ཁུལ་སྲིད་གཞུང་དང་རྒྱལ་སྤྱིའི་ཅིང་དབྱིང་ཚོགས་པ་བདེ་ཆེན་ཁུལ་དངུལ་འཇོག་རྟོག་ཞིབ་ཚོགས་པ་དང་བཞུགས་མོལ་ཚོགས་འདུ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་10པའི་ཚེས་31ཉིན་གྱི་ཕྱི་དྲོར། ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཀྲང་ཝེ་ཏུང་གིས་རྒྱལ་སྤྱིའི་ཅིང་དབྱིང་ཚོགས་པའི་ཀྲུའུ་ཞི། ཁའེ་ཤིན་རུང་ཚོགས་པ་ཏུང་ཧྲི་ཅུས་ཀྲུའུ་ཞི་ཧུའུ་ཀྲི་རུང་གིས་སྣེ་ཁྲིད་བྱེད་པའི་རྒྱལ་སྤྱིའི་ཅིང་དབྱིང་ཚོགས་པ་བདེ་ཆེན་ཁུལ་དངུལ་འཇོག་རྟོག་ཞིབ་ཚོགས་པ་དང་བཞུགས་མོལ་ཚོགས་འདུ་འཚོགས་པ། ཕྱོགས་གཉིས་ཀྱིས་མཉམ་ལས་ཟབ་སྤེལ་སྐོར་མཛའ་མཐུན་སྤེལ་རེས་བྱས།

    ཧུའུ་ཀྲི་རོང་གིས་རྒྱལ་སྤྱིའི་ཅིང་དབྱིང་ཚོགས་པས་ཁེ་ལས་པ་ཅིང་དབྱིང་བྱང་ཚད་མཐོ་རུ་གཏོང་བར་ཤུགས་རྒྱག་ཡོད། ཁོངས་མི་ཀྲུང་གོ་དང་འཛམ་གླིང་རྒྱལ་ཁབ་མང་ཙམ་གྱི་གཞོན་ནུ་ཁེ་ལས་པ། དམངས་གཉེར་ཁེ་ལས་རྒྱུན་འཛིན་པ། སྤྱི་ཚོགས་ལས་རིགས་ཁག་གི་ཕུན་བྱུང་གཞོན་ནུ་འཐུས་མི། ཚོགས་ཁོངས་ཁེ་ལས་བརྒྱ་ལྷག་ལས་བརྒལ།དེའི་ནང་འཛམ་གླིང་ཐོག་སྐད་གྲགས་ཆེ་བའི་ཁེ་ལས་500ཡོང་ཡོད་དང་དངུལ་འཇོག་ཁྱབ་ཁོངས་རྒྱ་ཆེ་བ། ད་ཐེངས་བདེ་ཆེན་དུ་ཕེབས་ནས་དངུལ་འཇོག་རྟོག་ཞིབ་གཙོ་བོ་ནི་བཟའ་བྱའི་ཤ་མོ་དང་རིག་གནས་ཡུལ་སྐོར་ཁམས་གསོ། རྨང་གཞིའི་སྒྲིག་བཀོད་འཛུགས་སྐྲུན་ཐད་ཀྱི་མཉང་ལས་གོ་སྐབས་འཚོལ་བ། རྟོག་ཞིབ་བྱེད་པའི་གནས་ཚུལ་ལ་བལྟས་ནས་བདེ་ཆེན་གྱི་ཚོང་གཉེར་ཁོར་ཡུག་ལེགས་པ་འཕེལ་རྒྱས་མི་མངོན་པའི་སྟོབས་ཤུགས་ཆེ་བ། མ་འོངས་པར་ཕྱོགས་གཉིས་ཀྱིས་མཉམ་ལས་བྱས་པ་དང་“སེམས་ཀྱི་ཉི་ཟླའི”སྤུས་རྟགས་དེ་བས་བེད་སྤྱོད་ལེགས་པོ་བྱས་པ།བདེ་ཆེན་གྱི་ཐོན་ཁོངས་ལེགས་ཆ་སྔོག་འདོན་བྱེད་ནས། ས་གནས་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་ཐུན་མོང་ཐོག་སྐུལ་འདེད་གཏོང་རྒྱུའི་རེ་བ་བཏོན།

