ཁུལ་སྲིད་གཞུང་གིས་བདེ་ཆེན་གཞོན་ནུའི་ཁེ་ལས་པདང་གཞོན་ནུའི་ལས་གཏོད་འཐུས་མི་དང་བཞུགས་མོལ་གནང་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གིས་བདེ་ཆེན་གཞོན་ནུའི་ཁེ་ལས་པདང་གཞོན་ནུའི་ལས་གཏོད་འཐུས་མི་དང་བཞུགས་མོལ་གནང་བ།ཀྲང་ཝེ་ཏུང་གིས་རྒྱ་ཆེའི་གཞོན་ནུ་ཁེ་ལས་པ་དང་ལས་གཏོད་འཐུས་མིས་ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲང་བའི་དད་སེམས་བརྟན་དུ་བཏང་ནས་སློབ་སྦྱོང་ལ་བརྩོན་འགྲུས་དང་བྱང་ཚད་མཐོ་རུ་གཏོང་བ། གསར་གཏོད་བྱེད་ཕོད་པ་དང་དཔེ་ལྟ་སར་བྱས་ཏེ་འབད་འབུངས་ཡར་བརྩོན་དང་འགན་འཁྲི་འཁུར་ཕོད་པའི་དུས་རབས་ཀྱི་མིག་དཔེ་ཞིག་བྱེད་དགོས་ཞེས་པའི་ནན་བཤད་གནང་བ།

    བཞུགས་མོལ་ཚོགས་འདུའི་ཐོག་ཐུའོ་ཁུལ་ཨུའི་འབྲེལ་ཡོད་མི་སྣས་དང་ཐོག་གཞོན་ནུའི་ལས་གཏོད་ལས་ཞུགས་ལས་དོན་དང་ཁུལ་གཞོན་ནུ་ལས་གཏོད་མཐུན་ཚོགས་གྲབས་འཛུགས་ལས་དོན་ལ་རྒྱབ་སྐྱོར་བྱས་ཚུལ་སྙན་སེང་ཞུས་པ། གཞོན་ནུའི་ལས་གཏོད་མཐུན་ཚོགས་ཀྱི་འགན་འཁུར་བས་མཐུན་ཚོགས་ཀྱི་གཞི་རྩའི་གནས་ཚུལ་དང་འཁོར་སྐྱོད་ལམ་སྲོལ། རེ་ཞུའི་དོན་ཚན་ངོ་སྤྲོད་བྱས་པ།སྒྲོལ་མ་ལྷ་མོ་དང་ཧོ་ཡན་ཆུན་སོགས་འཐུས་མི་6གིས་ལས་གཏོད་ཀྱི་མྱོང་ཚོར་དང་མྱོང་ཚོར་མཉམ་སྤྱོད་བྱས་པ་དང་སྲིད་ཇུས་ཀྱི་རྒྱབ་སྐྱོར་དང་ལས་གཏོད་ཁོར་ཡུག་སོགས་ཐད་བསམ་འཆར་དང་གྲོས་འགོ་ཡང་བཏོན་པ་རེད། སྡེ་ཚན་ཁག་གི་འབྲེལ་ཡོད་འགན་འཁུར་བས་བཏོན་པའི་གནད་དོན་ལ་རེ་རེ་བཞིན་ལན་བརྒྱབ་པ་དང་འབྲེལ་ས་གནས་ས་ཐོག་ཏུ་ཁེ་ལས་ལ་ཕན་པའི་འབྲེལ་ཡོད་སྲིད་ཇུས་ཁྱབ་གདལ་བཏང་བ་རེད།

