཉེ་བའི་ལོ་ཤས་རིང་།སེམས་ཀྱི་ཉི་ཟླ་གྲོང་ཁྱེར་གྱི་རིམ་པ་སོ་སོའི་སྡེ་ཁག་ཁག་གིས་བསམ་བློ་དང་བྱ་སྤྱོད་ཐད་ཚད་མཐོའི་མཐོང་ཆེན་བྱས་ཏེ་སྐྱེ་ཁམས་ཁོར་ཡུག་སྲུང་སྐྱོང་བྱ་རྒྱུ་དེ་ལས་ཀའི་གལ་ཆེའི་ནང་གི་འགངས་ཆེར་བརྩིས་ནས་ཞིང་ཨུའི“རང་འགུལ་ངང་བསམ་བློ་གཏོང་བ”དང་“དོན་དངོས་སྒྲུབ་པ”“ཕན་འབྲས་ལ་སྣང་ཆེན”བཅས་ཀྱི་ལས་དོན་དམ་འཛིན་བྱེད་པའི་“རོལ་དབྱངས་ཁག་གསུམ”གཞིར་བཟུང་སྣོད་བཅུད་ཁོར་ཡུག་སྤུས་ཚད་མཐོ་བའི་འཕེལ་རྒྱས་ལ་ནུས་ཤུགས་ཡོད་རྒུས་སྐུལ་འདེད་བཏང་བ་རེད།

    སྦགས་བཙོག་འགོག་བཅོས་ཀྱི་འགག་སྒྲོལ་དམག་འཐབ་ཡག་པོ་རྒྱག་པ།སེམས་ཀྱི་ཉི་ཟླ་གྲོང་ཁྱེར་གྱི་རིམ་པ་སོ་སོའི་སྡེ་ཁག་ཁག་གིས“རི་ཆུ་ནགས་ཞིང་མཚེའུ་རྩྭ་བྱེ”བཅས་གཞི་གཅིག་ཅན་གྱི་སྲུང་སྐྱོང་དང་བརྒྱུད་རིམ་ལྡན་པའི་བཅོས་སྐྱོང་མཐའ་འཁྱོངས་བྱས་ཏེ་“གནམ་སྔོན་པོ་དང་།ཆུ་དྭངས་མོ།ས་གཙང་མ། རི་སྔོན་པོ་”སྲུང་སྐྱོབ་དམག་འཐབ་དང་“མཚོན་རྟགས་རང་བཞིན་གྱི་གཡུལ་འགྱེད་8”རྒྱུན་མཐུད་གཏིང་ཟབ་ངང་ཡག་པོ་རྒྱག་དགོས། གནམ་སྔོན་པོ་སྲུང་སྐྱོབ་བྱེད་པའི་དམག་འཐབ་ཐད་2024ལོ་འཁོར་གྱི་ཞིང་ཆེན་རིམ་པས་གཤམ་སྤྲོད་བྱས་པའི་ཕུལ་བྱུང་ཉིན་གྲངས་བསྡུར་ཚད་དང་PM2.5ཡི་གར་ཚད་དམིགས་ཚད་ལ་དམིགས་ནས་དགུན་དུས་ཀྱི་ཕྲ་ཕུང་རིལ་དངོས་མེད་པའམ་ཉུང་དུ་བཏང་བ། མེ་ཟོན་སྐོར་སྲུང་དང་མེ་ཁུངས་དོ་དམ་ལ་ཤུགས་སྣོན་བརྒྱབ་ནས་ནགས་ཚལ་དང་རྩྭ་ཐང་གི་མེ་སྐྱོན་ལས་ཐོན་པའི་སྦགས་བཙོག་ཆེ་བའི་གནམ་གཤིས་སྔོན་འགོག་ནན་པོ་བྱས་ནས།ཕྲ་ཕུང་རིལ་བུ་（PM2.5）ཡི་ཆ་སྙོམས་གར་ཚད་དམིགས་ཚད་དེ་ཝེ་ཁེ་13.3གྱི་སྨི་རྒྱ་དཔངས་གྲུ་བཞི་མ་རེའི་ནང་ཚུན་དུ་ཚོད་འཛིན་ཐུབ་པའི་འགན་ལེན་བྱས་ཏེ་གྲོང་ཁྱེར་གྱི་མཁའ་རླུང་སྤུས་ཚད་ལེགས་པའི་ཉིན་གྲངས་བསྡུར་ཚད་དེ་100%ཟིན་རྒྱུ་མུ་མཐུད་རྒྱུན་འཁྱོངས་བྱས་པ་རེད།
    ཆུ་དྭངས་མོའི་སྲུང་སྐྱོབ་དམག་འཐབ་ཐད་སེམས་ཀྱི་ཉི་ཟླ་གྲོང་ཁྱེར་གྱིས་ནགས་ཕག་མཚོའི་ཆུའི་སྤུས་ཚད་མཐོ་རུ་གཏོང་བའི་འགག་སྒྲོལ་ལས་དོན་ལ་བརྟེན་ནས་འབྲི་ཆུའི་འབབ་རྒྱུད་སྲུང་སྐྱོང་དང་བཅོས་སྐྱོང་ལ་སྐུལ་འདེད་བཏང་སྟེ་གྲོང་ཁྱེར་གྱི་མདོང་དྲའི་འཐུས་ཚང་ལས་གྲྭ་དང་ནགས་ཕག་མཚོའི་ཆུ་ལག་གི་སྦགས་བཙོག་འགོག་བཅོས་དང་གྲོང་གསེབ་ཀྱི་ཁ་གཏིང་གཉིས་ཀྱི་སྦགས་བཙོག་ལྟ་ཞིབ་ཚད་ལེན་དང་བཅོས་སྒྲིག་སོགས་ཀྱི་ཐད་ནས་ན་ཕ་མཚོའི་ཆུའི་སྤུས་ཚད་མཐོ་རུ་གཏོང་འགོ་ཚུགས་ཡོད། ལོ་འགོར་གཤམ་སྤེལ་བྱས་པའི་ནགས་ཕག་མཚོའི་ཆུའི་སྤུས་ཚད་མཐོ་རུ་གཏོང་བའི་འགག་སྒྲོལ་བྱ་ཐབས་48ལ་དམིགས་ནས་དུས་ཚོད་རེའུ་མིག་དབྱེ་འབྱེད་གཏན་འཁེལ་བྱས་ཏེ་འདི་ལོའི་བྱ་ཐབས་19ཆད་ལུས་མེད་པར་དོན་ཐོག་ཏུ་འཁྱོལ་བ་བྱས་པ་རེད།དུས་མཚུངས་སུ། གྲོང་ཁུལ་གྱི་མདོང་དྲ་འཐུས་སྒོ་ཚང་དུ་གཏོང་བའི་ལས་གྲྭར་སྐུལ་འདེད་ཤུགས་ཆེན་བཏང་ནས་ལོ་འདིའི་ནང་ནགས་ཕག་མཚོའི་ཆུ་གསོག་རྫིང་བུ་འཛུགས་སྐྲུན་དང་《ནགས་ཕག་མཚོའི་སྣོད་བཅུད་ཡུལ་སྐོར་འཆར་འགོད》བཟོ་འགོད་དང་དེ་བཞིན་ནགས་ཕག་མཚོའི་རྒྱལ་སྤྱིའི་འདམ་ར་གལ་ཆེན་གྱི་སྣོད་བཅུད་སྲུང་སྐྱོང་དང་ཉམས་གསོའི་རྣམ་གྲངས་ལེགས་སྒྲུབ་བྱས་ཏེ་ནགས་ཕག་མཚོའི་མཐའ་འཁོར་གྱི་ཐོན་ལས་ཚོད་འཛིན་སྒྲིག