བདེ་ཆེན་ཁུལ་གྱིས་ཡུས་ཧྲང་ཧོ་མེ་ཚོགས་པ་དང་བཞུགས་མོལ་ཚོགས་འདུ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་11པའི་ཚེས་7ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཡུས་ཧྲང་ཧོ་མེ་ཚོགས་པའི་འགོ་རྩོམ་མཁན། ཏུང་ཧྲི་ཀྲང་ཆིའུ་ཝེ་དང་བཞུགས་མོལ་གནང་ནས།ཕྱོགས་གཉིས་ཀས་རིག་གནས་ཡུལ་སྐོར་ཐོན་ལས་མཉམ་ལས་སྐོར་སྤེལ་རེས་གཏིང་ཟབ་གནང་བ།

    ལུའོ་ཁྲའོ་ཧྥེང་གིས་ཆིའུ་ཝེ་དང་བཅས་པ་ཕེབས་པར་དགའ་བསུ་ཞུས། ཁོང་གིས་སེམས་ཀྱི་ཉི་ཟླ་ནི་ཞི་མཐུན་དུས་བདེ་བདེ་ཆེན་ལྡན་པའི་གྲོང་ཁྱེར་ཞིག་ཡིན། སྣོད་བཅུད་ཕུན་སུམ་ཚོགས་པ་དང་ས་ཁམས་གནས་ཡུལ་དམིགས་བསལ་པ། མི་རིགས་རིག་གནས་སྣ་མང་བ། གསར་བརྗེ་རིག་གནས་ཕུན་སུམ་ཚོགས་པ།མི་དམངས་སྤྲོ་སེམས་གཞུང་དྲང་བབ་ཆགས་པ།ཡུལ་སྐོར་ཐོན་ཁུངས་ཕུན་སུམ་ཚོགས་པ། འཕེལ་རྒྱས་ཀྱི་མངོན་མེད་ནུས་ཤུགས་ཆེ་བ།ཉེ་བའི་ལོ་འགའི་རིང་། བདེ་ཆེན་གྱིས་རིག་གནས་ཀྱིས་ཡུལ་སྐོར་གཏོད་པ། ཡུལ་སྐོར་གྱིས་རིག་གནས་མངོན་པ་རྒྱུན་འཁྱོངས་བྱས་ནས། ཁུལ་ཡོངས་དུས་ཡོངས་རྒྱུ་ཆ་ཡོངས་ཀྱི་ཡུལ་སྐོར་གྱི་འཕེལ་རྒྱས་ལ་བརྟེན་ནས་རིག་གནས་ཡུལ་སྐོར་ཐོན་ལས་དེ་ཁུལ་ཡོངས་གཙོ་ཁྲིད་ཐོན་ལས་ཐོག་མར་གྱུར་ཡོད། ལྷག་པར་དུ་ན་ནིང་ཚུན་དུ་སྒུལ་འཁོར་དང་མྱུར་བགྲོད་གཞུང་ལམ་ཤར་གཏོང་ཐོབ་པར་བརྟེན་ནས་བདེ་ཆེན་གྱི་ཡུལ་སྐོར་ཁྲོམ་ར་སླར་གསོ་ཤུགས་ཆེན་བྱུང་ནས་ཡུལ་སྐོར་བ་ཉུང་བའི་དུས་ཚིགས་མི་ཉུང་བ་དང་ཡུལ་སྐོར་བ་མང་བའི་དུས་ཚིགས་དེ་བས་མང་བའི་རྣམ་པ་མངོན་པ་དང་བདེ་ཆེན་གྱི་ཡུལ་སྐོར་སྤུས་ཚད་མཐོ་བའི་སྒོ་ནས་འཕེལ་རྒྱས་འགྲོ་བའི་དུས་སུ་སླེབས་པ་དང་དུས་སུ་སླེབས་ཡོད་ཅེས་བཤད། བདེ་ཆེན་ཁུལ་གྱིས་ཡུས་ཧྲང་ཧོ་མེ་དང་མཉམ་ལས་གཏིང་ཟབ་བྱས་ནས་བདེ་ཆེན་གྱི་ཁྱད་ཆོས་ལྡན་པའི་རིག་གནས་ཡུལ་སྐོར་ཟློས་གར་རྣམ་གྲངས་སྤུས་ལེགས་གཏོད་དེ་བདེ་ཆེན་གྱི་རིག་གནས་ཡུལ་སྐོར་ཐོན་ལས་སྤུས་ཚད་མཐོ་བའི་རིགས་བསྒྱུར་རིམ་སྤར་ལ་སྐུལ་འདེད་མགྱོགས་པོ་གཏོང་དགོས་པའི་རེ་བ་བཏོན།

    ཆིའུ་ཝེ་ཡིས་བདེ་ཆེན་གྱི་རི་ཆུ་ངོ་མཚར་ཆེ་ཞིང་རིག་གནས་དམིགས་བསལ་ཅན། ཡུལ་སྐོར་ཐོན་ལས་ཕུན་སུམ་ཚོགས་པ།རིག་གནས་གཏིང་ཟབ་ཏུ་སྔོག་འདོན་དང་ཐོན་ལས་བསྒྱུར་བའི་ཐད་རྒྱ་ཆེའི་ཁྲོམ་ར་ཡོད། ཡུས་ཧྲང་ཧོ་མེ་ཚོགས་པས་ཚད་མཐོའི་མཐོང་ཆེན། ཡིད་ཆེས་བརྟན་པོ། བློ་ཐག་གཅོད་པ། འཇོན་མི་གཅིག་བསྡུས་བཅས་བྱས་ནས་འབྲེལ་ཡོད་མཉམ་ལས་རྣམ་གྲངས་མགྱོགས་སུ་སྐུལ་འདེད་གཏོང་རྒྱུ། ཚོགས་པས་ཇུས་འགོད།དངུལ་འཇོག   འཛུགས་སྐྲུན། བདག་གཉེར་ཐད་ཤུགས་བསྣན་ནས་བདེ་ཆེན་གྱི་ལོ་རྒྱུས་རིག་གནས།མི་རིགས་རིག་གནས། རང་བྱུང་སྐྱེ་ཁམས་ཐོན་ཁུངས་ཡག་པོ་སྤྱོད་པ། རྒྱུན་མཐུད་ཆོག་པའི་རིག་གནས་IPགཏོད་དེ། བདེ་ཆེན་རིག་གནས་ཡུལ་སྐོར་ཐོན་ལས་འཁོར་འབྲེལ་ཡོངས་མཐུད་སྦྲེལ་འཕེལ་རྒྱས་དང་འཛམ་གླིང་གི་“སེམས་ཀྱི་ཉི་ཟླ”སྤུས་རྟགས་རིན་ཐང་མཐོ་རུ་གཏོང་བར་རོགས་སྐྱོར་བྱེད་རྒྱུ་ཞེས་བསྟན།

    ཁུལ་འགོ་ཁྲིད་དབྱང་ཙི་ཅང་། ཁྲིན་ཆོན། ལིན་ཧའོ། ཁུལ་རིམ་འབྲེལ་ཡོད་སྡེ་ཚན་གྱི་འགན་འཁུར་བ་བཞུགས་མོལ་ཚོགས་འདུར་ཞུགས།