    ཀྲང་ཝེ་ཏུང་གིས་རྒྱལ་སྤྱིའི་ཅིང་དབྱིང་ཚོགས་པར་རྒྱལ་ནང་རྒྱལ་སྤྱིའི་གྲགས་ཅན་ཁེ་ལས་ཀྱི་ཚོགས་མི་མང་ཙམ་བསྡུས་ཡོད་པ་དང་སྟོབས་ཤུགས་ཆེན་པོ་ལྡན་པ།རང་ཁུལ་གྱིས་ཁེ་ལས་པ་རྣམ་བདེ་ཆེན་དུ་དངུལ་འཇོག་རྟོག་ཞིབ་ཏུ་ཕེབས་པར་ཤིན་ཏུ་དགའ་བསུ་ཞུ།བཟའ་བྱའི་ཤ་མོ་ཐོན་ལས་དང་རིག་གནས་ཡུལ་སྐོར་ཐོན་ལས་ནི་བདེ་ཆེན་གྱིས་གཙོ་གནད་གསོ་སྐྱོང་བྱེད་པའི་ཀ་རྟེན་ཐོན་ལས་ཡིན་པས་ལེགས་ཆ་ངེས་པ་ཡོད། དེའི་ཆབས་ཅིག་རང་ཁུལ་མ་འོངས་པར་རྨང་གཞིའི་སྒྲིག་བཀོད་འཛུགས་སྐྲུན་ཐད་དགོས་མཁོ་མང་པོ་ཡོད་པའི་ངོས་ནས་ཕྱོགས་གཉིས་ཀྱི་མཉམ་ལས་མདུན་ལམ་ལེགས་པའང་གསབ་རེས་རང་བཞིན་མཐོ་པོ་ལྡན་པ། གོམ་སྟབས་རྗེས་མར་ཕྱོགས་གཉིས་ཀྱིས་མཉམ་ལས་ལམ་ལུགས་འཛུགས་ནས་དེ་བས་ཟབ་པ་དང་རྒྱ་ཆེའི་ཁྱབ་ཁོངས་སུ་མཉམ་ལས་བྱེད་པའི་རེ་བ་བཏོན་པ་དང་། རང་ཁུལ་གྱིས་ཚོང་གཉེར་ཁོར་ཡུག་རྩེ་གྲར་གྱུར་བར་འབད་བརྩོན་བྱེད་པ་དང་འབྲེལ་ཡོད་རྣམ་གྲངས་དོན་ཐོག་ཏུ་འཁྱོར་བ་ལ་སྐུལ་འདེད་གཏོང་རྒྱུ།རྒྱལ་སྤྱིའི་ཅིང་དབྱིང་ཚོགས་པའི་ཁེ་ལས་པ་དེ་བས་མང་བ་བདེ་ཆེན་དུ་ཕེབས་ནས་དངུལ་འཇོག་ལས་དར། ཐུན་མོང་ཐོག་ས་གནས་དང་ཁེ་ལས་བར་གྱི་མཉམ་འབྲེལ་ལེའུ་གསར་པ་ཡག་པོ་འབྲི་དགོས་ཞེས་བསྟན།

    ཁུལ་ཨུའི་རྒྱུན་ཨུ།རྒྱལ་ལས་ཁུལ་དཔོན་གཞོན་པ་དབྱང་ཞའེ་ཝུན་གྱི་ཚོགས་འདུ་གཙོ་སྐྱོང་གནང་བ།ཁུལ་ཐབད་གཏོགས་འབྲེལ་ཡོད་སྡེ་ཚན། སེམས་ཀྱི་ཉི་ཟླ་ཐོན་ལས་གླིང་ཁུལ་གྱི་འགན་འཁུར་མི་སྣ་བཞུགས་མོལ་ཚོགས་འདུར་ཞུགས།