ལུའོ་ཁྲའོ་ཧྥེང་བོད་ལྗོངས་སུ་ཕེབས་ནས་བོད་བརྒྱུད་ནང་བསྟན་དགོན་པའི་དོ་དམ་ལས་དོན་ལ་རྟོག་ཞིབ་དང་སློབ་སྦྱོང་གནང་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན །ཟླ་10ཚེས་22ཉིན་ནས་ཚེས་23ཉིན་བར། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་རུ་སྣེ་ཁྲིད་དེ་བོད་རང་སྐྱོང་ལྗོངས་ལྷ་ས་གྲོང་ཁྱེར་དུ་བོད་བརྒྱུད་ནང་བསྟན་དགོན་པའི་དོ་དམ་ལས་དོན་ལ་རྟོག་ཞིབ་དང་སློབ་སྦྱོང་གནང་བར་ཕེབས་སྐབས། དུས་རབས་གསར་པའི་ཏང་གི་བོད་སྐྱོང་མཛད་ཇུས་དང་ཆོས་ལུགས་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་ལྷ་ས་གྲོང་ཁྱེར་གྱི་བོད་བརྒྱུད་ནང་བསྟན་དགོན་པའི་དོ་དམ་ལས་དོན་གྱི་ཉམས་མྱོང་དང་བྱེད་ཐབས་སློབ་སྦྱོང་བྱེས་ནས།རང་ཁུལ་གྱི་བོད་བརྒྱུད་ནང་བསྟན་དགོན་པའི་དོ་དམ་ལས་དོན་གྱི་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་གཏོང་དགོས་པའི་ནན་བཤད་གནང་།

    ལུའོ་ཁྲའོ་ཧྥེང་གིས་དགོན་པའི་དོ་དམ་ཨུ་ལྷན་དང་བཞུགས་མོལ་སྤེལ་རེས་གནང་སྐབས། ལྷ་ས་གྲོང་ཁྱེར་གྱི་བོད་བརྒྱུད་ནང་བསྟན་དགོན་པའི་དོ་དམ་ལས་དོན་ལ་བཀྲག་མདངས་འཚེར་ས་མང་བ་དང་བྱ་ཐབས་མང་བ། ཕན་འབྲས་ཀྱང་མང་བས་བོད་བརྒྱུད་ནང་བསྟན་ཀྲུང་གོ་ཅན་དུ་འགྱུར་རྒྱུར་སྐུལ་འདེད་གཏོང་བ་སོགས་ཀྱི་ཐད་ཉམས་མྱོང་ཕུན་སུམ་ཚོགས་པོ་བསགས་ཡོད་པས་བདེ་ཆེན་ཁུལ་གྱིས་སློབ་སྦྱོང་དང་དཔྱད་གཞིར་ནན་ཏན་འཛིན་རིན་ཡོད་ཅེས་གསུངས་པ་རེད། ལྷ་ས་དང་བདེ་ཆེན་ས་ཆ་གཉིས་ཀྱིས་ཐུན་མོང་ཐོག་བོད་བརྒྱུད་ནང་བསྟན་གྱི་ལས་དོན་ས་ཁུལ་ལས་བརྒལ་བའི་སྤེལ་རེས་མཉམ་ལས་ལ་ཤུགས་སྣོན་རྒྱག་རྒྱུའི་རེ་བ་བཏོན་པ་རེད།

    ལུའོ་ཁྲའོ་ཧྥེང་དང་བཅས་པས་ད་དུང་བོད་ལྗོངས་སུ་བཅའ་སྡོད་བདེ་ཆེན་དོན་གཅོད་ཁྲུའུ་ཡི་ལས་དོན་མི་སྣར་གཟིགས་པ་དང་འཚམས་འདྲི་གནང་བར་ཕེབས་པ་དང་བར་སྐོར་ཁྲོམ་གཞུང་དང་ཕོ་བྲང་པོ་ཏ་ལའི་ཐང་ཆེན་མངགས་གཏོང་ཁང་དུ་ཕེབས་ནས་གཞི་རིམ་བཅོས་སྐྱོང་གི་གནས་ཚུལ་མཁྱེན་རྟོགས་གནང་བ་རེད།

    ལྷ་ས་གྲོང་ཨུའི་ཧྲུའུ་ཅི་གཞོན་པ་ཀྲའོ་ཧུའེ་ཉན་དང་རང་ཁུལ་གྱི་འགོ་ཁྲིད་ཕེང་ཧྲན། ཁྲེན་ཆུན། པའོ་ཡུས་ཏུང་། མེང་གོ་པིན་སོགས་འབྲེལ་ཡོད་རྟོག་ཞིབ་བྱེད་སྒོར་ཞུགས་པ་རེད།