ལུའོ་ཁྲའོ་ཧྥེང་སུམ་རྩེན་གླིང་དུ་བརྟག་ཞིབ་གནང་བར་ཕེབས།

རྩོམ་པ་པོ།     ཡིག་བསྒྱུར།       དུས་ཚོད།   2024-11-10   རྩོམ་ཁུངས།   

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་11ཚེས་8ཉིན།ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་གིས་སུམ་རྩེན་གླིང་དུ་རྟག་ཞིབ་གནང་སྐབས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་དང་ཏང་གི་ཚོགས་ཆེན་ཉི་ཤུ་པའི་དགོངས་དོན་དང་རྒྱལ་ཡོངས་ཀྱི་ཆོས་ལུགས་ལས་དོན་ཚོགས་འདུའི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ་དུས་རབས་གསར་པའི་རང་རྒྱལ་གྱི་ཆོས་ལུགས་ཀྲུང་གོ་ཅན་གྱི་བདེ་ཆེན་ལག་ལེན་གཏིང་ཟབ་དང་ཏན་ཏིག་ངང་སྤེལ་རྒྱུར་སྐུལ་འདེད་གཏོང་བ་དང་ཁུལ་ཡོངས་ཀྱི་བོད་བརྒྱུད་ནང་བསྟན་སྐྱོན་བྲལ་ངང་རྒྱུན་འཛིན་ཐུབ་རྒྱུར་སྐུལ་འདེད་གཏོང་དགོས་པའི་ནན་བཤད་གནང་།


    ཁུལ་ཨུའི་ཧྲུའུ་ཅི་ཕེང་ཧྲང་རྟག་ཞིབ་ཏུ་ཞུགས།

    རྟག་ཞིབ་ཏུ་ལུའོ་ཁྲའོ་ཧྥེང་གིས་ས་གནས་ས་ཐོག་ཏུ་སུམ་རྩེན་གླིང་གི་ཆོས་ལུགས་བྱེད་སྒོ་ཚད་ལྡན་དོ་དམ་དང་མེ་སྐྱོན་འགོག་གསོད་བདེ་འཇགས་ལས་དོན་སོགས་ཀྱི་གནས་ཚུལ་ལ་གཟིགས་ཞིབ་དང་ཤེས་རྟོགས་ཞིབ་ཕྲ་གནང་བ་དང་དགོན་སྡེ་དོ་དམ་ཅུས་དང་སུམ་རྩེན་གླིང་གི་དམངས་གཙོ་དོ་དམ་ཨུ་ལྷན་སོགས་འབྲེལ་ཡོད་མི་སྣ་དང་བཞུགས་མོལ་གནང་བ། ཁོང་གིས་བོད་བརྒྱུད་ནང་བསྟན་ལས་རིགས་ཀྱིས་རྒྱལ་གཅེས་ཆོས་གཅེས་ཀྱི་བསམ་བློའི་གོ་རྟོགས་སྔར་བས་མཐོ་རུ་བཏང་ནས་སྣོད་བཅུད་ཁོར་ཡུག་སྲུང་སྐྱོང་གི་ཆོས་ལུགས་བྱེད་སྒོ་སྤེལ་ཡུལ་ཧུར་ཐག་བསྐྲུན་དགོས་དང་། འབྲེལ་ཡོད་སྡེ་ཚན་གྱིས་དམངས་འཚོ་འགན་ལེན་གྱི་ལས་དོན་ཡག་པོ་བསྒྲུབས་ནས་ཁུལ་ཡོངས་ཀྱི་ཆོས་ལུགས་ཞི་མཐུན་དང་སྤྱི་ཚོགས་ཞི་མཐུན་གྱི་རྣམ་པ་བཟང་པོ་རྒྱུན་མཐུད་ངང་སྲ་བརྟན་དུ་གཏོང་དགོས་པའི་ནན་བཤད་གནང་།

    ཉིན་དེར་ལུའོ་ཁྲའོ་ཧྥེང་གིས་ད་དུང་ས་གནས་ས་ཐོག་ཏུ་ལྗོངས་ཁུལ་གྱི་ཡུལ་སྐོར་བར་སྣེ་ལེན་དང་། རྨང་གཞི་སྒྲིག་ཆས་འཛུགས་སྐྲུན། ཞབས་འདེགས་འགན་ལེན་སོགས་ལས་ཀར་གཟིགས་ཞིབ་དང་ཤེས་རྟགས་གནང་། ཁོང་གིས་ལས་ཀའི་འགན་འཁྲི་ནན་དུ་གཏོང་བ་དང་སྤུས་ཚད་མཐོ་བའི་སྒོ་ནས་འཛུགས་སྐྲུན་རྣམ་གྲངས་ལེགས་སྒྲུབ་བྱས་ཏེ་ཡུལ་སྐོར་བའི་ཉམས་ལེན་ཚོར་སྣང་དང་བློ་ཡིད་ཚིམ་ཚད་རྒྱུན་ཆད་མེད་པར་མཐོ་རུ་བཏང་ནས་རིག་གནས་ཡུལ་སྐོར་ཐོན་ལས་སྤུས་ཚད་མཐོ་བའི་སྒོ་ནས་འཕེལ་རྒྱས་འགྲོ་རྒྱུར་རོགས་རམ་བྱེད་དགོས་པའི་བླང་བྱ་བཏོན་པ།

    ཁུལ་འགོ་ཁྲིད་དབྱང་ཙི་ཅང་།ཁྲོན་ཆོན། ཞུང་ཝེ་པིང་། པའོ་ཡུས་ཏུང་། ཁུལ་རིམ་འབྲེལ་ཡོད་འགན་འཁུར་མི་སྣ་རྟིག་ཞིབ་ཏུ་ཞུགས།


分享到：QQ空间新浪微博腾讯微博人人网微信