​ཡུན་ནན་ཆེས་མཐོའི་ཁྲིམས་ཁང་གིས་ཞིང་ཡོངས་ཁྲིམས་ཁང་གིས་བདེ་ཆེན་གྱི་ཁྲིམས་ཁང་ལས་ཀར་ཁ་གཏད་རོགས་སྐྱོར་བྱེད་པའི་བཞུགས་མོལ་ཚོགས་འདུ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་11པའི་ཚེས་6ཉིན་གྱི་སྔ་དྲོར། ཡུན་ནན་ཞིང་ཆེན་ཆེས་མཐོའི་མི་དམངས་ཁྲིམས་ཁང་གིས་ཞིང་ཡོངས་ཁྲིམས་ཁང་གིས་བདེ་ཆེན་གྱི་ཁྲིམས་ཁང་ལས་ཀར་ཁ་གཏད་རོགས་སྐྱོར་བྱེད་པའི་བཞུགས་མོལ་ཚོགས་འདུ་འཚོགས་ནས་ཉེ་བའི་ལོ་འགའི་རིང་ཞིང་ཡོངས་ཁྲིམས་ཁང་གིས་བདེ་ཆེན་གྱི་རིམ་གཉིས་ཁྲིམས་ཁང་ལས་ཀར་ཁ་གཏད་རོགས་སྐྱོར་བྱེད་པའི་ལས་ཀ་ཕྱོགས་བསྡུས་བྱས་པ་དང་གོམ་སྟབས་རྗེས་མའི་རོགས་སྐྱོར་ལས་ཀའི་ལས་འགན་ལ་ཞིབ་འཇུག་བཀོད་སྒྲིག་གནང་བ།

    ཡུན་ནན་ཆེས་མཐོའི་ཁྲིམས་ཁང་གི་ཏང་ཙུའུ་ཧྲུའུ་ཅི། ཡོན་ཀྲང་ཀྲང་ཡིང་ཅེ་ཚོགས་འདུར་ཞུགས་པ་དང་གསུང་བཤད་གནང་བ།

    ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཤིས་ཚིག་གནང་།

    ཚོགས་འདུའི་ཐོག་བདེ་ཆེན་འབྲིང་རིམ་ཁྲིམས་ཁང་གི་ཏང་ཙུའུ་ཧྲུའུ་ཅི།ཡོན་ཀྲང་ཀྲང་ཡུས་ཀོན་གྱིས་ཞུས་པའི་ཉེ་བའི་ལོ་འགའི་རིང་བདེ་ཆེན་རིམ་གཉིས་ཁྲིམས་ཁང་གི་རོགས་སྐྱོར་དང་ལེན་ལས་ཀའི་སྙན་སེང་ཉན་པ། སེམས་ཀྱི་ཉི་ཟླ་གྲོང་ཁྱེར་དང་འཇོལ་རྫོང་། འབའ་ལུང་རྫོང་ཁྲིམས་ཁང་གི་རོགས་སྐྱོར་ཐོབ་པའི་ཁྲིམས་ཁང་ཡོན་ཀྲང་། ཁ་གཏད་རོགས་སྐྱོར་ལས་འགན་འཁུར་བའི་ཁུན་མིང་དང་ཆུས་ཅིན།ཡུས་ཞི། ཁྲུའུ་ཞུང་།ཧུང་ཧོ།ཏྰ་ལི་བཅས་ཀྱི་འབྲིང་རིམ་ཁྲིམས་ཁང་གི་ཡོན་ཀྲང་གི་བཤད་རེས་བྱས། ཞིང་ཆེན་ཆེས་མཐོའི་ཁྲིམས་ཁང་གི་བོད་སྐྱོར་ལས་བྱེད་པའི་འཐུས་མིས་རོགས་སྐྱོར་མྱོང་ཚོར་གླེང་བ་།

    ཀྲང་ཡིང་ཅེ་ཡིས་ཉེ་བའི་ལོ་འགའི་རིང་ཞིང་ཡོངས་ཁྲིམས་ཁང་གིས་ཀྲུང་དབྱང་བོད་ཀྱི་ལས་དོན་བཞུགས་མོལ་ཚོགས་འདུའི་དགོངས་དོན་སློབ་སྦྱོང་ནན་ཏན་བྱས་པ།ཁ་གཏད་རོགས་སྐྱོར་སྐོར་གྱི་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུ། ཆེས་མཐོའི་ཁྲིམས་ཁང་གི་ལས་ཀའི་བླང་བྱ་མཐའ་གཅིག་ཏུ་ལག་བསྟར་བྱས།རོགས་སྐྱོར་རྣམ་པ་གསར་གཏོད་བྱས།རོགས་སྐྱོར་ཁྱབ་ཁོངས་རྒྱ་ཆེར་སྐྱེད།ནུས་ལྡན་བྱ་ཐབས་སྤྱད་ནས་རོགས་སྐྱོར་ལས་ཀར་གྲུབ་འབྲས་གསར་པ་ཐོབ་པ། ཞིང་ཡོངས་ཁྲིམས་ཁང་གིས་ཆེད་ལས་མཛུབ་སྟོན།གྲོན་དངུལ་འགན་སྲུང་།སློབ་གསོའི་གསོ་སྦྱོང་སོགས་ཐད་དུ་དངུལ་འཇོག་བྱེད་ཤུགས་ཆེ་རུ་བཏང་ནས།རོགས་སྐྱོར་གྱི་སྤུས་ཚད་དང་ཕན་ནུས་མུ་མཐུད་མཐོར་བཏང་སྟེ། རོགས་སྐྱོར་ཐོབ་པའི་ཁྲིམས་ཁང་གི་གྱོན་དོན་ཞིབ་གཅོད་ཀྱི་སྤུས་ནུས་དང་རྨང་གཞིའི་འགན་སྲུང་ཆུ་ཚད་མཐོ་རུ་གཏོང་ཆེད་རོགས་སྐྱོང་བྱས་པ་མ་ཟད།ད་དུང་རུ་ཁག་འཛུགས་སྐྲུན་ལ་རོགས་སྐྱོར་དང་ལེགས་སུ་གཏོང་རྒྱུ་མ་དངུལ་སྤྲད་ཡོད་ཅེས་བསྟན།

