​བདེ་ཆེན་ཁུལ་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་བགྲོ་གླེང་འཛིན་གྲྭ་སློབ་འགོ་ཚུགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11པའི་ཚེས་6ཉིན།  བདེ་ཆེན་ཁུལ་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་བགྲོ་གླེང་འཛིན་གྲྭ་སེམས་ཀྱི་ཉི་ཟླ་གྲོང་ཁྱེར་དུ་སློབ་འགོ་ཚུགས་པ།ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་སློབ་འགོ་ཚུགས་པའི་འཛིན་གྲྭ་སྐུལ་སློང་དང་ཆེད་དོན་ཟུར་ཁྲིད་གནང་བ། ཁོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་གཏིང་ཟབ་བྱེད་པ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་རྒྱུས་ལོན་ཟབ་པོ་བྱས་ནས་ཕྱོགས་ཡོངས་ནས་ལག་བསྟར་བྱས་ཏེ། བསྒྱུར་བཅོས་འགག་སྒྲོལ་གྱི་ནུས་པ་དང་ཆུ་ཚད་ནན་པོའི་ངང་མཐོ་རུ་གཏོང་ཞིང་ཀྲུང་གོའི་ལུགས་ཀྱི་དེང་རབས་ཅན་གྱི་བདེ་ཆེན་ལག་བསྟར་གྱི་ལེའུ་གསར་པ་ཡག་པོ་རྩོམ་དགོས་པའི་ནན་བཤད་གནང་།

    ཁུལ་ཨུའི་ཧྲུའུ་ཅི་གཞོན་པ་ལི་ཡན་ལན་གྱིས་སློབ་འགོ་ཚུགས་པའི་འཛིན་གྲྭ་གཙོ་སྐྱོང་གནང་། 

    ལུའོ་ཁྲའོ་ཧྥེང་གིས་མིག་སྔར་བདེ་ཆེན་གྱི་འཕེལ་རྒྱས་སྲིད་ཇུས་བརྩེགས་སྣོན་བྱེད་པའི་གོ་སྐབས་སུ་གནས་པ་དང་། སྤྱི་ཚོགས་སྤྱི་ཡོངས་ཡུན་རིང་བདེ་འཁོར་མངོན་འགྱུར་བྱུང་བའི་སྐུལ་འདེད་ཀྱི་དུས་སྐབས་སུ་སླེབས་པ། དཔལ་འབྱོར་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ཀྱི་རིགས་སྒྱུར་སྐབས་སུ་གནས་པས །ངེས་པར་དུ་བསྒྱུར་བཅོས་དེ་འགག་རྩའི་བྱེད་ཐབས་ཡག་པོ་སྤྱོད་དེ་ བསྒྱུར་བཅོས་སླར་ཡང་འགོ་རྩོམ་པའི་པའི་གོ་སྐབས་གལ་ཆེན་དམ་འཛིན་ནན་པོ་བྱས་ནས་སྒྱུར་བཅོས་ཀྱི་དུས་བབ་དང་བསྟུན་པ། སྒྱུར་བཅོས་ཀྱི་སྟོབས་ཤུགས་ལ་བརྟེན་ནས་ཞན་ཆ་གསབ་རྒྱུར་དམ་འཛིན་བྱེད་པ་དེ་བས་འཐུས་སྒོ་ཚང་བའི་ལམ་ལུགས་དང་ལམ་སྲོལ་ལ་བརྟེན་ནས་ཉེན་ཁ་སྔོན་འགོག་དང་སེལ་བ། འགྲན་སློང་ལ་ཁ་གཏད་ནུས་ལྡན་བཅག་སྟེ་སྤུས་ཚད་མཐོ་བའི་འཕེལ་རྒྱས་ཀྱི་སྒུལ་ནུས་གསར་པ་སྐུལ་སློང་བྱས་ནས་ཁུལ་ཡོངས་ཀྱི་བརྟན་ལྷིང་དང་འཕེལ་རྒྱས། སྐྱེ་ཁམས། མཐའ་མཚམས་བརྟན་འཇགས་བཅས་དོན་ཆེན་བཞི་བརྟན་བགྲོད་རྒྱང་འཁྱོལ་ལ་སྐུལ་འདེད་གཏོང་དགོས་ཞེས་བསྟན།

