བདེ་ཆེན་དུ2024ལོའི་ཀྲུང་གོའི་ཕྱི་རོལ་ལུས་རྩལ་ཐོན་ལས་ཚོཊ་ཆེན་འཚོཊ

རྩོམ་པ་པོ།     ཡིག་བསྒྱུར།       དུས་ཚོད།   2024-10-28   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        ཟླ་10ཚེས་26ཉིན་གྱི་དགོང་མོར། ཀྲུང་ཧྭ་རྒྱལ་ཡོངས་ལུས་རྩལ་སྤྱི་ཁྱབ་ལྷན་ཚོགས་དང་། ཀྲུང་གོའི་ལུས་རྩལ་ཐོན་ལས་ཚོགས་པ། ཡུན་ནན་ཞིང་ཆེན་ལུས་རྩལ་ཅུས། བདེ་ཆེན་བོད་རིགས་རང་སྐྱོང་ཁུལ་མི་དམངས་སྲིད་གཞུང་བཅས་ཀྱིས་ཐུན་མོང་ཐོག་གཙོ་གཉེར་བྱས་པའི་2024ཀྲུང་གོའི་ཕྱི་རོལ་ལུས་རྩལ་ཐོན་ལས་ཚོགས་ཆེན་བདེ་ཆེན་ཚོགས་ར་འགོ་ཚུགས་མཛད་སྒོ་དེ་སེམས་ཀྱི་ཉི་ཟླ་རྡོ་མཁར་རྫོང་ཟླ་འོད་ཐང་ཆེན་དུ་སྤེལ་བ།

        བདེ་ཆེན་ཁུལ་ཨུའི་ཧྲུའུ་ཅི་གཞོན་པ་ཁུལ་དཔོན་ཀྲང་ཝེ་ཏུང་གིས་ཤིས་ཚིག་གནང་བ་དང་བདེ་ཆེན་ཚོགས་ར་འགོ་ཚུགས་པའི་ཁྱབ་བསྒྲགས་ཀྱང་གནང་བ་རེད།

        ཡུན་ནན་ཞིང་ཆེན་ལུས་རྩལ་ཅུས་ཀྱི་ཅུས་ཀྲང་གཞོན་པ་ཀྲང་ཞའོ་ཅིང་གིས་ཤིས་ཚིག་གནང་བ།

        ཅང་ཞི་ཞིང་ཆེན་ལུས་རྩལ་ཅུས་ཀྱི་ཏང་ཙུའུ་ཧྲུའུ་ཅི་ཅུས་ཀྲང་ལི་ཞའོ་ཕིན། བདེ་ཆེན་ཁུལ་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅི་ཀྲུའུ་རེན་ཡུས་ཧྲེང་ཞང་། བདེ་ཆེན་ཁུལ་སྲིད་གྲོས་ཀྱི་ཏང་ཙུའུ་ཧྲུའུ་ཅི་ཀྲུའུ་ཞི་མེའོ་ཡིའུ་ཧྥ། ཅང་ཞི་ཞིང་ཆེན་སྲིད་གཞུང་གཞུང་ལས་ཐིང་གི་རིམ་པ་གཉིས་པའི་སྐོར་ཞིབ་པ་མ་ཅིན་ཀའོ། ཀྲུང་གོའི་ལུས་རྩལ་རྒྱལ་སྤྱིའི་དཔལ་འབྱོར་ལག་རྩལ་མཉམ་འབྲེལ་ཚད་ཡོད་ཀུང་སིའི་སྤྱི་ཁྱབ་ཅིང་ལི་ལུའེ་བཅས་འགོ་ཚུགས་མཛད་སྒོར་ཞུགས་པ་རེད།

