ཀྲང་ཝེ་ཏུང་གིས་སེམས་ཀྱི་ཉི་ཟླ་གྲོང་ཁྱེར་དུ་དམངས་སྲོལ་གནས་ཚང་ཐོན་ལས་འཕེལ་རྒྱས་ལ་བརྟག་ཞིབ་གནང་བར་ཕེབས།
རྩོམ་པ་པོ། ཡིག་བསྒྱུར། དུས་ཚོད། 2024-10-23 རྩོམ་ཁུངས།
སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་10ཚེས་22ཉིན་གྱི་ཕྱི་དྲོར། ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཀྲང་ཝེ་ཏུང་གིས་རུ་སྣེ་ཁྲིད་དེ་སེམས་ཀྱི་ཉི་ཟླ་གྲོང་ཁྱེར་གྱི་ཁྱད་ལྡན་དམངས་སྲོལ་གནས་ཚང་མང་པོ་ཞིག་ལ་ས་གནས་ས་ཐོག་ཏུ་བརྟག་ཞིབ་གནང་བར་ཕེབས་པ། ཁོང་གིས་བདེ་ཆེན་གྱི་ཐུན་མོང་མ་ཡིན་པའི་ཡུལ་སྐོར་ཐོན་ཁུངས་ཀྱི་ལེགས་ཆ་དང་མི་རིགས་རིག་གནས་ཀྱི་ལེགས་ཆ་འདོན་སྤེལ་གང་ལེགས་བྱས་པ་དང་ཐོན་ལས་སྦྲེལ་ཐག་རྒྱུན་ཆད་མེད་པར་སྣུར་སྲིང་བྱས་ནས་རང་ཁུལ་གྱི་དམངས་སྲོལ་གནས་ཚང་ཐོན་ལས་བདེ་བླག་དང་གོ་རིམ་ལྡན་པའི་ངང་འཕེལ་རྒྱས་ཡོང་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་དགོས་ཞེས་པའི་ནན་བཤད་གནང་བ།
བརྟག་ཞིབ་ཚོ་ཆུང་གིས་སྔ་རྗེས་སུ་ནགས་ཕག་མཚོ་ས་ལུའོ་དབྱི་ཡེ་ཧྲེ་མགྲོན་ཁང་།རྡོ་མཁར་རྫོང་ཧྥེན་ཧྥ་མགྲོན་ཁང་།ཁུང་ཀུའུ་ཡིའུ་ལན་མགྲོན་ཁང་སོགས་སུ་ཕེབས་ནས་ས་གནས་ས་ཐོག་ཏུ་དམངས་སྲོལ་གནས་ཚང་འཛུགས་སྐྲུན་དང་། སྒྲིག་བཀོད་ཆ་འགྲིག ཞབས་ཞུ་དོ་དམ་སོགས་ཀྱི་གནས་ཚུལ་ལ་གཟིགས་ཞིབ་གནང་བ་དང་།དམངས་སྲོལ་གནས་ཚང་གི་ཞག་སྡོད་ཁོར་ཡུག་དང་ཞབས་ཞུའི་སྒྲིག་བཀོད་ཉམས་ལེན་བྱས་པ་དང་།དམངས་སྲོལ་གནས་ཚང་གི་འགན་འཁུར་བ་དང་དམངས་སྲོལ་གནས་ཚང་རྣམ་གྲངས་ཀྱི་ཇུས་འགོད་འདུ་ཤེས།འཕེལ་རྒྱས་འཆར་འགོད་དང་གཉེར་སྐྱོང་དོ་དམ་གྱི་བསམ་ཕྱོགས་ལ་སྤེལ་རེས་གཏིང་ཟབ་བྱས།
