སྐབས་དགུ་པའི་ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་109པ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11པའི་ཚེས་1ཉིན། སྐབས་དགུ་པའི་ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་109པ་འཚོགས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་དང་ཉེ་དུས་ཞིང་ཨུའི་འབྲེལ་ཡོད་གྲོས་ཚོགས་ཀྱི་དགོངས་དོན་དང་ལས་ཀའི་བླང་བྱ་བརྒྱུད་བསྒྲགས་དང་སློབ་སྦྱོང་བྱས། དཔལ་འབྱོར་འཁོར་སྐྱོད་ཀྱི་གནས་ཚུལ་ལ་དབྱེ་ཞིབ་དང་ཞིབ་འཇུག་བྱས་པ། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་གྲོས་ཚོགས་གཙོ་སྐྱོང་གནང་བ།

    ཀྲང་ཝེ་ཏུང་།ལི་ཡན་ལན། ཕེང་ཧྲན། ཡུས་ཧྲེང་ཞང་། མིའོ་ཡུའོ་ཧྥ་བཅས་གྲོས་ཚོགས་སུ་ཞུགས།

    གྲོས་ཚོགས་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱལ་ཁབ་རིམ་པའི་དཔལ་འབྱོར་ལག་རྩལ་གསར་སྤེལ་ཁུལ་གྱི་ལས་དོན་ལ་གནང་བའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་གཙོ་ཁྲིད་ཐོན་ལས་སྐྱེད་སྲིང་ཡག་པོ་བྱས་ནས་གླིང་ཁུལ་སྤུས་ཚད་མཐོ་བའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས་ཞེས་པའི་ནན་བཤད་གནང་བ།

    གྲོས་ཚོགས་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དམངས་སྲིད་ལས་དོན་ཐད་གནང་བའི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་མི་དམངས་ལྟེ་བར་འཛིན་རྒྱུ་མཐའ་འཁྱོངས་ཀྱིས་ཀུན་ཕན་རང་བཞིན་དང་། རྨང་གཞི་རང་བཞིན། མཐིལ་རྟོལ་རང་བཞིན་གྱི་དམངས་འཚོའི་འཛུགས་སྐྲུན་བྱེད་ཤུགས་ཆེ་རུ་གཏོང་དགོས་པ་དང་། པུར་འཇུག་བསྒྱུར་བཅོས་ཟབ་སྤེལ་བྱེད་དགོས་པའི་ནན་བཤད་གནང་།

    གྲོས་ཚོགས་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་ཆབ་སྲིད་ཅུས་ཀྱི་གཅིག་སྡུད་སློབ་སྦྱོང་ཐེངས་བཅུ་བདུན་པའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་བསམ་བློ་དང་རིགས་པའི་གཞུང་ལུགས་ཀྱིས་དྲག་ཆས་སྤྲོས་ཤུགས་ཆེ་རུ་གཏོང་བ་དང་རིག་གནས་ཡུལ་སྐོར་མཉམ་འདྲེས་ལ་ཤུགས་སྣོན་བརྒྱབ་པ།རིག་གནས་འཛུགས་སྐྱོང་ལ་རྒྱུན་ཆད་མེད་པར་ཤུགས་སྣོན་བརྒྱབ་ནས་བདེ་ཆེན་གྱི་གཏམ་རྒྱུད་ཡག་པོ་ཤོད་དགོས་ཞེས་པའི་ནན་བཤད་གནང་བ།

    གྲོས་ཚོགས་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཟླ་10པའི་ཚེས་28ཉིན་ཀྲུང་དབྱང་ཆབ་སྲིད་ཅུས་ཀྱི་ཚོགས་འདུ་དང་ཞིང་ཆེན་དང་པུའུ་རིམ་པའི་འགོ་ཁྲིད་ལས་བྱེད་པ་གཙོ་བོས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཆེད་དོན་ཞིབ་བསྡུར་འཛིན་གྲྭ་འགོ་ཚུགས་པའི་མཛད་སྒོའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་སྒྱུར་བཅོས་གཏིང་ཟབ་ཏུ་གཏོང་བའི་ལས་འགན་དོན་འཁྱོལ་བྱ་རྒྱུར་དམ་འཛིན་ཡག་པོ་བྱེད་དགོས་ཞེས་ནཔའི་ནན་བཤད་གནང་བ།

    གྲོས་ཚོགས་ཐོག་ཞིང་ཨུའི་རྒྱུན་ལས་ཨུ་ལྷན་གྱིས་ཁུལ་ཨུའི་འགོ་ཁྲིད་གཙོ་བོའི་འགན་འཁྲི་དང་སྤྱོད་གཙང་གནས་ཚུལ་གསལ་བཤད་བྱས་པའི་ཚུར་ལན་གནས་ཚུལ་བརྡ་ཁྱབ་བཏང་བ་དང་རང་ཁུལ་གྱི་བཅོས་སྒྲིག་ཇུས་གཞིར་གྲོས་ཞིབ་བྱས། ཁུལ་ཨུའི་རྒྱུན་ལས་ཚན་ཁག་གིས་ཕྱོགས་ཡོངས་ནས་ཏང་ནན་པོས་སྐྱོང་བའི་“ལས་གནས་གཅིག་ལ་འགན་འཁྲི་གཉིས་”ལག་བསྟར་ཡག་པོ་བྱས་ཏེ་དག་ཐེར་ཇུས་གཞིར་ཞིབ་བསྡུར་ནན་ཏན་བྱས་ནས་གོང་གིས་འོག་ལ་སྣེ་ཁྲིད་དེ་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་གཏིང་ཟབ་ཀྱི་ཕྱོགས་སུ་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས་པའི་ནན་བཤད་གནང་བ།