    ལུའོ་ཁྲའོ་ཧྥེང་གིས་སྒྱུར་བཅོས་ཟབ་སྤེལ་ལ་བརྟེན་ནས་བློ་བརྟན་འགྱུར་མེད་ངང་རྒྱལ་ཁབ་ཀྱི་བདེ་འཇགས་དང་སྤྱི་ཚོགས་བརྟན་ལྷིང་སྲུང་སྐྱོང་བྱས་ནས་ཆུ་ཚད་དེ་བས་མཐོ་བའི་དུས་བདེ་བདེ་ཆེན་འཛུགས་སྐྲུན་ལ་སྐུལ་འདེད་གཏོང་དགོས། བསྒྱུར་བཅོས་ཟབ་སྤེལ་ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་མགྱོགས་པོ་བཏང་ནས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་གནོད་པའི་ལམ་ལུགས་ལམ་སྲོལ་གྱི་གནད་དོན་ནན་ཏན་གྱིས་ཐག་གཅོད་བྱེད་དགོས། བསྒྱུར་བཅོས་ཟབ་སྤེལ་ལ་བརྟེན་ནས་ཡུན་ནན་ནུབ་བྱང་གི་སྐྱེ་ཁམས་བདེ་འཇགས་འགོག་སྲུང་བཅད་ཁུལ་བརྟན་པོ་བཙུགས་ནས་བདེ་ཆེན་ས་མཐོའི་སྐྱེ་ཁམས་ཁོར་ཡུག་སྲུང་སྐྱོང་ཡག་པོ་བྱེད་དགོས། བསྒྱུར་བཅོས་ཟབ་སྤེལ་ལ་བརྟེན་ནས་ཏང་གི་སྲིད་འཛིན་རྨང་གཞི་བརྟན་པོར་བཏང་ནས་ནན་ཏན་གྱིས་དམངས་འཚོ་འགན་སྲུང་དང་ལེགས་སུ་གཏོང་དགོས་ཞེས་ནན་བཤད་གནང་།

    ལུའོ་ཁྲའོ་ཧྥེང་གིས་ཁུལ་ཡོངས་རིམ་ཁག་གི་འགོ་ཁྲིད་ལས་བྱེད་པས་རང་འགུལ་ངང་སྲིད་ཇུས་སློབ་སྦྱོང་ཞིབ་འཇུག་བྱས་ནས་སྲིད་ཇུས་ཀྱི་ཕན་ནུས་ཕན་འབྲས་ཐོན་རྒྱུའི་འགན་ལེན་བྱེད་དགོས། སྒྲིག་ཁྲིམས་དང་སྒྲིག་སྲོལ་གྱི་འདུ་ཤེས་དང་ལས་སྒྲུབ་ལས་གཏོད་ཀྱི་སྙིང་སྟོབས་ཆེ་རུ་ཤུགས་ཆེན་བཏང་ནས་འགན་འཁྲི་འཁུར་ཕོད་པའི་བྱང་ཚད་མཐོ་བའི་ལས་བྱེད་པའི་རུ་ཁག་ཅིག་མགྱོགས་མྱུར་འཛུགས་སྐྱོང་བྱེད་དགོས་ཞེས་ནན་བཤད་གནང་།

    ཤེས་རྟོགས་བྱུང་བར་གཞིགས་ན། ཁུལ་ཨུའི་གཅིག་གྱུར་བཀོད་སྒྲིག་ལྟར་གསོ་སྦྱོང་འཛིན་གྲྭ་དུས་རིམ་4ལ་བགོས་ནས་ཁུལ་དོ་དམ་ཁྲུའུ་རིམ་པའི་འགོ་ཁྲིད་ལས་བྱེད་པ་(འགན་རིམ་ལས་བྱེད་པ་ཚུད་)དང་།ཤང་(གྲོང་རྡལ)ཁག་གི་ཏང་སྲིད་ཀྱི་འགོ་ཁྲིད་རྒན་པ་དང་ཁུལ་རིམ་པའི་སྡེ་ཁག་གི་ཁོའོ་རིམ་པའི་ལས་བྱེད་པ་ཁག་ཅིག་རེས་སྐོར་སྦྱོང་བརྡར་བྱ་རྒྱུ་རེད།ཁུལ་འགོ་ཁྲིད་ཁྲེན་ཆུན་འཛིན་གྲྭ་སློབ་འགོ་ཚུགས་པར་ཞུགས། ཁུལ་ཐད་གཏོགས་ཚན་པའི་ཏང་སྲིད་འགོ་ཁྲིད་གཙོ་བོ་དང་ཤང་གྲོང་ཁག་གི་ཏང་ཨུའི་ཧྲུའུ་ཅི་ཐེངས་འདིའི་ཞིབ་བསྡུར་འཛིན་གྲྭར་ཞུགས་པ་རེད།