ཁུལ་སྲིད་གཞུང་དང་ཁུལ་སྤྱི་ཁྱབ་བཟོ་ཚོགས་ཀྱི་མཉམ་འབྲེལ་ཚོགས་འདུ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ10པའི་ཚེས22ཉིན།ཁུལ་སྲིད་གཞུང་དང་ཁུལ་སྤྱི་ཁྱབ་བཟོ་ཚོགས་ཀྱི་མཉམ་འབྲེལ་ཚོགས་འདུ་འཚོགས་ནས་ཁུལ་སྤྱི་ཁྱབ་བཟོ་ཚོགས་ཀྱི་2024ལོའི་གཙོ་གནད་ལས་དོན་སྤེལ་ཚུལ་གྱི་སྙན་ཞུ་གསན་པ་དང་འབྲེལ་ཡོད་ལས་དོན་ལ་ཞིབ་འཇུག་དང་བཀོད་སྒྲིག་གནང་བ་རེད།

    ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཀྲང་ཝེ་ཏུང་ཚོགས་འདུར་ཕེབས་པ་དང་འབྲེལ་གསུང་བཤད་ཀྱང་གནང་བ་རེད།ཁུལ་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ། ཁུལ་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་སུང་ཡུང་ལི་ཚོགས་འདུར་ཕེབས་པ། ཁུལ་སྲིད་གཞུང་གི་ཁུལ་དཔོན་གཞོན་པ་ཡུས་ཀུའེ་ཧྥེན་གྱིས་ཚོགས་འདུ་གཙོ་སྐྱོང་གནང་བ།

    ཚོགས་འདུའི་ཐོག་བསྟན་དོན།ད་ལོ་ནས་བཟུང་ཁུལ་ཡོངས་ཀྱི་རིམ་ཁག་བཟོ་ཚོགས་ཀྱིས་རང་འགུལ་ངང་ལས་བཟོར་ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲངས་རྒྱུར་ཁྲིད་སྟོན་བྱེད་པའི་ཆབ་སྲིད་ཀྱི་འགན་འཁྲི་འཁུར་བ་དང་རང་འགུལ་ངང་ཁུལ་ཡོངས་ཀྱི་ལྟེ་བའི་ལས་དོན་ལ་ཞབས་འདེགས་ཞུ་བ་དང་། རང་འགུལ་ངང་སྤྱི་ཚོགས་བཅོས་སྐྱོང་གསར་གཏོད་ནང་མཉམ་འདྲེས་བྱས་ཏེ་ཞི་མཐུན་གྱི་ངལ་རྩོལ་འབྲེལ་བ་འཛུགས་རྒྱུ་གཙོ་རྐང་དུ་བྱ་རྒྱུ་མཐའ་འཁྱོངས་དང་།ཐོན་ལས་བཟོ་པའི་དཔུང་ཁག་འཛུགས་སྐྱོང་སྒྱུར་བཅོས་དང་བཟོ་ཚོགས་སྒྱུར་བཅོས་ལ་ཤུགས་སྣོན་རྒྱག་རྒྱུ་གཙོ་གནད་དུ་བྱེད་པ་དང་ལས་བཟོའི་ཁྲིམས་མཐུན་ཁེ་དབང་སྲུང་སྐྱོང་བྱ་རྒྱུ་གཞི་རྟེན་དུ་བྱེད་པ།ལས་བཟོའི་འཚོ་བའི་སྤུས་ཚད་མཐོ་རུ་གཏོང་བའི་ཐད་ཚད་བརྒལ་ཡོང་བ་བྱས་ཏེ་ལས་བཟོའི་ལུས་རྩལ་འགྲན་ཚོགས་གཉེར་བ་དང་ལས་བཟོའི་སྨན་བཅོས་ལུས་གསོའི་ཐབས་ལམ་གསར་པ་རྒྱ་ཆེར་བཏང་ནས་ཀྲུང་གོའི་རྣམ་པའི་དེང་རབས་ཅན་གྱི་བདེ་ཆེན་ལེའུ་ཡག་པོ་རྩོམ་ཆེད་ལེགས་སྐྱེས་ཧུར་ཐག་ཕུལ་ཡོད།

