2024ཀྲུང་གོའི་ཕྱི་རོལ་ལུས་རྩལ་ཐོན་ལས་ཚོགས་ཆེན་ཏ་ལི་རུ་འགོ་ཚུགས།

རྩོམ་པ་པོ།     ཡིག་བསྒྱུར།       དུས་ཚོད།   2024-10-28   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།


        ཟླ་10ཚེས་26ཉིན་གྱི་དགོང་མོར། 2024ཀྲུང་གོའི་ཕྱི་རོལ་ལུས་རྩལ་ཐོན་ལས་ཚོགས་ཆེན་ཏ་ལི་རུ་འགོ་ཚུགས་པ།
        ཞིང་ཨུའི་ཧྲུའུ་ཅི་ཝང་ཉིང་། རྒྱལ་ཁབ་ལུས་རྩལ་སྤྱི་ཁྱབ་ཅུས་ཀྱི་ཅུས་ཀྲང་། ཀྲུང་ཧྭ་རྒྱལ་ཡོངས་ལུས་རྩལ་སྤྱི་ཁྱབ་ལྷན་ཚོགས་ཀྱི་ཀྲུའུ་ཞི་ཀའོ་ཀྲི་ཏན་འགོ་ཚུགས་མཛད་སྒོར་ཕེབས། ཞིང་ཨུའི་ཧྲུའུ་ཅི་གཞོན་པ། ཞིང་ཆེན་གྱི་འགོ་འཛིན་ཝང་ཡུས་པོ། རྒྱལ་ཁབ་ནགས་ལས་དང་རྩྭ་ཐང་ཅུས་ཀྱི་ཅུས་ཀྲང་ཀོན་ཀྲི་ཨུ། རྒྱལ་ཁབ་ལུས་རྩལ་སྤྱི་ཁྱབ་ཅུས་ཀྱི་ཅུས་ཀྲང་གཞོན་པ། ཀྲུང་ཧྭ་རྒྱལ་ཡོངས་ལུས་རྩལ་སྤྱི་ཁྱབ་ལྷན་ཚོགས་ཀྱི་ཀྲུའུ་ཞི་གཞོན་པ་ཀྲོའུ་ཅིན་ཆང་བཅས་ཀྱིས་ཤིས་ཚིག་གནང་བ།

        ཝང་ཉིང་དང་། ཀའོ་ཀྲི་ཏན། ཝང་ཡུས་པོ། ཀོན་ཀྲི་ཨུ་བཅས་ཀྱིས་ཐུན་མོང་ཐོག་ཚོགས་ཆེན་འགོ་ཚུགས་པ་རེད།

        ཝང་ཡུས་པོ་ཡིས་ཞིང་ཨུ་དང་ཞིང་ཆེན་སྲིད་གཞུང་གི་ཚབ་ཞུས་ནས་ལས་རིགས་ཁག་གི་སྐུ་མགྲོན་ལ་དགའ་བསུ་ཞུས་པ། ཁོང་གིས་ཡུན་ནན་གྱིས་ལུས་རྩལ་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་ཡུན་ནན་ལ་རྟོག་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན་ལག་བསྟར་གཏིང་ཟབ་བྱས་ཏེ་ཕྱི་རོལ་གྱི་ལུས་རྩལ་དང་རིག་གནས་ཡུལ་སྐོར་སོགས་མཉམ་འདྲེས་གཏིང་ཟབ་ཡོང་རྒྱུར་སྐུལ་འདེད་གཏོང་ཡོད། ང་ཚོས་ཕྱི་རོལ་གྱི་ལུས་རྩལ་ཐོན་ལས་ཀྱི་སྤུས་ཚད་དང་ཕན་འབྲས་མཐོ་རུ་གཏོང་རྒྱུར་རྒྱུན་མཐུད་ངང་སྐུལ་འདེད་གཏོང་བ་དང་ཐོན་རྫས་ཀྱི་སྣ་མང་རང་བཞིན་སྔར་བས་ཕུན་སུམ་ཚོགས་སུ་གཏོང་བ་དང་སྤུས་རྟགས་ཀྱི་སྐད་གྲགས་ཆོད་ཚད་སྔར་བས་ཆེ་རུ་གཏོང་བ། ཁེ་ལས་ཀྱི་ཐོབ་ཚོར་སྔར་བས་ཆེ་རུ་གཏོང་བ། ཐོན་ལས་ཀྱི་སྣེ་ཁྲིད་སྒུལ་ཤུགས་སྔར་བས་ཆེ་རུ་གཏོང་སྟེ་དེ་ཉིད་ས་མཐོའི་ཁྱད་ལྡན་ལུས་རྩལ་སྟོབས་ཆེའི་ཞིང་ཆེན་གྱི་མིང་བྱང་དང་དཔེ་མཚོན་ཞིག་ཏུ་བསྐྲུན་ནས་ལུས་རྩལ་སྟོབས་ཆེའི་རྒྱལ་ཁབ་འཛུགས་སྐྲུན་བྱ་ཆེད་ཡུན་ནན་གྱི་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན་ཞེས་གནང་བ།

