རྒྱལ་ཡོངས་ཀྱི་“གཞི་རིམ་མི་དམངས་ཉེན་རྟོག་པ་མཛེས་ཤོས་”ཀྱི་འོས་མི་བློ་བཟང་ཆོས་གྲགས་སྨྱན་སྦྱོར་ངོ་འཕྲད་ཚོགས་འདུ་འཚོགས་པ།

        “དབྱར་རྩྭ་དགུན་འབུ་འཐུ་བ་ནི་ཁོངས་གཏོགས་ཁུལ་གྱི་གྲོང་མིའི་ཡོང་འབབ་ཡོང་ཁུངས་གཙོ་བོ་ཞིག་ཡིན་པ་དང་ལོ་ལྟར་གྱི་ཟླ་4པ་ནས་9་པའི་བར་དབྱར་རྩྭ་དགུན་འབུ་དང་བེ་ཤ་འཐུ་བའི་དུས་ཚིགས་འཆར་ཉེར་ཡོད་པས་གྲོང་མི་ཚོས་རི་སྟེང་དུ་སྔོག་འཐུ་བྱེད་པར་བསྐྱོད་དེ་ཁོང་ཚོ་བདེ་འཇགས་ངང་སྔོག་འཐུ་བྱེད་པའི་དུས་ཚིགས་ལས་སྒྲོལ་ཐུབ་པའི་འགན་ལེན་བྱ་ཆེད་ངས་འཐབ་གྲོགས་ཀྱི་སྣེ་ཁྲིད་དེ་མང་ཚོགས་དང་མཉམ་དུ་རི་སྟེང་དུ་བསྐྱོད་དེ་རི་སྡོད་ལས་རེས་བྱས་ནས་མང་ཚོགས་ཀྱི་ཐོན་སྐྱེད་དང་འཚོ་བའི་འཐབ་ཕྱོགས་དང་པོར་ཞབས་འདེགས་ཞུ། ང་ཚོས་ཉིན་ལྟར་རི་རྩེའི་གངས་ལམ་དུ་རྐང་ཐང་མར་སྤྱི་ལེ་10ལྷག་ཙམ་སྐོར་གཡེང་བྱས་ནས་རྟག་ཏུ་ཛ་དྲག་རོགས་སྐྱོབ་དང་། འགྲིམ་འགྲུལ་ཤར་གཏོང་། རྩོད་གཞི་འདུམ་འགྲིག ལག་ཁྱེར་གཉེར་སྒྲུབ་སོགས་ཀྱི་ཞབས་ཞུ་སྤེལ་གྱི་ཡོད་པས་ལོ་ཕྱེད་ལྷག་ཙམ་གྱི་དུས་ཚོད་ནང་ང་ཚོས་གངས་ལྷགས་དང་མཉམ་དུ་སྡོད་པ་དང་བྱ་དངོས་ཐམས་ཅད་དང་གསོ་རླུང་འགྲན་རྩོད་བྱེད་ཀྱི་ཡོད་མོད། འོན་ཀྱང་མང་ཚོགས་ཀྱི་ངོ་གདོང་ནས་བདེ་སྐྱིད་ཀྱི་འཛུམ་མདངས་འཕྱུར་བཞིན་ཡོད་པ་མཐོང་ནས་དགའ་དགའ་སྤྲོ་སྤྲོའི་ངང་རི་སྟེང་དུ་སྐྱོད་པ་དང་བདེ་འཇགས་ངང་རི་གཤམ་དུ་སྐྱོད་པ་མཐོང་སྐབས་ང་ཚོའི་བློས་གཏོང་ཚང་མར་དོན་སྙིང་ལྡན་ཡོད། རྒྱལ་ཡོངས་ཀྱི་“གཞི་རིམ་མི་དམངས་ཉེན་རྟོག་པ་མཛེས་ཤོས་”ཀྱི་འོས་མི་བློ་བཟང་ཆོས་གྲགས་གྱིས་བབ་ཆགས་པའི་སྐད་ཆའི་ཐོག་ནས་ངོ་འཕྲད་ཚོགས་འདུའི་ས་གནས་ས་ཐོག་ཏུ་ཁོང་གིས་གངས་ལྗོངས་ས་མཐོར་གཞི་ཚུགས་པ་དང་ཡུལ་མི་སྤུན་ཟླའི་དུས་བདེ་སྲུང་སྐྱོང་བྱེད་པའི་མི་སེམས་འགུལ་བའི་གཏམ་རྒྱུད་རེ་རེ་མཉམ་སྤྱོད་བྱས་པ་རེད།

        ངོ་འཕྲད་ཚོགས་འདུའི་ཐོག་བརྗོད་བྱ་གཙོ་བོའི་བརྙན་ཐུང་《ཨ་ཕའི་མིག་ནང་དུ་སྐར་མ་སྦས་ཡོད》ཅེས་པ་བསྟན་པ་དང་བློ་བཟང་ཆོས་གྲགས་ཀྱི་འཐབ་གྲོགས་ཚོས་རང་ངོས་ཀྱི་ལས་ཀའི་མྱོང་བ་དང་ཟུང་འབྲེལ་བྱས་ཏེ་དེའི་སྔོན་ཐོན་བྱས་རྗེས་སྤེལ་རེས་དང་འོས་སྦྱོར་བྱས་པ་རེད། ཤིན་ཧྭ་གསར་འགྱུར་ཁང་དང་། ཁྲིམས་སྐྱོང་ཉིན་རེའི་ཚགས་པར། མི་དམངས་སྤྱི་བདེའི་ཚགས་པར། ཤིན་ཧྭ་དྲ་བ། ཡུན་ནན་ཉིན་རེའི་ཚགས་པར་སོགས་སྨྱན་སྦྱོར་གྱི་གསར་འགོད་པས་ས་གནས་ས་ཐོག་ཏུ་དྲི་བ་འདོན་པ་དང་བཅར་འདྲི་མཉམ་འགུལ་བྱས་པ་རེད།

བློ་མཐུན་བློ་བཟང་ཆོས་གྲགས་ཀྱི་ངོ་སྤྲོད་མདོར་བསྡུས།