​ལུའོ་ཁྲའོ་ཧྥེང་གིས་ཀྲུང་གོ་ཆུ་བེད་ཆུ་གློག་ལས་གྲྭ་་ཅུས་དང་པོའི་ཚད་ཡོད་ཀུང་སིའི་ཏང་ཨུའི་ཧྲུའུ་ཅི་གཞོན་པ།སྤྱི་ཁྱབ་ཅིན་ལིན་ཀྲང་ཧྲུའུ་ཆི་དང་མཇལ་འཕྲད་གནང་།

རྩོམ་པ་པོ།     ཡིག་བསྒྱུར།       དུས་ཚོད།   2024-11-08   རྩོམ་ཁུངས།   

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་11པའི་ཚེས་8ཉིན་གྱི་སྔ་དྲོར། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་ཀྲུང་གོའི་ཆུ་བེད་ཆུ་གློག་ལས་གྲྭ་ཅུས་དང་པོའི་ཚད་ཡོད་ཀུང་སིའི་（གཤམ་དུ་ཆུ་གློག་ཅུས་དང་པོ་ཟེར）ཏང་ཨུའི་ཧྲུའུ་ཅི་གཞོན་པ།སྤྱི་ཁྱབ་ཅིང་ལིན་ཀྲང་ཧྲུའུ་ཆི་དང་བཅས་པ་ལ་མཇལ་འཕྲད་གནང་བ་དང་ཕྱོགས་གཉིས་ཀྱིས་ལྗང་མདོག་ནུས་ཁུངས་སོགས་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་རྒྱུ་སྐོར་སྤེལ་རེས་བྱས།

    ལུའོ་ཁྲའོ་ཧྥེང་གིས་ལྗང་མདོག་ནུས་ཁུངས་ནི་བདེ་ཆེན་གྱི་གཙོ་རྐང་ཐོན་ལས་གྲས་ཤིག་ཡིན་པ་དང་མིག་སྔར་རང་ཁུལ་གྱིས་འབྲི་ཆུ་དང་རྫ་ཆུ་འབབ་རྒྱུད་ལ་ཆུ་གློག་རྣམ་གྲངས་མང་ཙམ་འཛུགས་ཡོད་པའམ་འཛུགས་པ་དང་ཉེ། ལྗང་མདོག་ནུས་ཁུངས་ཐོན་ལས་དེ་མིན་མ་འོངས་པར་གཞུང་ལམ་འཛུགས་སྐྲུན། རྣམ་པ་གསར་པའི་གྲོང་རྡལ་ཅན་སོགས་ཀྱི་ཐད་རྣམ་གྲངས་དགོས་མཁོ་མང་ཙམ་ཡོད་པ་དང་མཉམ་ལས་བར་སྟོང་རྒྱ་ཆེན་པོ་ཡོད། ཆུ་གློག་ཅུས་དང་པོའི་ཆེད་ལས་ལག་རྩལ་དང་མ་དངུལ་དངོས་ཤུགས་མཐོ་པོ་ལྡན། ཁེ་ལས་ཁྲིམས་མཐུན་སྒྲིག་མཐུན་ངང་རང་ཁུལ་འབྲེལ་ཡོད་རྣམ་གྲངས་ཀྱི་འཛུགས་སྐྲུན་དུ་ཞུགས་རྒྱུར་དགའ་བསུ་ཞུ།

    ཀྲང་ཧྲུའུ་ཆི་ཡིས་ཆུ་གློག་ཅུས་དང་པོས་རྒྱལ་ཁབ་མང་ཙམ་གྱི་གལ་ཆེའི་ཆུ་གློག་རྣམ་གྲངས་འཛུགས་སྐྲུན་བྱེད་འགན་འཁུར་མྱོང་བ་དང་བདེ་ཆེན་ལ་ད་དུང་མཉམ་ལས་རྣམ་གྲངས་ཡོད་པ་དང་སྐུལ་འདེད་གཏོང་བཞིན་ཡོད་པས།ཕྱོགས་གཉིས་ཀྱི་མཉམ་ལས་རྨང་གཞི་ལེགས་པ། ཁེ་ལས་ཀྱིས་བདེ་ཆེན་ཁྲོམ་རར་མཐོང་ཆེན་བྱེད་ཡོད་པ་དང་རང་ངོས་ཀྱི་ལེགས་ཆ་འདོན་སྤེལ་མུ་མཐུད་བྱེད་དེ་བདེ་ཆེན་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་སྟོབས་ཤུགས་འབུལ་རྒྱུ་ཡིན་ཞེས་བཤད།

    ཁུལ་ཨུའི་རྒྱུན་ཨུ། རྒྱུན་ལས་ཁུལ་དཔོན་གཞོན་པ་དབྱང་ཞུའེ་ཝུན་གྱིས་རང་ཁུལ་འབྲེལ་ཡོད་རྣམ་གྲངས་ཀྱི་གནས་ཚུལ་མཚམས་སྦྱོར་བྱས། ཁུལ་ཐད་གཏོགས་འབྲེལ་ཡོད་སྡེ་ཚན་གྱི་འགན་འཁུར་བ་མཇལ་འཕྲད་དུ་ཕེབས།


分享到：QQ空间新浪微博腾讯微博人人网微信