        ཀྲང་ཝེ་ཏུང་གིས་ཤིས་ཚིག་གསུང་སྐབས་ཉེ་བའི་ལོ་ཤས་རིང་།བདེ་ཆེན་གྱིས་ཕྱི་རོལ་གྱི་ལུས་རྩལ་ཐོན་ལས་འཕེལ་རྒྱས་ལ་ཚད་མཐོའི་མཐོང་ཆེན་བྱས་ཏེ་དེ་ཉིད་ཡུལ་སྐོར་ལས་རིགས་ཕྱོགས་སྒྱུར་རིམ་སྤོར་ལ་སྐུལ་འདེད་གཏོང་བ་དང་གྲོང་གསེབ་དར་རྒྱས་ལ་སྐུལ་འདེད་གཏོང་བའི་དམ་འཛིན་བྱ་གཞི་གལ་ཆེན་ཞིག་ཏུ་བརྩིས་ནས་རྨང་གཞིའི་སྒྲིག་བཀོད་འཛུགས་སྐྲུན་ལ་རྒྱུན་ཆད་མེད་པར་ཤུགས་སྣོན་རྒྱག་པ་དང་སྲིད་ཇུས་དང་བྱ་ཐབས་འཛུགས་པ་དང་འཐུས་སྒོ་ཚང་དུ་བཏང་སྟེ་ཕྱི་རོལ་གྱི་ལུས་རྩལ་སྤུས་རྟགས་འགྲན་བསྡུར་བཏོད་དེ་ཕྱི་རོལ་གྱི་ལུས་རྩལ་ལ་སྤུས་ལེགས་ཀྱི་ཞབས་ཞུ་དང་ཡངས་ཤིང་རྒྱ་ཆེ་བའི་འཕེལ་རྒྱས་བར་སྟོང་བཏོན་ནས། བདེ་ཆེན་གྱིས་འཛམ་གླིང་གི་རྐང་ཐང་གནས་མཆོག་འཛུགས་སྐྲུན་བྱེད་པའི་འཆར་གཞིར་རིམ་བཞིན་སྤྱི་ཚོགས་ལས་རིགས་ཁག་གི་ཁས་ལེན་ཐོབ་ཡོད། ད་ཐེངས་ཀྱི་ཀྲུང་གོའི་ཕྱི་རོལ་ལུས་རྩལ་ཐོན་ལས་ཚོགས་ཆེན་གྱི་བདེ་ཆེན་ཚོགས་རའི་བྱེད་སྒོ་སྤེལ་བའི་དམིགས་ཡུལ་ནི་སྤེལ་རེས་མཉམ་ལས་དང་འཕེལ་རྒྱས་ཀྱི་ཇུས་གཞི་མཉམ་འགོད་བྱེད་པའི་སྟེགས་བུ་ཞིག་བསྐྲུན་ནས་ཕྱི་རོལ་ལུས་རྩལ་ཐོན་ལས་ཀྱི་འཕེལ་ཕྱོགས་དང་མདུན་ལམ་ལ་ཐུན་མོང་ཐོག་དཔྱད་བསྡུར་བྱེད་པ་དང་གྲུབ་འབྲས་ཐོབ་པའི་ཉམས་མྱོང་དང་གསར་གཏོད་ཀྱི་འདུ་ཤེས་མཉམ་སྤྱོད་བྱས་ཏེ་ལུས་རྩལ་ཡུལ་སྐོར་མཉམ་འདྲེས་གཏིང་ཟབ་ངང་འཕེལ་རྒྱས་མགྱོགས་སུ་གཏོང་བ་།རང་བྱུང་ཐོན་ཁུངས་ཕྱི་རོལ་ལུས་རྩལ་ལ་སྒོ་མོ་འབྱེད་པའི་ཐབས་ལམ་གསར་པ་འཚོལ་ཞིབ་བྱས་ནས་ཡུན་ནན་ནུབ་རྒྱུད་ཀྱི་ཡུལ་སྐོར་སྐོར་ལམ་གྱི་ཁུལ་དང་གྲོང་ཁྱེར་མཉམ་དུ་འཕེལ་རྒྱས་གཏོང་བ་དང་བདེ་ཆེན་དང་ཐ་ན་རྒྱལ་ཡོངས་ཀྱི་ཕྱི་རོལ་ལུས་རྩལ་ཐོན་ལས་འཕེལ་རྒྱས་ལ་གསོན་ཤུགས་དང་སྒུལ་ཤུགས་གསར་པ་བསྣན་ནས་ཡུན་ནན་གྱི་ཕྱི་རོལ་ལུས་རྩལ་འཕེལ་རྒྱས་གཅིག་སྡུད་ཁུལ་དང་ཉམས་ལེན་ཁུལ་འཛུགས་སྐྲུན་ལ་རོགས་རམ་བྱེད་རྒྱུ་ཞེས་བསྟན།

        འགོ་ཚུགས་མཛད་སྒོའི་ཐོག་ད་དུང་ངོ་མཚར་ཆེ་བའི་རིག་རྩལ་འཁྲབ་སྟོན་དང་མེ་ཕུང་མཚན་ཚོགས་ཀྱང་འཚོགས་པ་རེད།


分享到：QQ空间新浪微博腾讯微博人人网微信