ཁུལ་ཡོངས་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་རྒྱུ་དེ་དང་གྲོང་གསེབ་དར་རྒྱས་གཏོང་རྒྱུ་འབྲེལ་མཐུད་ནུས་ལྡན་བྱ་རྒྱུའི་ལས་ཀར་སྐུལ་འདེད་གཏོང་བའི་ཚོགས་འདུ་འཚོགས་པ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་11པའི་ཚེས་12ཉིན། ཁུལ་ཡོངས་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་རྒྱུ་དེ་དང་གྲོང་གསེབ་དར་རྒྱས་གཏོང་རྒྱུ་འབྲེལ་མཐུད་ནུས་ལྡན་བྱ་རྒྱུའི་ལས་ཀར་སྐུལ་འདེད་གཏོང་བའི་ཚོགས་འདུ་འཚོགས་པ། ཚོགས་འདུའི་ཐོག་“ཞིང་གསུམ”ལས་ཀའི་སྐོར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་རྣམ་བཤད་དང་རྒྱལ་ཡོངས་ཞིང་ཆེན་ཡོངས་ཉེ་དུས་ཀྱི་འབྲེལ་ཡོད་ཚོགས་འདུའི་དགོངས་དོན་ལག་བསྟར་ནན་པོ་བྱས་ནས།དུས་བབ་སྔར་བས་གསལ་རྟོགས་དང་འགན་འཁྲི་སྔར་བས་ཏན་ཏིག་འཁུར་ཞིང་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་རྒྱུ་དེ་དང་གྲོང་གསེབ་དར་རྒྱས་གཏོང་རྒྱུ་འབྲེལ་མཐུད་ནུས་ལྡན་བྱ་རྒྱུའི་ལས་ཀ་ཁག་དམ་འཛིན་བྱེད་དེ་གྲུབ་འབྲས་ཐོབ་པར་བྱེད་དགོས་པའི་ནན་བཤད་གནང་།

    ཁུལ་ཨུའི་ཧྲུའུ་ཅི་ལུའོ་ཁྲའོ་ཧྥེང་ཚོགས་འདུར་ཞུགས་པ་དང་གསུང་བཤད་གནང་བ། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཀྲང་ཝེ་ཏུང་གིས་ཚོགས་འདུ་གཙོ་སྐྱོང་གནང་། ཁུལ་ཨུའི་ཧྲུའུ་ཅི་གཞོན་པ་ལི་ཡན་ལན། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་ཡུས་ཧྲེང་ཞང་། ཁུལ་སྲིད་གྲོས་ཀྱི་ཀྲུའུ་ཞི་མིའོ་ཡིའུ་ཧྥ་ཚོགས་འདུར་ཞུགས།

    ཚོགས་འདུའི་ཐོག་2024ལོའི་ཁུལ་ཡོངས་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་དུ་གཏོང་རྒྱུ་དེ་དང་གྲོང་གསེབ་དར་རྒྱས་གཏོང་རྒྱུ་འབྲེལ་མཐུད་ནུས་ལྡན་བྱ་རྒྱུའི་ལས་ཀར་སྐུལ་འདེད་གཏོང་བའི་གནས་ཚུལ་ཁྱབ་བསྒྲགས་བཏང་བ།

    ཚོགས་འདུའི་ཐོག་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དུ་གཏོང་བ་དང་གྲོང་གསེབ་ཕྱོགས་ཡོངས་ནས་དར་སྤེལ་གཏོང་བ་དེ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་ཏང་ཀྲུང་དབྱང་གིས་སེམས་ཁུར་གནང་བའི་དོན་ཆེན་ཞིག་ཡིན། ཁུལ་ཡོངས་རིམ་ཁག་སྡེ་ཚན་སོ་སོས་ངེས་པར་དུ་ཆབ་སྲིད་ཚུགས་གནས་མཐོ་རུ་བཏང་ནས་དངོས་སུ་མཐོང་ཆེན་དང་བྲེལ་འཚུབ།བྱ་སྤྱོད་བྱེད་པ་དང་ཉམས་སེད་ཐེབས་ཐུབ་པའི་ལངས་ཕྱོགས་དང་བསམ་པ།གཤིས་རྒྱུད། ནུས་ཤུགས་བཅས་ལ་བརྟེན་ནས་གནད་ཆེའི་ལས་ཀར་སྐུལ་འདེད་མགྱོགས་པོར་གཏོང་བ་དང་།ཆད་སྐྱོན་དང་ཞན་ཆ་མེད་པར་གསབ་སྟེ་ལས་ཀ་འདི་ལ་རྟག་ཏུ་བློ་བཟོད་མི་བདེ་བ་དང་བྱ་བ་ཚང་མ་གསལ་པོར་རྟོགས་དགོས་ཞེས་བསྟན།