ཀྲང་ཝེ་ཏུང་གིས་ཁེ་ལས་འཕེལ་རྒྱས་ཁྲོད་གནས་པའི་དཀའ་ངལ་དང་གནད་དོན་ལ་འདྲི་རྩད་ཞིབ་ཕྲ་གནང་བ་དང་བདེ་ཆེན་དམངས་སྲོལ་གནས་ཚང་ལས་རིགས་འཕེལ་རྒྱས་ཐད་ཀྱི་དམངས་སྲོལ་གནས་ཚང་གཉེར་སྐྱོང་བྱེད་མཁན་གྱི་བསམ་འཆར་དང་གྲོས་འགོ་གསན་ནས།དམངས་སྲོལ་གནས་ཚང་གི་ལས་ཞུགས་མི་སྣས་བསམ་ཕྱོགས་རྒྱ་ཆེར་ཧུར་ཐག་གཏོང་བ་དང་འཚོང་ཡུལ་ཕུན་སུམ་ཚོགས་སུ་བཏང་སྟེ།དམངས་སྲོལ་གནས་ཚང་གི་ཡིད་དབང་འཕྲོག་ཤུགས་དང་སྐད་གྲགས་ཆོད་ཚད་མཐོ་རུ་གཏོང་དགོས་པའི་སྐུལ་ལྕག་གནང་བ།
ཀྲང་ཝེ་ཏུང་གིས་རིམ་པ་ཁག་དང་སྡེ་ཚན་ཁག་གིས་ཞབས་ཞུའི་འགན་ལེན་ལ་ཤུགས་ཆེ་རུ་གཏོང་བ་དང་དམངས་སྲོལ་གནས་ཚང་མཐའ་འཁོར་གྱི་རྨང་གཞིའི་སྒྲིག་བཀོད་དང་སྤྱི་པའི་ཞབས་ཞུའི་སྒྲིག་བཀོད་འཛུགས་སྐྲུན་ལ་རྒྱུན་ཆད་མེད་པར་ཤུགས་སྣོན་རྒྱག་པ།འགྲིམ་འགྲུལ་ཕྱིར་སྐྱོད་འཆར་འགོད་ལུགས་མཐུན་བྱས་ཏེ་དམངས་སྲོལ་གནས་ཚང་ཐོན་ལས་འཕེལ་རྒྱས་ལ་ཁོར་ཡུག་བཟང་པོ་ཞིག་གཏོད་པ་དང་དམངས་སྲོལ་གནས་ཚང་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་ནུས་ཤུགས་ཡོད་རྒུས་སྐུལ་འདེད་གཏོང་དགོས་ཞེས་བསྟན།
ཀྲང་ཝེ་ཏུང་གིས་ཕྱིར་སྐྱོད་དང་ནང་འདྲེན་སོགས་ཀྱི་བྱ་ཐབས་བརྒྱུད་སྔོན་ཐོན་ཉམས་མྱོང་སློབ་སྦྱོང་བྱས་ཏེ་དམངས་སྲོལ་གནས་ཚང་ཐོན་ལས་མགྱོགས་མྱུར་དང་བདེ་བླག་ངང་འཕེལ་རྒྱས་འགྲོ་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་དགོས།དམངས་སྲོལ་གནས་ཚང་གི་ལས་གཉེར་བ་དང་མཐུན་ཚོགས་ཀྱིས་ཞབས་ཞུའི་སྤུས་ཚད་དང་དོ་དམ་ཆུ་ཚད་རྒྱུན་ཆད་མེད་པར་མཐོ་རུ་བཏང་ནས་དམངས་སྲོལ་གནས་ཚང་ཐོན་ལས་གོ་རིམ་ལྡན་པའི་ངང་འཕེལ་རྒྱས་གཏོང་རྒྱུར་ཁག་ཆེག་བྱེད་དགོས་པའི་ནན་བཤད་གནང་།
བརྟག་ཞིབ་བྱེད་རིང་།བརྟག་ཞིབ་ཚོགས་ཆུང་གིས་ད་དུང་དམངས་སྲོལ་གནས་ཚང་གིས་གཉེར་སྐྱོང་བྱེད་རིང་བཙོག་འབུད་དང་མེ་སྐྱོན་འགོག་གསོད་སོགས་ཀྱི་ཐད་ལེབ་བཤེར་བྱས་པ།
ཁུལ་འགོ་ཁྲིད་ཧུའུ་ཧྥེན་ཞུང་། ལིན་ཧའོ། ཧོང་ལུང་ཞིན། ཀྲོང་ཞའོ་ཕིང་། ཁུལ་རིམ་འབྲེལ་ཡོད་སྡེ་ཁག་དང་སེམས་ཀྱི་ཉི་ཟླ་གྲོང་ཁྱེར་སྲིད་གཞུང་གི་འགན་འཁུར་བློ་མཐུན་གཙོ་བོ་བརྟག་ཞིབ་ཏུ་ཞུགས།
