​ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གིས་ཆེད་དོན་གྲོས་ཚོགས་འཚོགས།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11ཚེས་1ཉིན་གྱི་ཕྱི་དྲོར། ཁུལ་ཨུའི་རྒྱུན་ལས་ཨུ་ལྷན་གྱིས་ཚོགས་འདུ་འཚོགས་ནས་ཁུལ་ཨུའི་རྒྱུན་ལས་ཨུ་ལྷན་གྱིས་“ལས་གནས་གཅིག་ལ་འགན་འཁྲི་གཉིས་”ལག་བསྟར་བྱས་ཚུལ་དང་། འོག་རིམ་གྱི་“གཙོ་འགན་འཁུར་མཁན”གྱིས་འགན་འཁྲི་དང་སྤྱོད་གཙང་གནས་ཚུལ་གསལ་ཞུ་དང་སྤྱོད་གཙང་བདེ་ཆེན་འཛུགས་སྐྲུན་དམ་འཛིན་བྱས་ཚུལ་གྱི་སྙན་ཞུ། ཁུལ་སྒྲིག་ཨུའི་ལྟ་སྐུལ་ཨུ་ལྷན་གྱིས་མངགས་གཏོང་ལྟ་སྐུལ་ལས་དོན་སྤེལ་ཚུལ་གྱི་སྙན་ཞུ་བཅས་ཉན་པ། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཚོགས་འདུ་གཙོ་སྐྱོང་གནང་བ་དང་གསུང་བཤད་ཀྱང་གནང་བ།

    ཀྲང་ཝེ་ཏུང་དང་། ལི་ཡན་ལན། ཕེང་ཧྲན། ཡུས་ཧྲེང་ཞང་། མིའོ་ཡིའུ་ཧྥ་བཅས་ཚོགས་འདུར་ཞུགས་ཡོད།    

    ཚོགས་འདུའི་ཐོག་བློ་མཐུན་ལི་ཡན་ལན་དང་། ཕེང་ཧྲན། དབྱང་ཞུའེ་ཝུན་བཅས་ཀྱིས་ཕྱོགས་ཡོངས་ནས་ཏང་ནན་སྐྱོང་བྱེད་པའི་“ལས་གནས་གཅིག་ལ་འགན་འཁྲི་གཉིས”ལག་བསྟར་བྱས་ཚུལ་སྙན་སེང་ཞུས་པ་དང་། རྒྱུན་ལས་ཨུ་ཡོན་གཞན་དག་གིས་ཡིག་ཐོག་ནས་སྙན་སེང་ཞུས་ཡོད།

    ལུའོ་ཁྲའོ་ཧྥེང་གིས་ཁུལ་ཨུའི་རྒྱུན་ཨུས་རང་དཔེ་གཞན་སྟོན་བྱས་ཏེ་བློ་བརྟན་འགྱུར་མེད་ངང་ཕྱོགས་ཡོངས་ནས་ཏང་ནན་པོས་སྐྱོང་རྒྱུར་སྐུལ་འདེད་གཏོང་དགོས། སྣེ་ཁྲིད་དེ་འགན་འཁྲི་འཁུར་ནས་བྱས་རྗེས་འཇོག་པ་བཅས་བྱས་ཏེ་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུའི་ལས་ཀའི་བླང་བྱ་ཇི་མ་ཇི་བཞིན་བདེ་ཆེན་དུ་དོན་འཁྱོལ་ཐུབ་པའི་འགན་ལེན་བྱེད་དགོས། ལས་བགོས་འགན་གཉེར་འབྲེལ་གཏུག་ཁྱབ་ཁོངས་ཀྱི་ཏང་འཛུགས་སྐྱོང་ལས་དོན་ལ་དམ་འཛིན་ཡག་པོ་བྱས་ཏེ་ཏང་རྩ་འཛུགས་ཀྱི་ཆབ་སྲིད་ནུས་པ་དང་རྩ་འཛུགས་ཀྱི་ནུས་པ་ཆེ་རུ་གཏོང་དགོས་པའི་ནན་བཤད་གནང་།

    ཚོགས་འདུའི་ཐོག་རྫོང་(གྲོང་ཁྱེར་)གསུམ་གྱི་ཏང་ཨུ་དང་། སེམས་ཀྱི་ཉི་ཟླ་ཐོན་ལས་ཁུལ་གྱི་ཏང་གི་ལས་དོན་ཨུ་ལྷན། ཁུལ་འཕེལ་རྒྱས་དང་བསྒྱུར་བཅོས་ཨུ་ལྷན་གྱི་ཏང་ཙུའུ། ཁུལ་ཞིང་ལས་དང་གྲོང་གསེབ་ཅུས་ཀྱི་ཏང་ཨུ། ཁུལ་འཕྲོད་བསྟེན་བདེ་ཐང་ཨུ་ལྷན་གྱི་ཏང་ཨུ་བཅས་ཀྱི་འགན་འཁུར་བ་གཙོ་བོས་འགན་འཁྲི་དང་སྤྱོད་གཙང་གནས་ཚུལ་གསལ་བཤད་དང་སྤྱོད་གཙང་བདེ་ཆེན་འཛུགས་སྐྲུན་དམ་འཛིན་བྱས་ཚུལ་གྱི་སྙན་ཞུ་གསན་པ། ལུའོ་ཁྲའོ་ཧྥེང་གིས་སོ་སོར་དཔྱད་བརྗོད་གནང་བ་མ་ཟད། ལས་ཀའི་བླང་བྱའང་བཏོན་པ། སྡེ་ཚན་27གྱི་འགན་འཁུར་བས་ཡིག་ཐོག་ནས་འགན་འཁྲི་དང་སྤྱོད་གཙང་གནས་ཚུལ་གསལ་བཤད་བྱས་པ།