    ཚོགས་འདུའི་ཐོག་དབུལ་ལོག་དབུལ་བྱུང་འགོག་པའི་ལྟ་ཞིབ་རོགས་སྐྱོར་དམ་འཛིན་ཡག་པོ་བྱས་ནས་རྒྱ་ཁྱོན་ཅན་གྱི་དབུལ་ལོག་དབུལ་བྱུང་མཐའ་ཚད་མི་བྱུང་བར་བརྟན་པོ་སྲུང་དགོས། གྲོང་གསེབ་སྡོད་དམངས་དང་དབུལ་སྒྲོལ་མང་ཚོགས་ཀྱི་ཡོང་སྒོར་འཕར་བར་སྐུལ་འདེད་གཏོང་དགོས། དམིགས་བསལ་ཅན་གྱི་ལས་ཀ་ཡག་པོ་སྒྲུབ་ནས་་“འགན་ལེན་གསུམ”དང་འཐུང་ཆུའི་བདེ་འཇགས་ཆུ་ཚད་མུ་མཐུད་སྲ་བརྟན་དང་མཐོ་རུ་གཏོང་དགོས། རྣམ་གྲངས་འཛུགས་སྐྲུན་དང་མ་དངུལ་སྤྲོད་པར་མགྱོགས་པོར་སྐུལ་འདེད་བཏང་ནས་འབྲེལ་མཐུད་མ་དངུལ་སྤྱོད་པའི་བྱས་འབྲས་གླ་ཆ་མཐོ་རུ་གཏོང་དགོས། གནད་དོན་དག་ཐེར་དམ་འཛིན་ནན་ཏན་བྱས་ནས་གནད་དོན་དག་ཐེར་སོ་སོར་མགྱོགས་པོར་སྐུལ་འདེད་གཏོང་དགོས། རྨང་གཞིའི་ལས་ཀ་དམ་འཛིན་བྱས་ནས་རྩིས་ཁྲ་དང་རྩིས་ཁྲ་མཐུན་པ། རྩིས་དངོས་གཉིས་མཐུན་བྱེད་དགོས་པའི་བླང་བྱ་བཏོན།

    ཚོགས་འདུའི་ཐོག་ཆབ་སྲིད་མཐའ་གཅིག་ཏུ་འགན་ལེན་ནན་པོར་འཁུར་བ། ཁོངས་གཏོགས་ས་ཆའི་ལས་འགན་དང་འགོ་ཁྲིད་ཀྱི་ལས་འགན་ནན་པོར་འཁུར་བ། སྡེ་ཚན་གྱི་བྱེད་པོའི་འགན་འཁྲི་དང་ལྟ་སྐུལ་དོ་དམ་ལས་འགན་ནན་པོར་འཁུར་བ། གྲོང་སྡོད་རོགས་སྐྱོར་ལས་འགན་ནན་པོར་འཁུར་བ། སྐུལ་འདེད་ཞིབ་བཤེར་བྱེད་ཤུགས་ཆེ་རུ་གཏོང་བ། ལས་ཡུལ་དངོས་སུ་ཟབ་ཞུགས་མང་ཙམ་བྱས་ནས་རྟོག་ཞིབ་སྐུལ་ཁྲིད་བྱེད་དེ། གཞི་རིམ་གྱི་གནད་དོན་དངོས་ནན་ཏན་གྱིས་ཐག་གཅོད་རོགས་བྱེད་དགོས་པའི་ནན་བཤད་གནང་བ།

    ཁུལ་འགོ་ཁྲིད་ཁྲིན་ཆུན། དབྱང་ཞའེ་ཝུན། ཞུས་ཀོང་ཏེ་སོགས་ཚོགས་འདུར་ཞུགས། ཚོགས་འདུ་དེ་བརྙན་ལམ་གྱི་ཐོག་ནས་ཤང་（གྲོང་རྡལ）དུ་འཚོགས་པ།