​ལུའོ་ཁྲའོ་ཧྥེང་གིས་ཁུན་མིང་དུ་འབྲེལ་ཡོད་རིག་གནས་ཡུལ་སྐོར་ཁེ་ལས་དང་སྤེལ་རེས་དང་བཞུགས་མོལ་གནང་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་10ཚེས་25ཉིན་ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཁུན་མིང་དུ་སྔ་རྗེས་སུ་སུང་ཙན་རིག་གནས་ཡུལ་སྐོར་ཚོགས་པ་དང་ཡུས་ཧྲང་ཧོ་མེ་ཚོགས་པ་དང་སྤེལ་རེས་བཞུགས་མོལ་གནང་ནས་རིག་གནས་ཡུལ་སྐོར་ཐོན་ལས་གསར་སྤེལ་མཉམ་ལས་གཏིང་ཟབ་ཏུ་གཏོང་བ་དང་བདེ་ཆེན་གྱི་རིག་གནས་ཡུལ་སྐོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུའི་ཐད་སྤེལ་རེས་གཏིང་ཟབ་གནང་བ་རེད།

    ལུའོ་ཁྲའོ་ཧྥེང་གིས་བདེ་ཆེན་གྱི་ཡུལ་སྐོར་ཐོན་ཁུངས་སྣ་མང་ཕུན་སུམ་ཚོགས་པ་དང་ས་ཁོངས་རིག་གནས་གཞུང་དྲང་བབ་ཆགས་ཡིན་པས་“སེམས་ཀྱི་ཉི་ཟླ་”དང་“གཙང་གསུམ་མཉམ་རྒྱུག་”“སྨན་རི་”“ཇ་རྟ་གནའ་ལམ་”སོགས་འཛམ་གླིང་རིམ་པའི་སྤུས་རྟགས་ཐོན་ཁུངས་ཡོད་པས་རིག་གནས་ཡུལ་སྐོར་ཐོན་ལས་འཕེལ་རྒྱས་གཏོང་བར་ཐུན་མོང་མ་ཡིན་པའི་ལེགས་ཆ་ལྡན་ཡོད།ལྷག་བསམ་ཟོལ་མེད་ངང་ཕུལ་བྱུང་རིག་གནས་ཡུལ་སྐོར་ཁེ་ལས་བདེ་ཆེན་རིག་གནས་ཡུལ་སྐོར་ཐོན་ལས་འཕེལ་རྒྱས་ནང་ཞུགས་ནས་ལྟ་སྐོར་ཡུལ་སྐོར་དེ་རིག་གནས་ཡུལ་སྐོར། མཛེས་ལྗོངས་ཡུལ་སྐོར་དེ་སྤྲོ་གསེང་ཉམས་ལེན་ཡུལ་སྐོར། སྒོ་འཛིན་དཔལ་འབྱོར་དེ་ཐོན་ལས་དཔལ་འབྱོར་དུ་འགྱུར་རྒྱུར་ཐུན་མོང་ཐོག་སྐུལ་འདེད་གཏོང་བ་དང་བདེ་ཆེན་རིག་གནས་ཡུལ་སྐོར་གྱི་ལས་རྣམ་གསར་པ་སྐྱེད་སྲིང་ཧུར་ཐག་བྱས་ཏེ་འཛམ་གླིང་གི་“སེམས་ཀྱི་ཉི་ཟླའི་”གསེར་ཡིག་སྒོ་བྱང་ཕྱོགས་ཡོངས་ནས་ཕྱིས་ཏེ་“ཡུན་ནན་གྱི་འཚོ་བ་ཟེར་བ་ཞིག་ཡོད་”ཞེས་པའི་བདེ་ཆེན་གྱི་ལེའུ་ཡག་པོ་རྩོམ་པར་གདན་འདྲེན་ཞུ་རྒྱུ་ཞེས་བསྟན།

    སུང་ཙན་རིག་གནས་ཡུལ་སྐོར་ཚོགས་པའི་ཏུང་ཧྲི་ཀྲང་པད་མ་རྡོ་རྗེས་སུང་ཙན་ཚོགས་པས་ལོ་20ཡི་གོང་སུང་ཙན་མགྲོན་ཁང་དང་པོ་བཙུགས་ཚུན། ཚོགས་པའི་འོག་གི་མགྲོན་ཁང་ཡུན་ནན་དང་བོདལྗོངས།སི་ཁྲོན་གྱི་གྲོང་ཚོ་བཅུ་ལྷག་ཏུ་ཁྱབ་ཡོད། བདེ་ཆེན་རིག་གནས་ཡུལ་སྐོར་ཐོན་ལས་འཕེལ་རྒྱས་ལ་ཡིད་ཆེས་ཀྱིས་ཁེངས་ནས་ཁེ་ལས་ཀྱི་ལེགས་ཆ་འདོན་སྤེལ་གང་ལེགས་བྱས་ཏེ་སྤེལ་རེས་ལ་སྔར་བས་ཤུགས་སྣོན་རྒྱག་པ་དང་མཉམ་ལས་གཏིང་ཟབ་ཏུ་བཏང་ནས་བདེ་ཆེན་གྱིས་རིག་གནས་ཡུལ་སྐོར་ཐོན་ལས་མཉམ་འདྲེས་འཕེལ་རྒྱས་ཀྱི་རྣམ་པ་གསར་པ་རྒྱུན་ཆད་མེད་པར་གཏོད་རྒྱུར་རོགས་རམ་བྱ་རྒྱུ་ཡིན་ཞེས་བཤད།

    ཡུས་ཧྲང་ཧོ་མེ་མཉམ་འབྲེལ་འགོ་རྩམ་མཁན།ཏུང་ཧྲི་ཀྲང་གཞོན་པ་ཧོ་ཕིང་གིས་ཡུས་ཧྲང་ཧོ་མེ་མཉམ་ཚོགས་པ་བཙུགས་ཚུན། རིག་གནས་དང་ཡུལ་སྐོར་ཐོན་ལས་གསར་སྤེལ་གྱི་མ་འཇོག་ལ་བློ་རྩེ་གཅིག་ཏུ་གཞོལ་ནས་ཡུལ་སྐོར་རིག་གནས་ཐོན་ལས་འཕེལ་རྒྱས་ཀྱིས་ས་གནས་ཀྱི་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་རོགས་བྱེད་པའི་གྲུབ་འབྲས་ཐོབ་པའི་གྱོད་དཔེ་བཏོད་ཡོད།བདེ་ཆེན་གྱི་རིག་གནས་ཡུལ་སྐོར་ཐོན་ལས་འཕེལ་རྒྱས་ཀྱི་མདུན་ལམ་ཡངས་ཤིང་རྒྱ་ཆེ་བས་ཚོགས་པས་བདེ་ཆེན་རིག་གནས་ཡུལ་སྐོར་མཉམ་འདྲེས་འཕེལ་རྒྱས་ཀྱི་འཕེལ་རིམ་ནང་གཏིང་ཟབ་ཞུགས་འདོན་ཡོད་ཅེས་བཤད་པ།

    ཁུལ་འགོ་ཁྲི་དབྱང་ཙི་ཅང་། ཁྲིན་ཆོས། ཁུལ་རིམ་དང་སེམས་ཀྱི་ཉི་ཟླ་གྲོང་ཁྱེར་འབྲེལ་ཡོད་སྡེ་ཁག་གི་འགན་འཁུར་བ། སུང་ཚན་རིན་གནས་ཡུལ་སྐོར་ཚོགས་པ། ཡུས་ཧྲང་ཧོ་མེ་རིག་གནས་འཕེལ་རྒྱས་ཚད་ཡོད་ཀུང་སིའི་འབྲེལ་ཡོད་འགོ་ཁྲིད་བཞུགས་མོལ་ཚོགས་འདུར་ཞུགས།