    ཚོགས་འདུའི་ཐོག་ནན་གྱིས་བསྟན་དོན།ཁུལ་ཡོངས་ཀྱི་རིམ་ཁག་བཟོ་ཚོགས་ཀྱིས་བསམ་བློ་ཆབ་སྲིད་ཀྱི་སྣེ་ཁྲིད་ལ་སྔར་བས་ཤུགས་སྣོན་རྒྱག་པ་དང་རང་རྟོགས་ངང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་བརྟེན་ནས་སེམས་ནུས་གཅིག་སྒྲིལ་དང་བླ་སྲོག་གཏོད་དེ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་དྲིལ་བསྒྲགས་ལག་བསྟར་བྱེད་པ་དང་།ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་རྒྱུ་ལས་ཀའི་གཙོ་རྐང་དུ་བྱས་ཏེ་བཟོ་ཚོགས་ཀྱི་འབྲེལ་གཏུག་རྒྱ་ཁྱབ་དང་བྱེད་སྒོའི་གཞི་རྟེན་ཕུན་སུམ་ཚོགས་པའི་ཁྱད་ཆོས་འདོན་སྤེལ་གང་ལེགས་བྱས་ནས་ཏང་ཀྲུང་དབྱང་གི་སྒྱུར་བཅོས་བཀོད་སྒྲིག་དང་ཞིང་ཨུའི་སྒྱུར་བཅོས་བླང་བྱ།ཁུལ་ཨུའི་སྒྱུར་བཅོས་བྱ་ཐབས་དྲིལ་བསྒྲགས་དང་འགྲེལ་བཤད་རྒྱག་ཤུགས་ཆེ་རུ་གཏོང་བ་དང་།རྒྱ་ཆེའི་ལས་བཟོ་པས་བསྒྱུར་བཅོས་ལ་རྒྱབ་སྐྱོར་དང་ཐེ་ཞུགས་ཧུར་ཐག་བྱེད་པར་ཁྲིད་སྟོན་བྱས་ཏེ་མི་རིགས་མཐུན་སྒྲིལ་ལ་སྐུལ་སྤེལ་དང་།སྤྱི་ཚོགས་འཆམ་མཐུན་དང་བརྟན་ལྷིང་ཡོང་བར་སྲུང་སྐྱོང་བྱེད་ཆེད་ལེགས་སྐྱེས་སྔར་ལས་ཆེ་བ་འབུལ་དགོས།ཁུལ་ཡོངས་ཀྱི་རིམ་ཁག་བཟོ་ཚོགས་ཀྱིས་ཐོན་ལས་བཟོ་པའི་དཔུང་ཁག་འཛུགས་སྐྱོང་དང་སྒྱུར་བཅོས་སྔར་བས་གཏིང་ཟབ་ཏུ་བཏང་ནས་ཕུགས་བསམ་ལྡན་པ་དང་།དད་སེམས་བརྟན་པ།ལག་རྩལ་ཤེས་པ། གསར་གཏོད་བྱེད་ཤེས་པ། འགན་འཁུར་ཕོད་པ། ལེགས་སྐྱེས་འབུལ་ཕོད་པ་བཅས་ཀྱི་ས་མཐོའི་ཐོན་ལས་བཟོ་པའི་དཔུང་ཁག་ཅིག་གསོ་སྐྱོང་གང་མགྱོགས་བྱ་དགོས། ཁུལ་ཡོངས་ཀྱི་ལས་གྲྭ་གལ་ཆེན་དང་།རྣམ་གྲངས་གལ་ཆེན།ཁྱབ་ཁོངས་གཙོ་བོ་བཅས་ལ་དམིགས་ནས་རིམ་པ་མང་བ་དང་།ལས་རིགས་མང་བ་སོགས་ཀྱི་ངལ་རྩོལ་དང་རྩལ་ནུས་འགྲན་བསྡུར་སྤེལ་བ་དང་། ཤུགས་རྐྱེན་ཐེབས་ཤུགས་ཆེ་བ་དང་སྣེ་ཁྲིད་བྱེད་ཤུགས་ཆེ་བ།བདེ་ཆེན་གྱི་ཁྱད་ཆོས་ལྡན་པའི་ངལ་རྩོལ་འགྲན་བསྡུར་གྱི་སྤུས་རྟགས་ཧུར་ཐག་བསྐྲུན་དགོས།ངལ་རྩོལ་དཔེ་བཟང་ཅན་དཔྱད་འདེམས་དང་གཟེངས་བསྟོད་བྱེད་སྒོ་དེ་གོ་སྐབས་གསར་པ་ཞིག་ཏུ་བརྩིས་ནས་ངལ་རྩོལ་དཔེ་བཟང་ཅན་གྱི་སྙིང་སྟོབས་དང་། ངལ་རྩོལ་གྱི་སྙིང་སྟོབས། ལག་ཤེས་པའི་སྙིང་སྟོབས་བཅས་དར་སྤེལ་ཤུགས་ཆེན་བཏང་སྟེ་བརྩོན་འགྲུས་ཆེན་པོས་བྱ་བ་སྒྲུབ་པ་དང་།ལས་བརྩོན་ཕྱུག་འགྱུར་སོགས་ཁུལ་ཡོངས་སུ་དར་སྲོལ་ཆགས་པར་བྱ་དགོས།