    ཀྲང་ཡིང་ཅེ་ཡིས་ཚུགས་གནས་མཐོ་རུ་བཏང་ནས་བསམ་བློ་དང་བྱ་སྤྱོད་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ཞིང་ཨུ།ཆེས་མཐོའི་ཁྲིམས་ཁང་གི་ལས་ཀའི་བླང་བྱ་ཐོག་གཅིག་འགྱུར་བྱེད་དགོས། དམིགས་འབེན་ལས་འགན་གསལ་འབེབས་བྱས་ནས་ཁ་གཏད་རོགས་སྐྱོར་ལས་ཀ་ནན་ཏན་གྱིས་དམ་འཛིན་བྱེད་དགོས། རྩ་འཛུགས་འགོ་ཁྲིད་བྱེད་ཤུགས་ཆེ་རུ་བཏང་ནས་ཁ་གཏད་རོགས་སྐྱོར་ལས་ཀའི་འཕེལ་རྒྱས་གསར་པར་སྐུལ་འདེད་གཏོང་དགོས། རྩ་འཛུགས་གཅེ་ས་སྐྱོང་སྲིད་ཇུས་ལག་བསྟར་དམ་འཛིན་བྱས་ནས་གཅེས་སྐྱོང་སྲིད་ཇུས་ཁག་གི་ལག་བསྟར་ལ་སྐུལ་འདེད་གཏོང་དགོས།ཉམས་མྱོང་ཕྱོགས་བསྡོམས་ཁྱབ་སྤེལ་དམ་འཛིན་བྱས་ནས་ནུས་ལྡན་བྱ་ཐབས་དང་བྱང་ཆུབ་པའི་ཉམས་མྱོང་དུས་ཐོག་ཏུ་ལམ་ལུགས་ལམ་སྲོལ་དུ་རྩིས་བ། གསར་འགྱུར་དྲིལ་བསྒྲགས་དེ་ཁ་གཏད་རོགས་སྐྱོར་གྱི་ཕན་ནུས་མཐོ་རུ་གཏོང་བའི་བྱ་ཐབས་གཙོ་བོར་གྱུར་ནས།བདེ་ཆེན་ཁུལ་གྱི་རིམ་གཉིས་ཁྲིམས་ཁང་གི་ལས་ཀའི་ཁྱད་ཆོས་དང་ལས་བྱེད་པའི་ཧུར་སྐྱེད་ཡར་བརྩོན་གྱི་རྣམ་པ་གང་ཐུབ་འདོན་དགོས་པའི་བླང་བྱ་བཏོན།

    ལུའོ་ཁྲའོ་ཧྥེང་གིས་ཤིས་ཚིག་གནང་སྐབས།བདེ་ཆེན་གྱིས་ཐེངས་འདིའི་ཚོགས་འདུའི་དགོངས་དོན་ནན་པོའི་ངང་ལག་བསྟར་དོན་འཁྱོལ་བྱས་ནས་བདེ་ཆེན་གྱི་ཁྲིམས་ཁང་ལས་ཀར་འགོ་ཁྲིད་བྱེད་ཤུགས་ཕྱོགས་ཡོངས་ནས་ཆེ་རུ་གཏོང་བ་དང་།ཁྲིམས་ཁང་ལས་ཁུངས་ཀྱིས་ཁྲིམས་མཐུན་རང་འགན་གཙང་སྒྲུབ་ལ་་ཕྱོགས་ཀུན་ནས་རོགས་སྐྱོར་བྱེད་ནས་སྤྱི་ཚོགས་རིང་ལུགས་དེང་རབས་ཅན་གྱི་བདེ་ཆེན་གསར་པ་འཛུགས་པར་ཞུབས་འདེགས་ཞུ་བའི་ཁྲོད་བྱས་རྗེས་གསར་པ་མངོན་དགོས།

ཚོགས་འདུ་ནི་ཡུན་ནན་ཆེས་མཐོའི་ཁྲིམས་ཁང་གི་ཏང་ཙུའུ་ཧྲུའུ་ཅི་གཞོན་པ།རྒྱུན་ལྡན་ལས་དོན་གྱི་ལས་བགོས་ཡོན་ཀྲང་གཞོན་པ་ཞང་ཁའེ་ཡིས་གཙོ་སྐྱོང་བྱས།ཡུན་ནན་ཆེས་མཐོའི་ཁྲིམས་ཁང་གི་ཏང་ཙུའུ་ཁོངས་མི།ཆབ་སྲིད་པུའུ་ཡི་ཀྲུའུ་རེན་ཀྲིན་ཕིང་།རང་ཁུལ་    འགོ་ཁྲིད་ཕེང་ཧྲན།མིའོ་ཡིའུ་ཧྥ།ཁྲིན་ཆོན།ཞའོ་ཞུས།ཡུས་ཀུའེ་ཧྥེན་ཚོགས་འདུར་ཞུགས།