    ལུའོ་ཁྲའོ་ཧྥེང་གིས་རིམ་ཁག་ཏང་ཨུ་(ཏང་ཙུའུ་)ཧྲུའུ་ཅིས་“འགན་འཁུར་བ་དང་པོའི”འགན་འཁྲི་ལག་བསྟར་ནན་པོ་བྱས་ཏེ་སྣེ་ཁྲིད་དེ་སྤྱོད་གཙང་རང་གཅུན་བྱེད་དགོས། ཞིང་ཨུའི་སྐོར་གཟིགས་ཚུར་ལན་གནད་དོན་དག་ཐེར་ལ་དམ་འཛིན་མཐའ་གཅིག་ཏུ་བྱས་ཏེ་བདེ་ཆེན་གྱི་ཆབ་སྲིད་སྣོད་བཅུད་སླར་གསོ་དང་གཙང་བཟོ་ལ་རྒྱུན་མཐུད་ངང་དམ་འཛིན་ཡག་པོ་བྱེད་དགོས། གཅིག་སྡུད་བཅོས་སྒྲིག་ལས་དོན་ལ་སྐུལ་འདེད་གཏིང་ཟབ་གཏོང་བ་དང་སྤུས་ཚད་མཐོ་བའི་སྒོ་ནས་སྤྱོད་གཙང་བདེ་ཆེན་འཛུགས་སྐྲུན་ལ་སྐུལ་འདེད་བཏང་སྟེ་ཏང་སྲོལ་སྲིད་གཙང་འཛུགས་སྐྱོང་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་དམངས་འཚོ་ལེགས་སུ་གཏོང་རྒྱུ་གཉིས་མཉམ་སྐུལ་མཉམ་སྐྱོད་ཐུབ་པ་བྱེད་དགོས་པའི་ནན་བཤད་གནང་བ།

    ཚོགས་འདུའི་ཐོག་ད་དུང་ཁུལ་སྒྲིག་ཨུ་ལྟ་སྐུལ་ཨུ་ལྷན་གྱི་མངགས་གཏོང་ལྟ་སྐུལ་ལས་དོན་སྤེལ་ཚུལ་གྱི་སྙན་ཞུ་ཉན་པ།

    ལུའོ་ཁྲའོ་ཧྥེང་གིས་ཆབ་སྲིད་ལྟ་སྐུལ་ཞིབ་ཕྲ་ཅན་དང་། གནད་ལ་འཁེལ་བ། རྒྱུན་རྣམ་ཅན་བཅས་སུ་འགྱུར་བར་སྐུལ་འདེད་ཏན་ཏིག་གཏོང་བ་དང་། ལྟ་སྐུལ་གྱི་གཙོ་གནད་ཁོང་དུ་ཡང་དག་ཆུད་པ། ལྟ་སྐུལ་གྱི་སྤུས་ཚད་དང་ཕན་འབྲས་མངོན་གསལ་དོད་པོ་ཡོང་བ། མངགས་གཏོང་དཔུང་ཁག་རང་ངོས་འཛུགས་སྐྱོང་བྱེད་ཤུགས་ཆེ་རུ་གཏོང་བ། འགན་འཁྲི་གཙོ་བོ་དང་ལས་རིགས་གཙོ་བོར་དམིགས་པ། ཆབ་སྲིད་ལྟ་སྐུལ་གྱི་ནུས་པ་འདོན་སྤེལ་སྔར་ལས་ལེགས་པ་བཅས་བྱས་ཏེ་རང་ཁུལ་གྱི་ཏང་སྲོལ་ཡོ་བསྲང་དང་སྲིད་དོན་གཙང་སྐྱོང་དང་རུལ་སུངས་ལ་རྒོལ་བའི་འཐབ་རྩོད་ལ་སྐུལ་འདེད་གཏོང་ཆེད་ལེགས་སྐྱེས་སྔར་ལས་ཆེན་པོ་གཏོང་དགོས་པའི་བླང་བྱ་བཏོན།

    ཁུལ་འགོ་ཁྲིད་དབྱང་ཙི་ཅང་དང་། ཀྲུའུ་ཧུང་། ལི་དབྱང་། ཁྲེན་ཆུན། དབྱང་ཞུའེ་ཝུན། ཧྥེ་པིན་ཆང་། ཧུའུ་ཧྥེ་ཞུང་སོགས་ཚོགས་འདུར་ཞུགས་པ་རེད།