    ཚོགས་འདུའི་ཐོག་རིམ་པ་ཁག་དང་སྡེ་ཁག་ཁག་གིས་ཏང་གིས་སྲིད་སྐྱོང་བའི་གྲལ་རིམ་གྱི་རྨང་གཞི་སྲ་བརྟན་དུ་གཏོང་བ་དང་།བསྒྱུར་བཅོས་གོང་སྤེལ་ལ་སྐུལ་འདེད་གཏོང་བ།སྤྱི་ཚོགས་བརྟན་ལྷིང་སྲུང་སྐྱོང་བྱེད་པ་བཅས་ཀྱི་མཐོ་ཚད་དུ་ལངས་ཏེ།དུས་རབས་གསར་པའི་བཟོ་ཚོགས་ལས་དོན་ལ་ཤུགས་སྣོན་རྒྱག་པའི་དོན་སྙིང་གལ་ཆེན་ལ་ངོས་འཛིན་གང་ལེགས་བྱེད་པ་དང་།ལས་ཀ་མཉམ་སྒྲུབ།རྒྱབ་སྐྱོར་འགན་སྲུང་བཅས་བྱེད་ཤུགས་རྒྱུན་ཆད་མེད་པར་ཆེ་རུ་གཏོང་བ།བཟོ་ཚོགས་ལས་དོན་ལ་རྒྱབ་སྐྱོར་སྔར་ལས་ཆེ་བ་བཅས་བྱས་ཏེ།བཟོ་ཚོགས་ཀྱིས་འགན་འཁྲི་སྒྲུབ་པར་ཆ་རྐྱེན་བཟང་པོ་ཏན་ཏིག་བསྐྲུན་དགོས་པའི་བླང་བྱ་བཏོན་པ་རེད།

    ཁུལ་སྲིད་གཞུང་གི་འགོ་ཁྲིད་ཀྲོང་ཞའོ་ཕིང་དང་ཁུལ་སྤྱི་ཁྱབ་བཟོ་ཚོགས་ཀྱི་འགོ་ཁྲིད་ཚན་ཁག་དང་ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བ་ཚོགས་འདུར་ཞུགས་ཡོད་པ་རེད།