ལུའོ་ཁྲའོ་ཧྥེང་གིས་སེམས་ཀྱི་ཉི་ཟླ་གྲོང་ཁྱེར་གྲོང་གསེབ་ཀྱི་རིག་གནས་ཡུལ་སྐོར་ཐོན་ལས་ལ་ཞིབ་འཇུག་གནང་།

རྩོམ་པ་པོ།     ཡིག་བསྒྱུར།       དུས་ཚོད།   2024-10-29   རྩོམ་ཁུངས།   

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་10པའི་ཚེས་28ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་སེམས་ཀྱི་ཉི་ཟླ་གྲོང་ཁྱེར་རྒྱལ་ཐང་གྲོང་རྡལ་ཧོང་ཕུང་གྲོང་སྡེར་ཕེབས་པ་དང་གྲོང་གསེབ་རིག་གནས་ཡུལ་སྐོར་ཐོན་ལས་འཕེལ་རྒྱས་འགྲོ་ཚུལ་ལ་ཞིབ་འཇུག་གནང་ཞིང་། ཡུལ་སྐོར་འཕེལ་རྒྱས་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་ལག་བསྟར་ནན་པོ་བྱེད་པ་དང་། ལྗོངས་ཁུལ་གྱི་ཟེར་འགྱེད་སྣེ་ཁྲིད་ཕན་ནུས་འདོན་སྤེལ་གང་ལེགས་བྱེད་པ། མཉམ་འགུལ་འཕེལ་རྒྱས་དང་ཐོན་ཁུངས་ཕན་སྒྱུར། ཡུལ་སྐོར་ལ་བརྟེན་ནས་ནུས་ཤུགས་སྐྱེད་ཤུགས་ཆེ་རུ་གཏོང་བ།ཐབས་བརྒྱ་ཇུས་སྟོང་གིས་མང་ཚོགས་ཡོང་འབབ་ལ་སྐུལ་འདེད་གཏོང་བ་དང་གྲོང་གསེབ་དར་རྒྱས་ལ་རོགས་སྐྱོར་བྱེད་དགོས་པའི་ནན་བཤད་གནང་།


    གནམ་མཚོ་སྐྱེ་ཁམས་གླིང་དུ་ལུའོ་ཁྲའོ་ཧྲེང་སྦྲ་གུར་མགྲོན་ཁང་དུ་ཕེབས་ནས་ཁེ་ལས་ཀྱི་བདག་གཉེར་གནས་ཚུལ་ལ་ཞིབ་ཕྲའི་ངང་རྩད་གཅོད་གནང་།

    ལུའོ་ཁྲའོ་ཧྥེང་གིས་ཁུལ་ཡོངས་དང་དུས་ཡོངས།རྒྱུ་ཆ་ཡོངས་བཅས་འཕེལ་རྒྱས་གཏོང་རྒྱུར་ཤུགས་སྣོན་པ། ཞན་ཆ་ཆད་གསབ་མགྱོགས་སུ་བྱེད།ཐོན་ཁུངས་གསོག་འབོར་སྔོག་འདོན་གང་ལེགས་བྱེད་པ། ལྗོངས་ཁུལ་གྱི་ཟེར་འགྱེད་སྣེ་ཁྲིད་ནུས་ཤུགས་འདོན་ནས།    མང་ཚོགས་དེ་བས་མང་བ་རང་ཡུལ་དང་ཐག་ཉེ་སར་ལས་ཞུགས་ཐུབ་པ་དང་རིག་གནས་ཡུལ་སྐོར་ཐོན་ལས་དེ་དམངས་ཕྱུག་ཐོན་ལས་སུ་དངོས་སུ་གྱུར་བར་འཇོག་དགོས།  རིག་གནས་ཡུལ་སྐོར་ཐོན་ལས་རིགས་སྒྱུར་རིམ་སྤར་མགྱོགས་སུ་བྱེད་པ། ཡུལ་    སྐོར་ལས་རྣམ་གསར་གཏོད། རྣམ་པ་གསར་གཏོད། ཐོན་རྫས་གསར་གཏོད། ཞབས་འདེགས་ལེགས་སྒྱུར་མུ་མཐུད་དུ་སྐུལ་འདེད་གཏོང་དགོས།  གྲོང་གསེབ་འཆར་འགོད་གཙོར་བཟུང་བ། ཞིང་གྲོང་ཁོར་ཡུག་སྒྲིག་བཅོས་བྱེད་ཤུགས་ཆེ་རུ་གཏོང་ནས། ཁྱད་ལྡན་ཡུལ་སྐོར་གྲོང་སྡེ་ཁག་ཅིག་བཟོ་ནས་གྲོང་གསེབ་དར་སྤེལ་ལ་ཕྱོགས་ཡོངས་ནས་རོགས་རམ་བྱེད་དགོས། དངོས་མིན་རིག་གནས་ཤུལ་བཞག་སྲུང་སྐྱོང་དང་བརྒྱུད་འཛིན་བེད་སྤྱོད་ཡག་པོ་བྱས་ནས་དངོས་མིན་རིག་གནས་ཤུལ་བཞག་གིས་རིག་གནས་ཡུལ་སྐོར་ཐོན་ལས་འཕེལ་རྒྱས་ལ་སྐུལ་འདེད་གཏོང་དགོས་པའི་ནན་བཤད་གནང་།

    སྟག་མཆོང་གྲོང་རོང་ནས་སེམས་ཀྱི་ཉི་ཟླ་བར་གྱི་ལྗོངས་ལྟ་སྟེབས་བུ་དང་རླངས་འཁོར་འཇོག་ས། སྔོ་འགྱུར་ཁུལ་དུ་ཞིབ་འཇུག་གནང་སྐབས།ལུའོ་ཁྲའོ་ཧྥེང་གིས་ཕྱོགས་སོ་སོའི་ཐོན་ཁུངས་གཅིག་གྱུར་བྱེད་པ། དོ་དམ་བྱེད་ཤུགས་དང་ཆ་ཚང་སྒྲིག་ཆས་འཛུགས་སྐྲུན་བྱེད་ཤུགས་ཆེ་རུ་བཏང་ནས་སྟག་མཆོང་གྲོག་རོང་ནས་སེམས་ཀྱི་ཉི་ཟླ་བར་གྱི་གཞུང་ལམ་སྐྱེ་ཁམས་ལམ་དང་མཐུན་སྒྲིལ་ལམ། ཕྱུག་འགྱུར་ལམ་དུ་དངོས་སུ་གྱུར་ཐུབ་པར་འཇོག་དགོས་པའི་བླང་བྱ་བཏོན།

    ཁུལ་འགོ་ཁྲིད་དབྱང་ཙི་ཅང་། ཁྲིན་ཆོན། ལིན་ཧོ་ཞིབ་འཇུག་ཏུ་ཞུགས། 

    

分享到：QQ空间新浪微博腾讯微博人人网微信