་སྲོལ་ལས་དོན་རྒྱུན་མཐུད་ངང་ཡག་པོ་སྒྲུབ་པ་དང་།སྒོ་ཕྱུགས་དང་ཁྱིམ་བྱའི་ཕྱུགས་འཚོའི་གྲངས་འབོར་དང་ཁྱབ་ཁོངས་ཚོད་འཛིན་ནན་པོ་བྱེད་པ་དང་སྒོ་ཕྱུགས་དང་ཁྱིམ་བྱའི་བྲུན་བཙོག་ཐོན་ཁུངས་ཅན་དུ་བེད་སྤྱོད་བྱེད་ཚད་མཐོ་རུ་བཏང་ནས་2024ལོའི་ལོ་མཇུག་གོང་ནགས་ཕག་མཚོའི་ཆུའི་སྤུས་ཚད་རིགས་ཀྱི་IVཚད་གཞིར་སླེབས་རྒྱུའི་བརྩོན་ལེན་བྱས་པ།གཞན་ཡང་གྲོང་ཁྱེར་དེས་ད་དུང་ཆུ་ཁུངས་སྲུང་སྐྱོང་ལས་དོན་མུ་མཐུད་ཡག་པོ་སྤེལ་ནས་འབྱུང་རྩ་ནས་སྦགས་བཙོག་བཀག་འགོག་བྱེད་ཀྱི་ཡོད།གཅིག་སྡུད་རྣམ་པའི་འཐུང་ཆུའི་ཆུ་འགོའི་ཆུ་སྤུས་ཚད་ལོན་ཚད་100%ཟིན་པའི་འགན་ལེན་བྱེད་པ་དང་རྒྱལ་ཁབ་ཀྱིས་ཆུ་སྤུས་ཚོད་འཛིན་བྱེད་པའི་བཅད་ངོས་ལ་རྒྱལ་ཁབ་ཀྱི་རིགས་ཀྱི་ཚད་གཞི་རྒྱུན་འཁྱོངས་བྱས་པ།
    ས་གཙང་སྲུང་སྐྱོང་དམག་འཐབ་དང་རི་སྔོན་སྲུང་སྐྱོང་དམག་འཐབ་ཐད་“སྔོན་འགོག་གཙོ་བོར་བྱེད་པ་དང་སྲུང་སྐྱོང་སྔོན་ལ་བྱེད་པ། ཉེན་ཁར་དོ་དམ་ཚོད་འཛིན་བྱེད་པའི”རྩ་དོན་གཞིར་བཟུང་སེམས་ཀྱི་ཉི་ཟླ་གྲོང་ཁྱེར་གྱི་འབྲེལ་ཡོད་སྡེ་ཚན་གྱིས་གཏེར་སྙིགས་གསོག་མཛོད་དང་།བཟོ་ལས་ཁེ་ལས།སྨན་བཅོས་ཁྱབ་ཁོངས་བཅས་ཀྱི་ཉེན་ཡོད་ཟོག་རོའི་ཁོར་ཡུག་གི་ཉེན་ཁའི་མངོན་མེད་རྐྱེན་ངན་གྲལ་བཤེར་དང་བཅོས་སྒྲིག་གཏིང་ཟབ་བྱས་ཏེ་ས་རྒྱུའི་སྦགས་བཙོག་འབྱུང་རྩར་ལྟ་སྐུལ་དོ་དམ་བྱེད་ཤུགས་ཆེ་རུ་བཏང་བ། འཛུགས་སྐྲུན་ལ་མཁོ་བའི་ས་ཆ་ཞུགས་འཐུས་དོ་དམ་བྱེད་ཤུགས་ཆེ་རུ་གཏོང་བ་དང་།ནད་ཀྱིས་ཤི་བའི་སྒོ་ཕྱུགས་དང་ཁྱིམ་བྱ་གནོད་མེད་ཅན་དུ་བསྒྱུར་བ།ཞིང་ལས་སྐྱེ་དངོས་ཀྱི་སོག་མ་ཕྱོགས་བསྡུས་བེད་སྤྱོད།བེད་མེད་དུ་བསྐྱུར་བའི་ཞིང་སྤྱོད་འགྱིག་ཤོག་ཚུར་བསྡུ།ནད་འབུའི་གནོད་འཚེ་སྔོན་འགོག་ཚོད་འཛིན་བཅས་བྱེད་པར་སྐུལ་འདེད་ཤུགས་ཆེན་བཏང་བ། དེ་དང་ཆབས་ཅིག་གྲོང་ཁྱེར་དེས་ནགས་ཚལ་སྣོད་བཅུད་ཀྱི་ཕན་འབྲས་ཁ་གསབ་ལས་དོན་བརྟན་པོའི་ངང་ལག་བསྟར་བྱས་ཏེ་རྒྱལ་ཁབ་རིམ་པ་དང་ཞིང་ཆེན་རིམ་པའི་སྤྱི་ཕན་ནགས་ཚལ་གྱི་ཁ་གསབ་དམངས་ཕན་སྲིད་ཇུས་དོན་འཁྱོལ་ཡག་པོ་བྱས་པ་དང་། སྐྱེ་དངོས་ཐོན་ཁུངས་ཚད་ལྡན་དང་གོ་རིམ་ལྡན་པའི་སྒོ་ནས་སྔོག་འཐུ་བྱས་ཏེ་སྒེར་གྱིས་སྔོག་འདོན་དང་གང་བྱུང་དུ་སྔོག་འདོན་བྱེད་རིགས་སྔོན་འགོག་དང་ནགས་ཚལ་དང་རྩྭ་ཐང་གི་སྐྱེ་ཁམས་ཁོར་ཡུག་ལ་གཏོར་བཤིག་གཏོང་རིགས་གཏན་འགོག་བྱ་དགོས།ནགས་དཔོན་ལམ་ལུགས་ཀྱི་ལས་དོན་ལ་སྐུལ་འདེད་གཏིང་ཟབ་བཏང་ནས་རང་བྱུང་ནགས་ཚལ་སྲུང་སྐྱོང་དང་རྒྱལ་ཁབ་ས་ཆ་སྔོ་འགྱུར་སོགས་ཀྱི་འདུ་འགོད་ལ་རྒྱུན་མཐུད་ངང་དམ་འཛིན་ཡག་པོ་བྱེད་པ་དང་འབྲེལ་ཞིང་ཆེན་རིམ་པའི་“ནགས་ཚལ་གྲོང་གསེབ”ཧུར་ཐག་གཏོད་དགོས།ནགས་ཚལ་དང་རྩྭ་ཐང་གི་མེ་ཟོན་མེ་གསོད་ནུས་པ་རྒྱུན་མཐུད་ངང་ཆེ་རུ་གཏོང་བ་དང་ནགས་ཚལ་དང་རྩྭ་ཐང་གི་མེ་ཟོན་མེ་གསོད་དྲིལ་བསྒྲགས་སློབ་གསོ་གསོ་སྦྱོང་དང་དེ་བཞིན་མེ་ཟོན་གྱི་རྨང་གཞིའི་སྒྲིག་བཀོད་དང་བདེ་འཇགས་འགོག་སྲུང་སྒྲིག་ཆས་སྒྲིག་སྦྱོར་དང་དངོས་ཟོག་གྲབས་གསོག་འཛུགས་སྐྲུན་ལ་ཤུགས་སྣོན་བརྒྱབ་ནས་ནགས་ཚལ་དང་རྩྭ་ཐང་མེ་སྐྱོན་གྱི་གེགས་འགོག་གེགས་སེལ་དང་སྔོན་འགོག་ཚོད་འཛིན་ནུས་པ་ཆེ་རུ་བཏང་བ་རེད།


分享到：QQ空间新浪微博腾讯微博人人网微信