ལུའོ་ཁྲའོ་ཧྥེང་སེམས་ཀྱི་ཉི་ཟླ་གྲོང་ཁྱེར་དུ་ཕེབས་ནས་དབུལ་སྒྲོལ་འགག་སྒྲོལ་དང་གྲོང་གསེབ་དར་རྒྱས་འབྲེལ་བ་ནུས་ལྡན་མཐུད་པ་བརྟན་པོ་དང་རྒྱ་སྐྱེད་ལས་ཀར་རྟོག་ཞིབ་གནང་།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11པའི་ཚེས་11ཉིན། ཁུལ་ཨུའི་ཧྲུའུ་ཅི་ལུའོ་ཁྲའོ་ཧྲེང་གིས་རུ་སྣེ་ཁྲིད་དེ་སེམས་ཀྱི་ཉི་ཟླ་གྲོང་ཁྱེར་དུ་དབུལ་སྒྲོལ་འགག་སྒྲོལ་དང་གྲོང་གསེབ་དར་རྒྱས་འབྲེལ་བ་ནུས་ལྡན་མཐུད་པ་བརྟན་པོ་དང་རྒྱ་སྐྱེད་ལས་ཀར་རྟོག་ཞིབ་གནང་།ལུའོ་ཁྲའོ་ཧྥེང་གིས་ཞིང་པའི་ཡོང་སྒོར་འཕར་བ་གཙོ་རྐང་དུ་དམིགས་ནས་དབུལ་སྒྲོལ་འགག་སྒྲོལ་དང་གྲོང་གསེབ་དར་རྒྱས་འབྲེལ་བ་ནུས་ལྡན་མཐུད་པ་བརྟན་པོ་དང་རྒྱ་སྐྱེད་ལས་ཀ་མུ་མཐུད་ཡག་པོ་བྱས་ནས།ཐོན་ལས་དར་སྤེལ། སྐྱེ་ཁམས་འཚོ་སྡོད་རུང་བ། ཡུལ་སྲོལ་བཟང་བ།བཅོས་སྐྱོང་ཕན་སྨིན་ཆེ་བ།འཚོ་བ་འབྱོར་ཞིང་ཕྱུག་པའི་གྲོང་གསེབ་འབད་བརྩོན་གྱིས་འཛུགས་སྐྲུན་བྱེད་དགོས་པའི་ནན་བཤད་གནང་།

    ཁུལ་ཨུའི་ཧྲུའུ་ཅི་གཞོན་པ་ལི་ཡན་ལན་རྟོག་ཞིབ་ཏུ་ཞུགས།

        ལུའོ་ཁྲའོ་ཧྥེང་དང་བཅས་པས་སྔ་རྗེས་སུ་སྐད་ཚགས་ཤང་དང་།རྒྱལ་ཐང་གྲོང་རྡལ། ཡང་ཐང་གྲོང་རྡལ་གྱི་ཡུལ་དངོས་སུ་ཞིང་པའི་ཆེད་ལས་མཉམ་ལས་ཁང་གི་འཁོར་སྐྱོད་དང་ཁྱད་ལྡན་ཐོན་ལས་འཕེལ་རྒྱས། གྲོང་གསེབ་ཡུལ་སྐོར་རྣམ་གྲབས་སྐུལ་འདེད་གཏོང་བ་སོགས་གནས་ཚུལ་ལ་ཡུལ་དངོས་སུ་རྟོག་ཞིབ་གནང་ནས་ཞིང་དུད་འགར་འཚམས་འདྲི་ཞུས་པ་དང་ཡོང་སྒོར་འཕར་བའི་གནས་ཚུལ་ཤེས་རྟོགས་གནང་།

    ལུའོ་ཁྲའོ་ཧྥེང་གིས་ས་གནས་ཁག་གིས་ཞིང་པའི་ཆེད་ལས་མཉམ་ལས་ཁང་གསོ་སྐྱོང་བྱས་ནས་མང་ཚོགས་ཡོང་སྒོར་འཕར་བར་སྣེ་ཁྲིད་བྱེད་དགོས། སྤུས་རྟགས་འདུ་ཤེས་བཙུགས་ནས་ཚོང་རའི་འགྲན་རྩོད་ནུས་ཤུགས་མཐོ་རུ་གཏོང་དགོས།ཐོན་ལས་ཀྱིས་གྲོང་གསེབ་དར་རྒྱས་ཐད་ཀྱི་རོགས་སྐྱོར་ནུས་ཤུགས་མཐོ་ཏུ་བཏང་ནས་ཁྱད་ལྡན་ཐོན་ལས་འཕེལ་རྒྱས་ལེགས་སུ་གཏོང་དགོས། རྒྱལ་ཁབ་སྲིད་ཇུས་ཡག་པོ་སྤྱད་ནས་སྣེ་ཁྲིད་ཁེ་ལས་ལ་རོགས་སྐྱོར་བྱེད་པ་དང་སྣེ་ཁྲིད་ཁེ་ལས་ཀྱིས་ཁྱད་ལྡན་ཐོན་ལས་འཕེལ་རྒྱས་ལ་ཁྲིད་དགོས། ཞིང་པའི་ཡོང་སྒོར་འཕར་བ་གཙོ་རྐང་དུ་དམིགས་ནས་ཞིང་པའི་ཡོང་སྒོར་འཕར་ལམ་རྒྱ་ཆེར་སྐྱེད་དགོས། གྲོང་གསེབ་དར་རྒྱས་ཁྱབ་ཁོངས་ཀྱི་ཚུར་ལེན་གནད་དོན་དག་ཐེར་དམ་འཛིན་བྱས་ནས་གནད་དོན་དག་ཐེར་གྱིས་ལས་ཀ་ཡོངས་ཀྱི་སྤུས་ཚད་མཐོ་རུ་གཏོང་བར་སྐུལ་འདེད་གཏོང་དགོས་ཞེས་བསྟན།

    སྐབས་དེར་ལུའོ་ཁྲའོ་ཧྥེང་གིས་ནགས་ཚལ་མེ་འགོག་ལས་ཀའི་གནས་ཚུལ་ལ་རྟོབ་ཞིབ་གནང་བ། ལུའོ་ཁྲའོ་ཧྥེང་གིས་མིག་སྔར་ནགས་ཚལ་མེ་འགོག་དུས་ཚིགས་སུ་སླེབས་ཡོད་པས།རིམ་ཁག་སྡེ་ཚན་སོ་སོས་འགན་ལེན་ཕྱོགས་ཡོངས་ནས་འཁུར་བ་དང་དྲ་མིག་ཅན་གྱི་དོ་དམ་སྲུང་སྐྱོང་མ་ལག་འཐུས་ཚང་བཏང་སྟེ་ནགས་ཚལ་མེ་འགོག་གི་བཀག་དངོས་བརྟན་པོ་འཛུགས་དགོས་པའི་ནན་བཤད་གནང་།

    ཁུལ་འགོ་ཁྲིད་ཁྲིན་ཆོན། ཁུལ་ཞིང་ལས་གྲོང་གསེབ་ཅུས། སེམས་ཀྱི་ཉི་ཟླ་གྲོང་ཁྱེར་སྲིད་གཞུང་གི་འགན་འཁུར་བ་གཙོ་བ་རྟོག་ཞིབ་ཏུ་ཕེབས།