​ལུའོ་ཁྲའོ་ཧྥེང་དང་ཀྲང་ཝེ་ཏུང་གིས་རུ་སྣེ་ཁྲིད་དེ་འཇོལ་གྱི་རྫོང་མཁར་ཉེན་འགོག་གནས་སྤོ་ལས་ཀར་ཞིབ་འཇུག་གནང་།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11པའི་ཚེས་4ཉིན་ནས་ཚེས་5ཉིན་བར། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་དང་ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གིས་རུ་སྣེ་ཁྲིད་དེ་འཇོལ་རྫོང་ཡེ་ཀྲི་གྲོང་རྡལ་དུ་ཕེབས་ནས། འཇོལ་གྱི་རྫོང་མཁར་གྱི་ཉེན་འགོག་གནས་སྤོ་ལས་ཀར་ཞིབ་འཇུག་གནང་བ། ལུའོ་ཁྲའོ་ཧྥེང་གིས་འཆར་འགོད་སྣེ་ཁྲིད་དང་སྙན་ཞུ་འབྲེལ་མཐུད། རྒྱུ་ཆ་འགན་སྲུང་བཅས་བྱེད་ཤུགས་ཆེ་རུ་གཏོང་ནས་སེམས་མཐུན་ཤུགས་སྒྲིལ་གྱིས་འཇོལ་རྫོང་མཁར་གྱི་ཉེན་འགོག་གནས་སྤོ་ལས་ཀ་ལ་སྐུལ་འདེད་མགྱོགས་སུ་གཏོང་དགོས་པའི་ནན་བཤད་གནང་།   

    ཡེ་ཀྲི་གྲོང་རྡལ་དུ་ལུའོ་ཁྲའོ་ཧྥེང་དང་བཅས་པས་འཇོལ་རྫོང་གྲོང་ཁྱེར་གསར་པའི་གྲོང་ཁྱེར་ཕན་ནུས་གླིང་ཁུལ་དང་གྲོང་ཁྱེར་རྨང་གཞིའི་སྒྲིག་བཀོད་ཆ་ཚང་བཀོད་སྒྲིག་བྱེད་པའི་གནས་ཚུལ་གྱི་ཡུལ་དངོས་སུ་རྩད་ཞིབ་གནང་བ་དང་སྔ་རྗེས་སུ་ཡེ་ཀྲི་གྲོང་རྡལ་སློབ་ཆུང་དང་ཡེ་ཀྲི་གྲོང་རྡལ་རྣམ་གྲངས་བཀོད་འདོམས་པུའུ། ཅང་ཞི་གཞུང་ལམ་རྣམ་གྲངས་ས་ཚིགས་སོགས་སུ་ཞིབ་འཇུག་གནང་བ།ལུའོ་ཁྲའོ་ཧྥེང་གིས་རྣམ་གྲངས་བཀོད་འདོམས་པུའུ་ཡིས་ལས་བྱེད་མི་སྣ་འཐེན་སྐོང་བྱས་པ་དང་འཁོར་སྐྱོད་ཐོག་མགྱོགས་མྱུར་ངང་འཁོར་སྐྱོད་བྱས་ནས། རྫོང་མཁར་ཉེན་འགོག་གནས་སྤོའི་ལས་ཀ་ཁག་གཅིག་འགྱུར་མཐུན་སྦྱོར་ཡག་པོ་བྱེད་དགོས། ཅང་ཞི་གཞུང་ལམ་གྱི་འཛུགས་སྐྲུན་བྱེད་ཚད་མགྱོགས་སུ་བཏང་ནས་ལམ་རྒྱུད་མང་ཚོགས་ཕྱི་སྐྱོད་ལ་སྟབས་བདེ་སྤྲོད་པ་དང་ཆབས་ཅིག་རྗེས་མར་འཇོལ་རྫོང་གྲོང་ཁྱེར་གསར་པའི་འཛུགས་སྐྲུན་ལ་འགྲིམ་འགྲུལ་རོགས་སྐྱོར་འདོན་དགོས་པའི་བླང་བྱ་བཏོན།