        ཀོན་ཀྲི་ཨུ་ཡིས་རྒྱལ་ཁབ་ནགས་ཚལ་དང་རྩ་ཐང་ཅུས་དང་ལུས་རྩལ་སྤྱི་ཁྱབ་ཅུས་ཀྱིས་སྟོབས་ཤུགས་གཅིག་སྒྲིལ་གྱིས་མཉམ་ལས་བྱས་ཏེ་ཕྱི་རོལ་གྱི་ལུས་རྩལ་དང་། སྤྲོ་གསེང་ཉམས་ལེན། ཚན་རྩལ་ཁྱབ་གདལ་སློབ་གསོ་སོགས་བརྗོད་བྱ་གཙོ་བོར་བྱས་པའི་ལས་རྣམ་གསར་པ་དང་ཐོན་རྫས་གསར་པ་ནུས་ཤུགས་ཡོད་རྒུས་སྐྱེད་སྲིང་བྱས་ནས་རྒྱ་ཆེའི་ཕྱི་རོལ་གྱི་ལུས་རྩལ་ལ་དགའ་མཁན་ཚོར་ལངས་གཟུགས་དང་། ཕུན་སུམ་ཚོགས་པ། ཐུན་མོང་མ་ཡིན་པ་བཅས་ཀྱི་རང་བྱུང་ཉམས་ལེན་མཁོ་འདོན་བྱས་ཡོད། གོམ་སྟབས་རྗེས་མར་མང་ཚོགས་ལ་སྤུས་ལེགས་སྣོད་བཅུད་ཐོན་རྫས་དེ་བས་མང་བ་ཐོན་སྐྱེད་བྱེད་པ་དང་ལུས་སྦྱོང་ལུས་རྩལ་གྱི་རང་བྱུང་རྣམ་པ་དང་སྣོད་བཅུད་བར་མཐོངས་དེ་བས་རྒྱ་ཆེ་བ་མཁོ་འདོན་བྱས་ཏེ་མཛེས་སྡུག་ལྡན་པའི་ཀྲུང་གོ་དང་། བདེ་ཐང་གི་ཀྲུང་གོ། ལུས་རྩལ་སྟོབས་ལྡན་རྒྱལ་ཁབ་བཅས་འཛུགས་སྐྲུན་བྱེད་པར་བྱས་རྗེས་གསར་པ་འཇོག་རྒྱུ་ཞེས་བསྟན།

        ཀྲོའུ་ཅིན་ཆང་གིས་ཕྱི་རོལ་གྱི་ལུས་རྩལ་ཐོན་ལས་ནི་གསོན་ཤུགས་དང་མི་མངོན་པའི་སྟོབས་ཤུགས་ཀྱིས་ཁེངས་པའི་ལྗང་མདོག་ཐོན་ལས་དང་ཉི་གཞོན་ཐོན་ལས་ཤིག་ཡིན། ཀྲུང་གོའི་ཕྱི་རོལ་ལུས་རྩལ་ཐོན་ལས་ཚོགས་ཆེན་ན་ནིང་འཚོགས་པ་ནས་བཟུང་། སྤྱི་ཚོགས་ཀྱིས་རྒྱ་ཁྱབ་ཏུ་དོ་སྣང་བྱས་ཤིང་། སྤྱི་ཚོགས་ཀྱི་ངོས་འཛིན་གཅིག་མཐུན་གོང་བུར་འགྲིལ་བ་དང་། ཚོང་རའི་ཡིད་ཆེས་ཇེ་ཆེར་གཏོང་བ། འཕེལ་རྒྱས་ཀྱི་སྔོན་དཔག་བརྟན་པོ་ཡོང་བ་སོགས་ཀྱི་ཐད་དགེ་མཚན་ལྡན་པའི་ནུས་པ་འདོན་སྤེལ་བྱས་ཡོད། ཡུན་ནན་གྱིས་ཐོན་ཁུངས་ཀྱི་ལེགས་ཆ་དང་། ས་བབ་ཀྱི་ལེགས་ཆ། མཉམ་འདྲེས་ལེགས་ཆ་བཅས་འདོན་སྤེལ་གང་ལེགས་བྱས་ཏེ། ཁྱད་ཆོས་ལྡན་པའི་ཕྱི་རོལ་ལུས་རྩལ་གྱི་ཚོང་རྟགས་གྲགས་ཅན་གཙང་མར་ཕྱིས་ནས་ཕྱི་རོལ་ལུས་རྩལ་ཐོན་ལས་འཕེལ་རྒྱས་གཏོང་བར་གསོན་ཤུགས་གསར་པ་སྣོན་རྒྱུའི་རེ་བ་བསྟན།

