ཀྲང་ཝེ་ཏུང་གིས་རང་ཁུལ་སྨན་བཅོས་འགན་བཅོལ་ལས་ཀར་ཞིབ་འཇུག་གནང་།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་10པའི་ཚེས་31ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲུང་ཝེ་ཏུང་གིས་རུ་སྣེ་ཁྲིད་དེ་སྨན་བཅོས་འགན་བཅོལ་ལས་ཀར་ཞིབ་འཇུག་གནང་སྐབས།སྨན་བཅོས་འགན་བཅོལ་ནི་གལ་འགངས་ཤིན་ཏུ་ཆེ་བའི་དམངས་འཚོའི་ལས་གྲྭ་ཞིག་ཡིན། སྨན་བཅོས་འགན་བཅོལ་གྱི་ནུས་པ་གང་ལེགས་འདོན་སྤེལ་བྱེད་པ་དང་ནུས་ལྡན་གྱིས་བདེ་ཐང་རྨང་གཞི་བརྟན་པོར་འཛུགས།དུས་རབས་གསར་པའི་སྨན་བཅོས་འགན་བཅོལ་ལས་དོན་སྤུས་ཚད་མཐོ་བའི་འཕེལ་རྒྱས་ལ་འབད་བརྩོན་ངང་སྐུལ་འདེད་གཏོང་ནས།མི་དམངས་མང་ཚོགས་ཀྱིས་སྨན་བཅོས་འགན་བཅོལ་ལ་ཡོད་པའི་ཕུགས་འདུན་ལེགས་པོ་དེ་མཐོང་ཐུབ་རེག་ཐུབ་པའི་དོན་དངོས་རྣམ་པར་གྱུར་བར་འཇོག་དགོས་པའི་ནན་བཤད་གནང་བ།

    ཁུལ་མི་དམངས་སྨན་ཁང་དུ། “སྒྲིག་ཁོངས་སུ་མ་ཚུད་པའི་ཡོན་ཀྲང་”ཀྲང་ཝེ་ཏུང་བདེ་ཐང་དོ་དམ་ལྟེ་གནས། སྨན་བཅོས་ཚོམས་ཆེན། སྟབས་བདེ་ཞབས་འདེགས་ལྟེ་གནས་སུ་སྐྱོད་ནས་དལ་ནད་དང་ས་མཐོ་ནད་རིགས་དོ་དམ་ལས་ཀ་དང་ལས་བྱེད་པའི་སྨན་བཅོས་འགན་བཅོལ་སྒོ་བསྟེན་སྨན་རིན་མཉམ་འདོན་སོགས་གནས་ཚུལ་ལ་ཤེས་རྟོགས་བྱས་ནས། སྨན་བཅོས་འགན་བཅོལ་སྲིད་ཇུས་སློབ་སྦྱོང་དང་དྲིལ་བསྒྲགས་མུ་མཐུད་བྱེད་ཤུགས་ཆེ་རུ་གཏོང་བ།སྨན་བཅོས་འགན་བཅོལ་ཞབས་འདེགས་བྱེད་རིམ་མུ་མཐུད་ལེགས་སུ་གཏོང་དགོས་པའི་ནན་བཤད་གནང་བ།

    དེ་རྗེས།ཀྲང་ཝེ་ཏུང་དང་བཅས་པ་ “དབྱི་ཤིན་ཐང་་”ཆུ་ཚུར་ཁ་ཁྲོམ་རའི་རིགས་འབྲེལ་སྨན་ཚོང་ཁང་དུ་སླེབས་ནས་སྨན་བཅོས་འགན་འཅོལ་གྱི་གདོང་བཤེར་དངུལ་སྤྲོད་དང་དལ་ནད་རྩིས་ཞུ་སོགས་གནས་ཚུལ་ཞིབ་ཕྲའི་ངང་ཤེས་རྟོགས་བྱས་པ། ཁོང་གིས་རིགས་འབྲེལ་དོ་དམ་སྨན་ཁང་དེ་སྨན་བཅོས་འགན་བཅོལ་ཞབས་འདེགས་ཀྱི་ལས་ཡུལ་གཙོ་བོ་ཡིན་པའི་ངོས་ནས་རང་ཉིད་ཀྱི་ལེགས་ཆ་གང་ལེགས་འདོན་པ། ཞབས་ཞུའི་སྤུས་ཚད་མུ་མཐུད་མཐོ་རུ་གཏོང་བ།དུས་ཐོག་ཏུ་དལ་ནད་ཀྱི་སྨན་སྤྱོད་མཁོ་འདོན་འགན་སྲུང་ནན་པོ་བྱེད་པ།ནད་པས་ཉོ་ཐུབ་པ་དང་ཉེ་སར་ཉོ་ཐུད་པར་འབད་བརྩོན་བྱས་ནས། མང་ཚོགས་ཀྱི་སྨན་ཉོ་ཁུར་པོ་ཡང་དུ་གཏོང་དགོས་ཞེས་བསྟན།