    གྲོས་ཚོགས་འདུ་ཐོག་སློབ་གྲྭའི་བདེ་འཇགས་ལས་དོན་ལ་ཞིབ་འཇུག་བྱས་ནས་བསླབ་བྱ་བསྡུ་ལེན་བྱས་ཏེ་སློབ་གྲྭའི་བདེ་འཇགས་ལ་ཤུགས་རྐྱེན་བཟོ་བའི་མངོན་གསལ་དོད་པའི་གནད་དོན་ཐག་གཅོད་བྱ་རྒྱུར་ཤུགས་སྣོན་རྒྱག་པ་དང་སློབ་མའི་སེམས་ཁམས་བདེ་ཐང་གི་སློབ་གསོར་ཤུགས་སྣོན་རྒྱག་པ་དང་བཟའ་བཅའི་བདེ་འཇགས་དོ་དམ་ལ་ཤུགས་སྣོན་བརྒྱབ་ནས་སློབ་མཚམས་འཇོག་རྒྱུར་ཚོད་འཛིན་དང་སློབ་སྦྱོང་འགན་ལེན་བྱེད་པའི་ལས་དོན་ལ་དམ་འཛིན་ཏན་ཏིག་བྱས་ཏེ་སློབ་གྲྭའི་བདེ་འཇགས་ཀྱི་འགོག་སྲུང་འཛིང་རགས་བརྟན་དུ་ཏན་ཏིག་གཏོང་དགོས་པའི་ནན་བཤད་གནང་བ།

    གྲོས་ཚོགས་ཐོག་ཞིང་ཡོངས་ཀྱི་དུས་ཚིགས་གསུམ་པའི་“ཞིང་གསུམ་”ལས་དོན་བཀོད་གཏོང་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ཏེ་འགན་འཁྲི་དོན་འཁྱོལ་དང་སྲིད་ཇུས་དོན་འཁྱོལ། ལས་ཀ་དོན་འཁྱོལ། གྲུབ་འབྲས་བརྟན་སྲུང་དང་། རྣམ་གྲངས་འཛུགས་སྐྲུན་མགྱོགས་པོར་གཏོང་དགོས་པའི་ནན་བཤད་གནང་།

    གྲོས་ཚོགས་ཐོག་ཞིང་ཡོངས་ཀྱི་ལས་བྱེད་པའི་ལྟ་སྐུལ་ལས་དོན་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་ཏེ་ལས་བྱེད་པར་ལྟ་སྐུལ་ནན་པོ་དང་། ལས་བྱེད་པར་དོ་དམ་ནན་པོ། ལས་བྱེད་པར་སློབ་གསོ་ནན་པོ་བྱས་ནས། ལྟ་སྐུལ་མཐུན་སྦྱོར་བྱེད་ཤུགས་ཆེ་རུ་གཏོང་དགོས་པའི་ནན་བཤད་གནང་།

    གྲོས་ཚོགས་ཐོག་དུས་ཚིགས་གོང་མ་གསུམ་གྱི་ཁུལ་ཡོངས་དཔལ་འབྱོར་ལས་དོན་སྤེལ་ཚུལ་གྱི་སྙན་ཞུ་གསན་པ་དང་རིམ་པ་ཁག་དང་སྡེ་ཚན་ཁག་གིས་ལོ་འཁོར་གྱི་དམིགས་ཚད་ལས་འགན་ལ་དམིགས་ནས་མཇུག་བསྡུའི་དམག་འཐབ་ཡག་པོ་རྒྱག་དགོས། ཕྱི་ལོའི་གཙོ་གནད་རྣམ་གྲངས་ཇུས་འགོད་ནན་ཏན་བྱས་ཏེ་རྣམ་གྲངས་དེ་བས་མང་བ་ཞིག་ཞིང་ཆེན་རིམ་པའི་སྡེར་མའི་ནང་འཇུག་རྒྱུར་བརྩོན་ལེན་བྱེད་དགོས་པའི་ནན་བཤད་གནང་།

    གྲོས་ཚོགས་ཐོག་ད་དུང་ཁུལ་ཨུའི་རྒྱུན་ཨུས་ལས་བགོས་འགན་གཉེར་ཁྱབ་ཁོངས་ཀྱི་ཏང་འཛུགས་སྐྱོང་ལས་དོན་ལ་དམ་འཛིན་བྱས་ཚུལ་གྱི་སྙན་ཞུ་ཉན་པ།

    ཁུལ་འགོ་ཁྲིད་དབྱང་ཙི་ཅང་དང་། ཀྲུའུ་ཧུང་། ལི་དབྱང་། ཁྲེན་ཆུན། དབྱང་ཞུའེ་ཝུན། ཧྥེ་པིན་ཆང་། ཧུའུ་ཧྥེ་ཞུང་སོགས་གྲོས་ཚོགས་སུ་ཞུགས།