        འགོ་ཚུགས་མཛད་སྒོའི་ཐོག 《ཀྲུང་གོའི་ཕྱི་རོལ་ལུས་རྩལ་ཐོན་ལས་འཕེལ་རྒྱས་ཀྱི་སྙན་ཞུ་(2023་-་2024་)》དང་《ཡུན་ནན་གྱི་“སེམས་ཀྱི་ཉི་ཟླ་ཆེན་པོ”ཕྱི་རོལ་ལུས་རྩལ་འཕེལ་རྒྱས་གཅིག་སྡུད་ཁུལ་དང་ཉམས་ལེན་ཁུལ་གཏོད་རྒྱུའི་སྐོར་གྱི་བསམ་འཆར་》ཁྱབ་བསྒྲགས་བྱས་པ་དང་2024་ཕྱི་རོལ་ལུས་རྩལ་གྱི་འཛད་སྤྱོད་རྣམ་པ་དང་། དམིགས་ས། སྤུས་ལེགས་འགྲན་བསྡུར་གྱི་དཔེ་མཚོན་འོས་སྦྱོར་བྱས་པ།“ཕྱི་རོལ་ལུས་རྩལ། གསོན་ཤུགས་ལྡན་པའི་རི་ཆུ་”ཆེད་དོན་ཐེབས་རྩ་འཛུགས་པའི་མཛད་སྒོ་སྤེལ་བ། ཨོ་རྩལ་འགྲན་ཚོགས་ཀྱི་ཨང་དང་པོའི་འཐུས་མི་ཧོང་ཡུས་ཐིང་དང་། ཁྲང་ཧའོ། ལིའུ་ཧའོ། ཝང་ཧྲུན་བཅས་གདན་འདྲེན་ཞུས་ནས་མཉམ་འགུལ་མཉམ་སྤྱོད་བྱས་པ་རེད།

        སྐབས་འདིའི་ཚོགས་ཆེན་གྱི་བརྗོད་དོན་གཙོ་བོ་ནི“ཕྱི་རོལ་གྱི་ངོ་མཚར་ལོངས་སུ་སྤྱོད་པ་དང་གསར་གཏོད་ཀྱི་གསོན་ཤུགས་འཕེལ་བ་”ཞེས་པ་དེ་ཡིན། ཀྲུང་ཧྭ་རྒྱལ་ཡོངས་ལུས་རྩལ་སྤྱི་ཁྱབ་ལྷན་ཚོགས་ཀྱིས་གཙོ་གཉེར་བྱས་པ། ཀྲུང་གོ་ལུས་རྩལ་ཐོན་ལས་ཚོགས་པ། ཡུན་ནན་ཞིང་ཆེན་ལུས་རྩལ་ཅུས་དང་ཏ་ལི།ས་དམ། ནུའུ་ཅང་།བདེ་ཆེན་བཅས་ཀྱིས་ཐུན་མོང་ཐོག་གཉེར་འགན་འཁུར་བ། སྐབས་དེར་ཕྱི་རོལ་ལུས་རྩལ་གྱི་བརྗོད་བྱ་གཙོ་བོའི་བྱེད་སྒོ་དང་། ཉམས་ལེན་འཁྲབ་སྟོན། ཐོན་ཁུངས་འོས་སྦྱོར། འགྲན་བསྡུར་བྱེད་སྒོ་བཅས་ལེའུ་ཆེན་པོ་4ཡི་བྱེད་སྒོ་རབ་དང་རིམ་པ་སྤེལ་རྒྱུ།

        ཡུན་ནན་ཞིང་ཆེན་ཆིའུ་ཅང་དང་། ཝང་ཞན་ཀང་། དབྱང་དབྱང་། དབྱང་ཉིང་། ཝང་ཞུའེ་ཆིན་བཅས་འགོ་ཚུགས་མཛད་སྒོར་ཞུགས། རྒྱལ་ཁབ་ཀྱི་འབྲེལ་ཡོད་པུའུ་ཨུ་དང་ཞིང་ཆེན། རང་སྐྱོང་ལྗོངས། གྲོང་ཁྱེར་བཅས་ཁག་གི་སྐུ་མགྲོན་དང་། རྒྱལ་ཁབ་ཕྱི་ནང་གི་ལས་རིགས་མཐུན་ཚོགས་དང་།ལུས་རྩལ་ཁེ་ལས་ཀྱི་སྐུ་མགྲོན།  ལུས་རྩལ་པ་གྲགས་ཅན། ཕྱི་རོལ་དགའ་མི། ཞིང་ཆེན་རིམ་པའི་འབྲེལ་ཡོད་སྡེ་ཁག་་དང་སྡེ་ཚན། ཁུལ་(གྲོང་ཁྱེར་) ཁག་གི་འགན་འཁུར་བློ་མཐུན་སོགས་ཞུགས་ཡོད།



分享到：QQ空间新浪微博腾讯微博人人网微信