ཁུལ་ཡོངས་ཀྱི་དུས་ཚིགས་གསུམ་པའི་དཔལ་འབྱོར་འཁོར་སྐྱོད་བཀོད་གཏོང་ཚོགས་འདུ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་10ཚེས་23ཉིན། ཁུལ་ཡོངས་ཀྱི་དུས་ཚིགས་གསུམ་པའི་དཔལ་འབྱོར་འཁོར་སྐྱོད་བཀོད་གཏོང་ཚོགས་འདུ་ཁུལ་སྲིད་གཞུང་དུ་འཚོགས་པ། ཚོགས་འདུའི་ཐོག་ཁུལ་ཡོངས་ཀྱི་དུས་ཚིགས་གསུམ་པའི་དཔལ་འབྱོར་འཁོར་སྐྱོད་གནས་ཚུལ་ལ་དབྱེ་ཞིབ་བྱས་ནས་དུས་ཚིགས་བཞི་པའི་ལས་དོན་བཀོད་སྒྲིག་བྱས་པ་རེད། ཁུལ་དཔོན་ཀྲང་ཝེ་ཏུང་ཚོགས་འདུར་ཕེབས་པ་དང་གསུང་བཤད་གནང་བ། ཚོགས་འདུའི་ཐོག་དམིགས་ཚད་ཕྱོགས་སྟོན་དང་། གནད་དོན་ཕྱོགས་སྟོན། གྲུབ་འབྲས་ཕྱོགས་སྟོན་བཅས་མཐའ་འཁྱོངས་བྱས་ཏེ་དབུལ་སྒྲོལ་འགག་སྒྲོལ་དང་། དུས་ཚིགས་བཞི་པའི་མཐའ་མའི་གདོང་མཆོང་ལས་དོན་ནུས་ཤུགས་ཡོད་རྒུས་ཡག་པོ་སྒྲུབ་པ། ལོ་འཁོར་གྱི་དམིགས་ཚད་ལས་འགན་ཕུན་སུམ་ཚོགས་པོའི་ངང་ལེགས་འགྲུབ་བཅས་བྱས་ཏེ་ཁུལ་ཡོངས་ཀྱི་མི་དམངས་ལ་ཚད་ལོན་གྱི་རྒྱུགས་ཤོག་ཅིག་འབུལ་དགོས་ཞེས་ནན་བཤད་བྱས་ཡོད།

    ཚོགས་འདུའི་ཐོག་ཁུལ་ཐད་གཏོགས་ཀྱི་འབྲེལ་ཡོད་སྡེ་ཚན་དང་རྫོང་(གྲོང་ཁྱེར་)གསུམ་དང་སེམས་ཀྱི་ཉི་ཟླའི་ཐོན་ལས་གླིང་ཁུལ་གྱི་འགན་འཁུར་བས་ལས་ཀའི་གནས་ཚུལ་ཁག་སོ་སོར་སྙན་སེང་ཞུས་པ་དང་ཚོགས་ཞུགས་མི་སྣས་གནས་པའི་གནད་དོན་ལ་ཐུན་མོང་ཐོག་དབྱེ་ཞིབ་བྱས་པ་དང་འབྲེལ་ཐག་གཅོད་བྱེད་ཐབས་ཀྱང་བཏོན་པ་རེད།

    ཚོགས་འདུའི་ཐོག་ཁུལ་ཡོངས་རིམ་པ་ཁག་དང་སྡེ་ཚན་ཁག་གིས་ཡིད་ཆེས་བརྟན་དུ་གཏོང་བ་དང་འཕེལ་རྒྱས་ཀྱི་གོ་སྐབས་དང་སྲིད་ཇུས་ཀྱི་སྐར་ཁུང་དུས་རིམ་དམ་འཛིན་ནན་པོ་བྱས་ཏེ་ཧུར་བརྩོན་དང་རང་འགུལ་གྱི་ལས་དོན་ལ་བརྟེན་ནས་སྲིད་ཇུས་ཀྱི་གོ་སྐབས་དེ་འཕེལ་རྒྱས་ཀྱི་ཕན་འབྲས་སུ་ཏན་ཏིག་འགྱུར་བ་བྱས་ཏེ་དུས་ཚིགས་བཞི་པའི་མཐའ་མའི་གདོང་མཆོང་ཡག་པོ་བྱས་ནས་ལོ་འཁོར་གྱི་དམིགས་ཚད་མངོན་འགྱུར་ཡོང་བའི་འགན་ལེན་བྱེད་དགོས་ཞེས་བསྟན་པ་རེད།

    ཚོགས་འདུའི་ཐོག་རིམ་པ་ཁག་དང་སྡེ་ཚན་ཁག་གིས་འགན་འཁྲི་ནན་དུ་བཏང་ནས་གོང་རིམ་གྱིས་རང་ཁུལ་ལ་རྣམ་གྲངས་དང་མ་དངུལ་གྱི་རྒྱབ་སྐྱོར་དེ་བས་མང་བ་ཐོབ་རྒྱུའི་བརྩོན་ལེན་བྱེད་དགོས་པ་དང་རྣམ་གྲངས་འཛུགས་སྐྲུན་ལ་དམ་འཛིན་ནན་པོ་བྱེད་དགོས། ལས་ཀའི་ཇུས་འགོད་ལ་དམ་འཛིན་ནན་པོ་བྱེད་པ་དང་སང་ལོར་རང་ཁུལ་གྱི་དཔལ་འབྱོར་འགོ་ཚུགས་མ་ཐག་བརྟན་པོ་དང་གྲུབ་འབྲས་ཐོར་པར་བྱེད་དགོས་པའི་བླང་བྱ་བཏོན།

དབྱང་ཞུའེ་ཝུན་གྱིས་ཚོགས་འདུ་གཙོ་སྐྱོང་བྱས།  ཧུའུ་ཧྥེན་ཞུང་། ཡུས་ཀུའེ་ཧྥེན། ལིན་ཧའོ། ལི་ཐའོ། ཧོང་ལུང་ཤིན། ཀྲོང་ཞའོ་ཕིང་སོགས་འགོ་ཁྲིད་ཚོགས་འདུར་ཞུགས།