གསའ་1200འདུག

རྩོམ་པ་པོ།     ཡིག་བསྒྱུར།       དུས་ཚོད།   2024-10-28   རྩོམ་ཁུངས།    མི་དམངས་དྲ་བ།

    ལོ་རེའི་ཟླ་10ཚེས་23ཉིན་ནི“འཛམ་གླིང་གསའ་ཉིན་མོ”ཡིན་པ་དང་། དེར་རྒྱལ་སྤྱིའི་གསའ་ཉིན་མོ་དང་གོ་ལ་ཧྲིལ་པོའི་གསའ་ཉིན་མོ་ཞེས་ཀྱང་བརྗོད་ཀྱི་ཡོད། གསར་འགོད་པས་མཚོ་སྔོན་ཞིང་ཆེན་ནགས་ལས་དང་རྩྭ་ཐང་ཅུས་ནས་ཤེས་རྟོགས་བྱས་པར། མིག་སྔའི་བར་མཚོ་སྔོན་ཞིང་ཆེན་དུ་གསའ་ཡི་ཁ་གྲངས་1200ཙམ་ཡོད་པ་མ་ཟད། མཚོ་སྔོན་ཞིང་ཆེན་གྱི་གྲོང་ཁྱེར་དང་ཁུལ་ཁག་ཚང་མར་ཁྱབ་ཡོད་པ་རེད།

     གསའ་ལ“གངས་རིའི་རྒྱལ་པོ”ཞེས་བརྗོད་ཀྱི་ཡོད། མཚོ་བོད་ས་མཐོ་དང་དེའི་མཐའ་འཁོར་གྱི་རི་ཁུལ་དུ་གསའ་ནི་རྒྱ་མཚོའི་ངོས་ལས་མཐོ་ཚད་སྨི་3300ནས་5000བར་དུ་འཚོ་སྡོད་བྱེད་ཀྱི་ཡོད་པ་དང་། དེ་ནི་གོ་ལ་ཧྲིལ་པོའི་ས་བབ་མཐོ་ཤོས་སུ་སྡོད་པའི་བྱི་ལ་ཚན་གྱི་སྲོག་ཆགས་ཤིག་རེད། དེ་དག་ནི་གཡང་གཟར་དང་། ས་མཐོའི་སྤང་ཁ། རི་སྒལ་ལ་སོགས་པ་རི་མཐོན་པོ་གཟར་པོར་སྐྱོད་པར་དགའ།  ཐུང་ལ་སྦོམ་པའི་རྐང་ལག་བཞི་པོ་དང་། རིང་ཞིང་ཤུགས་ཆེ་བའི་མཇུག་མ་ཡིས་གསའ་གཡང་གཟར་གྱི་བྲག་རྡོའི་ཁྲོད་ཅི་དགར་སྐྱོད་ཐུབ་པར་བྱས་ཡོད།

分享到：QQ空间新浪微博腾讯微博人人网微信