    ཀྲང་ཝེ་ཏུང་གིས་ད་ལྟ་ནི་ན་གཞོན་ཁེ་ལས་པ་དང་ལས་དོན་གསར་གཏོད་བྱེད་མཁན་གྱིས་ནུས་ཤུགས་གང་ཡོད་འདོན་པའི་གོ་སྐབས་གལ་ཆེན་ཞིག་རེད།  བདེ་ཆེན་གྱི་གཞོན་ནུ་ཁེ་ལས་པ་དང་ལས་གཏོད་པ་ཁག་གིས་འབྲེལ་ཡོད་སྲིད་ཇུས་ཤེས་རྟོགས་དང་ཁོང་དུ་ཆུད་པ་བྱས་ཏེ་སྲིད་ཇུས་ཀྱི་རླུང་ཕྱོགས་ཀྱི་རྗེས་སུ་དམ་པོར་འབྲངས་ནས་ལས་གཏོད་ཀྱི་གོ་སྐབས་དམ་འཛིན་བྱས་ཏེ་སྲིད་ཇུས་ཀྱི་ཁེ་སྤོགས་བརྩོན་ལེན་བྱེད་དགོས། ཁྲིམས་སྦྱོང་བ་དང་ཁྲིམས་སྤྱོད་རྒྱུར་ཤུགས་སྣོན་བརྒྱབ་ནས་དེང་རབས་ཁེ་ལས་ཀྱི་བཅོས་སྐྱོང་ནུས་པ་དང་ཉེན་ཁ་སྔོན་འགོག་ཚོད་འཛིན་ནུས་པ་ཆེ་རུ་གཏོང་དགོས། ཐོག་མཐའ་བར་གསུམ་དུ་ཡུན་རིང་ལྟ་བ་དང་འཕེལ་ཕྱོགས་ཆེན་པོར་ལྟ་བ་བཅས་བྱས་ཏེ་ཏན་ཏན་ཏིག་ཏིག་ངང་ཁེ་ལས་རྒྱ་སྟོབས་ཆེ་རུ་འགྲོ་རྒྱུར་སྐུལ་འདེད་བཏང་ནས་ལོ་རྒྱུས་ཀྱི་གར་སྟེགས་གསར་པའི་ཐོག་གཞོན་ནུའི་ཉམས་འགྱུར་མངོན་པར་བྱེད་དགོས་ཞེས་བསྟན།

    ཀྲང་ཝེ་ཏུང་གིས་རྒྱ་ཆེའི་གཞོན་ནུ་ཚོས་རྒྱལ་ཁབ་ཀྱི་འཐབ་ཇུས་གདམ་ག་གལ་ཆེན་ལ་ངོས་འཛིན་གཏིང་ཟབ་བྱེད་པ་དང་ཞིང་ཆེན་དང་ཁུལ་གྱི་ཐབས་ཇུས་བཀོད་སྒྲིག་གལ་ཆེན་ལ་དམིགས་ནས་ཐོན་ལས་ཕྱོགས་སྒྱུར་རིམ་སྤོར་དང་གྲོང་གསེབ་དར་རྒྱས། སྒྱུར་བཅོས་ཟབ་སྤེལ། དམངས་འཚོ་ལེགས་སུ་གཏོང་བ་སོགས་ཀྱི་གཡུལ་ས་གཙོ་བོར་སྲོལ་རྒྱུན་གྱི་བསམ་གཞིགས་བྱེད་སྟངས་ལས་བརྒལ་ཕོད་པ་བྱས་ཏེ་ཁེ་ལས་ཀྱི་གསར་གཏོད་འཕེལ་རྒྱས་ལ་རྒྱུན་ཆད་མེད་པར་སྐུལ་འདེད་གཏོང་དགོས། རིམ་པ་ཁག་དང་སྡེ་ཚན་ཁག་གིས་གཞོན་ནུ་ཁེ་ལས་པས་འཕེལ་རྒྱས་གཏོང་རྒྱུར་མཐོང་ཆེན་དང་རྒྱབ་སྐྱོར་བྱས་ཏེ་ཁོར་ཡུག་བཟང་པོ་ཞིག་བཏོད་དེ་གཞོན་ནུ་ཁེ་ལས་པ་ཚོས་བློ་རྩེ་གཅིག་སྒྲིམ་ངང་ལས་གཏོད་ཏུ་འཇོག་དགོས། འབྲེལ་ཡོད་སྡེ་ཚན་གྱིས་རང་འགུལ་ངང་མདུན་ཕྱོགས་སུ་ཞབས་འདེགས་ཞུས་ཏེ་གཞོན་ནུ་ལས་གཏོད་པར་གསོ་སྦྱོང་དང་མཛུབ་ཁྲིད་བྱ་རྒྱུར་ཤུགས་སྣོན་བརྒྱབ་ནས་ཁེ་ལས་ལ་ཤེས་ལྡན་མི་སྣ་དེ་བས་མང་བ་གསོ་སྐྱོང་བྱེད་རོགས་བྱེད་དགོས། ལས་གཏོད་སྟེགས་བུ་དེ་བས་ཆེ་བ་བསྐྲུན་ནས་གཞོན་ནུ་ལས་གཏོད་པར་གོ་སྐབས་དེ་བས་མང་བ་མཁོ་འདོན་བྱེད་དགོས།

ཁུལ་སྲིད་གཞུང་གི་འགོ་ཁྲིད་ཡུས་ཀུའེ་ཧྥེན། ཁུལ་རིམ་འབྲེལ་ཡོད་སྡེ་ཁག་གི་འགན་འཁུར་བ་དང་གཞོན་ནུ་ལས་གཏོད་མཐུན་ཚོགས་ཀྱི་ཚོགས་མི་འཐུས་མི་བཞོགས་མོལ་ཚོགས་འདུར་ཞུགས།