    ལུའོ་ཁྲའོ་ཧྥེང་གིས་ཆེད་དོན་གྲོས་ཚོགས་གཙོ་སྐྱོང་གནང་ཞིང་འཚོགས་པ། ཁུལ་རིམ་འབྲེལ་ཡོད་སྡེ་ཚན་དང་འཇོལ་རྫོང་། འབྲེལ་ཡོད་འཆར་འགོད་དང་ཨར་ལས་སྡེ་ཚན་གྱི་ལས་ཀ་ལ་སྐུལ་འདེད་གཏོང་བའི་སྙན་སེང་གསན་པ།

    ལུའོ་ཁྲའོ་ཧྥེང་གིས་མ་འོངས་པའི་གྲོང་ཁྱེར་གྱི་འཕེལ་རྒྱས་གཏན་ཁེལ་གནས་ཐིག་ལྟར་གྲོང་ཁྱེར་འཆར་འགོད་ཀྱི་སྤྱིའི་འཆར་འགོད་དེ་བས་ལེགས་གཏོང་བ་དང་འཆར་འགོད་གྲུབ་འབྲས་དེ་གྲོང་ཁྱེར་འཛུགས་སྐྲུན་ཐད་སྤྱོད་ནས། ཆུ་ཚད་མཐོ་བའི་འཆར་འགོད་ཀྱིས་སྤུས་ཚད་མཐོ་བའི་གྲོང་ཁྱེར་འཛུགས་སྐྲུན་ལ་སྣེ་ཁྲིད་བྱེད་དགོས། གོང་རིམ་ལ་སྙན་ཞུ་དང་འབྲེལ་མཐུད་ལ་དེ་བས་ཤུགས་བསྣན་པ་དང་རྣམ་གྲངས་འཆར་འགོད་ཡག་པོ་བྱས་ནས།རྣམ་གྲངས་ཀྱི་ཁྲིམས་མཐུན་སྒྲིག་མཐུན་ལ་ཁག་ཐེག་བྱེད་དགོས། ཡུལ་དངོས་ལས་དོན་ཆེད་སྒྲུབ་ཚོ་ཆུང་བཙུགས་ནས་མི་ཤུགས་དང་སེམས་ཤུགས་གཅིག་བསྡུས་ཀྱིས་ལས་ཀ་ལ་སྐུལ་འདེད་གཏོང་དགོས། རྒྱལ་ཁབ་འབྲེལ་ཡོད་སྲིད་ཇུས་ཞིབ་འཇུག་ཡག་པོ་བྱས་ནས་འགན་སྲུང་ལས་ཀ་ཁག་ཡག་པོ་སྒྲུབ་དགོས། ཚན་རིག་དང་མཐུན་པ་དང་ལུགས་མཐུན་ངང་འཛུགས་སྐྲུན་འཆར་འགོད་བཀོད་སྒྲིག་ལེགས་སུ་བཏང་ནས་ལས་ཀའི་དགོས་མཁོ་ལྟར་དུས་བགོས་དང་ཐེངས་བགོས་ནས་རྣམ་གྲངས་ལག་བསྟར་བྱེད་དགོས། སྤྱོད་གཙང་མཐའ་ཚད་བརྟན་སྲུང་བྱས་ནས་རྗོང་མཁར་ཉེན་འགོག་གནས་སྤོའི་ཨར་ལས་སྤྱོད་གཙང་ཨར་ལས་སུ་བཟོ་དགོས་པའི་བླང་བྱ་བཏོན།

    ཁུལ་འགོ་ཁྲིད་ཁྲིན་ཆོན། ལིའོ་ཝུན་ཚའེ།ཀྲོང་ཞའོ་ཕིན། ཁུལ་ཐད་གཏོགས་འབྲེལ་ཡོད་སྡེ་ཚན་གྱི་འགན་འཁུར་བ། འཇོལ་རྫོང་འགོ་ཁྲིད་གཙོ་བོ་ཞིབ་འཇུག་ཏུ་ཕེབས།