    ཁུལ་སྨན་བཅོས་འགན་བཅོལ་ཅུས་སུ་ཀྲང་ཝེ་ཏུང་གིས་སྨན་བཅོས་འགན་བཅོལ་ལས་ཀ་སྤེལ་ཚུལ་དང་ལས་བྱེད་པའི་སྨན་བཅོས་འགན་བཅོལ་སྒོ་བསྟེན་སྨན་རིན་མཉམ་འདོན་བསྒྱུར་བཅོས་ལ་སྐུལ་འདེད་གཏོང་ཚུལ་ཉན་ནས།ཁོང་གིས་སྨན་བཅོས་འགན་བཅོལ་སྲིད་ཇུས་དྲིལ་བསྒྲགས་བྱེད་ཤུགས་ཆེ་རུ་གཏོང་ནས་མང་ཚོགས་འགན་བཅོལ་ནང་ཞུགས་པ་གྲོན་དངུལ་འཇལ་བའི་སྲིད་ཇུས་ཤེས་རྟོགས་ཐུབ་ཚད་མཐོ་རུ་གཏོང་བ། ཁུལ་ནང་གི་དམིགས་འཛུགས་སྨན་བཅོས་སྒྲིག་གཞིས་སྲིད་ཇུས་གསར་ཤོས་བེད་སྤྱོད་ཡག་པོ་དང་བེད་སྤྱོད་གང་ལེགས་བྱེད་པ་དང་ཁྲིམས་མཐུན་སྒྲིག་མཐུན་ངང་སྨན་བཅོས་འགན་བཅོལ་ཐེབས་རྩ་བེད་སྤྱོད་བྱ་རྒྱུར་ཁྲིད་སྟོན་ཧུར་ཐག་བྱས་ཏེ་རྒྱ་ཆེའི་འགན་བཅོལ་ནང་ཞུགས་མཁན་ཚོས་ཚད་གཞི་མཐོ་ཤོས་ཀྱི་སྒོ་ནས་དགོས་ངེས་ཀྱི་སྨན་བཅོས་འགན་བཅོལ་གྱི་འགྲོ་སོང་རྩིས་ཞུའི་ཐོབ་ཐང་ལོངས་སྤྱོད་ཐུབ་པར་བྱེད་དགོས། སྲིད་ཇུས་དོན་ཐོག་ཏུ་འཁྱོལ་བར་ལྟ་ཞིབ་ཚད་ལེན་དང་ཉེན་ཁ་སྔོན་འགོག་ཚོད་འཛིན་བྱེད་པར་དམ་འཛིན་ལེགས་པོ་བྱེད་ནས། མ་རྩའི་བདེ་འཇགས་འཁོར་སྐྱོད་མཐའ་ཐིག་སྲུང་དགོས། བདེ་ཆེན་གྱི་ཡུལ་དངོས་དང་བསྟུན་ནས་གོང་རིམ་ལ་སྲིད་ཇུས་རོགས་སྐྱོར་བརྩོན་ལེན་བྱེད་ནས་སྨན་བཅོས་འགན་བཅོལ་ལས་ཀ་ཁག་དོན་ཐོག་ཏུ་འཁྱོལ་བར་སྟོབས་ཤུགས་གང་ཡོད་འདོན་དགོས་པའི་ནན་བཤད་གནང་བ།

    ཁུལ་འགོ་ཁྲིད་ལི་ཐའོ་དང་ཀྲོང་ཞའོ་ཕིང་ཞིབ་འཇུག་ཏུ་ཞུགས།